Ostirala, otsailak 11

18:30

Generoaren ikuspegiko zinealdia: "¿Podrás perdonarme algún día?"

Sarrera librea aulkiak bete arte.

19:00

Bertsolaritza: XXI. Abra Sariak

Euskal Herriko sei bertsolari lehiatuko dira barikuan, hilaren 11n, egingo duten Abra Sariaren 21. edizioan. Algortako Azebarri elkartearen kultur txokoan otordu bizkorgarri baten ostean egingo dute, 19:00etatik aurrera. Maider Altuna, Josu Txoperena, Julene Iturbe, Ekain Alegre, Oihan Diaz eta Unai Anda izango dira lehiatuko diren bertsolariak.

20:00

Antzerkia: "Winona & Grace"

"Bi aktore gazte zuzendari ezagun baten etxean esnatuko dira, gauean parrandan ibili ostean; burua nahastuta dute eta apur bat mozkortuta daude oraindik. Apartamentuan bakarrik eta giltzapetuta daudela ohartuko dira. Euren burua patuaren esku uztea erabakiko dute, eta elkarrekin biziko dituzten orduetan nor diren deskubrituko dute, eta guk ere jakingo dugu: munduan leku bat aurkitzeko borrokan ari diren bi emakume...". Winona & Grace antzezlanak aktore izatearen nahiaz eta hori lortzeaz hitz egiten du. "Zer izan nahi dugu?" galdera egitetik "Nor gara?" galdetzera igaroko dira. Helduak izateaz, hautsitako ametsez, etsipenez eta "norbait" izan beharraz ere mintzo da antzezlana. Bidaia horretan, aitorpen, negar, txorakeria, abesti eta barre artean, gure bi protagonistak elkar aurkituko dira. Ainhoa Artetxe eta Graciela Doniz dira Alex Gerediagaren eta Khea Ziater konpainiaren film eszeniko berri honen protagonistak. Khea Ziaterren proposamenek kode eszenikoen eta zinematografikoen arteko harremana bilatzen dute, estetika indartsua eta narratiba berezi eta bereizgarria duen antzerkia sortzeko.

20:30

Korrontzi: "Aita Mari" erreskate-ontziari laguntzeko ongintzazko kontzertua

Korrontzi Aita Marin ontziratu da Mediterraneora bidean bere azken proiektuan. Bidai musikala abiarazten dute urrutiko uretara, ontzi gainean beraien trikitia tonuan jarriz. Portu bakoitzean istorioak eta doinuak biltzen dituzte, baita tradizioak eta kulturak ere, eta itxaropenez beteta dauden itsasontziaren sokak luzatzen dizkiete bizitza berri baten bila doazenei. Musikariak: Korrontzi, Oinkari Dantza Taldea, X. Berasaluze Leturia. Sarrera: 12 euro

21:00

Getxo Kultura Big Rock Café

Etzi, barikuan, Getxo Kultura Big Rock Café lehiaketako talde irabazleen kontzertua hartuko du Algortako Muxikebarri Antzokiak. Kultur Etxeak, Vinilo FM irratiagaz elkarlanean, abian jarritako ekimen horren bitartez bertoko musika taldeak bultzatu gura izan ditu. Hala, emanaldian, Sully Riot (Banda Onenaren saria), Ready Aim Fire (Kantu Onenaren saria), Deep Sea Monk (Emakume kiderekin Banda Onenaren saria) eta Zetalau (Banda Onenaren Saria euskarazko errepertorioagaz) taldeek parte hartuko dute. Kontzertua 21:00etan hasiko da, eta sarrerak salgai daude ohiko saltokietan.