Martxoaren 11n egingo dugu hurrengo bizikleta-irteera, egun hauetan ibilbidea aukeratuko dugu. Animatuz gero, talde irekia da gurea, idatzi (722 789 302, egizugetxo@gmail.com). Ordutegia: 09:00etatik 14:00etara.
Euskarazko Irati eta Momiak filmak ikusgai egongo dira martxoaren 11n, zapatuan, Urdulizko kultur etxean. 18:00etan, Momiak filma hasiko da, eta sarrera 3,6 euroan egongo da, ikusle guztiei zuzenduta. Berriz, Irati pelikula 20:15ean hasiko da, 4,6 euroko prezioagaz. Azken hori, ez dago 16 urtez azpikoentzako gomendatuta.
Romoko Santa Eugenia plazan. Bertako dantza taldeen eskutik, Getxoko plazetara datorkigu herri erromeria hau, dantza ezberdinak erakusteko eta jendea parte hartzera animatzeko asmoz.
Leioako Interprete Gazteen XVII. Cesar Uceda Lehiaketa egingo dute zapatu honetan, hilaren 11n. Egun osoan zehar, talentu handiko hainbat musikari gazte entzuteko aukera egongo da kontserbatorioko auditorioan. Ekitaldi ofiziala eta sari-banaketa 20:00etan egingo dute Kultur Leioan.
Garazi Basterretxea Bareak gidatutako idazketa tailer honetan, partaideek euren testu propioak sortuko dituzte euskal literaturako testuetatik abiatuta eta dinamika ludiko parte-hartzaileen bidez. Partaideei fikziozko lanak sortzeko tresnak emango zaizkie, gura dutenari buruz idatz dezaten. Besteak beste, poemak, ipuinak, eta narrazio laburrak landuko dira. Txokoa mistoa izango da eta testuak eta dinamikak ikuspegi feministatik hautatuko dira. Tailerra hilean behin egingo da, eguenetan 19:30etik 21:00etara, Azebarri Kultura Elkartean (Euskal Herria Kalea, 14, 48991 Getxo, Bizkaia). Hurrengo saioak honakoak dira: martxoaren 2an, apirilaren 20an, maiatzaren 4an, eta ekainaren 1ean. Izen-emateko: 619 93 55 41 / egizugetxo@gmail.com