Ostirala, otsailak 13

19:00

20:00

Dantza plaza Lamiakon

Leioako Udalak "Dantza Plaza 500" egitasmoaren bigarren jardunaldia egingo du bariku honetan, otsailaren 13an, udalerriaren 500. urteurrenaren harira antolatutako programazioaren barruan. 

Hizkuntza: Euskara

20:30

22:00

Zine-kluba: "Aro berria"

Zinemagileak ikerketa prozesu luze baten ondorioz aurkitutako artxiboko irudien birsorkuntza fidela proposatuko du filmak, iraganari begiratuz etorkizuna aldatu daitekeela sinetsiz. Hala, ariketa meta-zinematografikoa bere gain hartuko du filmak, normatibotasunetik alde eginez, istorioan jorratuko diren eztabaidak zinemaren lengoaiara ekarriz.

Hizkuntza: Euskara

18:00

Erandioko inauterietarako prest?

Otsailaren 13, 14 eta 15ean ospatuko dira aurtengo Erandioko inauteriak, eta herria jai giroz beteko da. Egunotan zehar askotariko jarduerak prestatu dira: mozorroak, kale animazioa, ikuskizunak eta topagune dibertigarriak adin guztientzat. Begiratu egitaraua eta antolatu zure plana!

18:00

Barrikako inauteriak

Otsaila heltzeagaz batera, inauterien giroak Barrika hartu du, eta daborduko prest dago barrikoztarrak hilaren 13an eta 15 elkartuko dituen programa. Aurten, azoka, umeentzako tailerrak eta ohiko torrada lehiaketa izango dituzte, besteak beste.

20:00

Sopelako inauteriak

Sopelako kaleak inauteri-giroz beteko dituzte hilaren 13tik 17ra bitartean, Urgietxeta plazan. Umorezko ikuskizunak, azoka, maskarada, txaranga eta mozorro-lehiaketa izango dira egitarauaren ardatz nagusiak, publiko guztientzako proposamenakaz.

21:00

Berangoko inauteriak hemen dira!

Badatoz Inauteriak, eta aurten ere Berango kolorez, musikaz eta mozorroz beteko da! Aurtengo gaia Prehistoria izango da, beraz atera mamutak, kobazuloak eta lehen gizakien irudimena kalera. Otsailaren 13 eta 14 bitartean, lagunekaz, familian edo koadrilan, giro onean ospatzeko egunak izango dira. Prestatu mozorroak eta animatu parte hartzera!