Munduko Arrozak

2017/09/16 9etatik 19etara

San Nikolas plaza | Getxo

Getxoko Munduko Arrozak Jai herrikoi eta parte hartzailea da. Honen bidez kulturartekotasuna sustatu eta Getxoko pertsonen, taldeen eta eragile sozialen arteko interrelazioa landu gura dugu, batez ere beste herrialdeetatik heldu diren lagunak kontuan izanik. Jai-egunean zehar besteak beste: umeentzako jolasak, musika emanaldiak, aldarrikapen-kalejira, eta ekintza nagusia: arroza osagai nagusi izango duen herri-bazkaria (parte hartuko duen talde bakoitzak prestatuko dutena). Herrian bertan elkartzeko jaia da, espazioa eta bizipenak konpartitzeko eta elkar hobeto ezagutzeko. Jarduera hau Getxon, lehenengoz, irailaren 16an ospatuko dugu San Nikolas plazan, baina hamar urte baino gehiagoko ibilbidea du gertuko herri eta auzo hauetan: Bilbo, Gernika, Durango, Otxarkoaga, Gasteiz, Donostia… 2004an jaio zen Bilbo Zaharra, San Frantzisko eta Zabala auzoetan, mundu guztiarentzako lekua dagoen jai honen arrakastaren gakoak aniztasunean eta giro onean datza, jarrera bortitz, xenofobo, sexista edota homofoborik ez dugu onartuko bertan. Gehiago jakiteko: http://mundukoarrozak.info/getxo/

  Iritzia 2016-07-31 23:51

Tesalonikan ez zen bidaia amaitu

Erabiltzailearen aurpegia Arantza Gutierrez

Tesalonikan ez zen bidaia amaitu

Uztailaren 15etik 25era 120 euskal herritarrok, horietako bost Getxokoak, Greziarako karabanan parte hartu genuen Europako politika migratzaileak salatu, pertsona errefuxiatuekiko elkartasuna adierazi eta emakume errefuxiatuek jasaten duten indarkeria bikoitza ikusgai jartzea helburu zuen bidai batean. Hamar mila baino kilometro gehiago egin genituen autobusez Tesalonikan helmuga baino hasiaerapuntua izan zuen bidai berezi batean...

2016-07-01 09:59

Greziara goaz!!!

Erabiltzailearen aurpegia Arantza Gutierrez

Bagoaz, Getxotik, Bizkaitik, Hego Euskal Herritik, estatuko zein Europako beste herrietatik etorritako milaka pertsonekin. Ez goaz oporretan. Ozen eta argi esango diogu Europari mugak ireki ditzan. Errfuxiatuak etxean, plazan, Euskal Herrian ere nahi ditugula. Horregatik, uztailaren 15ean abiatuko gara Bilboko San Nikolasetik Tesalonikarantz, Greziarako karabanan.

  Iritzia 2016-03-18 14:09

Udaltzaingoa, euskaraz!!!

Erabiltzailearen aurpegia Arantza Gutierrez

Asteartean batzordean Udaltzaingoaren 2015eko memoria aurkeztu ziguten. Bertan datu asko agertzen dira, interpretazio anitzekoak. Batzuek titularretan diote delitu-indizeetan oso leku onean gaudela; beste batzuek, berriz, intzidentziak igo direla azpimarratzen dute... Gutxik nabarmentzen dute, adibidez, lantaldean emakumeak ez direla %10era heltzen edo batez besteko adina 46 urtekoa dela. Hala ere, artikulu honetan ez naiz horretaz arituko, gai garrantzitsuak direlakoan nagoen arren.

  Iritzia 2015-11-27 18:51

Udal irratia, herri irratia

Erabiltzailearen aurpegia Arantza Gutierrez

COM Ràdio/La Xarxa Catalunyako Udal Irratien sareak aldarrikatu zuen: “udal irratia kalitatezko zerbitzu publikoa da; zeinetan hurbileko komunikazioa behar beharrezkoa baiten informazio-eskubidea bermatzeko, hiritarren parte-hartzea bultzatzeko eta aniztasun demokratikoa bideratzeko, baita hizkuntza eta kultur propioak sustatzeko eta heldu berrien integrazioa lortzeko”. Miquel Moragas adituak, bere aldetik, zioen “ez dago etorkizunik komunikaziorik gabe, eta ez dago komunikaziorik izango hurbileko hedabiderik gabe”. Getxoko udal irratia, ordea, oso urruti dago herritarrengandik, eta hedabide publiko gisa bete beharreko eginkizunetik ere.

  Iritzia 2015-04-13 13:06

Emakumeon topaketak

Erabiltzailearen aurpegia Arantza Gutierrez

Larunbatean Mujeres con Voz elkarteak antolatutako Kultura arteko Askarian egon nintzen Faduran. Jatorri anitzeko emakumeak bildu ginen, eta beste herrietako janariak eta edariak daztatzeko aukera izan genuen, baina ez hori soilik... Lemak zioenez "Askotarikoak eta bat eginik, kulturak deskubritzen" ez ezik, pertsonak ezagutu ere egin genuen.

2015-04-01 12:22

Udalak euskaldunok baztertzen gaitu berriz ere

Erabiltzailearen aurpegia Arantza Gutierrez Punta Begoñako galeriak ikusteko bisita gidatuen % 4,6 baino ez da euskaraz burutuko. Hau da, bihartik aurrera programaturiko 65 hitzorduetako 3 soilik egin ahalko dira euskaraz, eta horietako bat ere ez dago Aste Santuko oporraldian.
2015-03-23 11:37

Talde-jokua

Erabiltzailearen aurpegia Arantza Gutierrez

Talde-jokua

Unibertsitateko ikasleei rugbyari buruzko bideo bat jartzen diet talde-lanari buruz hitz egiteko. Talde-kirol horretan -bestetan bezala- norbanakoen lana ez da ezer taldearena barik. Azken lau urteotan udal politikak irakatsi dit taldean lan egitearen garrantzia, unibertsitatean ohi dugun indibidualtasunaren gainetik.

Euskal Bidea - 100 Mila Kafe

2015/03/02 10:30etatik 12etara

EHUko Leioako Campusean (Gizarte eta Komunikazio Zientzien Fakultateko Txokoa)

Astelehenean, hilak 2, Gizarte eta Komunikazio Zientzien Fakultatean Euskal Bideaz hitz egiteko aukera izango da Maribi Ugarteburu eta Ikotz Arreserekin. Hitzordua, 10:30etan. Kafe bat hartuko dugu.

2015-02-24 11:12

Euriaren beldur

Erabiltzailearen aurpegia Arantza Gutierrez Lehenengo trumoiak iratzarri nau; bigarrenarekin, erne, eta euri-jasa entzuten hasi naizenean guztiz esnatu naiz. Hortik aurrera belgi-bildu batean pasa dut gaua. Goizean, altxatzerakoan, egin dudan lehenengo gauza Gobelari so egitea izan da. Lasaitu naiz. Erreka bare zegoen, bere arroan.
  Iritzia 2015-02-13 17:31

Irratiaren Eguna

Erabiltzailearen aurpegia Arantza Gutierrez

Unescok otsailaren 13 Irratiaren Nazioarteko Eguna izendatu zuen. Eta horretaz baliatuko naiz hedabide txiki horren balioa aldarrikatzeko. Izan ere, irrati-irakaslea naizen heinean, maitasun-harremanak lotzen nau Marconik patentaturiko asmakizunarekin. Internet eta sare sozialak berehalakotasunaren komunikabide bihurtu direnean, irratiak, aldiz, ez ditu galdu ez xarma ezta etxeko bat gehiago izatearen jitea. Eta gaur, atzo bezala, dugu edozein egiten dugun bitartean laguntzen gaituen komunikabidea.