Igandea, azaroak 12

ERRIGORAren udagoieneko kanpaina, otzarak eskatzeko epea

Martxan da Errigoraren udagoieneko kanpaina: azaroaren 14ra arte eskatu ahal izango dira Errigoraren otzarak: Nafarroa hegoaldeko uzta, euskarari puzka ere ematen diona. Uribe Kostako hainbat lekutan egin daitezke otzaren eskaerak, baita online ere. Aste-akabu honetan, otzarak eta abarrak prestatzeko herrilana antolatu dute Ablitasen, azaroaren 2tik 4ra bitartean. Saskiak edo otzarak banatzeko epea azaroaren 23tik abenduaren 3ra bitartekoa izango da, eta ordaintzeko tartea abenduaren 4tik 14ra.

Getxoko Ingurumen Aretoaren azaroko egitaraua

Azaroan bete-betean sartuta gaudela, hilabeteko egitarau berria prestatu du Getxoko Ingurumen Aretoak. Hala, hilaren akabura bitartean, askotariko jarduerak egongo dira bertan. Saio denak doakoak izango dira.

17:00

21:30

Hezetasuna auzoko Martin Deunaren jaiak

Azaroan bete-betean murgildu gara, eta ohiturari jarraituz, Martin Deunaren omenezko jaiak ospatuko dituzte Algortako Hezetasuna auzoko kideek. Hilaren 10etik 12ra bitarteko festak izango dira, beren-beregi; hala, hiru egun horietan hamaika aukera izango dituzte auzokoek zein inguruko lagunek. Gainera, aurton ere, egunotan dabilen euritetik eta hotzetik babesteko karpa eta txosna bana ipiniko dituzte Iturgitxiko parkean. Bertan egingo dituzte festen gaueko ekintzak, kontzertuak eta zapatuko herri-bazkaria.