Frankismoko biktimen omenaldia bihar Galeako pasealekuan Udalak bihar goizeko hamaiketan Galeako pasealekuan, Gerra Zibileko eta frankismoko biktimak omenduko ditu. EH Bilduk ekitaldi honetan parte hartuko du, orain arte egin izan duen bezala, eta hala, gure aitortza eskainiko diegu altxamendu faxista eta Francoren diktadurako biktima guztiei. Hala ere, gobernu taldeak arlo honetan garatzen duen politikaren gaineko ezadostasuna agerian utzi nahi dugu, aurpegi bikoitza erakutsi izan baitu biktimen eta memoriaren ildoaren gainean. Lan handia egiteko dago oraindik arlo honen inguruan eta denon erantzukizuna da zutoinak jartzea Gerra Zibileko eta frankismo garaiko biktimek eta haien senideek zor zaien omenaldia, aitortza eta justizia jaso dezaten. Horregatik guztiagatik nabarmendu beharrean gaude Galeako urteroko ekitaldia egitearekin ez dela nahikoa. Zer egiten du udal gobernuak eta Alkateak altxamendu militarra eta ondorengo diktadura urteetako errepresio basatia pairatu zuten auzokideen erreparazioa lortzeko? Zer nolako harremana izan dute errepresaliatuen senideekin? Zer nolako lanak sustatu dituzte biktimen zerrenda zehatza eratzeko? Gobernuak ekimenik aurreikusita al dauka Francoren tropak sartu zirenean errepresaliatuak izan ziren udal langileei aitortza eta erreparazioa emateko? Hitzez gain, ekintzak ezinbestekoak dira. Hala ta guztiz ere garrantzitsua iruditzen zaigu biharko omenaldi honetan parte hartzea eta deia egiten dizuegu Galeako pasealekura bertaratzeko
Telmo Esnal eta Asier Altuna Aupa Etxebestegaz egin ziren ezagun 2005ean. Euskaraz egindako film ikusiena izan zen Handia ailegatu arte, eta laster izango dugu ikusgai Agur Etxebeste. Elkarregaz edo bakarka, asko dira Esnalek eta Altunak zine euskaldunari egindako ekarpenak, baina Dantzagaz Esnal ohiko zinetik harantzago joan da. Ikusleen gozamenerako ikuskizun paregabea sortu du, gure kulturari opari erraldoi bat eginez. Kultur Leioan ikusi ahal zango da otsailaren 2, 3 eta 4an.
Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.