Plentziako eskolako kantxan jokatuko da bihar, maiatzak 28, UK Saskibaloia taldeak antolatu duen Plentzia eta Gorlizko saskibaloi Txapelketa. 09:30etik aurrera, Uribe Kostako hainbat talde arituko dira aurrez aurre; besteak beste, San Nikolas Ikastola, Askartza Claret, Getxo Saskibaloia, Jado Erandio eta, nola ez, UK Saskibaloia taldeak parte hartuko dute.
Datorren maiatzaren 28an, zapatuan, goizeko 11:00etan,Ate Irekien Jardunaldia egingo dute Lutxana Arraun Elkartekoek. Datorren denboraldian, irailetik aurrera, arraunean aritzeko gogotsu dauden hamaika urtetik gorako umeei eta gurasoei elkartea ezagutzeko gonbidapena egin diete.Egun horretan, arraunaz gozatzeko aukera izateaz gain, denboraldiko egitaraua eta entrenamendu saioen argibideak emango dituzte.Esteka honen bidez jaurdunaldirako izena eman daiteke.
Jolasaren eguna ospatzeko jolas desberdinak antolatuko dituzte Astrabuduan.
Emakumeek beren eskubideen eta berdintasunaren alde egindako borroka erakusten duen argazki-bilduma daborduko ikusgai dago Astrabuduko Josu Murueta kultur etxean. Bide luzea berdintasunerantz: emakumeak Euskadin XX. mendean esposizioa ekainaren 17ra arte egongo da.
Bihar, 17:30ean, Lamiako auzoa antzezleku erraldoia bihurtuko dute kaleak hartuko dituzten izaki mitologikoek. Bi urteko geldialdiaren ostean, Maskarada auzoko San Maximo jaien abiapuntua ere izango da, domekara bitartean hainbat jarduera egingo baitituzte auzoko jaiak ezin baino hobeto ospatzeko asmoagaz.