Uribe Kostako Zerbitzu Mankomunitateko Berdintasun Sailak 2021-2022 ikasturterako abian jarri zituen 13 ikastaroetatik, antzerkiko ikasleena prest dago. ¿Hablamos, coño? Nuestro Yoni ikuskizuna eskainiko dute, Eve Esnlerren Monólogos de la Vagina antzezlanaren egokitzapena. Ekainaren 3an izango da, barikuan, Urdulizko Kultur Etxean, 19:30etik aurrera. Sarrera librea izango da.
Aurreko asteko barikuan, sopeloztar batek jasandako irain eta mehatxu homofoboak salatzeko elkarretaratzea egingo dute barikuan, ekainaren 3an, 20:30ean, Sopelako udaletxearen atarian. Ukatu, Sopelako neska gazteen taldeak egin du erasoaldia gaitzesteko deialdia.
Emakumeek beren eskubideen eta berdintasunaren alde egindako borroka erakusten duen argazki-bilduma daborduko ikusgai dago Astrabuduko Josu Murueta kultur etxean. Bide luzea berdintasunerantz: emakumeak Euskadin XX. mendean esposizioa ekainaren 17ra arte egongo da.
Europako Itun Berdea izango da 2022ko Aste Berdearen ardatza. Getxoko Udalak antolatu du aurten ere, eta hainbat jarduera eta dibulgazio-ekimen eskainiko ditu maiatzaren 30etik ekainaren 5era.
Bihartik aurrera Txorierri izango da jaiak ospatuko dituen Leioako auzoa. Barikutik domekara bitartean herritar guztientzako ekitaldiak, musika eta giro ederra izango dira bertan.