Gazteok  Getxo 2016-03-09 11:01

Algortako Gazteak taldea aurkeztuko dute zapatuan San Nikolas plazan

Algortako Gazteak talde sortu berriak bere burua aurkeztuko du zapatu honetan, hilaren 12an, Algortako San Nikolas plazan. Hitzordua goizeko 11:00etan jarri dute, eta bertan, azken hilabeteetan prestatutako lana ezagutaraziko diete bertaratutako neska-mutil denei. Izan ere, euren helburua da Algortako gazteek euren "espazioa" izatea proiektu horretan, euren parte-hartzea sustatuz. Izan ere, azaldu dutenez, "gazteak gure mugimenduko parte izatea gura dugu; guk ez dugu zerbitzu bat eskainiko eurek erabili dezaten soilik; horren parte izatea eta sentitzea gura dugu".

  Iritzia 2016-03-03 00:20

Isunen gainetik... Ez gaituzue isilduko!

Erabiltzailearen aurpegia Algortatik Hanka

Alde Hemendik Eguneko manifestazioan parte hartzeagatik 16 pertsonek isuna jaso dugu. Segurtasun indarren kontrako irainak bota izana leporatzen digute. Inolako identifikazio fisikorik egin gabe, bideo batez baliatuta identifikatu gintuzten. Ezin dugu onartu gure adierazpen askatasunari mugak jartzea. Estatu espainolaren errepresioaren aurpegi berria dugu hau, non iritzi ezerosoak zapaltzeko, poliziak akusazio eta epaile papera bete dezakeen mozal legeari esker. Gure herritarren atxikimendua ezinbestekoa zaigulako egoera hau salatzeko:martxoak 12, 19:00etan Txiki-Otaegi plazan atxikimendu argazkia. Isunen gainetik...ez gaituzue isilduko! Alde Hemendik!

  Politika 2016-02-25 15:25

Castello I eta II espetxeetara elkartasun oihuak helarazi dituzte 80 bat getxoztarrek

Erabiltzailearen aurpegia Preso eta Iheslarien aldeko gazte sarea

Joan den otsailaren 20an, zapatuan, Hego Euskal Herriko ehunka lagunek elkartasun-oihuak eroan zituzten espainiar Estatuko eta Portugalgo espetxe guztietara. Getxotik, 80 bat lagunek hartu zuten parte Ezker Abertzaleak deitutako martxa horretan. Getxoztarrak Castello I eta II espetxeak bisitatu zituzten, Kataluniatik joandako beste hainbat lagunakaz batera.

  Kultura  Uribe Kosta 2016-02-24 17:08

Gazteak, bizia eta airea

Euskal Herrian elikadura burujabetzaren nondik norakoak ezagutzeko azalpenak ematen dituen "Bide Berriak" dokumentalaren ostean, gai zehatzak jorratzen dituzten bideo laburrak argitaratzen hasi dira Bizilur eta Bizkaiko EHNE; lehenengoa, gazteen ingurukoa. Horretan Uribe Kostako hainbat gaztek parte hartu dute, Aner Mimenza getxoztarrak, berbarako.

  Kultura  Uribe Kosta 2016-02-22 12:28

Uribe Kostako Mihiluze lehiaketaren finala

Joan den otsailaren 5ean Uribe Kostako Mihiluze lehiaketaren finala jokatu zuten, Sopelako Kurtzio kultur etxean. Larrabasterrako Iberre institutuko Nora Franco eta Nadia San Andres izan ziren irabazleak. Denera, ia 60 nerabe uribekostarrek parte hartu dute txapelketan. Hona hemen Plentzia Telebistak grabatutako saioa. Bejondeizuela Nora eta Nadia! Eskerrik asko, PTB!

  Kultura  Leioa 2016-02-19 15:30

Kutur Maratila aurkeztu dute, hitzorduak hurrengo aste-akabuan

Artedrama plataformak eta Kultur Leioak bosgarrenez antolatu dute Kultur Maratila, euskal sorkuntzari begirako zikloa: sei ikuskizunek osatzen dute egitaraua.

  Gazteok 2016-02-16 21:07

O20an Algortako gazteok bagoaz Castellora!

Erabiltzailearen aurpegia Preso eta Iheslarien aldeko gazte sarea

Kaixo gazte! Otsailaren 20an, Abian prozesuaren baitan, Algortako gazteok ere bagoaz Castello I eta II-ra presoei elkartasuna adieraztera! Animatu eta apuntatu autobusetan Hator edo Abianen, oraindik bada gazteria indartsu eta gogotsu bat! Gazte borrokaz presoak etxera!!!

  Kultura  Getxo 2016-02-12 12:19

We Are Standard talde getxoztarrak "Gau ama" disko berriaren aurrerapen-kantua atera du

Getxoko taldeak Alberto Gastesik zuzendutako "Gau ama" disko berriaren aurrerapen-kantua aurkeztu du. Abestia "ilunabarrari egindako dantza, Gau Amari luzatutako agurra" da. We Are Standard-ek "Gau ama" lana plazaratzeko data jarrita zeukan gaurko.

  Kultura  Sopela 2016-02-12 11:54

Guda Dantzaren disko berria kalean da

"Labarraren Ertzean" dauka izena Uribe Kostako Guda Dantza musika-taldearen bigarren lanak; Euridia estudioetan grabatu eta ekoitzitako diskoa da. Horregaz batera, aipatutako lanaren lehenengo bideoklipa aurkeztu du seikoteak; "Gogoan" abestiagaz egin dute.

  Kultura  Getxo 2016-02-03 11:30

Martxan da Getxoko II. Book Trailer lehiaketa

Abian da Getxoko Book Trailer txapelketaren bigarren edizioa. Lehiaketa hori gazteen artean irakurzaletasuna sustatzeko helburuagaz jarri dute martxan, 12 eta 18 urte arteko neska-mutilei zuzenduta. Horretarako, parte hartu gura dutenek aukeran ematen diren liburuetako bat irakurri eta horren trailerra egin beharko dute. Lanak apirilaren 15a baino lehen entregatu beharra dago.

  Politika  Getxo 2016-01-27 11:10

Jasotako elkartasuna konpromiso bihurtzera deitu dute Askapenako kideek zapatu honetarako

Gabi Basañez algortarrak eta Askapenako beste lau kide auzipetuak Espainiako Auzitegi Nazionalaren epaiaren zain daude. Hala, prozedura ireki zenetik hona jasotako elkartasun guztia konpromiso bihurtzera deitu dute urtarrilaren 30erako, zapatua. Izan ere, espetxeratze arriskuan daudela ohartarazi dute kide internazionalistek, azken kasuetan horrela jokatu baitu Espainiak Herri Harresiak saihesteko asmoz.
  Kultura  Sopela 2016-01-21 18:46

Gizarte Zinema Zikloa Sopelan, jatorrizko bertsioan eta euskarazko azpitituluakaz

Aste-akabu honetan estreinatuko da Gizarte Zinema Zikloa Sopelako Kurtzio kultur etxean; "Fenix 11*23" filma egongo da ikusgai, katalanez euskarazko azpitituluakaz. Emanaldiak zapatuetan egingo dituzte, 20:00etan.

  Iritzia 2016-01-08 10:24

LAB Eskumaldea: Urtarrilaren 9an, Bilbora eta Baionara

Erabiltzailearen aurpegia LAB

LAB Eskumaldea: Urtarrilaren 9an, Bilbora eta Baionara!

 Berango 2015-12-28 18:00

Haizeak hainbat gunetako sugarrak biziarazi ditu, suhiltzaileek amatatzeko beharrean dihardute

SOSDeiak-etik orain 20 minutu eskas jakinarazi dutenez, haizeak hainbat gunetan sugarrak biziarazi ditu, eta horiek itzaltzeko lanean dabiltza suhiltzaileak.

  Jendartea  Berango 2015-12-28 11:38

Heldu dira ur-hegazkinak

Daborduko Berangoko sutea itzaltzeko lanean dabiltza Bizkaiko Foru Aldundiak Espainiako Gobernuari eskatutako aireko baliabideak. Hainbat berri-agentziek bestelakoa zabaldu arren, SOSDeiak-ek orain ordu erdi (13:30 aldera) zabaldutako txioaren arabera,  suaren kontrolean  hobera egin badute ere, oraindino ez dute kontrolpean. Sugarrak; herriko industrialde batetik eta hilerritik oso gertu egon dira 10:00ak aldera. Egunean zehar amatatzea espero dute. Bideoa: © AITOR SAMANIEGO

2015-12-26 19:45

Altzaga auzuneko Maridomingi eta Olentzero 2015

Erabiltzailearen aurpegia Josean Rive

Altzaga auzuneko Maridomingi eta Olentzero 2015

  Kultura  Getxo 2015-12-14 17:10

Euskararen aldeko flashmob-a Algortan

Euskararen Egunaren harira, Getxoko ikasleek gidatutako flashmob berritzailea egin zuten Algortako Txiki-Otaegi plazan (San Nikolas plaza). Horretan, Andres Isasi Musika Eskolako Bandak eta Kimetz abesbatzak zuzenean jo eta kantatu zuten.

  Politika  Leioa 2015-12-10 19:11

Leioan izan dira Patxi Lopez eta Isabel Celaa

Patxi Lopez PSE-EEk Bizkaitik Espainiako Kongresurako aurkeztu duen zerrendaburuak agerraldi publikoa egin zuen atzo, eguaztena, Leioan; Isabel Celaa Senaturako hautagaiagaz batera. 18:00etatik aurrera egon ziren Boulevard-ean.

  Kultura  Getxo 2015-12-03 17:18

Esnaola eta Lopez de Gereñugaz berbetan

Josu Esnaolak eta Alfredo Lopez de Gereñuk, "Bertxo"k, jaso zuten martitzenean VI. Argia Ereiten Euskara Saria. Biek euskararekiko izan duten konpromisoagatik eta, bereziki, duela 19 urte Berbalaguna ekimena udalerrian martxan jartzeagatik jaso dute sari hori.

  Gazteok  Getxo 2015-11-25 16:55

Maitasun erromantikoa genero indarkeria ere badela salatu du Haziak taldeak

Gaur, azaroaren 25a, Emakumeen Kontrako Indarkeriaren Aurkako Nazioarteko Eguna da. Genero indarkeria modu askotan jazo daiteke: kolpeak, irainak, bortxaketak eta hilketak, besteak beste. Horiexek izaten dira ageriko bortizkeria motak; hala ere, badaude bestelakoak, hala nola xantaia emozionala eta mikro-matxismoa. Haziak Algortako gazte-talde feministak maitasun erromantikoa mahaigaineratu du gaurko egunean, "saltzen zaigun maitasun eredu hau indarkeria ere" badelako, euren berbetan.