Esperimentatu, ikertu eta norberaren sormena martxan jartzeko aukera izango dute Getxoko 30 gaztek Bizilabe eskolaz kanpoko jardueran. Gaur hasiko da egitasmoa Benta egoitzan, 10 eta 12 urte arteko gazteei zientzia eta teknologia euskaraz eta modu dibertigarrian hurbiltzeko asmoz. 

Bineta eta komikiz beteko da Getxo beste urte batez. Getxoko Komiki Azoka urriaren 16tik 18ra egingo dute, eta bederatzigarren artearen zaleak elkartzeaz gain, aurten ere ikasleei, sortzaileei eta komikiaren munduan lehen urratsak egiten ari direnei zuzendutako jarduerak izango dira. Horietako batzuk Romo Kultur Etxean egingo dituzte.