Ostirala, ekainak 22

16:30

Barrikako San Juan jaiak

Ekainak 22, barikua 16:30-19:30 VIII. Multikirol jardunaldia, Barrikako piragua taldea, Abaroa Tenis Taldea eta Barrikako futbol eskolaren eskumenez. 17:00-19:00 Zirko tailerra. 18:00 Billar txapelketa, Jubibarrikaren eskumenez. Nagusien Etxean. 19:15-20:00 Kale-antzerkia, Vademekum. 20:00 Saiheski-jana. 21:00 Guda Dantza eta Garilak 26 taldeen kontzertuak. 21:00-01:00 V. Emakumezkoen gaueko padel eta tenis txapelketa, Barrikako Tenis taldearen eskumenez. Izen-ematea: Abaroa Tenis taldean.

19:00

Kultur Festa

Uda hastear dagoela, ospakizun berezia egingo dute gaur, barikuan, Armintzako frontoian. Hala, 19:00etatik aurrera, balleta, umeentzako zumba, sabel-dantza eta batukada egongo dira, bertaratuko diren denen gozamenerako.

22:00

Balkoitik Balkoira

Villabona, 1801, balkoi banatan Jose Joakin Erroizena "Txabolategi" hernaniarra eta Juan Inazio Zabala amezketarra. Algorta, 2018, balkoi banatan Maialen Lujanbio hernaniarra eta Amets Arzallus hendaiarra. Utzi istorioak eta ekainaren 22an etorri Portu Zaharrera HISTORIA hizki larriz egitera!

10:00

00:30

Getxoko Ingurumen Aretoaren programazioa

Ingurumen Aretoa astelehenetik barikura dago zabalik, 10:00etatik 14:00etara eta 15:30etik 17:30era; zapatu, domeka eta jaiegunetan, berriz, 10:00etatik 14:00etara.

Erandio 2015-2019, denon artean harresiak botatzen hasi gineneko legealdia

Gogoratu behar dugu, gauden legealdia abian jarri zenean, herritarren eta udalaren arteko harreman-kanalak, biztanleek erregistroan aurkezten zituzten eskaerak eta haiei udalak ematen zizkien erantzunak baino ez zirela. Hartan ere webgune hasiberria bagenuen eta osoko bilkuraren saioek oihartzun txikia zuten. Salbuespen bakarra, agian, gure etxeko postontzian jasotzen dugun kultur agenda izan zitekeen. Eta beste ezer gutxi. Legealdi honek haize freskoa ekarri digu: komunikazioa eta herritarren parte-hartzea sartu da gure herriko eszenatokian. Udalaren webgune berrituak (www.erandio.eus) informazio eguneratua eskaintzen du eta, era berean, sare sozialek ere garrantzi handia hartu dute (Facebook, Twitter, Instagram eta Youtube), herritarrekiko solastoki bilakatuz. Haize fresko hauen eraginez, herritarren eta udalaren arteko komunikazio-kanalak handiagotu dira eta komunikazio-kalitatea ere hobetu egin da; udala, egun, gero eta hurbilago dago. Egoera honen isla adibidez, osoko bilkurak internet bidez ikusteko aukera litzateke, edo Erandio Zabaltzen APPa, telefono mugikorra erabiliz, herriko intzidentzien berri jakinarazteko tresna edota webgunearen bidezko udal tramiteak egin ahal izatea, … Azaroaz geroztik HAZ zerbitzu berria indarrez sartu da; bere helburua, zerbitzu integrala herritarrari helaraztea dugu. Zerbitzu honekin batera, bi kanal berri gehitu dira. 010ena (944 890 010 Erandiotik kanpo deitzen bada) informazio orokorra jasotzeko eta whatsappena (609 240 091) informazio kanalizaziorako. Baina zerbitzu hauek guztiak herritarren parte-hartze eta laguntzarik gabe ez lirateke ezer izango. Harresiak, elkarrekin bota behar ditugu, ala ez dira eroriko. Gatozen ondorioetara esanez, esku artean dugun gaia, ezbairik gabe, garrantzi handikoa dela. Biztanleek horretaz esaten digutenari erreparatzea besterik ez dago zerbait egin behar dugula konturatzeko. Horregatik, gure ikuspuntutik gaiari eman ahal dizkiogun irtenbideak hauek dira: herritarren hitza kontuan hartu eta komunikazioa hobetu eta indartu ere. Alde batetik, herritarrari hitza eta presentzia eman behar zaio. Hori erdiesteko, udalak hartu behar du ardura eta gure partetik entzute-aktiboa funtsezkoa da. Hasi garen bidetik jarraitu behar dugu. Luzea da aurrean dugun bidea eta bide hori denon artean ibili behar dugu.

San Juan jaiak Leioan

Aste-akabu bateko jaiak nahikoak ez direnez, aste-akabu biz luzatuko dituzte ospakizunak. Hala, Leioako XVIII. Pop Rock Lehiaketako finalisten kontzertuak eta Antzinako Eguna egongo dira aukeran, ekainaren 15ean eta 16an, besteak beste.

Getxoko Kultur Etxeko eta HIRUKAko argazkilaritza tailerraren erakustaldia

Joan den urriaren 2an hasi zen Getxo Kultur Etxeak eta HIRUKA komunikazio-taldeak elkarlanean antolatutako hastapen-argazkilaritzako tailerra. Hodei Torres argazkilariak gidatu du ikastaroa, Getxon euskaraz antolatu den arlo horretako lehenengoa.

17:00

19:00

Emakumeentzako autodefentsa ikastaroa

Emakumeentzako autodefentsa-ikastaroa antolatu dute Leioan. Interesdunek ekainaren 14ra arte daukate izena emateko aukera, Gizarte Zerbitzuen bulegoan (Inaurratzaga, 1).

Mikro-antzerki zikloa

Joan den barikuan, ekainaren 15ean, Getxoko Udalak udako antzerki-programazio zabala aurkeztu zuen, Algortako Begoña jauregian, eraikin horren 100. urtemugan. Hilaren 22an (barikua), euskarazko lehenengo antzezlanak ikusi ahal izango dira.

San Pedro jaiak Kukularran

Barikuan, ekainaren 22an, isiotuko dute ospakizunen hasierako suziria Erandioko Kukularra auzoan. Egun horretan sardina-jana egingo dute, festei indarraz ekin ahal izateko. Gero musika edukiko dute lagun.

10:00

14:00

"Gaitasun digitalak" ikastaroa Bilbon

Hezkuntza arloagaz lotutako teknologia ikastaroa egingo da Bilboko Euskararen Etxean, ekainaren 22an eta 23an. Publiko orokorrari zuzendutako 12 orduko ikastaro teoriko-praktikoa izango da, Azkue Fundazioak eta Talaios kooperatibak elkarlanean landutakoa.