Larunbata, irailak 14

10:00

Plentzia Classic

1940 baino lehenagoko automobilen erakusketa. Antolatzailea: Plentzia Classic Elkartea

10:00

XVIII. Bio Getxo Nekazaritza Ekologikoaren Azoka

Algortako Telletxe plazak XVIII. Bio Getxo Nekazaritza Ekologikoaren Azoka hartuko du zapatu honetan, hilak 14, Ekolur Bizkaiko Nekazaritza Ekologikoaren Elkarteak antolatuta, Udalagaz lankidetzan. Bio Getxok 10:00etatik 15:00etara izango du ordutegia.

10:00

12:00

Erasmus+ programarako prestakuntza saioa egingo dute Berangoko Gazte LABean

Gazteak Europan jarduerarako prestakuntza saioa egingo dute Berangoko Gazte LABean, irailaren 14an, zapatuan. Saioak bi ordu iraungo ditu, goizeko 10:00etatik 12:00etara. 

09:30

Udondoko jaiak

Udondoko jaiak ospatzen ari dira egunotan Leioan. Festak martitzenean, irailaren 10ean, hasi bazituzten ere, ospakizunak barikuan eta zapatuan jarraituko du. Egun horietan kontzertuak eta Udondoko paella-txapelketa entzutetsua edo arrantza-lehiaketa izango dituzte, beste jarduera askoren artean.

10:00

Urdulizko Andra Mari jaiak

Udako azken jaiak pena handiz agurtuko dituzte herritarrek. Hala ere, tristura azkar igaroko zaie Urdulizko Andra Mari jaietarako prestatuta duten egitaraua ikusten dutenean. Izan ere, bihar hasiko dira urduliztar guztiek hainbeste itxaron dituzten jaiak: irailaren 6tik 15era gozatu ahal izango dituzte festok.

10:00

Urdulizko Andra Mari jaiak

Udako azken jaiak pena handiz agurtuko dituzte herritarrek. Hala ere, tristura azkar igaroko zaie Urdulizko Andra Mari jaietarako prestatuta duten egitaraua ikusten dutenean. Izan ere, aurten irailaren 6tik 15era egiteko dituzte festok.

11:00

Erakusketa: "Plentzia Classic"

Automobil eta motozikletei buruzko argazki bitxiak. Astelehenetik zapatura, 11:00-13:00 eta 16:30-20:00. Antolatzailea: Plentzia Classic Elkartea

12:00

Getxo Folk jaialdiak egitarau oparoa prestatu du bere 40. urtemuga ospatzeko

Irailaren 11tik 15era bitartean, folk doinuak protagonista izango dira udalerrian. Izan ere, tarte horretan, Getxo Folk jaialdia izango da, zeinak 40 urte bete dituen. Ibilbide hori ospatzeko, nazioarteko artistak bilduko dira, hala nola Buika abeslaria, baita Espainiako Estatuko folkaren izen nabarmenak ere, eskarmentu handiko Milladoiro galiziar talde beteranoa kasu. Halaber, aurten primiziako ikuskizun bat izango da eta, horretan, euskal artista eta talde ezberdinek jaialdia omenduko dute bere urteurrenean. Sarrerak daborduko eros daitezke, ohiko salmenta-puntuetan.  

16:30

Irailean 6an bueltako dira Inguru Minguru tailerrak!

Ikasturte berriagaz batera, berriro ere hasiko dituzte ingurumenarekiko errespetua lantzen duten Inguru Minguru tailerrak. Zehazki, iraila eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan. Hala, 4 urtetik gorako umeei zuzendutako tailer desberdinak egingo dituzte, eta parte hartzaile kopurua irekia da. Lehenengo saioa irailaren 6an izango da, Berangoko Moreaga parkean.

18:00

Inkestas Rock festibalaz gozatu ahalko dute aste-akabuan sopeloztarrek!

Inkestas Rock festibalaren 15. urteurrena ospatuko dute aurten Sopelan, Udaletxeko plaza eta inguruetan. Hala, hamaika kontzertu zirraragarriz gozatzeko aukera izango dute rockaren maitaleek, doan. Bota begirada bat egitarauari!

19:00

Bizkaiko tradiziozko musikariak aztergai, Itxarturen ekimenez

Datorren astean ospatuko dute Getxoko Nazioarteko Folk Jaialdia eta, horren barruan, "Bizkaiko mito musikalak" izeneko erakusketa egongo da ikusgai Romo Kultur Etxean, gaurtik, hilaren 6tik, irailaren 24ra. Bertan ezagutu ahal izango dira Bizkaian izan diren musikari garrantzitsuenetako batzuk, eta, horien artean, hainbat getxoztar topatuko ditugula iragarri dute antolatzaileek, Itxartuko lagunek.

19:30

Lutxanako jaiak

Barikuan, hilaren 13an, hasiko dituzte Lutxanako festak eta domekara arte hainbat jarduera izango dituzte auzoan primeran pasatzeko. Besteak beste, zapatuan, tortilla-, paella-, putxera- eta postre-lehiaketak eta herri-bazkaria izango dituzte eta mozorrorik onenak ere aukeratzeko txapelketa ere egongo da. 

21:00

Getxo Eszena Kalean aire zabaleko programazioari hasiera emango diote zapatuan, Areetan

Udaberri bete-betean gaudela, eguraldi ona aprobetxatuta, aire zabaleko arte eszenikoen programazioari hasiera emango diote zapatuan, hilaren 4an, Getxon. Hala, aste honetatik aurrera, eta urriaren amaiera bitartean, adin guztiei zuzendutako antzerki, dantza, zirku eta askotariko generoez gozatzeko aukera egongo da Areetako Xake plazako anfiteatro berrian. Zapatu honetan Cía Maite Guevararen Susto zirku-clown saioa egongo da gozagai, 21:00etatik aurrera.