Portu Zaharreko jaiak 2018: kuadrillen jaitsiera
Portu Zaharreko jaien hasieran egon gara. 39 kuadrillak parte hartu zuten zapatu arrastiko jaitsieran, giro ezin hobean, eta koreografia ederrak erakutsi zituzten. Ondoren, Txo jaietako maskotagaz egin genuen berba, eta haren sekretu nagusia deskubritu ere bai: gipuzkoarra da!
Tortilla dastatuz agur esan zieten Itzubaltzetako jaiei
Itzubaltzeta/Romo eta Pinuetako jaiei akabua emateko, Tortilla Eguna egin zuten domekan, abuztuaren 5ean. Besteak beste, tortilla-lehiaketa egon zen.
Algortako txosnagunean izandako lapurretak "jai herrikoien kontrako erasotzat" jo dituzte
Algortako San Inazio jaietako lehenengo bi egunetan lapurtu zuten ezezagunek Telletxeko parkingean kokatutako txosnetan; uztailaren 28an eta 29an, alegia. Besteak beste, edariak eta dirua eroan zuten lapurrek.
Naiara Barrado: “Asko ikasten dugu Lurraren atmosferaren gainean beste planetak laborategi gisa erabilita”
Naiara Barrado Izagirre fisikari itzubaltzetarrak bere lanaren berri eman dio EHUko Kultura Zientifikoko Katedrari. Barradok Eguzki Sistemako beste planetetako atmosferak eta haietan ematen diren fenomenoak ikertzen ditu EHUko Zientzia Planetarioen Taldean. Jupiterreko atmosferaren gainean idatzi zuen doktore-tesia.
Algortako kuadrillak: "Erasorik ez, erantzun barik!"
Algortako San Inazio jaiak prestatzen dabiltzan 24 kuadrillek agerraldia egin zuten atzo arrastian. 200 bat neska-mutilek euren arbuioa erakutsi zieten sexu-erasoei; modu berean, eraso horien kontrako jarrera aktiboa izan eta erantzutera deitu zuten.
Kaskagorri konpartsak Danontzat gaztetxea okupatu du
Laugarren urtez, Kaskagorri Bilboko gazte-konpartsak okupatu egin du Plentzia eta Gorlizko Danontzat gaztetxea. Konpartsakideek azaldu dutenez, “oso gustura” sentitzen dira bertan urtero-urtero egiten dieten harreragaz. Hiru egunetan, Aste Nagusiko txosnako panelak auzolanean margotuko dituzte, ondo pasatzeaz gainera.
Mediterraneo itsasoan hildako migratzaileak omendu ditu Mugak Zabalduz karabanak
Europako mugen militarizazioa, portuen itxiera eta Europar Batasuneko politika "xenofoboak" Italia osotik bederatzi egunez salatzen ibili ondoren, Roma ondoko Civitavecchian hartu zuen domekan, hilaren 22an, Mugak Zabalduz karabanak etxera bueltatzeko ferrya. Horretan, Mediterraneo itsasoan hildako migratzaileak oroitzeko ekitaldia egin zuten ekintzaileek. Bartzelonara heldutakoan, gainera, harrera beroa egin zieten karabanan ibilitakoei.
Riace, "normaltasunaren utopia", Calabriaren bihotzean
Calabria eskualdeko Riace herrian eman zioten amaiera Mugak Zabalduz karabanako ekintzaileek Italiako ibilbideari. Joan den zapatuan, hilaren 21ean, bertakoek duten harrera-esperientzien nondik norakoak ezagutzera hurbildu ziren herri horretara.
Europako mugen militarizazioa eta portuen itxiera salatu ditu Mugak Zabalduz Karabanak
Mediterraneo itsasoan hildako pertsona migratzaileak omendu zituen Mugak Zabalduz Karabanak eguenean, hilaren 19an. Horretarako, talde bitan banatu ziren ekintzaileak. Lehenengoak Cataniako portuan bertan ekintza berezi bat egin zuen; besteak, berriz, Pozzaloko portuan dagoen barneratze-zentroaren kanpoaldean. Ondoren, arrastian, Europako kanpo-mugak zelatatzen dituen Frontex agentziaren kontrako manifestazioa egin zuten Catanian, bertako hainbat eragilegaz batera.
"Itsasontziak. Erreskatean!" filma euskaraz estreinatu dute Getxo Zinemetan
Zineuskadi plataformak "Itsasontziak. Erreskatean!" (Norvegia, 2017) filma estreinatu du gaur Getxo Zinemak aretoan eta beste hainbat herritan; datorren egunera arte ikusi ahal izango da, 17:30ean. Leioako Artea merkataritza-zentroan ere euskaraz ematekoak ziren, baina karteldegian gaztelerazko bertsioa iragarri dute.
“Lana aurkitzea da gura dugun bakarra, kartzela erraldoi honetatik alde egin ahal izateko”
Asilo-eskatzaileen egoera beren-beregi ezagutzeko aukera izan zuten atzo Mugak Zabalduz Karabanako kideek. Mineotik 10 kilometrora dagoen CARAra (Asilo-eskatzaileak Atxikitzeko Zentroa, italierazko sigletan) gerturatu ziren, eta bertan ikusitakoaren ondoren, ekintzaile askok ondorio berdina atera zuen: "hori ez da atxikitze-zentro bat, kontzentrazio-esparrua da". Gainera, zentro horretan labankada batez hildako emakume bati omenaldia egin zioten.
Domenico Guarini: “Migratzaile hauek ez dira hil, hil egin dituzte”
Palermoko Rotoli hilerria bisitatu zuen atzo, hilaren 17an, Mugak Zabalduz karabanak. Bertan, Mediterraneo itsasoan hildako pertsona migratzaileen memoria gorde gura dute Siziliako hiriburuko hainbat elkartek. Ekitaldi xume batean, 2015eko abuztuaren 5ean naufragio batean hildako 57 pertsona omendu zituen Karabanako ordezkaritza txiki batek.
Europako politika "xenofoboak" salatu dituzte Palermon
Italiako eta Europako politika migratzaileak eta "xenofoboak" salatu zituzten atzo Palermon bi mila lagun baino gehiagok, nazioarteko manifestazio batean. Protestaldiaren ondoren, Mugak Zabalduz karabanako kideek migratzaileen hainbat kolektibogaz afaldu zuten Santa Chiara komentuan; bertan, zenbait esperientzia konpartitu zituzten.
Altzaga Ikastolak badauka 50. urteurrenerako abestia
Erandioko Altzaga Ikastolak musika propioagaz ospa dezake 50. urteurrena. Izan ere, udalerri bereko Enbata gazte-musikarien taldeak sortu du "Altzaga bihotzean" rock-folk abestia, mendeurren erdirako aproposa.
Ventimigliako manifestazio jendetsuan parte hartu du Mugak Zabalduz Karabanak
Italiako, Frantziako eta Mugak Zabalduz Karabanako 4.000 pertsonatik gora elkartu zen atzo Ventimiglian (Italia) egindako nazioarteko manifestazioan. Bertan, pertsona migratzaileek europar bizileku-baimena eskuratu ahal izateko eskubidea aldarrikatu zuten, besteak beste.
Giza eskubideek mugarik ez dutela aldarrikatu du Mugak Zabalduz Karabanak
Pertsona migratzaileen eta errefuxiatuen aldeko manifestazioa egin zuten atzo ehunka lagunek Gironako Salt herrian. Factoria Cultural Coma Cros-en batu ziren Mugak Zabalduz Karabanan parte hartzen dabiltzan kide denak, espainiar Estatuko txoko denetatik joandakoak. Hala, arrastiko 20:30ak pasatxo abiatu zuten mobilizazioa, bertako Banda Marcial 504 batukadaren doinuek gidatuta. Denera, 500 pertsona inguruk parte hartu zuten protestaldian, pertsona migratzaileen eskubideen aldeko oihuak ozen zabaltzeko herriko kaleetan.
Abian da Mugak Zabalduz Karabana
Gaur goizean abiatu da Mugak Zabalduz Karabana, Bilbotik. Ehun pertsona baino gehiago batu da 07:30ean, San Nikolas elizaren aurrean, mobilizazioaren nondik norakoen azalpenak entzuteko eta, horren ostean, karabanari hasiera emateko. Aurten, Italiara joango dira, Siziliara, besteak beste; Europako politika "xenofoboak eta hiltzaileak" salatuko dituzte. Uribe Kostako 14 lagun parte hartzen dabiltza karabanan; tartean, HIRUKAko kazetari bi.
Mikel De Gregorio: "Iaz Getxon txarto egin genuena konpontzeko aukera dugu aurten"
Mikel De Gregorio Getxo Kirol Klubeko kirol-zuzendari berriak autokritika egin du, joan den denboraldiaren gainean. Modu berean, datozen hilabeteei begira ipini da, taldearen gakoen berri emateko.
Sopelako jaiak 2018
Ekainaren 28ko arrastian hasi ziren Sopelako sanpedro jaiak. Kuadrillakaz egon ginen, udaletxe ondoko belardian euren antzezpenak ikusi ostean, eta herrian Euskaraldia antolatuko duen taldeak irakurritako pregoia ere jaso genuen. Gozatu!