Ostirala, urriak 27

18:00

Beldurrezko pasabidea egingo dute urriaren 27an Berangon

Etxeko txikienak beldurrez betetzeko pasabidea antolatuko dute Berangoko Berangoeta kultur etxean urriaren 27an, 18:00etatik 22:00etara. Orduz orduko txandak egingo dituzte, adinaren arabera, eta, azaldu dutenez, lekua mugatua izango da. Hori dela eta, urriaren 20a baino lehen izena eman beharko dute beldurrezko pasabideaz gozatu gura dutenek.

19:00

Euskaraz mintzatzeko berbalagun taldea sortuko dute Urdulizen

Bariku honetan, urriaren 27an, euskaraz hitz egiteko topaketa egingo dute Urdulizko Kultur Etxean, arrastiko 19:00etan. Modu horretan, herrian Berbalagun talde finko bat sortzea da helburua, euskaraz hitz egiteaz batera jende berria ezagutzeko aukera ere sortzeko.

19:00

Zine emanaldia: Berbû

Servinaz Evdike zuzendariaren eskutik dator gurera fikziozko lan hau. Gule protagonistaren bizitzako pasarte bat du oinarri ikusentzunezko honek. Bere ezkontzarako prestakizun lanetan dabilela, familiak gerra piztuko denaren berria jasoko du. Euren herria, Serekaniye (Kurdistan), erasotzear daude. Erabaki bat hartu beharko du Gulek; ezkontza ospatu edo alde egin. Ez galdu aukera, sarrera librea da!

17:00

17:00

Ingurugiro eta birziklapenari buruzko tailerrak bueltatuko dira Uribe Kostako Mankomunitatera

Irailetik aurrera eta ikasturte berriaren hasieragaz, ingurugiro eta birziklapenari buruzko Inguru Minguru tailerrak bueltatuko dira Barrika, Berango, Lemoiz, Plentzia, Urduliz eta Gorlizko udalerrietara. Tailerrak 4 urtetik gorago umeentzat zuzenduta daude, eta iraila eta urria arteko bariku orotan tailer bat emango dute Mankomunitateko herri bakoitzean, arrastiko 17:00etatik 19:00etara. Helburua da haurrei erakustea ingurugiroarekiko errespetua, besteak beste: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabearaztea, baita birziklatzea eta berrerabilpena bultzatzea ere.

16:30

16:30

Sexu hezkuntza eta heziketa emozionaleko begirale ikastaroan izena emateko epea zabalik dago irailaren 30era arte

18 eta 29 urte bitarteko gazteei zuzendutako sexu hezkuntza eta heziketa emozionaleko begirale ikastaroa egingo dute Sopelako Kurtzio Kultur Etxean. Zehazki, Sopela, Berango, Barrika, Gorliz, Leioa, Lemoiz, Plentzia eta Urdulizen erroldatutako lagunentzako ikastaroa da, betiere tokiko elkarteetako edo kolektiboetako partaideei zein banakoei zuzendutakoa: magisteritza, pedagogia, psikologia ikasleak, begiraleak, entrenatzaileak, etab. Izena eman daiteke aurrez-aurre Sopelako Kurtzio Kultur Etxean, astelehenetik barikura (09:00-14:00/16:00 -20:00) eta zapatu eta domekatan ere (11:00-14:00/17:00-20:00). Halaber, online ere egin daiteke hemen.

16:00

19:00

Ekin Bidaia gazte ekintzailetzako programa abiarazi dute Uribe Kostan

Ekin Bidaia gazteekintzailetzako programa abiarazi du Bizkaiko Foru Aldundiak Uribe Kostan eskualdeko Udalakaz duen Gaztedi Uribe Kosta hitzarmenaren bidez. Programa horrek ideia batetik abiatutako proiektu ekintzaileei laguntza ematen die, kontzeptu horretan sakonduz eta abian jartzeagaz lotutako alderdi guztiak landuz. Horretarako, bidaiaren analogia erabiliko dute: irteeratik (ideia) helmugaraino (azken proiektua), geldialdi desberdinez osatutako ibilbidea egingo dute. Parte hartzeko ondorengo inprimakia bete daiteke urriaren 19a baino lehen: izen-ematea hemen.

19:00

19:00

Latsarriaren memoria eta euskal mitologia izango dira Gorlizko Ondarearen Europako Jardunaldien protagonistak

Urrian hainbat ekimen antolatu ditu Gorlizko Udalak Ondarearen Europako Jardunaldien barnean. Besteak beste, hilaren 20an, Latsariak dokumentala proiektatuko dute Gorlizko udaletxean, arrastiko 19:00etan. Hala, herriko emakumeen bizipenen eta testigantzen lekuko izan zen gunea oroitu gura dute, izan ere, emakumeen harreman sozialerako topagune izan ziren horiek. Halaber, Sertutxena eraikinean Mitologia pertsonaiak erakusketa egongo da ikusgai hil osoan zehar. Bertan, Aritza Bergara idazleak egindako deskribapenak eta kondairak egongo dira. Bukatzeko, urriaren 31n, Gau Beltza ospatuko dute: arrastiko 17:00etatik aurrera Ibarreta plazan, musika, dantza tradizionalak eta jatekoa eskainiko dituzte. Hala, Gorlizko bizilagunek herriko euskal kultura eta mitologia ezagutzeko aukera izango dute gau ahaztezin batez gozatzen duten bitartean.

09:30

13:20

Surf Business Meeting: 8. Surf Industriaren Berrikuntza Foroa

Urriaren 26ko hitzaldiak 09:30-10:00 Kafea eta akreditazioak 10:00-10:20 Inaugurazioa 10:20-10:50 Johnny Cabianca(Brasil): “Surf taulen nazioarteko merkatua” 10:50-11:20 Gabriel Pérez (Bartzelona): “El Niño” fenomenoa eta horren ondorioak 11:20-11:50 Coffe break 11.50-12:20 Surf herrien sarea 12: 20-12:50 Alex Rayón (Bilbo): “Adimen artifiziala surfaren industrian” 12:50-13:20 Adimen artifiziala surfaren industrian gaiari buruzkomahai-ingurua 13:20-13:35 Itxiera eta ondorioak. Urriaren 27ko lan-jardunaldi teknikoa Basquetourrek surf-eskolen jarduerei buruzko egungo araudia aplikatzeari buruz egindako txosten juridikoa aurkeztea udaletako arduradun eta teknikariei.

19:30

11:00

Leioako XXXII. Aste Mikologikoa

Gaurtik domekara bitartean, aste mikologikoa antolatuko du Leioako Zazpi Mikologia Elkarteak. Besteak beste, adituen berbaldiak, irteera mikologikoa eta 200 perretxiko eta onddo mota batuko dituzten erakusketak egingo dituzte egunotan.

10:00

20:00

Dastatu urria jaialdia egingo dute Gorlizen urriaren 27tik 29ra bitartean

Gorlizko Ibarreta Plaza herriaren erdigune gastronomiko bihurtuko da urriaren 27, 28 eta 29an Dastatu Urria jaialdiagaz: eskualdeko garagardo artesanalak ezagutzeko aukera paregabea izango da perretxikoak osagai nagusi dituzten pintxoak dastatzen diren bitartean. Ohikoa denez, udagoienaren etorrerak mota horretako onddoa biltzeko sasoiaren hasiera markatzen du, eta  hori aprobetxatuz, Udalak hiru egunetan zehar garatzen den programazio oparoa antolatu du.