Jendartea 2006-06-15 14:39

Bihar da azken eguna Plentzian egingo den emakumeen nortasunari buruzko mintegian izena emateko

Erabiltzailearen aurpegia Ukberri Emakumeen nortasuna eta norbere estimua baloratzeko mintegia egingo dute datorren uztailaren 5etik aurrera Plentziako Goñi Portal kulturalean. Tailerrak 15 ordu iraungo ditu eta bost saiotan banatuko da uztail osoan zehar. Izena eman nahi duten emakumeek bihar izango dute horretarako azken aukera, horretarako azken eguna ekainaren 16a baitaa. Ikastaroari buruzko argibide gehiago nahi izanez gero Plentziako Goñi Portal kulturalean galdetu daiteke, 946 775 541 telefono zenbakiaren bidez. Argazkia: Naturaleza.
  Jendartea 2006-06-07 17:57

Bi pertsona atxilotu dituzte Plentzian denda batzuetan lapurtu dutelakoan

Erabiltzailearen aurpegia Ukberri Ertzaintzat bi pertsona atxilotu zituen atzo goizaldean Plentzian, ibilgailu bat ostea, udalerri horretako zenbait dendatan lapurtzea eta nortasun usurpazioa egotzita. Atxilotuak I.J.E. eta A.J.E. deitzen dira eta 31 eta 29 urte dituzte, hurrenez hurren. Ertzaintzak emandako bertsioaren arabera, atzo, goizaldeko ordubata aldera, “lanean ez zegoen ertzain batek” Neguriko ertzain-etxera deitu zuen, “gizonezko bi ikusi baitzituen Plentziako metro-geltokitik hurbil dagoen taberna batean lapurtzeko saiakerak egiten”. Saltokiko alarmak jo zuenean, lapurrak ibilgailu batean egin zuten alde eta ertzainak tabernara heldu eta lekua ikertzen zuten bitartean, “ustez lapurreta egiteko erabili zuten ibilgailua Barrika aldean ikusi zuten, furgoneta batekin batera zihoala”. Ertzainak ikusita, furgonetak abiadura handitu omen zuen, baina Polizia autonomikoek gelditzeko agindua eman zioten eta horrela egin zuen A.J.E. 29 urteko gizonezkoa.
  Kultura 2006-05-23 14:53

AEK Egunaren atzerabegirako erakusketa izango da Plentzian maiatzaren 26ra arte

Erabiltzailearen aurpegia Ukberri Aurten ekainaren 10ean ospatuko den AEK Egunaren harira, Uribe Kostako AEK-k eta Uribe Butroeko AEK-k AEK Egunaren gaineko erakusketa antolatu dute. Erakusketaren bidez AEKren historian atzera jauzi egin eta orain arteko AEK Egun guztietako kartelak eta irudiak ikusteko aukera egongo da gaurtik aurrera. Izan ere, erakusketa maiatzaren 2an abiatu zen Leioako Mastitxu Udal Euskaltegian eta geroago Itzubaltzeta / Erromon izan zen. Plentzian, berriz, atzo zabladu zen erakusketa Goñi Portal kultur etxean eta bertan izango da ostiralera arte. Geroago, Uribe-Butroera egingo du txangoa AEK Egunaren inguruko bildumak.
  Jendartea 2006-05-09 14:50

Plentziar bat hil da Urduñan izandako auto-istripuan

Erabiltzailearen aurpegia Ukberri Goizeko 9ak jo eta gutxira gertatu da zorigaiztoko istripua, BI-625 errepidean, Urduña parean, Eusko Jaurlaritzako Herrizaingo Sailak jakinarazitakoaren arabera. Oraindik argi ez dauden arrazoiak tarteko, bidetik atera da Bilboko matrikula zuen Citroen AX autoa eta eletrizitate-zutoin baten aurka jo du ondoren. Gidaria atera ezinik gelditu da barruan. Berehala, suhiltzaileak bertaratu dira, osasun-zerbitzuekin batera. Hala ere, Plentziako 44 urteko I.A.D. gizonezkoa hilik zegoela baieztatu baino ezin izan dute egin. Suhiltzaileek hilotza atera eta Auzitegiko Patologia Zerbitzura eraman dute. Argazkian, beste auto-istripu bat.
  Jendartea 2006-04-05 15:20

Gazte batek zauri larriak jaso ditu Plentzian izan den istripuan

Erabiltzailearen aurpegia Ukberri Plentziako gazte bat larriki zauritu zen atzo goizaldeko hirurak eta hamarrean, Plentzian bertan izandako trafiko istripuan. G.J.M. 21 urteko Plentziako bizilagunak Opel Astra auto bat gidatzen zuela, galtzadatik irten zen eta horma baten kontra jo zuen BI-2122 errepidean. Gidaria autotik irten ezinik geratu zen eta suhiltzaileek atera behar izan zuten. Gaztea Gurutzetako ospitalera anbulantziaz eraman zuten egoera larrian, Herrizaingo Sailak jakinarazi duenez.
  Jendartea 2006-04-03 18:21

Getxoztar gaztea atxilotu dute Plentziako taberna batean lapurtu duelakoan

Erabiltzailearen aurpegia Ukberri Ertzaintzak 19 urteko B.M. getxoztarra atxilotu zuen atzo goizean Plentzian, herri horretako taberna batean lapurtzea egotzita, Eusko Jaurlaritzako Herrizaingo Saileko iturriek prentsa-ohar batean adierazi dutenez. Gertaera 8:15ak aldera izan zen, pertsona batek beste bat atxikita zuela jakinarazi ziotenean polizia autonomikoko patruila-auto bati. Polizia agenteak berehala bertaratu ziren eta ustezko lapurra harrapatu zuen pertsonekin jarri ziren harremanetan. Polizia iturrien arabera, ustezko lapurra tabernatik irteten ikusi zutela adierazi zuten bertan zeudenek, ustez behin lapurreta burututa, eta hainbat lagunek atxiki egin zuten patruila heldu arte.
  Politika 2006-03-08 14:15

Etxean egindako bi lehergailurekin eraso dituzte Plentziako bi banku

Erabiltzailearen aurpegia Ukberri Bi lehergailuk eztanda egin zuten bart Plentziako bi bankutan. Etxean egindako lehergailuak ziren eta gauerdirako 25 minutu falta zirenean egin zuten eztanda. Eusko Jaurlaritzako Herrizaingo Sailak jakinarazi duenez, kalteak izan dira, baina ez du inork minik hartu. Erribera kalean dauden BBKren eta La Caixaren bi bulegoetan izan ziren leherketak. Lehenengoak jaso du kalterik handiena, kutxazain automatikoa kiskalita geratu delako. Eztanda oso handia izan denez, BBKren sukurtsala dagoen eraikinean bizi diren auzokoak etxebizitzetatik atera dira, polizia iturriek aditzera emandakoaren arabera. La Caixako bulegoak, ostera, kalte txikiak izan ditu. Argazkia: Indymedia Euskal Herria.
  Jendartea 2006-02-27 20:19

Plentziako abanikoan malda batetik jausi eta besoa lokatu zuen gizon bat artatu zuen igandean Gurutze Gorriak

Erabiltzailearen aurpegia Ukberri Plentziako abanikoan malda batetik jausi eta besoa lokatu zuen 40 urteko gizonezkoa artatu zuen igande arratsaldean, 19:00ak aldera, Gurutze Gorriak. Salbamendu erakunde horretako iturrien esanetan, Osakidetzaren deia jaso ondoren, anbulantzia bat bertaratu zen gizona laguntzeko. Txakur-hagindakaren ondorioz zauritua zegoelakoan abiatu ziren bertara, baina heldu zirenean, egoera zeharo ezberdina zen: 40 urte inguruko gizona malda batetik jausi zen bere txakurraren atzetik zebilela. Zorionez, zuhaitz batek gelditu zuen gizona eta ez zen maldan behera joan. Hala ere, ez zegoen tokira hurbiltzerik arriskurik gabe. Gauzak horrela, Gurutze Gorrikoek sokak erabili behar izan zituzten gizona ateratzeko. Behin anbulantzian zegoela, Gurutzetako ospitalera eraman zuten besoa lokatuta zeukala.
  Jendartea 2006-02-12 19:30

Plentziako gaztea zauritu da herrian bertan izandako istripuan

Erabiltzailearen aurpegia Ukberri Ezbeharra larunbatean goizaldeko ordu batak hogei gutxitan jazo zen Plentziako Areatza etorbidean, Eusko Jaurlaritzako Herrizaingo Sailak prentsa-ohan baten bidez jakinarazi duenez. Yamaha Tzr motozikleta batek –Bilboko matrikuladuna– eta Citroen Saxo batek talka egin zuten, lehenengoak aurrealdeaz bestearen alboa jota. Horren ondorioz, bi gurpileko ibilgailuaren gidaria, 29 urteko A.A.L. plentziarra larri zauritu zen, eta Gurutzetako ospitalera eraman behar izan zuten anbulantziaz.
  Kirolak 2005-10-28 00:49

Oraindik ere badago "Skate Uribe Kostan" argazki erakusketaz gozatzeko aukera Plentzian

Erabiltzailearen aurpegia Ukberri Abendura bitartean, Uribe Kostako herrietan barrena ibiliko da UK Uribe Kostako Aldizkariak ekoiztutako "SK8UKN, Skate Uribe Kostan" erakusketa fotografikoa. Algorta, Sopela, Urduliz eta Gorlizen ikusi ahal izan da jada. Orain Plentziako kultur etxean, Goñi Portalen, dago urriaren 30era arte. Hortik aurrera, Leioako Kultur Leioa aretoan (azaroaren 7tik 20ra) eta Erandioko udaletxean egongo dira ikusgai Carlos Terrerosek egindako 18 argazkiak. (Irudian, Borja Saez skaterrari Erandion ateratako argazkia / Egilea: © Carlos Terrero).
  Jendartea 2005-10-18 15:37

Plentziako emakume bat hil da trafiko istripu batean Mungian

Erabiltzailearen aurpegia Ukberri I.U.L. 33 urteko emakume plentziarra hil da goizeko 11:30ak aldera BI-3715 errepidean, Mungiako altueran, izandako trafiko istripuan. Opel Corsa batean zihoala emakumeak aurrez aurre talka egin du autobus baten kontra. Istripuaren eraginez, I.U.L. autoaren barruan harrapatuta gelditu da suhiltzaileek askatu arte. Zoritxarrez, emakumea askatu ostean bertaratutako medikuak bere heriotzaren berri eman du. Istripu beraren ondorioz ere autobuseko bi kide zaurituta suertatu dira eta errepidea moztuta gelditu da, EAEko Herrizaingo Sailak adierazi duenez.
  Politika 2005-10-06 11:33

A Lamako espetxean itxialdi mugagabean dago Fernando Etxegarai

Erabiltzailearen aurpegia Ukberri Pontevedra aldean, A Lamako espetxean (argazkian) dituzten euskal preso politikoek irailaren 22tik itxialdian dira. Beraien artean Fernando Etxegarai (Bilbo / Plentzia) dago, eskualdeko preso politikoa, Uribe Kostako Amnistiaren Aldeko Mugimenduak Etengabe.org bitakoran jakinarazi duenez. Itxialdiaren arrazoia hauxe da, bertan azaltzen denez: "Iñaki Garces euskal preso politikoa, irailaren 1ean, Kordobatik A Lamara eraman eta isolamendu moduloan sartu zuten. Horren aurrean, A Laman dituzten euskal preso politikoak zuzendariari gutun bana bidaltzen hasi ziren, hitzordua eskatuz. Ez dute erantzunik jaso oraindino. Horren aurrean, irailaren 22an mugagabeko itxialdia hasi zuten eta, egun, hala jarraitzen dute".
  Kultura 2005-09-09 23:49

Kilometroak jaialdirako autobusa jarriko du Plentziako kultur etxeak

Erabiltzailearen aurpegia Ukberri Plentziako kultur etxeak datorren urriaren 2an ospatuko den Gipuzkoako ikastolen jaialdira joateako autobusa jarriko du. Izena eman nahi duenak egin ahal izango du irailaren 23ra arte Goñi Portaleko kultur etxean. Horretarako ordutegia goizeko 11:00etatik 13:00etara eta 16:30etik 21:00etara izango da. Kilometroak jaialdiko zirkuituak Aretxabaleta eta Eskoriatza inguruko 8.100 metro izango ditu, paraje zoragarria eta ibiltzeko erosoan. Aretxabaletatik abiatzen da eta inguruko elizateetatik pasa ondoren, herrira jaisten da berriz. Aldapa oso gutxi dauka, aterpe nahiko, eta trafikoarekin ez du inongo interferentziarik. Momentuz antolakuntzak ez du gunerik zehaztu, baina dagoeneko Kilometroen kanta ofiziala kaleratu du, Jon Sarasuak idatzitako eta Liken taldeak musika jarri duen Oia abestia.
  Kirolak 2005-09-07 21:20

Interneten "plentziatarra"ren arraunlaria izan zaitezke

Erabiltzailearen aurpegia Ukberri "Estropaden jokoa" Interneterako jolas berriak Kontxako banderan izan diren taldeen arraunlari izateko aukera eskaintzen du, tartean Arkote. Estropada denboraldia bukatzeko ez da asko falta, baina proba garrantzitsuena jokatzea falta da oraindik: Kontxako Banderaren finala. Hori horrela izanda, eitb.com-ek jokoa kaleratu du estropaden sasoi betean. Jokoa grafikoki ez da gauza handia baina menpekotasuna sortzen du. Bit&Mina Donostiako enpresak sortutako jolasean oztopo ugari gainditu behar da ziaboga eman eta helmugara heldu aurretik: izurdeak, marmokak eta minak.
  Kirolak 2005-09-04 17:15

Ezustean Arkote Kontxako ohorezko txandan sartu da

Erabiltzailearen aurpegia Ukberri "Plentziatarra" traineruak marka guztiak gainditzen ari da aurten. Kontxarako lehenengo aldiz sailkatzeaz gain, estropada galanta egin du gaur bere txandan bigarren postua eskuratzen eta eguneko laugarren trainerua izanez. Hortaz, ohorezko txandan sartu da lehia handiko Kontxako Banderan. Denbora aldeak txikiak direnez, bihar erabakiko da Bandera norantza egingo duen, nahiz eta Arkotek oso zaila izango duen 21 segundutara. Bestalde, Astillerok Kontxako errekorra egin du bigarren txandan: 19 minutu eta 9 segundu. Berarekin sailkatu dira Castro, lehenengo txandaren onena, Hondarribia eta Arkote. Aldiz, Orio bezalako faborito bat ohorezko txandatik kanpo gelditu da. (Argazkian, 2002ko Kontxako Bandera / www.hijosmios.com).
  Jendartea 2005-09-04 14:57

Bilbotar bi atxilotu ditu Ertzaintzak Plentziako txalet batean lapurtzen ari zirelakoan

Erabiltzailearen aurpegia Ukberri Ertzaintzak 30 urteko K.B. eta 36 urteko R.A. bilbotarrak atxilotu zituen ostiralean, arratsaldeko 14:00etan, Plentziako txalet baten barruan, bertan lapurtzen zihardutelakoan. Ertzaintzaren prentsa oharraren arabera, Plentziako auzokide batek deitu zuen ezezagun batzuk aipatutako txaletean zeudela esanez, eta ertzainak heldu zirenean egongelako leiho-atea apurtuta aurkitu zuten. Ondoren, etxebizitzaren barruan bi gizonak topatu zituzten. Ertzaintzaren esanetan "etxebizitza arakatua izan zenaren aztarnak zeudenez" aurrekari penalak dituzten susmagarri biak atxilotu zituzten poliziek.
  Kultura 2005-09-02 23:45

Kontzertuak eta su artifizialak dira Plentziako jaietako egun nagusiko ekitaldirik ikusgarrienak

Erabiltzailearen aurpegia Ukberri Helduentzako mozorro lehiaketa 21:30ean hasiko bada ere, jai jarduera nagusiak 23:30ean botako diren su artifizialak eta ondoren izango diren bi kontzertu oso ezberdinak izango dira. Astillero plazan Kresala orkestra izango da dantzaldian, bestalde nortasun biziko eskualdeko musika taldeak izango dira txosnetan. Bertan, eta Plentziako Gazte Asanbladak antolatutako kontzertua dela medio, gaueko 23:30etik aurrera Quizical (argazkian), Patada en la papada eta Non Ote? taldeak entzuteko aukera edukiko dugu.
  Kirolak 2005-09-01 22:35

Kontxako Bandera jokatzeko txartela lortu du Arkotek

Erabiltzailearen aurpegia Ukberri Gozatzeko aukera bikoitza edukiko dute gaurtik aurrera Plentzia aldean. Jakin badakigu San Antolin festetan murgilduta dabiltzala bertokoek, baina gaurkoan Donostia aldetik etorri da berri ona. Izan ere, Kontxako Banderan parte hartu nahi zuten 22 traineruetatik zortzigarren postua eskuratu du Arkotek arratsalde honetan jokatu den sailkatze-saioan, irailaren 4an euskal arraunaren zita garrantzitsuenan lehiatzeko txartela eskuratuz. Esan beharra dago ezusterik gabeko saioa izan dela gaurkoa. Castro nagusitu da Donostiako badian, eta ondoren, Hondarribiak, Cabo da Cruzek, Oriok, Pedreñak, Astillerok eta Pasai Donibanek egin dituzte denborarik onenak, "Plentziatarraren" aurretik. Guztiak ala guztiak TKE Ligakoak. (Argazkian, 2002ko Kontxako Bandera / www.hijosmios.com).
  Jendartea 2005-06-07 21:34

Sopelako motor-gidaria zauritu da Plentzian gertatutako istripuan

Erabiltzailearen aurpegia Ukberri Eguerdiko hamabiak aldera gertatu da ezbeharra BI-2704 errepidean, Plentzia udalerrian. Besteak beste, Citroen Saxo autoak eta zilindrada handiko Yamaha motozikletak izan dute istripua eta, ondorioz, azken ibilgailu horren gidaria, JA.Z.I. Sopelako 28 urteko bizilaguna Gurutzetako ospitalera eraman behar izan dute mota ezberdineko zauriekin.
  Kultura 2005-06-03 22:36

Uribe Kostako Mankomunitateak udalekuak egingo ditu Plentzian

Erabiltzailearen aurpegia Ukberri Uribe Kostako Mankomunitateko Euskara Zerbitzuak udaleku irekiak antolatuko ditu, uztailaren 5etik 15era bitartean, Plentziako herri ikastetxean. Ordutegia 10:00etatik 18:30era izango da. Barrika, Berango, Gorliz, Lemoiz, Plentzia, Sopela eta Urdulizen erroldaturiko neska-mutilak (6-12 urte) izena eman ahal izango dute bertan. Horretarako epea ekainaren 16 arte egongo da zabalik eta 90 eurokoa da prezioa. Informazio gehiago jasotzeko: 946762674. Euskera Zerbitzua (Gatzarriñe, 2-4 Sopela / Ordutegia: 9:00tik 13:00ak arte).

Nabarmenak

Zorion agurrak