Igandea, abenduak 16

10:00

Leioako Nekazaritza eta Abeltzaintza Azokaren 31. edizioa

Domeka honetan, abenduaren 16an, Leioako Nekazaritza eta Abeltzaintza Azokaren 31. edizioa egingo dute, Boulevard-en eta Errekalde zein Jose Ramon Aketxe plazetan, 10:00etatik 15:00etara arte. Hala, Udaltzaingoak trafiko mozketak aurreikusi ditu 07:00etatik 17:00etara arte.

10:00

Umeen krosa

Domeka honetan, abenduaren 16an, egitekoa zen 3 eta 13 urte bitarteko neska-mutilen krosa, Gorlizko kiroldegiko atletismo-pistan, goizeko 10:00etatik aurrera. Halere, Gorlizko Udalak jakinarazi duenez, "Txiki krosaren data atzeratu egingo da, eguraldiagatik". Udalak ez du zehaztu zein izango den data.

10:30

Itziar Lopez de Uralderen omenezko lasterketa

Abenduaren 16an, domekan, Itziar Lopez de Uralde Oroi-lasterketaren 35. edizioa izango da. Aurreko urteotan legez, Itxartu Taldeak eta Getxo Atletismo Klubak antolatuko dute proba. Izena eman daiteke datorren martitzenera arte, abenduaren 11ra arte.

Erandioko Emakumeen Jabekuntza Eskolan izen-ematea

Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.

Galeako Olatu handiaren itxarote-fasea

Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.

SEI GABONETAKO OTAR ZUEN ARTEAN ZOZKETATUKO DITUGU!

Lotsagarria iruditzen zaigu guztion diruarekin zinegotzioi Gabonetako otarrak ematea, lotsagarriak iruditzen zaizkigun pribilegio horiek ezabatu nahi ditugu, urtero ekimenak egiten ditugu baina PNV-PSE-PPk eta C´sek euren otarra nahi dute eta beti pribilegioei eusten diete. Zer iruditzen zaizue? Idatzi zure iritzia eta gure gabon otarren zozketan parte hartuko duzu. Zuenak dira, baina denei ezin dizkizuegunez itzuli, gure 6 otarrak zozkatuko ditugu. Anima zaitez eta bidali zure iritzia. PARTE HARTZEKO: Erantzun mezu honi (Abenduaren 20ko eguerdiko, 12ak baino arinago) pribilegio hauen inguruan zuen iritzia ematen: Facebooken eta ekintza partekatu. Instagramen (@ehbildugetxo) eta ekintza partekatu #Getxonpribilegiorikez traolarekin twitterren (@GetxokoEH Bildu) eta bertxiokatu #Getxonpribilegiorikez traolarekin. Getxoko EH Bilduren whatsappean (665 73 24 91). Emailez. getxokoehbildu@gmail.com. Zozketan parte hartzeko baldintza bakarra pribilegio hauen inguruko ZURE IRITZIA EMATEA eta partekatzea izango da. ZOZKETA ABENDUAREN 20AN EGINGO DUGU, (ZUEKIN HARREMANETAN JARRIKO GARA ZUEK ERABILITAKO BIDETIK) ETA 21ean OTARRA JASO BEHARKO DUZU. PRIBILEGIOEI STOP!

"Hemen denok jolastuko dugu" jostailuen donazio-kanpaina

Ganemos Erandio plataformak "Hemen denok jolastuko dugu" kanpaina abiatu du, Erandioko elkarteentzako jostailuak batu eta "Gabonetan, neska-mutil bat ere gera ez dadin jostailu barik". Iaz egin zuten lehenengo aldiz eta lortutako arrakasta dela eta, aurten ere egingo dute.

Musikaldia zikloa

Sopelako Udalak jarduera musikalak sustatzen segitzen du eta, beste urte batez, Musikaldia udazkeneko musika-zikloa antolatu du. Ekimena abenduaren 14an, 15ean  eta 16an izango da, Kurtzio kultur etxean.

"Pedalei eragiten birziklatzearen alde" ekimena

Beirazko ontzi-hondakinen gaineko kontzientziazio-saio bana egingo dute Astrabuduan eta Altzagan, datozen egunotan, "Pedalei eragiten birziklatzearen alde" goiburupean; asmoa beiraren gaikako bilketa hobetzea da.