Iritzia 2008-03-14 12:17

Fredi Paya: "Sao Paulo"

Erabiltzailearen aurpegia Ukberri Bederatzi urterekin hasi nintzen bertsotan, orain dela 17 udaberri. Algortan, kalean, inor gutxik zekien bertsolaria zer zen. Ikastolan edo herriko plazan abesten nuenean beste umeek barre egiten zidaten eta folkloriko deitzen dit oraindik ere hainbat postaletako Che Guevarak. Herriko dantza taldean ibiltzeagatik marikoia nintzen eta txistua eta trikitixa ikasteagatik pringaua. Apurka-apurka, eta zenbait jenderen lan iraunkorrari esker, Euskal Herrian urtero bertso saio gehien antolatzen duen herria da Algorta. Eta gure kulturari barre egiten zioten horiek euskaltzale eta abertzaleak dira orain, edo hori esatetik bizi dira behintzat. Argazkia: Koska irratia.
  Iritzia 2008-03-13 21:00

On Joxandres eta alderdia

Erabiltzailearen aurpegia Ukberri Neguko arratsalde gris eta triste hartan, Bilbotik gure herrirako trena hartu genuen hiriburuan egun osoa igaro ostean. Noizean behin eskola egutegiak sariren bat izaten du, eta egun hartako irtenaldiak eman zigun hartaz gozatzeko aukera. Arratsaldeko bostak baino ez ziren, baina egunak zeukan argitasun urria zela kausa, bagoiaren argiak pizturik zeuden. Amezolako geltokira iritsi, eta trenean gizon heldu bat, argala eta garai samarra sartu zen maleta bat eskuan, eta soinean traje eta gorbata jantzita. Gainetik beroki gris antzeko bat zeraman, Bilbok sarritan izaten dituen egun heze eta ustel horien hoztasunari aurre egiteko aproposa. Hark ez zituen berrogeita hamarrak beterik izango, baina bere ile urdina zela eta, urte gehiago zeukala pentsa zitekeen. .Artean nik neuk ez nuen gizona ezagutzen, eta gure ondoan eseri zenean hiriburutik bere herrira zihoan beste bulegari bat gehiago zela pentsatu nuen. Bai harritu ninduela, gizona gutako batzuekin zabal eta maitagarri hitz egiten hasteak. Une hartan aldarte onean zegoen, eta berak aukera eman zidalarik neu ere berarekin hizketan hasi nintzen. Itxuraz bera eta bion artean berdintasunezko harremana ezarri zen, baina une hartan bertan jada gizon horrek sorbaldaren gainetik begiratzen gintuela susmatu nuen. Edozelan ere, inolako asmo txarrik tartean ez zela hizketari ekin genion, eta elkarrizketa haren bitartez trenaren barruan eguraldi heze eta ustelari puntu koloretsu bat jartzen geniolakoan nengoen. Trenetik irten, eta nire inguruan zeudenen bitartez jakin nuen gizon horrek Joxandres Ibarra zuela izena.
  Iritzia 2008-03-10 07:54

Iñigo Fernandez de Martikorena: "guztiek irabazi dutenarena egiten"

Erabiltzailearen aurpegia Ukberri "Hautestontziren hitza, poza eta ditxa". Asmatutako esaera izango ez balitz, datorren Sopelako Esaera Zaharren Txapelketan lotsa barik erabiltzeko moduko esaldia litzateke hori. Izan ere, hauteskundez hauteskunde zer edo zer berdin jarraitzen badu horixe da: guztiek irabazten dutela beti, Anguita bezalako arraroren baten salbuespena eginda. Gaur jakina, ohituraren soka ez da apurtu. Espainiako hauteskundeetan, Estatu mailan PSOEk irabazi du. Zapaterok 11.063.266 boto eskuratu ditu hautestontzien %99,98 zenbatu dutela, 2004an baino 5 eserleku eta 40.000 boto gehiago hartu dituela. Carrascoren senideen aldeko elkartasuna ere jaso du, hainbat botoren bidez, baina batez ere, IU ito egin du bipolarizazioa eta boto erabilgarriaren bidez. Hego Euskal Herrian, bi diputatutan eta 85.000 sufragiotan sendotu du ordezkaritza. Gainera, Kongresuko bozkaketetan gehiengo osoa izateko 7 diputatu baino ez ditu behar eta hainbat aukera ditu horretarako: CiUren 11ak, ezker taldeen 7ak edota beti negoziatzeko prest dauden EAJ eta kanariarrak. Zenbat eta eskaintza gehiago, orduan eta ituna merkeago. Merkatu librearen kontuak dira. Baina ez dira bakarrak: Mariano, Marisa, Josep Lluis, Uxue, Iñigo, Arnaldo edo ETA ere irabazi ei dute. Hauteskundeen emaitzak eskualdean (pdf).
  Iritzia 2008-03-09 00:49

Ez Jaun Ez Jabe: "sistema sufragistari sua"

Erabiltzailearen aurpegia Ukberri Martxoaren 9ko hauteskundeetan ikusiko dugu berriz ere zein den aukera nagusia: abstentzioa. Badirudi jende gehienak ez duela konfiantza lan-malgutasuna, bizitzaren hipotekarizazioa, komertzio txikien suntsipena eta auzoen bizitzaren desagerpena, ingurumenaren txikizioa... zeharka sustatzen dutenengan. Gaur egungo "sistema demokratikoa" bi aukeratan bananduta dago: neoliberalismoa (zerbitzu publikoen desagerpena) zuzenean bultzatzen dutenak edota progresista mozorroaz neoliberalismorantz eramaten gaituztenak. Duela gutxi Europako Konstituzio Itunaren aldeko botoaren eskaerarekin argi eta garbi ikusi genuen. Euskal Herrietan "betiko bozkatzaileak" badauzkagu, zeinek bere alderdia bozkatzen jarraituko duten nahiz eta alderdiak komertzio txikien hondamena ekarri edo AHT, Jaizkibel, Supersur delakoa, Itoitz.... eraikitzeko beraien lurraldeetatik bota.
  Iritzia 2008-03-08 11:20

Bilgune Feminista: "martxoak 8 honetan inoiz baino arrazoi gehiago ditugu kalera irten eta gure eskubideak aldarrikatzeko"

Erabiltzailearen aurpegia Ukberri Euskal emakumeok gure etorkizun indibidual eta kolektiboa modu askean erabakitzeko eskubidea mugatua dugu. Batetik, gure herriko zatiketa administratiboak eta herri izaeraren ukazioak eta bestetik sistema patriarkalak ezarritako mugek, Euskal emakumeok egoera antidemokratiko batean bizitzera garamatzate. Estatu frantsesean, Sarkozyren eskuinerako norabideak eta hemendik eratorri daitezkeen politika atzerakoiek, emakumeon eskubideetan eragin zuzena dute. Ez gara, ezta gutxiago ere, eskubide osoko herritarrak. Esaterako, abortu eskubideari dagokionez epe legea dugu. Lege honek ez du emakumeok gure gorputzaren inguruan erabakitzeko dugun eskubidea, bere osotasunean bermatzen. Estatu espainola, ezaugarri patriarkal, kontserbadore eta antidemokratikoengatik definitzen da. Edozein koloretako gobernua egonda ere, badira zenbait botere faktiko (Opus Dei, eliza, goi klase atzerakoiak, sistema juridiko usteldua?) presio mekanismo anitz erabilita, emakumeon eskubideen urraketa sistematikoa sustatu eta egoera mantenarazten dutenak. Argazkian, azaroaren 25ean, Algortako Bilgune Feministak deituta, emakumeen aurkako indarkeriaren kontra egindako elkarretaratzea. Gaur, 19:00etan izango da manifestazioa, Algortako Telletxe plazatik abiatuta, Emakumeen Mundu Martxarako plataformaren ekimenez.
  Iritzia 2008-03-07 15:48

Euskadiko Gazteriaren Kontseilua: "ETA okertu egin da"

Erabiltzailearen aurpegia Ukberri Gaur, 2008ko Martxoaren 7an Arrasaten (Gipuzkoa), gertaturiko ekintza biolentoaren aurrean, non 42 urteko Isaias Carrasco Miguel PSE-EE alderdiko Arrasateko zinegotzi ohia hilda suertatu den, Euskadiko Gazteriaren Kontseiluak, EAEko milaka gazte elkartuen erreferentziazko plataforma gisa, bere gaitzespenik garbiena azaldu nahi du eta baita hildakoaren familiei elkartasuna bidali. Halaber, zera adierazi nahi dio gizarteari: ETA okertu egin da. Euskal gizartean oinarritutako eta herritar gehiengoek aldarrikatutako prozesua oztopatu dute berriro, euskal gizarteak hainbatetan azaldutako biolentziaren aurkako deiadarrari ez entzunarena eginez. Bizitza beraren eta euskal herritaren borondatearen errespetua aldarrikatu nahi dugu, inolako atentatu, koakzio, txantaia eta mugiezinkortasun politikoetatik urrun. Argazkian Euskadiko Gazteriaren Kontseiluko kideak Ibarretxe lehendakariarekin iaz egindako bileran.
  Iritzia 2008-03-07 12:17

Joseba Butron: "denbora faktorea"

Erabiltzailearen aurpegia Ukberri Denbora bat izaten denerako. Izan ere, denborak aukerak ematen ditu, hau egiteko, hura egiteko. Hasteko eta bukatzeko. Gure herriaren aurka ere denbora erabili dute, zapaltzeko, aldatzeko, asimilatzeko, desagerrarazteko. Denbora bat behar zuten, denbora kontua zen. Ematen du, ordea, denbora guztiak pasatu egiten zaizkiela. Denborak eman dizkien aukera guztiak galdu egin dituztela; edo, bestela esanda, gure herriak eusten asmatu egin duela, asko sufrituta. Atzerantz begira jarriz gero, hainbat denbora ikus litezke. Batzuek agian azken hogeita hamar urteei erreparatuko diete, edo frankismo garaiko berrogeiei, edo atzerago joan eta XIX. mendeko karlistada garaiei, edo atzerago, eta atzerago. Berdin dio. Kontua da epeak eta epeak erabili dituztela gure aurka, denboraren joanean gure herri hau makurtuko zelakoan, bere izateari utziko ziolakoan. Argazkian: Joseba Butron, eskuman, Euskaltzaindiko batzar batean.
  Iritzia 2008-03-07 11:45

Fredi Paya: "ipuin ustelak"

Erabiltzailearen aurpegia Ukberri Parisko zikoinarekin hasita eta Olentzerorekin jarraituta, gezurretan oinarritutako ipuinak kontatu izan dizkigute ilusioz bizi gaitezen. Gure eskualdeko baserritarren artean ez dago kreentzibako edo krintzebako baino adjektibo mespretxuzkoagorik. Sustantzibako esatea baino gehiago da, barruan ezer ez duenaren erradiografia. Zer sinetsia behar du pertsonak. Sinesterik gabekoa, ilusio edo iparrorratz existentzialik gabekoa baino gizaki galduagorik ez dago. Ezer ezin baitaiteke beragandik espero. Bere jarrera ezin aurreikus liteke, edo robot hutsa da. Baina azken aukera horretarako ere ezarri diguten programa informatikoaren ontasunean sinetsi beharra dago. Sumisio minimo bat eskatzen du. Argazkia: Koska irratia.
  Iritzia 2008-03-05 18:26

Nahikari Ayo: "papera, papera eta papera!"

Erabiltzailearen aurpegia Ukberri Igandean aukeratu beharko dugu nor izango den Espainiako "errege". Erregea badaukate, baina politikariek monarkak baino gehiago agintzen dute. Onartu beharra daukat e-maila erabiltzen dudala posta arrunta baino gehiago. Nostalgikoa izango naiz, baina poz-pozik altxatzen naiz goizetan nire etxeko postontzia begiratzeko: aldizkariak, gutunen bat,.. beti dago zer edo zer. Hauteskunde kanpaina heldu denetik, kaka! Bakarrik propaganda eta iganderako papeletak. Alderdi guztietako gutunak, asko errepikatuta! Batzuetan ireki ere ez! Hartu eta birziklatzera. Hainbeste paper irakurri barik, batzuk badaukagu argi zein den gure bozka. Batzuk baino, guztiok. Nahikari Ayok (argazkian) gaur Nire begietatik bere bitakoran argitaratua.
  Iritzia 2008-03-04 17:05

Jabi Zabala: "zu non bizi zaren? Ondotxo dakite alderdiek"

Erabiltzailearen aurpegia Ukberri Lehengoan etxera etorri zitzaidan EAJk bidalitako propaganda gutun hau. Edo hobeto publizitatea esan beharko dugu? Ez dakit. Egia esan, aspertuta nengoen publizitate banatzaileek tinbrea jo eta erantzutean “propaganda” zela entzuteaz, gero postontzia zabaltzean Lourdeserako txangoen, MediaMarkten edo audifonoen publizitatea aurkitzeko. Baina akaso hauteskundeetako propagandak gehiago du publizitate komertzialetik… Tira, ez da hori gaur hemen plazaratu nahi dudan gaia. “Zu, non bizi zara?” galdetzen du gutunak, galdera tontoa inondik inora. Izan ere gutunean bertan datorren datua baita, nire izen-abizenak eta helbidea. Datu berberak datoz (aurkeztu ahal izan diren) gainontzeko alderdien gutunetan. Eta horrek zer pentsatua eman dit. Argazkia: Jabi Zabala. Erabilpena: cc lizentzia honen arabera.
  Iritzia 2008-03-02 21:29

Imanol Landa: "Getxoko alkatea auzitan"

Erabiltzailearen aurpegia Ukberri Udal Araudi Organikoa Udal bakoitzaren konstituzio txiki moduko bat da, bere funtzionamendua eta barruko antolaketa araupetzen baititu. PP-PSE-EEk ezohiko osoko bilkuran udal araudiaren proposamen berria onesteko erabaki berria hartu zuen. Araudi honek honelako dokumentu batek behar dituen tramiteak ez ditu bete, eta horrek esan nahi du proposamena osoko bilkuran onesteko egintzan bertan jaio eta hil zirela bere ondorio juridikoak. Hauek dira hala egiaztatzen duten arrazoiak: 1. Zuzenean bozkatzeko aurkeztu zuten, ezohiko osoko bilkuraren bidez. Proposamenaren legezkotasuna bermatuko lukeen aldez aurretiko administrazio espedientea, derrigorrezko txosten teknikoekin, tramitatzea nahitaezkoa dela ahaztu zuten. Hori guztia indarreko legeriak agintzen du.
  Iritzia 2008-02-29 20:04

Leioako Etxerat: "oinarrizko eskubideen defentsa eta egoera justua ahalbideratuko duen aldaketa politikoaren alde"

Erabiltzailearen aurpegia Ukberri 2005 eta 2007 bitarteko negoziazio prozesuaren saiakera eta gero, behin hori apurtuta, Espainiako Gobernuak eta bere gestorea den PSOEk errepresio bortitzaren hautua egin dute. Euskal Herrian emango den aldaketa politikoa errepresioaren bitartez moztuko dutela uste dute. Horretarako sistema judiziala eta gorputz polizialak erabiltzen dituzte. Azken asteotako gertakizunek horrela berresten dute: sarekadak, Batasuneko Mahai Nazionaleko atxiloketak, ilegalizazioak, ekitaldi debekuak, torturak... Leioa mailan, aipatu azken hori aztertu nahiko genuke, tortura. Bi dira arrazoiak hori egitera eramaten gaituena. Alde batetik, otsailaren 13an, torturaren aurkako eguna ospatu genuen herrian. Horren inguruan erakusketa bat jarri genuen Boulevardean panelekin eta torturatu figurekin. Guzti hori egin genuen oso garrantzitsua ikusten dugulako herriko jendea inkomunikazio egoera batean aurkitzen den atxilotu politiko batek zer jasan behar duen ikustea.
  Iritzia 2008-02-29 16:20

Fredi Paya: "akritizismoa"

Erabiltzailearen aurpegia Ukberri Harrigarria da diru publikoaren lumarekin idatzita aurkitzea, espainolez argitaratutako egunkari "abertzaleagoak" erosteko zenbait euskaldunen arrazoi berberak. Ez dela gurea. Alde batetik, egun bizi dugun paranoia errepresiboa nortzuek eta zelan hasi zuten gogoratu dit. ETArekiko akritizismoa ondorio penal tipifikatuak dituen akusazioa da. Bestetik, badu bere logika, azken hogeita hamar urteetan alderdi berak gobernatu duen Europako leku bakarrean. Kontrolatzen ez duena deuseztatzea da boterea galtzeko beldurrez bizi denaren obsesioa. Eta Ertzaintzaren astakerien aurrean isiltzen direnen negozioa askoz hobeto doa ilegalizazioak hasi zirenetik. Ez dezagun ahaztu Jaurlaritzaren euskalgintzarekiko politika. Proiektu denak bikoiztu eta ahuldu, diru-laguntzekin sufriarazi, isilarazten ahalegindu eta, horrela ere ezin izan dutenean, kriminalizatu. Gainera, lan zikina aurrekontukideek egiten diete, geroago ezadostasun itxura eta salaketa elektoralistak egiteko aukera eta guzti. Argazkia: Koska irratia.
  Iritzia 2008-02-29 16:12

Patxi Baztarrika: "desadostasunak bizi gaituelako nauzue zuekin"

Erabiltzailearen aurpegia Ukberri Duela bost urteko otsailaren 20 beltz hartatik, behin baino gehiagotan jaso dugu euskaltzaleok elkartasunerako deia. Behin eta berriz erantzun diot deiari, eta berriz ere erantzun diot aurtengo hilabete eta egun berean, astebete lehenago Bilboko hitzorduan erantzun nion bezalaxe: garbi eta ozen adierazteko zuekin nagoela. Garbi eta ozen adierazteko, auzipeturik zaudeten hamabi pertsonoi eta "Euskaldunon Egunkaria" itxi izanak kalteturiko langileei, ez diodala injustiziari inolako babesik emango, ez neure isiltasunez ezta hitz erdizka mintzatuta ere. Eta horrexek nakar, hain zuzen, gaur plazara: gaur ere ez dut hitz erdizka aritzeko asmorik zuenganako elkartasuna adierazterakoan, zintzotasunetik begiratuta soilik hartzen baitu elkartasunak benetako baliorik. Eta, zintzo hitz eginda, zera adierazi behar dizuet gaur: urruti sentitzen naiz zuen defentsan hainbatetan erabiltzen diren argudioetatik.
  Iritzia 2008-02-29 14:37

Iñaki Barcena: "AHT eta errepideak"

Erabiltzailearen aurpegia Ukberri Bitxia suertatzen da Euskadiko Y-aren ezarpenari uko egin dioten erakunde administratibo berberek, Bartzelona, Valladolid eta Malagara heldu berri den AVE-ak zabaldutako bidezidorra aprobetxatuz, egungo errepide bidezko garraioaren defendatzaile izateaz akusatzea eraikuntza publiko honen aurka altxatu direnak. Errepideetan egunero izaten den oztopo, zirkulazioa itoa eta ataskuak aitzakiatzat hartuz Y aurkezten dute trafiko arazoekin bukatzeko irtenbide bezala. Hala ere, beraien azterketetatik ateratako ondorioak dira bide hauen eraldaketaren onuraren posibilitatea lurretik botatzen dutenak, hurrengo hamarkadan trafikoaren hazkundea izugarria izango dela aurreikusi baitute. Behin hau esanda, eta beraien buruak ezkutatu ezinean, AHTren defendatzaileak errepide bidezko garraioaren defendatzaile bihurtzen dituzte pertsona hauek. Eta esaerak dioen moduan “Urak bide eginen du”… Argazkian, 2007ko abenduaren 22an, eskualdeko gazte asanbladek Itzubaltzeta / Romoko errotondan AHTren aurka jarritako pankarta erraldoia.