Iritzia 2008-02-24 21:51

Iñaki Goirizelaia: "metroaren 6. linea"

Erabiltzailearen aurpegia Ukberri Txorierriko eskualdeak, biztanle asko eta enpresa ugari ditu. Zamudion eta Derion dagoen Bizkaiko Parke Teknologikoak ez dio hedatzeari utzi azken urteetan. Urtetik urtera bidaiari gehiago hartzen da Loiuko aireportuan. Duela gutxi ezagutarazi dira metroa Bilbo eta inguruko herrietara zabaltzeko proiektuak. Proiektu garrantzitsuak dira, metropoliko biztanleen mugikortasuna erraztuko dutelako, eta lurraldearen garapenean lagunduko dutelako. Hain zuzen ere, garapen hori iraunkorra izan dadin lagunduko dute. Uribe Kosta, itsasadarreko bi ertzak, Bilboko kanpoaldeko auzoak eta Basauri eta Galdakao herriak euren artean ondo komunikatuta geratuko dira; eta hiritarren bizi mailan hobekuntza nabarmena eragingo du horrek.
  Iritzia 2008-02-22 12:57

Aratz Gallastegi: "mugak sendotuz"

Erabiltzailearen aurpegia Ukberri Ia bi hilabete pasatu dira Gabonetako futbol partidak sortutako ika-mika haietatik, baina Euskal Herriko kirolaren egoerak berdin-berdin edo okerrago jarraitzen du. Zalaparta haren oihartzuna isildu ondoren egunerokotasunak errealitatera bueltatu gaitu, euskal herritarrak Euskal Herrian arrotz izateraino. Gabonetako partida folklorismo huts bihurtzea ekiditeko ahaleginean, futbolariek zentzuz beteriko eskaerak egin zizkioten Euskadiko Autonomia Erkidegoko Futbol Federazioari. Eskaera horien artean Euskadiko Selekzioa izena Euskal Herriko Selekzioaz aldatzea zegoen. Arrazoirik ez dute falta futbolariek; izan ere, aipatu selekzioa Euskal Herri osotik deitutako futbolariez hornitzen baldin bada, izana ordezkatuko duen izena beharko luke. Kasu honetan, eta Gabonetakoak lagunarteko partidak direla kontuan izanik, EAEko Futbol Federazioak Euskal Herriko barne mugak gaindituz, EAEz kanpoko jokalariak deialdian sartu eta izena aldatzea onetsi zuen. Momentuz bai, behintzat. Argazkian, Euskal Herria eta Katluniaren arteko partidaren irudi bat / Esait.
  Iritzia 2008-02-22 09:44

Fredi Paya: "etorkizuneko biktimak"

Erabiltzailearen aurpegia Ukberri Aste bereko Kosovoren independentzia eta Komandantearen agurrak historiaren amaiera harrokeria baino ez zela gomutarazi digute. Espainia beldurtuta dago eta uko egiten dio begien aurrean duen elefante kosovoarra ikusten duela onartzeari. Ez dira egun onak Atxagaren "Lekuak" liburua albanierara itzultzeko. Ez behintzat euskal independentisten helburuak ezinezkoak direla dioen pasartea marketin arrazoiengatik zentsuratu barik. Badoa euskaldunik torturatzaile espainiarren eskutan sekula utzi ez duen agintari moderno bakarra. "Kubako irlan pobreentzat biziraupenik ez bada, bota dezagun demokrazia zerri askara". Eskerrik anitz, compañero, Montecristo bat zor dizugu. Argazkia: Koska irratia.
  Iritzia 2008-02-21 21:41

Bittor Egurrola: "2003-02-20 egun triste hura"

Erabiltzailearen aurpegia Ukberri "Egunkaria"-ren itxiera urteurrena dela eta, hona hemen neure buruan dabiltzan zer batzuk: Euskara. Iritzi askatasunaren, euskalgintzaren eta euskararen defentsak bildu gintuen guztiok Donostian, manifestazio erraldoi eta zoragarri hartan. Euskara gai izan zen euskaldun guztiok elkartzeko. Orain hobe litzateke ezer ez gertatzea, baina, zerbait gertatzekotan, azkenaldian injustiziari erantzuteko ikusi den batasunik eza (Ibarretxeren auzia, 18/98ko sumarioa, Atutxa/Knör/Bilbaoren epaia, alderdi biren ilegalizazioa...) ez dadila errepika. "Egunkaria"-k, "Egunkaria"-ren auzipetuek eta euskarak berak elkartasun bateratua merezi dute; ahal bada, orain bost urtekoa baino sendoagoa. Argazkian, atzo Andoainen egindako elkarretaratzea / Egunkariaren Aldeko Elkartea.
  Iritzia 2008-02-20 10:32

Egunkaria aurrera, Euskal Herria aurrera

Erabiltzailearen aurpegia Ukberri Euskal Herria 2003ko otsailaren 20a: Txapel okerrak Martin Ugalde kultur parkea okupatzen dute, eta Euskaldunon Egunkariaren egoitzan sartzen dira bortxaz. Dena hankaz gora jartzen dute, dena goitik behera miatzen dute (dagoena eta ez dagoena), hainbat urtetako lana zapuzten dute…. Eta hori gutxi balitz, euskararen aldeko proiektu hura aurrera eraman zuten erantzule haiek euren kobazuloetara eraman, eta modu basatian jipoitu zituzten. Tamaina horretako basakeriaren aurrean, herriak erantzun irmoa eman zuen, manifestazio erraldoietan kalera irtenda, eta herri eta auzo bakoitzean Euskaldunon egunkariaren aldeko batzordeak sortuta. Gainera egunkariaren haria ez zen eten, hilabetetan Egunero izeneko argitalpen xumea ateratzen baitzen kalera, eta hilabete gutxi batzuetan Berria izeneko beste egunkari bat abian jarri baitzen, lehengoa bezala euskara hutsez, baina lehengoa baino potoloagoa eta irakurle gehiago izango zituena. Argazkian, bi guardia zibil Andoainen, 2003ko otsailaren 20an, "Euskaldunon Egunkaria"ren aurkako operazioan / Egunkariaren Aldeko Elkartea.
  Iritzia 2008-02-20 10:14

Izan ginelako gara...

Erabiltzailearen aurpegia Ukberri Dagoeneko bost urte igaro dira atzaparkada batez "Euskaldunon Egunkaria" eskuetatik kendu zigutenetik. Bost urte euskara hutsez idatzitako kazeta horretako langile eta arduradunei ez ezik, Euskal Herriari eta euskaldunoi ere beste zaplasteko bat eman nahi izan zigutenetik. Bost urte uribekostarroi hitza ematen zigun "Bizkaia" gehigarria bahitu zigutenetik. Bada, goiz ilun hartan sentitutako samin eta ezinegona, euskararen aldeko proiektu hura aurrera eraman zuten erantzule haiek ziegan jasandako jipoei batu zitzaizkion. Alabaina, erasoen aurrean euskaldunok beste masaila jartzeko jaioak ez garela argiro adierazi genuen berriro: kaleak hartu eta ozenki salatu genuen bedegabekeria hori. Hilabete gutxiren bueltan, gainera, kalean zen euskara hutsezko egunkari berria. Eta hori gutxi balitz, elkartasunak eta herritarren bultzadak lagunduta euskarazko komunikabideak antolatzen, zabaltzen eta sendotzen jarraitu genuen.
  Iritzia 2008-02-19 16:59

Bizarra Lepoan: "'Egunkaria' libre"

Erabiltzailearen aurpegia Ukberri Otsailaren 20an bost urte beteko dira euskal kulturaren bilgune nagusia zen eta den "Euskaldunon Egunkaria" itxi zutenetik. "Egunkaria"-ren aurkako erasoak eduki propioa zuen, euskararen aldeko eta kulturgintzaren topagune sozialerako ereduaren aurka zuzenean jotzen zuelako. Une honetan, itxierak irekitako erasoa finkatzera dator epaiketa, fiskalak akusazioa erretiratuta ere, Espainiako Auzitegi Nazionalaren aurrera eramango baitituzte "Egunkaria" auziko auzipetuak. Eta orain bost urte egin bezala, orain ere Euskal Herriak erantzun beharra du. Epaiketaren aurrean perspektiba propioaz aritzea da funtsezkoena. Ez gaitezen mugatu auziperatuekiko elkartasuna adierazi eta epaiketaren salaketa egitera. Bilaka dezagun epaiketa euskarazko komunikabideen aldeko indar soziala berrindartzeko aukera. Euskarazko komunikabideak aurrera! Argazkian, bi guardia zibil Andoainen, 2003ko otsailaren 20an, "Euskaldunon Egunkaria"ren aurkako operazioan / Egunkariaren Aldeko Elkartea.
  Iritzia 2008-02-17 21:21

Koldo Tellitu: "Gorputz Heziketari eman zor zaiona"

Erabiltzailearen aurpegia Ukberri Azkenaldian EAEko Hezkuntza dekretua dela-eta Gorputz Heziketaren arloaz gizartean zabaldu den tentsio egoeraren inguruan, Euskal Herriko Ikastolen Konfederazioak (EHIK) eta honen barruan Gorputz Heziketa arloaz arduratzen den proiektuak, Xibak, honakoa adierazi nahi dute: Historian zehar eta gaur egun, gure herriako lurraldeetarako curriculumak diseinatu eta ezarri dituzten Espainia, Frantzia, EAE eta Nafarroako Foru Erkidegoak Gorputz Heziketa arloari ez diote eman zor zaion garrantzia. Azken adibidea Euskal Autonomi Erkidegoko Hezkuntza Sailak aurkeztu duen dekretua da: EHIKko Xiba proiektuko kideek Gorputz Heziketa arlorako euskal curriculumaren testuinguruan landu zuten planteamendutik hainbat ideia eta kontzeptu hartu eta desitxuratu egin ditu.
  Iritzia 2008-02-15 16:44

Fredi Paya: "kontuz"

Erabiltzailearen aurpegia Ukberri Ezker abertzaleko militanteen balioak dira politikan sinesten jarraitzeko dudan arrazoi bakarra. Ikusi gura nuke ustelkeria kasu, azpikontrata eta entxufismoa baskongadetako negozio borobil bihurtu duten bizkarroiez gidatutako alderdia. Zer izango zen Batasunak jardun behar duen baldintzetan bizi beharko balu? Pozgarria da berbak baliorik ez, faltsukeria iparrorratz eta dirua edozeren gainetik jartzen dutenen gizartean guztion eskubideen alde dena emateko prest dagoen jendea ikustea. Gure aberastasun materialari elegantzia pertsonal horrekin uko egiten dioten euskaldunak ezagutzea. Asko militantzia erabat baketsua egiteagatik atxilotu, torturatu eta kartzelatzen dituzte. Euskadi Ta Askatasunaren ekintzarik kondenatzen ez dutelako, deitoratu arren, PPk frankismoa, PSOEk GAL eta EAJk Ertzaintzaren jipoi, tortura eta heriotzak salatzen ez dituzten era berean. Argazkia: Koska irratia.
  Iritzia 2008-02-13 22:13

Batasun uharte bat Ercilla hotelean

Erabiltzailearen aurpegia Ukberri Atzo (otsailak 12) goizean euskara eta euskal kultur munduko ordezkaritza oso zabala bildu zen Bilboko Ercilla Hotelean, eta bi mezu nagusi atera ziren bertatik. Bata bertaratutakoek eskainia, Egunkaria auziko auzipetuek euskal gizarteko gehiengo zabalaren sostengua dutela. Bestea, auzipetuek helarazitakoa, epaiketa hori euskalgintza osoaren aurkako epaiketa dela eta zigorra gailenduz gero, euskalgintzako beste elkarte edo erakunde batzuek zigortzeko jurisprudentzia finkatuko dela. Argazkian, Leioa eta Erandioko campusean "Euskaldunon Egunkaria"-ren aldeko itxialdi batean parte hartzeagatik, desobedientzia zibila leporatzen zieten EHUko 38 ikasle eta irakasleari eskerrak emanez, kazetako langile ohiek Getxoko epaitegiaren aurrean 2004ko urtarrilean egindako elkarretaratzea.
  Iritzia 2008-02-10 22:28

Artaburuak

Erabiltzailearen aurpegia Ukberri Artoa Ameriketatik ekarri ei zuten gure arbasoek, eta harrez geroztik gure zelai askotan berde koloredun landare luzanga batzuk suma ditzakegu bazter heze eta urtsuetan, uzta sasoian artaburu hori eder batzuez horniturik ageri direnak. Baina ez dira horiek munduan dauden artaburu bakarrak, ez. Izan ere, euskaldunok hamaika gauzatan aitzindariak izan garelarik, gure lurretan artoa zabaldu baino lehenagotik, seguruenik gizakia gizaki denetik, beste motatako artaburuak egon izan dira. Ale horiek euren burua nabarmen agertzen dute, eta hanka biren gainean mugitzen dira batetik bestera. Euskal Herriko historiari begiratu besterik ez dugu, landare luzangadun zelai berde horietan artaburuak inguruko argi bakarrak bailiran nabarmentzen diren bezala, hanka bidun artaburu berritsu ibiltari hauek ere bereziki botere postuetan ondo asko nabarmendu izan direla, baina ez gure zelai berde oparoak edertzeko, oparotasun garbi samar horretan zehar usain txar eta nazkagarridun mokordoak nabarmen zabaltzeko baino. Baina jakina da inori ez zaiola bere kaka usain txarrekoa denik begitantzen. Argazkian, Balmasedako eskola, "Cuesta" kaleko 56. zenbakian.
  Iritzia 2008-02-04 11:27

Fredi Paya: "itzartu lurra"

Erabiltzailearen aurpegia Ukberri "Oles ta oles atetan, nor dabil ordu honetan, zazpi morrosko alkar hartute baztarrak inkomodetan". Santa Agedako uretan ereiten dira lehenengo piperrak gure eskualdean. (Planeta kez eta kutsaduraz bete eta eguraldia erotu zen arte, behintzat). Lurra bere lozorrotik ateratzeko gau seinalatua da otsailaren laukoa. Kristautasunak, hain gutxi gustatzen zaizkion aratusteetako mozorroz, santu jantzi baditu ere lur, ur eta suarekin (eguzkiarekin) berradiskidetzeko egunak. Inaustea, zuhaitzak fruitu berriak eman ditzan gizakiak egiten dion ilea apaintzeko mesedea, Santa Agedako uretan egin behar dela diote indigena zaharrek. Ziklo berria hastera doa, emankor bihurtzen dabil berriro lozorroan antzua izan dena, hartu-emanaren sasoia da, lurrari hartutakoa lurrari eman berriro hartzeko. Argazkia: Koska irratia.
  Iritzia 2008-01-31 14:26

Arantza Urkaregi: "EHUko Klaustroan azaldu nahi nuena"

Erabiltzailearen aurpegia Ukberri Atzo Leioan bildu zen Klaustroaren aztergaien artean "Arau-hauste eta zigorren zerrenda" zegoen. Zerrenda horretan, arau-hauste arinak, larriak eta oso larriak, dagozkien zigorrekin batera, zehazten dira. Gaia aztertzen hasi nintzenean, burura etorri zitzaidan lehenengo galdera nori zuzenduta zegoen izan zen, hau da, irakasle, AZP eta ikasleei zuzenduta dago ala ikasleei bakarrik? Dirudienez, ikasleei zuzenduta omen dago, arau-hauste arinen artean, "ebaluazio-probetan kopiatzea" baitago (eta ados nago arau hauste hori jartzearekin), baina ez dago, esate baterako, "azterketa ikasle bati edo batzuei ebaluazio aurretik helaraztea". Eta zigorrez ari denean, ikasleak Unibertsitatetik kanporatzeaz ari da, ez irakasle bat edo AZPko bat kanporatua izateaz. Argazkian, atzo ikasleek Klaustroaren aurrean egindako protestaren aurka Delta segurtasun enpresako hainbat guardia borra luzagarriez oldartzen / Gaztesarea.
  Iritzia 2008-01-25 20:42

Iñigo Urkullu: "demokrazia amildegirantz ote doa?"

Erabiltzailearen aurpegia Ukberri Nola uler daiteke epaitegi batek aplikatutako interpretazio printzipioek bankari bat ardura penal gabe uzteko oinarri izatea eta ezaugarri berak dituen prozedura batean auzitegi horrek berak, bere irizpideak ahaztu, eta hiru ordezkari publiko zigortzea? Nola uler daiteke auzi bat artxibatu ostean eta epaitegiek bi absoluzio-epai eman eta gero, irakurketa juridikoa zigor epai bat lortu arte bihurritzea? Nola uler daiteke mundu osoak (Euskal Autonomia Erkidegoko Auzitegi Nagusia, Ministerio fiskala...) huts egitea legearen interpretazioan eskuin muturreko, sistemaren aurkako eta izaera demokratiko zalantzagarriko sindikatu baten egia juridiko korapilatsu eta basatiak salbu? Nola sinets daiteke, Zerga Ministerioaren irizpidearen beraren kontra eta muturreko sindikatu baten herri-akusazioa euskarri bakar hartuta, zigor-epai bat lortu arte bere jarduera gelditu ez duen auzitegi baten independentzian? Nola sinets daiteke ekin eta ekin, ekinaren ekinez egin esaera zaharraren ageriko adibidea eman digun auzitegi baten independentzian? Argazkian, Iñigo Urkullu EAJko EBBko lehendakaria.
  Iritzia 2008-01-25 11:00

Koldo Tellitu: "euskal curriculuma, konpromisoak irutziz"

Erabiltzailearen aurpegia Ukberri XXI. mendeko Euskal Herriak iraungo badu, mundu modernoan eguneratuta dauden herri emantzipatuekin homologatu beharra dauka. Horrek eskatzen du, besteak beste, curriculum propioa. Euskal Autonomia Erkidegoko Curriculuma, derrigorrezko eskolaldirakoa, PPk epaitegietara eraman du. Hizkuntza ereduak omen dira gakoa. Gizarte zibilaren ekimen itxura ere eman nahi dio neurriari, A ereduaren aldekoen plataforma abiaraziaz. Litekeena da, gainera, PPren saio honek jarraitzaileak lortzea bere esparru soziologikoaz haratago ere. Beste behin, argi geratzen ari da euskararen aldeko balizko jarrerak frankisten garai bateko konplexuetatik, eta antifrankisten arteko balizko elkartasunetik, jasotako errenta eta maileguak galduz doazela.