Iritzia 2008-07-25 12:56

Fredi Paya: "35.000"

Erabiltzailearen aurpegia Ukberri Dagoeneko gehiegi gara "demokrazia parlamentario" honetan (aurreko berrogei urteetakoa "organikoa" zen) euskararen, erabaki eskubidearen, aberastasuna hobeto banatu eta ingurumenari gutxiago kalte egingo dion gizarte ereduaren eta, batez ere, duintasunaren alde jarduteagatik atxilotutako euskal herritarrak. Torturatuak eta hildakoak ahaztu barik. Terroristaren eufemismoak, historian "rojo separatista", sorgin, mairu... berbek betetzen zuten funtzio bera dauka. Eta euskal gizartearen historia errepikakorra da zeharo. Julio Caro Barojak bere idazlanetan argiro adierazten du aberastu gura eta inbidiaren harira herritar batzuek besteei igaroarazitakoak. Bere interesen esanetara dabiltzanei beti ordaindu die ondo Espainiak, Erromak ez bezala. Argazkia: Koska irratia.
  Iritzia 2008-07-22 18:18

MusikHerria: "Gaizka eta besteak askatu!"

Erabiltzailearen aurpegia Ukberri Lerro hauen bitartez, MusikHerria herri diskoetxeak gaur Bizkaian, Galizian eta Andaluzian Guardia Zibilak burututako operazioa dela-eta Espainiar Gobernuaren estrategia errepresiboa salatu nahi du. Espainiar Gobernuak urteetan Euskal Herrian bizi dugun gatazka elikatzeko hautua egin du, gaurkoa, horren adibide garbia delarik. Bide batez, MusikHerriako parte den Ihesbide taldeko Gaizka Jareño eta bere senide eta lagunei gure elkartasuna helarazi nahi diegu, eta gure kezka ere adierazi Guardia Zibilaren eskuetan atxilotuek torturatuak izateko daukaten arriskuarengatik. MusikHerriatik garbi utzi nahi dugu bizi dugun gatazkaren erroetatik abiatuta soilik iritsiko garela honen konponbidera. Honekin batera, eta eragile bezala, datozen ordu nahiz egunetan izango diren mobilizazioetara gehitzen gara, gizarteari hauetan parte hartzeko deia ere luzatzen diogularik.
  Iritzia 2008-07-18 20:12

Fredi Paya: "Anjel Figueroa"

Erabiltzailearen aurpegia Ukberri Ahoa proposamen etikoekin, giza eskubideen aldeko aldarrikapenekin zein biktima batzuei bakarrik egindako omenaldiekin betetzen zaien horiei bideo bat ikustea gomendatuko nieke. Uribe Kostako preso politikoen Etengabe webgunean aurkitzen da. Uztailaren seian Gasteizko Legebiltzarreko Giza Eskubideen batzordean zenbait senide eta abokatuk eginiko agerraldia ikus liteke. Edozein ideologiaren gainetik, pertsona izaten jarraitzen dugun edo ez frogatzeko aukera paregabea. Bele beltzek uso zuriei buruz berba egiten diguten herri honetan. Epilepsia diagnostikatua dauka Anjel Figueroak txikitatik. Kartzelara sartu arte erabat kontrolatuta zeukana. Baina birgizarteratzeko zentroak behar zutenek ondorio lazgarriak izaten dituzte bertan daudenen osasunarengan.
  Iritzia 2008-07-11 12:02

Fredi Paya: "euskokolismoa"

Erabiltzailearen aurpegia Ukberri Euskaldunok pozik gaude. Gure leizeak garrantzitsuak direla esan digute kanpokoek. Eta atzerritarrek badiote, hala izango da. Ezer esan izan ez balute harrobi bat ipiniko genuke ondoan, leizeak lehertu eta Guggenheim berri bat eraiki. Artista atzerritarren lanak goza ditzaten atzerriko turistek. Gu inor ez baikara, atzerritarrek esaten ez badute. Ahaztu gabe dirudunak baino ez direla atzerritarrak, pobreak etorkinak dira. Herenegun pikutara bidali ninduen baserritar batek. Zaila da egin duen urtearekin egun eguzkitsuetan nekazariari patxada eskatzea. 84 urte baditu ere. Ilargiaren faseen nekazari lanen gaineko eraginarekin hasi nintzen, ezjakinen gauzak bere erantzuna. Elaiaren eta txepetxaren sinbologiarekin jarraitu nuen, lerdokeriak. Bataiatu gabeko umeak etxeko itoginaren azpian lurperatzeko ohitura zaharra, atzeratuen kontuak. Bere etxetik hurbil orain gutxi arte zeuden trikuharriak, eukaliptoa sartzeko apurtu genituen. Argazkia: Koska irratia.
  Iritzia 2008-07-09 21:56

Ruben Sanchez Bakaikoa: "Avishai Cohen, non grato!"

Erabiltzailearen aurpegia Ukberri Bihar, uztailaren 10ean, Avishai Cohen israeldarraren taldeak kontzertua eskainiko du Getxoko jazzaldian. Avishai Cohen munduko baxujole trebeenetakoa da eta ez da faltako bihar bere musika entzutera joango denik, ez da faltako musika kontzertu hutsa dela gogorarazten digunik, ez eta musika eta politika, mesedez ez dezagula nahastu aginduko duenik ere. Baten bat haserretu ere, haserretuko litzateke, bere aisialdi eskubidea, ez musikaz, ez politikaz (ez ezertaz ere) ulertzen ez dugunok bortxatuko bagenu. Hala ere, beste behin ere, euskal herritarrei kontzertura ez daitezela joan eskatzen diegu Askapenetik bai eta Getxoko jazzaldiaren arduradunei artista israeldarrik ez dezatela gehiagotan gonbidatu ere, ez bada Israel Estatu sionistari muzin egiten diotelako: Palestinako gizarte zibileko ehundik gorako elkartek, sindikatuk, kulturgilek eta abarrek nazioarteko komunitateari boikota egiteko deiarekin bat datozelako, alegia.
  Iritzia 2008-06-14 01:28

Etengabe: "33/01: Fiskalaren eskaera 'La Razon' egunkariaren arabera"

Erabiltzailearen aurpegia Ukberri "La Razon" egunkariak gaurko alean argitaratu duenez, 33/01 epaiketan fiskalak 13 urteko espetxe zigorra eskatuko ditu Juan Maria Olano, Julen Zelarain eta Aitor Jugorentzat, Amnistiaren Aldeko Batzordeen arduradunak izanik ETAko buruzagiak izatea egotzita. "La Razon"en arabera, fiskalak beste hiru auzipetuen akusazioa kenduko du eta, horren arabera, Mitxel Sarasketa (Getxo), Maitane Mendez (Durango) eta Jorge Luis Redondo (Bilbo) libre geldituko lirateke, egindako akusazioak frogatzerik egon ez delako. Gainerako beste 21 auzipetuentzat [tartean, Jagoba Terrones], "La Razon"ek dioenez, fiskalak ez du behin-behineko eskaera aldatuko, hau da, 10 urteko espetxe zigorra eskatuko die Amnistiaren Aldeko Batzordeko kideak izanik ETAko kide izatea egotzita.
  Iritzia 2008-06-09 17:08

Patxi Gaztelumendi: "Basquecamp, interakzioa euskaraz eta arratsaldez"

Erabiltzailearen aurpegia Ukberri Interneti aurpegia jarri diogu. Arratsalde batez, 15 hitzaldi baino gehiago, 30 lagunen artean. Teknologia berrietan aritzen garen lagunak batu gara. Ezagutu barik, sareak batu gaitu. Larrabetzun, ekainaren 7an, arrastiz egindakoa kontatzea du xede kronikatxo honek. Wiki bat izan da orain arteko gure lotura. Editatu eta gaiak proposatu ditugu. E-posta be baliatu dugu, jendea animatu eta gonbidatzeko. Twitter asko erabili dugu, eta erabiltzen jarraitzen dugu. Erabilgarri zaigulako. Eta basquecamp honen ostean orain gainera, proiektu bakoitza aurpegi batzuekin lotuko dugu. Eta eleizako kanpaiek seirak zirela adierazten zutenean, jendea agertzen hasi zen Andra Mari kaleko 23an. Eta gaztetxera hurbiltzen, ordurarte ezezagunak zirenak, inoiz ikusitakoak, elkarri idatzitakoak zein post ezberdinetatik ezagutu izandakoak. Argazkian, Basquecampeko irudi bat. Argazki gehiago ikusteko sakatu hemen.
  Iritzia 2008-06-06 10:56

Fredi Paya: "uriolak"

Erabiltzailearen aurpegia Ukberri Zapatuan furgonetan lo egitea suertatu zen, horretarako erosi nuen. Asteburuak bertsodisea bihurtu zirenetik, betidanik, hamalau urtetako futbol partida eta plazako arratsaldeak prehistoria baitira, furgonauta izango nintzela ulertu nuen. Eta autoestop aro paleolitiko baten ostean, Gipuzkoa barreneko asteburuetako garraio publikoa ezagutu eta furgonauta egin nintzen. Ulises eta Telemakorekin ibiltzeko. Nahiko lan izan nuen lo hartzen, furgoaren gainean Iguazuko urjausiak ipini zituztela zirudien. Natura menderatua duela uste duen artaburuaren lasaitasunarekin hartu ninduen loak. Itakara heltzen nenbilela xabimet-en partea heldu zitzaidan, irratia piztu eta nire udalerriaren izena entzun nuen lehenengo aldiz, suarekin barik, urarekin lotuta.
  Iritzia 2008-06-05 20:36

Laura Mintegi: "gauzen balioa"

Erabiltzailearen aurpegia Ukberri Herrian uriolak izan ditugu eta egiatan ikaragarria izan da. Igandean kutsu erromantikoa zuen oraindino ere uraren demasiak, errepidea, landak eta kaleak erreka bihurturik ikusi genituenean. Astelehenean, ordea, erromantizismo gutxi adiskideen etxeetan eta dozenaka autoetan geruza marroia ikusitakoan. Uraren indarrak hankaz gora utzi ditu etxeak, hormak hondatu, ateak orpotik atera, leihoak ardatzetan kulunkatu. Adiskide batzuek urtebetea eman beharko dute alokairuzko pisuan etxe oso-osoa konpondu arte: behegaina, ateak, hormak, leihoak... Argazkian, uholdeak Algortako Fadura inguruan.
  Iritzia 2008-06-05 19:05

Lander Solozabal: "III. Mintza Eguna Getxon"

Erabiltzailearen aurpegia Ukberri Hemen da hirugarrena. Iruñean eta Donostian egin ostean, aurten Getxon izango da Euskal Herriko Mintza Eguna. Hainbat auzo, herri, hiri eta hiriburutatik ehunka etorriko dira jai egun berezi honetara: berbalagunak, mintzalagunak... lagunak. Ondo pasatzera, elkar ezagutzera eta euskaraz hitz egitera. Getxoko Bizarra Lepoan euskara elkarteak orain dela hamar urte baino gehiago jarri zuen martxan berbalaguna proiektua; urte batzuk geroago Egizu elkartea sortu eta horrek hartu zuen lekukoa. 50 lagun hasieran, 170 gaur egun, 27 taldetan banatuta, euskara plazaratzen, txoko eta bazterretan zabaltzen. Euskaldun zaharrak eta euskaldun berriak –euskaldunak– elkarrekin, bakoitza bere mailan eta lotsa etxean utzita, euskaraz; tabernan, plazan, mendian, frontoian, kirolean, hitzaldietan, irteeretan... edonon. Argazkian, Lander Solozabal, ezkerrean, Jose Ramon Bilbao Getxoko EAren alkategaiarekin.
  Iritzia 2008-06-04 20:55

Christian Reinicke: "Gobela ibaia gainezka"

Erabiltzailearen aurpegia Ukberri Gainezka egin du Gobela ibaiak Berangon eta Getxon. Bilbon eta Bizkaiko beste eskualde batzuetan ez bezala, gurean 1983ko eta 1979ko uholdeen parekoa izan da pasa den domekakoa, Gobelaren urak Itzubaltzetatik Abrara zuzen isurtzeko duela 10 urte eraiki zen ubideari esker Romo eta Areeta auzoak oraingoan aparteko kalterik izan ez duten arren. Kalteak pairatu berri dituzten herritarrak laguntza eske ari dira eta aseguru etxeen partzuergotik ezezik, administrazio publikoen aldetik ere erantzun egokia eta baikorra merezi dute. Larrialdi abisua garaiz eta ondo ez ematea larria bada ere, arazo larriena ez da hori. Arazo larriena eta sakonena da Udalak, Foru Aldundiak eta Jaurlaritzak onetsi dituztela lurralde antolaketa eta hirigintza planak eta eman dituztela etxeak eraiki eta bertan bizitzeko baimenak. Duela ehunka urte getxotarrek zerbaitengatik jarri zioten eremu horri Fadura (= Padura) izena. Baina errekak uholde garaian hedatzeko behar duen eremuan, espekulazioak eta erakundeek eraikitzeko lurrak ikusten dituzte. Administrazioen erantzukizuna argia da. Argazkian, uholdeak Algortako Getxo I institutu parean.
  Iritzia 2008-06-04 17:57

Maritxu Teilagorri: "Leioako herriari"

Erabiltzailearen aurpegia Ukberri Maritxu Teilagorri Txosna Batzordeak, jadanik, 10 urte baino gehiago daramatza lanean Leioan, jai herrikoi eta partehartzaileen alde. Auzolan luze honetan herri, kirol eta kultur talde ezberdinak izan dira partaide. Nork bere eremutik, bere ekarpena egin dio guneari eta bereziki jai herrikoien aldeko ahaleginari. Hasieran, txosna bakarra zen, urteekin 3, 5 eta egun 8 txosnek osatzen dute gunea. Burututako lanak, herrian eta herritarren artean zilegitasuna eman digu, egun osatzen dugun jai egitaraua antolatzeko. Jai herrikoi eta partehartzaileen bidean, ekimen eta egitarau ezberdinak osatu ditugu, betiere ahalik eta zabalenen egiten eta herriko jendearekin konpartitzen. Aurtengoan Leioako San Juan jaiak Ekainaren 19tik 24ra ospatuko dira. Sei egun Leioako herriak jaiaz gozatzeko. Jaietan osatzen diren gune eta eskaintza ezberdinetan parte har dezan. Baina Leioako herrian gune guztiak ez dira berdinak Udalarentzat.
  Iritzia 2008-05-30 14:09

Alain Labajo: "Lancre eta bere ondorengoak"

Erabiltzailearen aurpegia Ukberri 2006ko Gabonak. Udaletxera joan behar errolda agiria lortzera. Anaia ere bazetorren. Heldu eta udaletxe atarian udaltzain talde bat; ni aterantz. Geldiarazi eta, gaztelania zuzenean, zertara nindoan galdetu zidan batek. Ni, harritua (herriko etxea baita), baina zertara nindoan azaldu nion, euskaraz, prefosta. Gaztelaniaz egin ezean ez nintzela sartuko erantzun berak, nire harridura haserre bilakatzen zelarik. Azkenean, bost minutuz eztabaidan egon ostean, polizien arteko zirrikitu batetik sartu eta, udaletxeko leihatilan nire hizkuntza arrotza bazen ere, nire agiria lortu nuen. Anaiari berdin gertatu zitzaion. Kanpoaldera gindoazelarik, atarian, gazte talde bat eta udaltzainak bultzaka zebiltzan. Bere garaian Behatokian salatu nituen gertaerak. Argazkian, Alain eta beste bi gazteren aurkako epaiketaren kontra Algortako Gazte Asanbladak eman zuen prentsaurrekoa.
  Iritzia 2008-05-29 21:03

Itzubaltzetako Segi: "hipokresia bagoiak"

Erabiltzailearen aurpegia Ukberri Euskal gizartearen gehiengoak bat egiten du abiadura handiko proiektuarekin. Ez ezerk ez inork ez du eraikitzea ekidingo. Irmotasun horrekin iragarri zuen Mikel Cabieces Espainiako Gobernuaren Bizkaiko ordezkariak Bizkaiko lanen hasiera. Ziurtasunik gabe dabilenaren irmotasunarekin, edo gezurretan ari dela dakienaren irmotasun faltsuarekin. Hamarkada bat daramate gu konbentzitu (engainatu) nahirik, handik edo hemendik proiektuaren onurak azalduz, baina oraindik zalantzak gehiegi dira horren ona omen den proiektu horretan. Izan ere, guk ez dugu denborarik alferrik galdu, urte guzti hauetan geroz eta gehiago dira proiektua geratzeko eskatzen duten ahotsak, publikoki eztabaidatzea eskatzen dutenak, hitza herritarroi ematea eskatzen dutenak. Argazkian, 2007ko abenduaren 15ean Arrasaten 15.000 bat pertsona bildu zituen AHTren aurkako manifestazioak / ahtgelditu.org.
  Iritzia 2008-05-26 16:13

Algortako Gazte Asanblada: "epaiketa fartsarik ez!"

Erabiltzailearen aurpegia Ukberri Maiatzaren 28an Uribe Kostako hiru gazte epaituko dituzte Bilbon; Algortako Mentxakabarri gaztetxearen aldeko kontzentrazio baten ostean gertatutako istiluengatik epaituko dituzte. Gazte hauek ez ziren momentuan identifikatuak izan, herri mugimenduan parte hartzeagatik ezagutuak izan zirelako, inputatu gisa deitu dituzte deklaratzera. Egun horretan gertatu zena hau da: Getxoko Alderdi Popularrak, gazte mugimenduaren eta gaztetxeen aurkako kanpainia aurrera eramateko hautua egin zuen aspaldi. Mentxakabarri gaztetxearen aurrean prentsaurreko bat burutzera joan zirenean, gazteok haien ezezko borobila adierazteko bertara hurbiltzeko deia luzatu zuten. Dei horrek ekarri zuen erantzunagatik prentsaurrekoa udaletxera mugitu zen.