Urdulizko Kultur Etxeak Kubaren aldeko elkartasun hitzordua hartuko du gaur, barikua, 19:00etan. Kubatik, Kubara, Kubarekin izeneko ekitaldia Urdulizko Herriko Taberna Kultur Elkarteak antolatu du, Euskal Herria-Kuba Ekimenaren laguntzagaz, eta bildutako dirua Kubako osasun-zentroak eguzki-energia bidez elektrifikatzeko kanpainara bideratuko dute.

Urdulizko EAJoso positibotzat jo du Imanol Pradales lehendakariak eta Elixabete Etxanobe Bizkaiko ahaldun nagusiak Lointek enpresara egindako azken bisita. Jeltzaleen arabera, Urdulizen kokatutako enpresa hori Uribe Kostako ahalmen ekonomiko eta industrialaren erakusgarri da, eta eskualdearen garapenari, berrikuntzari eta kalitatezko enpleguari egiten dion ekarpena aitortu beharra dago.