Osteguna, urriak 25

19:00

Joseba Rios arkeologoari jendaurreko elkarrizketa

HIRUKAren jardunaldien hirugarren saioak atzera begira ipiniko gaitu. "Arkeologia eta Historiaurrea" goiburupean, jendaurreko elkarrizketa egingo diogu Joseba Rios arkeologoari, eguen honetan, urriaren 25ean, El Rincón de Barrika tabernan (Udaletxeko bidea, 4. Barrika), 19:00etatik aurrera.

19:00

Zipiriñeko gurasoen kontzentrazioa

Sopelako Zipiriñe ikastetxeko Iraupen gurasoen elkartean elkarretaratzea deitu du eguen honetarako, urriaren 25erako, 19:00etan, udaletxearen aurrean, hezkuntza-zentroak dauzkan leku-arazoak salatzeko. Ordu bete beranduago, udal-batzarra egongo da bertan. Hain justu, gaur bertan, albistea argitaratu du "El Correo" egunkariak, Udalak planteatzen duen "irtenbide" bati buruz.

Loramendi zahar-egoitzako langileen mobilizazioak

Sanitas taldeak Erandion daukan Loramendi zahar-egoitzako beharginek greba mugagabeari ekin zioten atzo, zapatuan. Aurretik, barikuan, Erandioko Udaleko Gobernu taldeari eta alderdi denei eurekaz biltzea eta lan-gatazkan bitartekaritza egitea eskatu zieten. "Sexismoa" da lan-gatazkaren gakoetako bat, langileen ustean.

Leioako Mikologia Astea

Zazpi elkartearen 25. urteurrenean egingo dute Leioako Mikologia Astea 28. edizioa. Hala, gaur, bihar eta etzi berbaldiak egingo dituzte, 19:30ean, taldearen egoitzan (Sabino Arana kalearen atzealdean): "Perretxiko y el pueblo vasco", Pablo García Azkarategaz; "Cocinando setas", Pablo Urzaygaz; eta "Setas de pinar", Josué Rodríguezegaz.

Bizkaiko Garagardo Jaia

Bihar eta etzi, barikuan eta zapatuan, Bizkaiko Garagardo Jaia egingo dute Urdulizko Etxeandia garagardotegian. Etxeandia bera ez ezik, honako Bizkaiko beste garagardo hauek dastatu ahal izango dira: Maiken balmasedarra, Laugar gordexolarra eta Urban Beer zamudiotarra.

Sorgina Txirulinak guraso eta umeentzat prestatutako tailerretan izen-ematea

Joan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.

Zapatutan sendientzako tailerretan izen-ematea

Erandioko Udaleko Euskara Zerbitzuak antolatzen duen Zapatutan ekimena hilaren 20an izango da bueltan, sendientzako ekintza dibertigarriz lepo. Urriaren 20an egingo dute udagoienean ere familia giroan eta euskaraz ondo pasatzeko lehenengo jarduera eta abenduaren 15ean amaituko dute zikloa. Ohi legez, zapatuetan izango dira jarduerak, 18:00etatik aurrera; daborduko izena eman daiteke.

Erandio Bonua kanpaina

Hirugarren urtez, Erandioko kontsumitzaileek hainbat deskontu lortu ahal izango dituzte, udalerriko dendariek eta Udalak bultzatutako Erandio Bonua erabiliz.

Erandioko Emakumeen Jabekuntza Eskolan izen-ematea

Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.

Galeako Olatu handiaren itxarote-fasea

Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.

17:00

Ekoguneko Inguru minguru tailerrak

Proposamen berriakaz hasi du Ekogunek ikasturte berria: Inguru minguru tailerrak. Arduradunek azaldu dutenez, horien helburua da txikienei inguruarekiko errespetua sustatzea. Tailerrok iraileko eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan, 17:00etatik 19:00etara.