Uribe Kostako udalerriek egitarau oparoa prestatu dute egunotarako; eskaintza zabal horretatik zer aukeratu ez dakizula? Hona hemen aste-akaburako proposamenen aukeraketa bat.

Txikienetatik hasi eta 10 kilometroko erronkari heltzeko prest dauden korrikalarietaraino, adin guztietarako hitzordua izango da domeka honetan Gorlizen. Irailaren 27an Gorlizko Herri Krossaren zortzigarren edizioa egingo dute, eta lasterketek herrigunea, Urezarantza eta hondartzako pasealekua zeharkatuko dituzte. Lehenengo probak 10:30ean hasiko dira, Elizako plazatik.