Lemoizko eskolaren ondoko jolasgunea urte osoan erabiltzeko moduko espazioa izateko lehen urratsa egin du Udalak. Asmoa Torreburuko zelaian estalki ireki bat jartzea da, jolasgunea eta inguruan egoteko erabiltzen diren eremuak euritik zein eguzkitik babesteko.

Taberna ibiltaria hitz gutxitan deskribatzeko eskatuz gero, «musikarekiko zaletasuna ardatz duen kuadrilla bat» direla diote beraiek. Egia esan, hori baino askoz gehiago egiten du mende laurdena bete duen talde honek; izan ere, gure artean hain errotuta dagoen eta, batez ere, festa-giroan, jendea hainbeste elkartzen duen tradizioa dute ardatz: kantatzea. Gainera euskara eta euskal kultura hauspotzea da beraien ardatzetako bat. Hainbat herritako kideek osatzen dute Taberna Ibiltaria: Mungialdekoak, Txorierrikoak, Lemoizkoak, Getxokoak, Leioakoak, Elorriokoak, Bakiokoak... "Hainbeste lekutakoak izanda, bizkaitarrak garela esan beharko", diote.