Lemoizko zentral nuklearraren etorkizuna erabakitzeko prozesua irekitzea eskatu dute hainbat alkatek
ots 20, 16:12 Uribe Kosta
Uribe Kostako eta Mungialdeko hainbat alkatek Eusko Jaurlaritzari eta Bizkaiko Foru Aldundiari eskatu diete entzute- eta parte-hartze prozesu zabal, plural eta inklusibo bat abian jartzeko, Lemoizko zentral nuklear zaharraren etorkizuna definitzeko. Eskaera bateratuak azpimarratzen du eremu hori, hamarkadaz erabilerarik gabe egon ostean, “eraldatzeko aukera historikoa” dela, eta etorkizuna irizpide publikoen arabera zehaztea beharrezkoa dela, jasangarritasunagaz, lurralde-plangintzagaz eta gizarte-kohesioagaz bat datorren eraldaketa bermatzeko.
Itsasaldien ondorioz hildako edo zauritutako ehunka lanperna-musu azaldu dira euskal kostaldean
ots 16
Azkenaldiko ekaitzen ondorioz, 500 lanperna-musu atlantiko (Fratercula arctica) inguru agertu dira azken orduotan euskal kostaldean ahulduta edo hilda; horietatik 200 inguru Bizkaian eta 300 Gipuzkoan. Uribe Kostako hondartzetan —bereziki Ereagan— dozenaka txori hilik agertu dira, eta beste hainbat oso egoera larrian aurkitu dituzte.
