Etzandarri Euskal Mendi Taldeak Gatzarrieta mendira (1.182 metro) igotzeko txangoa antolatu du irailaren 13rako. Pagomakurretik abiatuko dira, eta 9,5 kilometroko ibilbidea egingo dute. Irteera doakoa izango da eta euskaraz egingo dute oso-osorik.

Lemoizko eskolaren ondoko jolasgunea urte osoan erabiltzeko moduko espazioa izateko lehen urratsa egin du Udalak. Asmoa Torreburuko zelaian estalki ireki bat jartzea da, jolasgunea eta inguruan egoteko erabiltzen diren eremuak euritik zein eguzkitik babesteko.