Politika 2004-05-18 21:34

Udalak hondartzak garbitzearen aurka dago Getxoko PP

Erabiltzailearen aurpegia Ukberri Herriko bost hondartzen garbiketa beregain hartzeko, Bizkaiko Foru Aldundiarekin sinatu zuen hitzarmena baliogabetzeko eskatuko dio Getxoko Udalari talde popularrak. Rafael Moreno PPko zinegotziak adierazi duenez, "inolako ekarpenik ez du suposatzen udal erakundearentzat akordioa, are gutxiago auzokideentzat". Gaineratu duenez, "Aldundiak garbiketa noiz eta nola egin behar den esan, dirua jarri eta lanetaz ahaztu egiten da. Bitartean, giza baliabideak jarri behar ditu Udalak, berari ez dagokion lanerako".
  Politika 2004-05-17 23:58

Ekitaldi ugari Algortan, Amnistiaren Aldeko Astean

Erabiltzailearen aurpegia Ukberri Gaur eman zaio hasiera Algortan maiatzaren 23ra arte luzatuko den Amnistiaren Aldeko Asteari. Besteak beste, bideo emanaldiak, hitzaldia, elkarretaratzeak, mobilizazioak, ekitaldiak, herri bazkaria, bizikleta martxa, triki poteoa, kontzertuak... izango dira astelehenetik igandera auzo horretako Amnistiaren Aldeko Topaguneak antolatuta. Ekitaldi eta mobilizazioetan parte hartuz, amnistiaren alde euren ekarpena egiteaz gain, etxeko leihoan zein soinean "Euskal Presoak Euskal Herrira" ikurra ipintzeko dei egiten diete algortar guztiei antolatzaileek.
  Politika 2004-05-11 22:33

Zapaterori postalak bidaltzeko kanpaina abian jarri du Leioako EAk

Erabiltzailearen aurpegia Ukberri Euskal Herriko gatazkari elkarrizketa bidezko irtenbidea eskatzeko asmoz, Jose Luis Rodriguez Zapatero Espainiako Gobernuko presidenteari postalak bidaltzeko abian jarri duten kanpaina aurkeztu dute gaur Leioako EAko zinegotziek. Aipatutako postalak frankeatuta daude jada eta EAko kideek eurek arduratuko dira banatzeaz. Halaber, kanpiana Nerbioi itsasadar eskuinaldeko gainontzeko udalerrietara zabaltzea ez dute baztertzen Leioako zinegotziek.
  Politika 2004-05-10 23:09

Katalunia eta Euskal Herria Europa berriaren aurrean

Erabiltzailearen aurpegia Ukberri Armengol: "Ezkertiar independentista katalanek kalean egindako lanari probetxua hartu dio ERCk"

Europa berriaren testuinguruan Katalunia eta Euskal Herria bizi duten egoeraz aritzeko izan dira Endavant taldeko Francesc Armengol eta Joseba Alvarez, ezker abertzaleko kidea, Leioako Campusean. Gizarte Ikerketarako Talde Eragileak, GITE-IPES elkarteak, antolatutako hitzaldian Kataluniako ezker independentistari hurbilketa egin diote, euskal egoera politikoa aztertzearekin batera.
  Politika 2004-05-07 23:38

Presoek EHUn ikas dezaten bermatu nahi du Jaurlaritzak

Erabiltzailearen aurpegia Ukberri Euskal presoei EHUn ez zaiela aldeko traturik ematen esan du Manu Monterok, eta PPren lege erreforma kritikatu du. Euskal presoek Euskal Herriko Unibertsitatean (EHU) matrikulatzeko aukera izan dezaten beharrezkoak diren neurriak hartzeko prest agertu zen atzo Eusko Jaurlaritzako Hezkuntza sailburu Anjeles Iztueta. Horretarako, EHU eta Espainiako Barne Ministerioaren arteko hitzarmena sinatzeko konpromisoa hartu zuen. Izan ere, egun, bertan behera dago Unibertsitatearen eta Madrilgo gobernuaren arteko hitzarmena.

Gehiago irakurri
  Politika 2004-05-07 23:26

Zarraoari nagusitu zaio Urkullu hautes prozesuaren bigarren itzulian

Erabiltzailearen aurpegia Ukberri Hautes prozesuaren bigarren itzulian, 105 udal batzarren babesa jaso ondoren, karguan jarraitzeko aukera guztiak ditu Iñigo Urkullu egungo EAJko Bizkai Buru Batzarreko lehendakariak. Iñaki Zarraoa Getxoko alkateak, aldiz, 13 batzordeetan baino ez du irabazi. Zenbaketa honetan Bilboko Larzabal eta Bilbo-Zaharra, Lekeitio, Erandio eta Gorlizko emaitzak falta dira, gaur 20:30etatik aurrera egiten ari direlako bozketa. Hala ere, azken emaitzan ez dute eraginik izango.
  Politika 2004-05-07 23:26

Adi! Bihar da Herritarren Zerrendaren alde sinatzeko azken eguna

Erabiltzailearen aurpegia Ukberri Bihar da Herritarren Zerrenda Europako hauteskundeetara joan ahal izateko sinatzeko azken eguna. Getxoko Udaletxean 9:00tik 13:00 arte. Ondoren udaletxetik abiatu eta kalegira egingo da Algortan zehar, eta amaitzeko pintxoak eta izango dira Gorrondatxen.
  Politika 2004-05-04 22:18

Getxon 1.500 baietz! Adi, azken egunak!

Erabiltzailearen aurpegia Ukberri Maiatzaren 8ra arte dago aukera Herritarren Zerrendaren aldeko sinadura emateko

Aministiaren Aldeko Mugimendua bat dator Herritarren Zerrenda Europako Hauteskundeetan agertzeko behar duen sinadura bilketarekin. Ez da Ezker Abertzalearen kontua: demokrata guztiei dagokie apartheid politikoaren kontra egitea. Zure sinadura ezinbestekoa da behar den kopurua lortu ahal izateko.
  Politika 2004-04-30 23:03

Apirileko udalbatzan egon da Getxo Bizia plataforma

Erabiltzailearen aurpegia Ukberri Ohi bezala Getxo Biziako hautetsia eta ordezkariak gaurko udalbatzarrean egon gara. Izandakoen inguruan, ezin aipatu gabe utzi udal agintariei lan, ordainsari eta gizarte baldintzen inguruko negoziazioa eskatuz ELA eta LAB-eko ordezkarien hileroko protesta, gaur ere bertan izan dena, udal eta foru administrazioen kudeatzaileen itxikeriaren lekuko. Bestetik Getxo Biziak iritzia eman du, 13-12 bozketarekin Getxo Biziari dagokion zinegotzi postua aintzat hartu gabe, onartu den Lan Postuen Zerrendari buruz. Halaber Arkaitz Goikoetxea, Kepa Saratxaga eta Endika Lejarzegi pairatzen ari diren epaiketak eta indefentsioa salatuz, galde-eskeen txandan mozioa irakurri dugu.
  Politika 2004-04-30 23:02

Arkaitz Goikoetxea, Kepa Saratxaga eta beste bost gazteren aurkako epaiketa

Erabiltzailearen aurpegia Ukberri Arkaitz Goikoetxea, Kepa Saratxaga (Getxo) eta beste bost gazteren kontrako epaiketa izan da 28 eta 29an, 18 urteko espetxe zigorra eskatzen dute polizia muntai baten barruan.

Epaiketari asteazkenean eman zitzaion hasiera eta Zornotzako ertzaintzaren komisaldegiaren kontrako erasoan parte hartzea leporatzen zieten. Esan beharra dago zeukaten froga bakarra zazpi gazte hauetario deklarazio bat zela, hain zuzen torturapean sinatu arazi zutena. Gazte hauen kontra deklaratzera PNV-ren polizia joan zen (gezurrezko bizarrarekin betaurrekoekin, arropaz aldatzen ziren,...) gainera euren deklarazioetan kontraesanak esaten. Gainera aipamena egin behar da nola gazte hauek erasoaren egunean beste leku batzuetan zeudela frogatuta zegoela (agroturismo batean, alkoholemia kontrol batean, frantziako tour-ean). Aipatzeko da oso gogorra izan zela epaiketa jarraitzea, zeren eta gazte hauek ertzaintzak eginiko tortura guztiak kontatzerakoan, jasangaitza egiten zen.
  Politika 2004-04-30 15:55

Urkullurekin lehiatu ahal izango da Zarraoa

Erabiltzailearen aurpegia Ukberri Iñigo Urkullu berriro aukeratua izateko ezinezkotasuna ezeztatzea erabaki zuen bart alderdi horretako Bizkaiko Batzarrak. Horrela, Iñaki Zarraoa Getxoko alkatearekin lehiatu ahal izango da, gaur egun, EAJko Bizkaiko Buru Batzarreko lehendakaria dena. Horretaz gain, hautes-prozesua bertan behera gelditu zen puntu berberetik abiaraztea agindu du EAJko Bizkaiko Batzarrak.
  Politika 2004-04-30 00:07

Hainbat gazteen espetxe arriskuaren aurrean, mozioa aurkeztuko du Getxo Biziak

Erabiltzailearen aurpegia Ukberri Getxoko udalbatzak Arkaitz Goikoetxea, Kepa Saratxaga eta Endika Lejarzegi gazte getxoztarren egoeraren aurrean, biharko osoko bilkuran, bere jarrera argitu dezan, mozioa aurkeztu du Getxo Bizia plataformak. Goikoetxeak eta Saratxagak gaur izan dute epaiketa Madrileko Audientzia Nazionalean. Fiskalak 18 urteko zigorra eskatzen ditu eurentzako. Horretaz gain, Endika Lejarzegirekin batera, beste epaiketa bat izango dute biek. Eta haiekin batera beste hainbat gazte dago auziperatuta. Inputazio guztiak "torturapean egindako adierazpenetan" soilik oinarritzen direla salatzearekin batera, udalbatzarrari gazte hauen kasuarekiko interesa ager dezan eta torturaren aurka argiki ager dadin eskatzen dio udalbatzarrari Getxo Bizia plataformak.
  Politika 2004-04-29 16:41

Urkullu ezin bada aurkeztu, hautagaitza erretiratuko du Zarraoak

Erabiltzailearen aurpegia Ukberri Iñigo Urkullu EAJko Bizkai Buru Batzarreko oraingo lehendakaria berraukeratua ezin daitekeela izan erabakitzen badu alderdiko auzitegiak, bere hautagaitza bertan behera utziko duela iragarri du Iñaki Zarraoa Getxoko alkateak. Radio Euskadin atzo adierazi zuenez, "Urkullu kenduta, hautagai bakarra izango nintzateke. Eta horrek ez du islatzen, egun hauetan, udal erakundeetako afiliatuek planteatzen ari direna". Hori gertatuz gero, "hautes-prozesua bertan behera utzi eta berri bati ekin beharko litzaioke etorkizunean", Zarraoaren ustez. Hori bai, hautes-prozesu berriari ekitekotan, ez du parte hartzea baztertzen Getxoko alkateak, baten batek bere izena aurkezten badu. Izan ere, bere hitzetan, "prozesu hauen gainetan daude bakoitzak dituen egitasmoak eta ideiak". Horiek defendatzen jarraituko duela baieztatu du berak, EAJko auzitegiak hartzen dituen erabakiak errespetatzea eskatzearekin batera, "estatutuak guztientzako berdinak baitira". "Afiliatuen erabaki guztiak obedituko ditut nik", gaineratu zuen Zarraoak.
  Politika 2004-04-27 23:17

Euskal Herria libre mugarik gabeko Europan

Erabiltzailearen aurpegia Ukberri Datorren ekainaren 13an, euskal herritar guztiok, Euskal Herri osoan eta egun berdinean bozkatzeko aukera historikoa izango dugu. Hauteskunde hauek, Euskal Herria Europako Nazioa dela frogatzeko baliatu behar ditugu.

Herritarren Zerrenda (HZ) osatzeko firma bilketa erraldoia antolatu da Euskal Herri osoan. Estatu espainiarreko legeriak herri hautagaitza osatzeko milaka firma legal eskuratzea eskatzen du eta hori egitera goaz, maiatzaren 8a bitartean. Estatu frantziarrak horrelakorik eskatzen ez badu ere, Lapurdi, Nafarroa Beherea eta Zuberoan sostengurako izenak jasoko dira, maiatzaren 15era arte.
  Politika 2004-04-24 00:30

Hamaikagarren eskandalua. Beste muntaia poliziala!

Erabiltzailearen aurpegia Ukberri Fiskalak 18 urteko espetxe zigorra eskatzen du Arkaitz Goikoetxea eta Kepa Saratxaga Algortako gazteen kontra, apirilaren 28an eta 29an Madrileko Audientzia Nazionalean egingo den epaiketan, beste gazte batek torturapean sinatu eta gero epailearen aurrean sinarazi ziotena gezurra zela salatu zuen deklarazioa "froga" modura besterik gabe erabiliz.

Algortan mobilizazioak izango dira apirilaren 29an: goizean irakaskuntza mailan kontzentrazioak egingo dira eta arratsaldeko 20:00etan manifestazioa egingo da Algortako Telletxe plazatik abiatuta.