Igandea, urriak 7
11:00
Berbotslagunen Eguna
Irailaren 23a plaza, Erandio | JaiakDomeka honetan, urriaren 7an, Erandioko euskaldunek hitzordu berezia izango dute Altzagan, Euskaraldian izena emateko eta udaberrian 25 urte bete zituen Berbots Erandion Euskaraz! euskaltzaleen topaguneak antolatutako eguna ospatzeko. Goizeko 11:00etatik aurrera hainbat jarduera antolatu du elkarteak. Herri-bazkarirako txartelak daborduko eska daitezke.
12:30
MoonShakers taldearen kontzertua eta familientzako tailerrak
Algortako Andrés Isasi Musika Eskolaren Kristalezko kioskoa, Getxo | MusikaMoonShakers talde bilbotarraren domekako emanaldiak emango dio amaiera Algortako Kristalezko Kioskoaren goizeko kontzertuei. Saioa 13:00etan izango da.
17:0019:00
Ekoguneko Inguru minguru tailerrak
Uribe Kostako Zerbitzu Mankomunitateko udalerrietan, Uribe KostaProposamen berriakaz hasi du Ekogunek ikasturte berria: Inguru minguru tailerrak. Arduradunek azaldu dutenez, horien helburua da txikienei inguruarekiko errespetua sustatzea. Tailerrok iraileko eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan, 17:00etatik 19:00etara.
Zapatutan sendientzako tailerretan izen-ematea
https://labur.eus/0xXd1, Erandio | Ikastaroak eta tailerrakErandioko Udaleko Euskara Zerbitzuak antolatzen duen Zapatutan ekimena hilaren 20an izango da bueltan, sendientzako ekintza dibertigarriz lepo. Urriaren 20an egingo dute udagoienean ere familia giroan eta euskaraz ondo pasatzeko lehenengo jarduera eta abenduaren 15ean amaituko dute zikloa. Ohi legez, zapatuetan izango dira jarduerak, 18:00etatik aurrera; daborduko izena eman daiteke.
Sorgina Txirulinak guraso eta umeentzat prestatutako tailerretan izen-ematea
https://labur.eus/iqGo5, Erandio Sopela Uribe Kosta | Berbaldiak eta mahainguruakJoan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.
Erandio Bonua kanpaina
Altzaga eta Astrabudua auzoak, Erandio | BestelakoakHirugarren urtez, Erandioko kontsumitzaileek hainbat deskontu lortu ahal izango dituzte, udalerriko dendariek eta Udalak bultzatutako Erandio Bonua erabiliz.
Erandioko Emakumeen Jabekuntza Eskolan izen-ematea
Erandiogoikoan, Altzagan eta Astrabuduan, Erandio | Ikastaroak eta tailerrakDatorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Astrabuduko Extremadurako Etxearen 37. kultur-astea
Josu Murueta kultur etxea, Erandio | JaiakAstrabuduko Extremadurako Etxearen 37. kultur-astea ospatzeari ekingo diote gaur 19:30ean; Iñaki Basabe kantautoreak irakurriko du pregoia. Kultur-astea urriaren 14ra arte izango da; bitartean, musika- eta dantza-emanaldiak, umeen eta helduen jolasak eta otorduak izango dira, ohiko artisautza- eta gastronomia-azokagaz batera.
Bost Kontinenteetako Landareen Azoka
Arboretuma (Leioa eta Erandioko campusa), Erandio Leioa Uribe Kosta | AzokakMunduko Landareen laugarren edizioa antolatuko dute Bizkaiko Foru Aldundiaren Basalan sozietate publikoak eta EHUk, datozen zapatu eta domekan, urriaren 6an eta 7an, EHUko Leioa eta Erandioko campuseko Arboretum eremuan. Azoka horretan, EAEko, Estatu espainiarreko eta Frantziako 34 ekoizlek mundu osoko landareen aukeraketa bat erakutsiko dute. Leioako eta Erandioko udalek eta BBK-ko Gizarte Ekintzak laguntzen dute ekimena.
Getxoarte: El Respiradero
Areetako Xake plaza, Getxo | ErakusketakAste-akabu honetan, urriaren 6an eta 7an, Getxoarteren barruko El Respiradero izeneko ekimena izango da Areetako Xake plazan. Programa berri horrek arte eszeniko esperimentalak dauzka ardatz nagusi eta bertan, egun biz, hainbat ekintza eta performance egingo dituzte 20 artistak baino gehiagok.
_tokikom_200x200.jpg)