Barrikoztarrek Plentzian zentralizatuta dauden zerbitzu publikoetatik gertu aparkalekua aurkitzeko duten zailtasunen inguruko kezka helarazi dio Barrikako Udalak hiribildukoari. Gutun bidez jarri da harremanetan.

Meñakotz hondartzatik hur, Barrikako Zabaletxe inguruan, azken urteotan egiten ari diren indusketek Euskal Herriko arkeologia-mapan leku berezia irabazi dute. Alvaro Arrizabalaga EHUko Historiaurreko irakaslearen arabera, Châtelperron aldiko aztarnategiak aurreikuspen "guztiak" gainditu ditu, eta Paleolito garaiko aire zabaleko aztarnategi nagusietako bat bihurtzen ari da. Aurtengoa inguruan lanean aritu diren laugarren aldia izan da.