HIRUKA komunikazio-taldeak 10 urte bete dituen honetan, bere aurrekariak izan diren proiektuei begira jarri eta horien zein, orokorrean, Euskal Herriko euskarazko gainontzeko tokiko komunikabideen hastapenak aztertu ditugu. Horretarako, Libe Mimenza Euskal Hedabideen Behategiko koordinatzaileak azaldu dizkigu hiru hamarkadan izandako gakoak eta erronkak.

Korneta-jole baten hutsegiteak salbatu zituen 1836ko Gabon Gauean galdua ziruditen bataila eta hiri bat. Garaipen horrek Lehen Gerra Karlistaren bilakaera baldintzatu bazuen ere, ez zuen anaien arteko guda odoltsu hura geldiarazi, ezta liberalen eta karlisten arteko hurrengo gerra biak eragotzi ere. Ekaitz baten erdian jazo zen Lutxanako batailaz ari gara.