Kultura 2005-02-08 12:45

Euskal Material Didaktikoaren I. Topaketak: Hezkuntza Premia Bereziak

Erabiltzailearen aurpegia Ukberri Azken 30 urteetan UEUk hainbat egitasmo eraman ditu aurrera eta, oraingoan, euskal material didaktikoa aztertzeko eta lantzeko ekimen bat aurkeztera gatoz Pedagogia sailaren eskutik. Zenbait hezkuntza-esparrutan euskal material didaktikoan hutsune handiak sumatu ditugu eta euskal material didaktikoa sortzeko edota dagoena egokitzeko beharra ikusi izan da. Materiala sortzeko saiakera onak egin badira ere, askotan, ez dute hezkuntza-komunitatera heltzeko giltzarria topatu eta bidean geratu dira. Horregatik pentsatu dugu “Euskal Material Didaktikoaren Topaketak” antolatzea. Alde batetik, Udako Euskal Unibertsitatearen eta hainbat ikastetxe, pertsona eta erakunderen indarrak biltzeko, eta, bestetik, kalitatezko euskal material didaktikoa sortzeko zubiak eraikitzeko.
  Kultura 2005-02-07 22:59

Eremulauak.com kultur webgune euskaldunarekin goza daiteke dagoeneko

Erabiltzailearen aurpegia Ukberri Leioako Kazetaritza fakultateko zenbait ikaslek bultzatuta martxan da jada www.eremulauak.com webgune berria. Web gune honetan, kultur esparru eta alor guztiak jaso nahi dira (musika, literatuta, ikusentzunezkoak, argazkilaritza eta bestelako arte adierazpen guztiak ere), orain arteko medioetan lortzen duten hedapen eskasa sahiestu nahiean.
  Kultura 2005-02-07 22:39

Getxo Kirolak udal erakundea "Instituto Municipal de Deportes" ere deitzea nahi du Getxoko PPk

Erabiltzailearen aurpegia Ukberri Marisa Arrue Getxoko udal talde popularreko bozeramaileak gaur prentsaurrean azaldu duenez, Getxoko PPk izen elebiduna hobetsiko du kirol erakunde berriarentzat. Arruek Udal Gobernuak proposatutako Getxo Kirolak izen elebakarraren defentsa egiteko argudioa kritikatu du, izena "elebiduna izan beharko" litzaketeela gehituz.
  Kultura 2005-02-07 22:15

TxaTxan umeentzako eta gazteentzako elkarteak martxoan ekingo dio lanari

Erabiltzailearen aurpegia Ukberri Herriko 10 eta 14 urte bitarteko umeei eta gazteei begira, TxaTxan aisialdirako elkartea sortu berri dute Sopelan. Hain zuzen ere, neska-mutilen gurasoak izango dira elkarteko bazkideak. Horretarako, Hall Kulturalean izena emateko orri bat jaso beharko dute (Nuriagatik galdetu, 18:00etatik 21:00etara). Orria ondo bete eta taldeko kuota ordaindu ostean, bueltan eraman beharko dute udaletxera, bankuaren ordainagiriarekin batera, otsailaren 14a baino lehen. Orduan egongo zaie bazkide karneta eta oparia jasoko dute. TxaTxanen aurkezpen jaia otsailaren 26rako aurrikusten da.
  Kultura 2005-02-07 21:22

Eskualde mailan, Erandion baino ez da egongo ikusgai Emakumeen Bideak

Erabiltzailearen aurpegia Ukberri Igaz erakundeen diru-laguntza faltagatik bertan behera gelditu bazen ere, aurten Emakumeen Bideak antzerki amateurraren zirkuitoaren seigarren ekitaldia abiatu du dagoeneko Getxoko Antzerki Eskolak. Zirkuitoa osatzen duten zortzi antzerki taldeen konpromisoari esker ipini ahal izan dute berriro martxan. Hain zuzen ere, eskola getxoztarrak eta konpainiek hartu dute beregain gastuen zati handia, Bizkaiko Foru Aldundiko eta Eusko Jaurlaritzako diru-laguntzak jaso bitartean. Hala ere, Erandio izango da Uribe Kostan zirkuitoa biltzatuko duen bakarra, Getxo udalerrian ezin izango da ikusi emakumezko antzerki talde hauen ikuskizunik momentuz. Basauri, Arrigorriaga, Gurutzeta (Barakaldo), Galdakao, Amurrio, Sestao eta Santurtzin, ordea, bai. Argazkian, Bonboliñaken "Que se mueran los feos" antzezlana.
  Kultura 2005-02-07 15:17

Herriko toponimiari buruzko azterlana egingo dute Erandion

Erabiltzailearen aurpegia Ukberri Euskararen erabilera normalizatzeko politikarekin jarraituz, herriko toponimia jasotzeko beka bat eman du Erandioko Udalak. Iratxe Lasa izan da beka irabazi duena eta 14 hilabete izango ditu lana osatzeko. Batetik, artxiboetako informazioa aztertuko du, hau da, Bizkaiko Lurralde Historikoko Artxiboa, Bizkaiko Foru Aldundikoa, Erandioko Udal Artxiboa eta Jabetza Erregistroa. Bestetik, herriko bizilagunen lekukotasunak bilduko ditu, enklabe, etxe, baserri, kale, bide, errepide, erreka, mendi, iturri, eliza, zubi eta beste hainbat leku izen jasotzeko. Izan ere, horrelako izen asko galdu egin dira denboraren joanean eta beste askok itxura aldaketa nabarmena jasan dute ahoz aho transmititzean.
  Kultura 2005-02-07 15:17

UK aldizkariaren 74. zenbakia etxeetan banatzen ari da

Erabiltzailearen aurpegia Ukberri Uribe Kostako euskaldunok buzoian daukagu jada Boluntzarreta elkarteak argitaratutako UK aldizkariaren ale berria, urteko lehen zenbakia, alegia. Urtarrilean barauan eduki ondoren, aldizkari sano beteta bidali digute otsailaren hasieran UKko kazetariek.
  Kultura 2005-02-07 14:42

'Chicago' filmea egongo da ikusgai bihar Kultur Leioan

Erabiltzailearen aurpegia Ukberri Musikalen zikloaren barruan, Rob Marshall zuzendari estatubatuarraren "Chicago" filmea egongo da ikusgai bihar, 20:00etatik aurrera, Kultur Leioako auditoriumean. Aipatu beharra dago, 2003an filme onenari Oskarra eman ziotela, baita aktore-zerrendako emakumezko aktore onenarena bertan agertzen den Caterine Zeta-Jonesek ere. Besteak beste, bera da filmeko protagonista Renee Zellweger eta Richar Gere artistekin batera. Sarrera bi eurotan egongo da Leioako emanaldian.
  Kultura 2005-02-06 21:12

Euskal Herriko V. Kale Neurketa 2006an egingo da

Erabiltzailearen aurpegia Ukberri Euskal Herriko Kale Neurketa 1989an egin zen lehen aldiz, EKBren eskutik. Geroztik, lau urtean behin errepikatu da. Maiztasun hori jarraituz, aurten behar luke V. Kale Neurketak. Baina, neurketaren inguruko aditu-taldeak kale neurketaren urtea zentsu eta errolda urtearekin parekatzea erabaki du. Beraz, Euskal Herriko V. Kale Neurketa 2006an egingo da, aurreko neurketen urte sasoi berean, azaroan. Ikerketa honek euskararen erabilera zertan den ezagutzeko informazio garrantzitsua eskainiko digu. Hainbat datu izango ditugu eskuartean: neurraldi bakoitzeko bilakaera, lurralde edo eredu soziolinguistiko ezberdinen alderaketa, adinaren araberako datuak... Beraz, informazio hori guztia 2007ko udaberri inguruan izango dugu.
  Kultura 2005-02-05 20:49

Fito Ramirez Escuderoren pinturak ikusgai Erandion

Erabiltzailearen aurpegia Ukberri Martxoaren 19ra arte beste pintura erakusketa bat izango da ikusgai Altzagako udal azokan goizeko 11:30etik 13:30era eta, arratsaldez, 17:00etatik 20:00etara. Oraingoan Fito Ramírez Escudero izango da bere azken lanak Erandion erakutsiko dituena. Guztira tamaina handiko 40 tenpera eta 24 olio-pintura erakutsiko ditu eta, horiekin batera, erakusketa honetarako egindako mural bat.
  Kultura 2005-02-05 20:35

Astelehenean emango dute "Sentenciados sin juicio" dokumentala

Erabiltzailearen aurpegia Ukberri Arazo teknikoak zirela eta, urtarrilaren 27an Getxo Antzokian eskaini behar zuten "Sentenciados sin juicio" dokumentala toki berean astelehenean egongo dela ikusgai jakinarazi zuen atzo Elena Coria Euskara eta Gazteria zinegotziak. Izan ere, aipatu egunean eman behar zuten filmea; “San Salvador”, “Sing, Sing, Sing” eta “A different war” film laburrekin batera; Zinegoak '05 Gay-Lesbo-Trans Nazioarteko Zinema Jaialdiaren barruan udalerrian antolatutako emanaldian. Asteleheneko saioa 20:00etan izango da, sarrera dohainik.
  Kultura 2005-02-05 19:59

Ekin musika talde algortarrak lehen diskoa kaleratu du

Erabiltzailearen aurpegia Ukberri Algortako laukoteak kaleratu berri duen "Zenbat urte" izeneko CD luzean 10 kantu eta hainbat bideo aurkitu ditzakegu. Orain dela bost urte sortu zen taldea Algortan, geroztik dozenaka kontzertu eskaini ditu, maketa bat grabatu, baita "Esanak esan" diska bilduman kanta bat sartu ere. Metalaren eragin zuzena dute Ekinekoek eta Kop, Etsaiak edo Habeas Corpus bezalako taldeen eraginak nabari zaizkie euren musikan.
  Kultura 2005-02-05 12:46

Itzubaltzeta / Erromo-Pinuetako jai eta herri kulturaren aldeko manifestua

Erabiltzailearen aurpegia Ukberri Gaur ospatuko dira Inauteriak Itzubaltzeta / Erromo-Pinuetan. Eta herri honen ezaugarria denez, era parte-hartzaile eta herrikoian igaroko ditugu. Baina, jaia ospatzeaz aparte termometroa ere jarri diogu eta propio kaleratu dugun manifestuan sintoma onak eta txarrak agerian jartzen saiatu gara. Horren harira, guztiok gonbidatzen zaituztegu gure herrian Inauteriak ospatzen. Manifestua irakurri, mozorroa jantzi eta Itzubaltzetan itxaroten zaitugu!
  Kultura 2005-02-04 21:26

Inauteri herrikoiak ospatuko dituzte Itzubaltzetan

Erabiltzailearen aurpegia Ukberri Getxoko Udalak Algortan prestatutako egitarauatik aparte, herri giroko Inauteri parte-hartzaileak prestatu dituzte Itzubaltzeta / Erromoko hainbat taberna eta kolektibok. Hasieran bi egitarau paraleloak prestatu bazituzten ere, herriko 29 tabernak eta bost kolektibok bat egin dute egitarau amankomuna eskaintzeko. Salatu dutenez, hasieran Getxoko Kultur Etxearen jarrera "oso txarra" izan zen asmoarekiko. Azkenean, Getxoko Udalak kartel eta esku-orrietan ez du Itzubaltzeta / Erromoko ekintzen berri eman, baina bai azken orduko prentsa oharretan.
  Kultura 2005-02-04 15:13

Besteak beste Kepa Junkerak zabalduko du Kantuketan '05

Erabiltzailearen aurpegia Ukberri Kantuketan musika-zikloak kultura oso ezberdinek bat egiten duten emanaldia aurkeztuko du lehenengo aldiz, betiere musika ardatza izanik. Igandean Getxo Antzokian izango den "Mundu osotik Euskal Herri osorako" kontzertuaren oinarria nazioarte mailan entzute handia duten bost artista handien arteko lankidetzan datza, soinu ezberdinen arteko nahasketa aberasgarria lortzeko bildu dira. Kepa Junkerak, Sylvain Luc-ek eta Maddi Oihenartek trikitixa eta Iparraldeko kantuen erritmoa azaleratuko dituzte, hurrenez hurren. Lokua Kanzak eta Keivan Chemiranik, aldiz, afrikar nahiz irandar erritmoetara hurbilduko gaituzte. Kontzertua 19:00etan hasiko da eta sarrera hamar eurokoa da (aurretik zortzi euro). Gainera, aipatzekoa da, Euskal Kultur Erakundearen eskutik, Baionatik hurbil dagoen Luhuso herrian (otsailak 5) eta Algortan (otsailak 6) baino ez dela eskainiko ikuskizuna.