Sopeloztarrek zein urduliztarrek urtero ospatzen dute mendi-magaleko festa ezin hobea: Santa Marina Eguna. Euren hitzetan, egun oso polita da adin guztietako pertsonentzat, familiegaz eta lagunekaz partekatzen duten eguna delako. Askok txikitatik ospatzen duten egun moduan bizi dute festa; beraz, egun berezia da herrietatik hurbiltzen den jende guztiarentzat.

Santa Marina Eguna ospatu zuten atzo sopeloztarrek zein urduliztarrek. Aurten, meza nagusia elkarrekin egin zuten eta horregaz euren ohitura pixka bat aldatu bazuten ere, giro ezin hobegaz pasa zuten egun osoa.