Arriagako jaiak barikuan hasiko dira
Erandioko festen maratoia aurrera doa eta Kukularrako jaiei jarraipena emango diete Arriagako festek, datorren aste-akabuan. Besteak beste, Olgetan Solas jolasak izango dira auzoan.
Aho-ra herri-ekimen feministaren lehen urratsak
Hizkuntzak errealitatea sortzen duela esaten badugu, errealitatea alda dezakegu hizkuntza aldatuz gero Getxoko hizkuntza ugarietatik edanez, gure gorputzak eta gure hizkuntzak zein adierazpideak uztartuz, sor dezagun gure hitz-esaldi-kantutegi propioa feminismotik. Egun existitzen diren zapalkuntza anitzak gainditzera bidean, hizkuntzak ardatz izango dituen AHO-RA ekimena aurkeztu gura dizuegu. Oraingoan, Bilgune Feminista eta Amesten Elkarteko kideekin batera ari […]
Kulturarteko irteera: Mendira goaz uztailaren 9an
Valderejoko Parke Naturalera joango gara Getxoko Bizilagunak datorren hilaren 9an, domekan. Helduak eta umeak mendian ibiltzeaz gain, hainbat lekutako mito eta kondairak ere konpartituko ditugu Getxoko Kontularien Klubeko lagunekin. Getxoko Bizilagunak ekimeneko irteera honetan hainbat jatorri eta kulturatako herritarren artean guneak sortu nahi ditugu, elkar ezagutzeko eta egoteko, kasu honetan, euskal kulturatik, bere mitoetatik eta […]
Getxoko Nazioarteko Paella Lehiaketaren eremu ez-ofizialean segurtasuna areagotuko du Udalak
Uztailaren 23an, domekan, ospatuko dute Getxoko LXII. Nazioarteko Paella Txapelketa. Horren harira, Getxoko Udalak proiektu pilotu bat abiatu du Itxas Argiak antolatutako jai-eremutik kanpo dagoen gunean segurtasuna handitzeko. Egitasmo horrek neurri sorta bat jasotzen du Udalak urtero egin ohi dituen jarduerak osatzeko, "txapelketa ahalik eta segurtasun, ordena eta garbiketa baldintza handienetan ospatu dadin ahalbidetzeko", azaldu dute udal-iturriek.
Uztailarekin batera, bertsozaleak Sopela aldera!
_profile_small.jpg)
Uztailaren hasiera oso indartsua izango da Sopelan. Batetik, zapatuko saioak (hilaren 1ean) konbinazio ausarta bezain erakargarria esakiniko digu: Mendiburu, Lizaso, Bartra, Arzallus; eta domekan (hilak 2) sari banaketa "bertsotsua" izango dugu Arrate, Paule eta Unairen eskutik. Miren Loizagaren gaiek kalitatezko errematea emango diote bertso-asteburuari. Denok Sopelara, belarriz gozatzera! http://www.albe.eus/berriak/702-uztailarekin-batera-bertsozaleak-sopela-aldera
Getxo Jazz badator!
Aurten ere izen handiko musikariek parte hartuko dute Getxoko Nazioarteko Jazzaldiaren 41. edizioan, hilaren 28tik uztailaren 2ra arte, Algortan. Saio nagusietan (Bihotz Alai plazan, 22:15ean), Chucho Valdés, Dianne Reeves, Christian Scott, Bill Evans, Dean Brown eta Andrej Olejniczak izango dira; horiei batuko zaizkie talde-lehiaketaren kontzertuak (Bihotz Alai plazan, 21:00etan); beste behin ere, Europako jazz-musikari gazteen lanaz gozatzeko aukera egongo da. Bestalde, Hirugarren Milurtekoa atalean, eskaintza ugaria izango da: Ana Bejerano Concept, Alberto Arteta Group, Daahoud Salim Quintet, Giulia Valle Trío eta The Machetazo taldeak igoko dira agertokira, Telletxe plazan; emanaldiak 19:00etan hasiko dira.
Bihar hasiko dira San Pedro jaiak, Sopelan
Kuadrillek txosnetatik udaletxera egingo duten jaitsieragaz emango zaie hasiera San Pedro jaiei, bihar, ekainaren 28an; 19:00etan abiatuko dira lagun-taldeak eta, helmugara helduta, erakustaldia egingo du bakoitzak. Horren ostean, 21:00etan, pregoia irakurri eta txupina botako du Sopelako emakume kirolariek, udaletxeko balkoitik. Ospakizunek uztailaren 2ra arte jarraituko dute.
Ospitalerako errepidea egitea erabakita dauka Sopelako Udalak, Denok Bateraren ustez
Sopelako Udalak martxan ipini duen prozesu parte-hartzailearen aurrean, bere iritzia plazaratu du Denok Batera (DB) alderdiak. Euren berbetan, "ez dakigu zer erabakiko duten biztanleek; daborduko Gobernu-taldeak Osteiko bidea gauzatzea erabaki du".
Udaberria atzean utziz
Erandioko Altzaga auzoan ere udari ondoetorria egiteko batu ziren barikuan, ekainaren 23an. Tartanga institutuaren aurreko zelaian egin zuten sua. [Argazki-galeria]
San Juan jaiakaz gozatu dute leioaztarrek
Atzo amaitu ziren San Juan jaiak, Leioan. Bi aste-akabutan, zaletasun eta adin guztientzako ekitaldiak egon dira. [Argazki-galeria]
Suaren inguruan dantzan egin zuten barikuan Plentzian
Eskualdeko herri denetan bezala, San Juan sua isiotu zuten hilaren 23an Plentzian. Ibaian gora garraiatu zuten sua Arkote Arraun Taldeko kideek, ondoren sorginei pasa eta sutzarra isiotzeko. Udalerriko dozenaka lagunek parte hartu zuten ospakizunean. [Argazki-galeria]
Azaroaren 5ean erabakitzeko eskubidearen herri-galdeketa egingo dute Getxon
Euskal Herrian estatus politikoari buruzko galdeketa egitearen aldeko 7.448 sinadura bildu ditu Getxoko Gure Esku Dago taldeak. Hala, udalerri horretako biztanleriaren %11ren babesa lortu dute etorkizun politikoaren inguruan erabakitzeko galdeketa azaroaren 5ean antolatzeko. Joan den zapatuan, ekainaren 24an, egin zuten aurkezpen ekitaldia, 200 lagun ingururen aurrean.
Politika ulertzeko manera
Lagun bi tabernan. Batak besteari egunkaria eskuan duela: Hik ulertzen dok munduarena? Besteak bere iritzia emateko, ur handitan sartzeko aukera ona ikusten du, eta kainabera eta sare pelagikoarena erabiltzen ditu urrutira joan gabe, bertakoa hobeto azaltzeko.
Karabigane H txapeldun Mungiako Txapelketan
Berangoko Karabigane Taldeak harrobi lanean bikain dabilela erakutsi du beste behin Mungiako Kepa Deuna Futbito Txapelketan. Aurre-benjaminetan Karabigane H taldea suertatu da txapeldun, finalean Karabigane A taldeari 6-0 irabazita. Berangoko taldeko benjaminak era finaleraino iritsi dira, etxeko Mungia taldearen aurrean amore eman behar izan duten arren.
Plentziako beteranoen tenis-txapelketa prest
Plentzia Tenis Klubak antolatuko du Plentzia Hiriaren Saria, datozen ekainaren 26tik uztailaren 1era, astelehenetik zapatura. Lehiaketa horretan, 35 urtetik gorako tenis-jokalari beteranoek parte har dezakete, betiere federazioaren lizentzia egunean badaukate.
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...