Etxebizitzari buruz berba egiteko topaketa egingo dute martitzenean
Datorren martitzenean, hilaren 27an, Etxebizitzari buruzko Topaketa antolatu du Getxoko EH Bilduk, Algortako Villamonte kaleko kultur etxean, 18:30ean. "Gure helburua da Getxon bizi dugun etxebizitzaren arazoaren diagnostikoa egitea, alternatiba zehatzak proposatu ahal izateko", azaldu dute antolatzaileek.
Katana txiki bat zeroan gizonezko bat atxilotu dute Leioan
Leioako Udaltzaingoak 30 zentimetroko tantõ-a edo sastakai japoniarra zeraman 66 urteko gizonezkoa atxilotu zuen San Juan jaietan, zapatuan, ekainaren 17an. Polizia-iturriek azaldu dutenez, barraken inguruan zebilen mozkortuta eta "buru-ahalmenak nahasita"; 19:00etan atzeman zuten.
Andres Isasi Musikaliakoak arituko dira bihar Urko abeslariagaz
Bihar, martitzenean, Getxoko Andres Isasi Musikalia elkarteko kideak Urko abeslariagaz arituko dira Algortako Bihotz Alai plazan. Ikuskizun horretan, abeslari ospetsuaren ibilbideko abestirik ezagunenak interpretatuko dituzte musikari getxoztarrek, hala nola "Guk euskaraz", "Kaia barrenian", "Pello Joxepe" eta "Artillero". Kontzertua 20:00etan izango da, 5 euroan.
Iker Deusto Villanueva: "Hurrengo ikuskizuna noiz emango dudan galdezka hasi zait jendea"
Musika ipintzeaz gainera, agerlekuaren gainean, dantza egitea eta ikusleakaz hartu-emana izatea gogoko du Iker Deusto Villanuevak. Etxean, Algortako Portu Zaharrean, eskaini zuen iaz lehenengo emanaldia 16 urteko gazteak. Aurton, Printzi Anaiakaz igoko da bertoko oholtzara berriro, jaietan, abuztuaren 12an, zapatuan. Horrez gainera, domeka arrastian ere emango du showa.
Ibarbengoako aparkalekuaren kontrako borrokan jarraitzeko deia egin dute Tosukoek
Getxoko Tosu landa husteko Eusko Jaurlaritzak emandako epea igaro da; hala ere, bertan kanpatuta daudenek erresistentzian jarraitzen dute oraindino. Joan den barikuan, hilaren 16an, gainera, ehunaka lagun bildu ziren Algortako San Nikolas plazan Ibarbengoako metro-geltokiaren ondoko lur-eremu horretan egin gura duten aparkalekuaren kontrako iritzia adierazteko.
Galeako txilardi atlantikoak berreskuratzeko proiektuari esker hainbat txori espezie itzuli dira
Galeako txilardi atlantikoak berreskuratzeko Getxoko Udalak martxan jarritako proiektuak emaitza onak eman dituela jakinarazi dute arduradunek. Izan ere, lan horri esker, aspaldi ikusten ez ziren hainbat txori espezie bueltatu da txilardien ekosistema horretara.
Ertzaintzak gizon bat atxilotu du Getxon beste bat itotzen saiatzeagatik
Ertzaintzak 27 urteko gizonezko bat atxilotu du bart Getxon, beste bat soka bategaz itotzen saiatzea egotzita, Eusko Jaurlaritzako Segurtasun Sailak jakinarazi duenez.
Gerra Zibila eta diktadura goraipatzen zuten azkeneko ikurrak kendu dituzte Getxon
Gerra Zibila eta diktadura garaiko azkeneko ikurrak kendu dituela jakinarazi du Getxoko Udalak, Espainiako Etxebizitza Erakundearen plakak, alegia. Oraindino hiru plaka kendu behar dira, baina laster egingo dutela azaldu du Udalak.
Katigatuak kuadrilla: "Pasa den urteko erakustaldia gainditzea oso zaila izango da"
Katigatuak kuadrilla sopeloztarrak herriko jaietako txupina jaurtiko du aurten. Iazko kuadrillen txapelketa irabazi zuten, jaitsierarako egin zituzten mozorro ikusgarriei esker. Herriari bizitasuna emateko konpromisoa berretsiko dute aurten ere, beste 25 bat kuadrillakaz batera. Festak barrutik bizitzera gonbidatu dituzte oraindino hala egin ez dutenak.
Saharar adinekoen egoitzaren balorazio ona egin du Berangoko Udalak
Argeliako Tindouf-eko Saharako errefuxiatuen eremuan dagoen Bucraa herriko Eguneko Zentroa finantzatzen du Berangoko Udalak. 2009 eta 2010 artean eraiki zen hori, eta etengabe funtzionatzen proiektua da. Eremu horretan egindako mediku-azterketek ondorioztatu dute zerbitzu horren onuradunek, orokorrean, osasun-baldintza "hobeetan" daudela. Anabel Landa Berangoko alkateak ziurtatu duenez, "dieta orekatuari eta eskainitako higieneari eta zainketa medikoei esker izaten da hori". Landa pozik dago ekipamendua "egoera bikainean" dagoelako.
Getxoko Udaleko 2017ko aurrekontuen proposamen orokorra 133,2 milioi eurokoa da
Getxoko Gobernu-taldeak 2017ko ekitaldiko aurrekontu bateratuak aurkeztu ditu gaur, barikuan. Horiek, honako kontu hauek biltzen ditu: Udala, erakunde autonomoak (Getxo Kirolak, Kultur Etxea, Udal-egoitza eta Musika Eskola) eta El Abra-Getxo Kirol Portua sozietatea. Hala, 94,2 milioi euroko aurrekontua da, aurreko ekitaldikoaren parekoa. Hala ere, udal-arduradunek azaldu dutenez, 2017ko ekitaldiko gastuei aurrekontu-aldaketen 39 milioi euro gehitu behar zaie, "udal-aurrezkiaren kargura". Horrenbestez, behin betiko zenbatekoa 133,2 milioi eurokoa izango da.
Sutan dantzan!
San Juan jaiak ekainaren 22tik 25era izango diren arren, hilaren 18an ere zer egiterik egongo da.
Iraizoizek denboraldi birako kontratua sinatu du Gironagaz
Gorka Iraizoz Athelticeko atezain ohia futbol-taldez aldatu da, baina ez kolorez. Berangoko bizilagunak Gironaren kolore zuri-gorriak defendatuko ditu datozen denboraldi bietan. Montilivi futbol-zelaian, bat egingo du Jonas Ramalho lamiakoztarragaz.
Etxeko grabaketa zaharrak proiektatzeko aukera eskainiko du Proiektors erakusketak
Ekainaren 30etik uztailaren 1era egingo dute Plentzian nazioarteko zinema beltzeko film laburren Mikrofilm Short Festival jaialdiaren 6. edizioa. Aurten, gainera, Proiektors erakusketa egingo dute ekimen horren barruan. Erakusketa horretan, 30. eta 70. hamarkaden arteko 30 zinema-proiektore inguru daude, askotariko formatutakoak: 8 mm, Super 8, 16 mm edota 35 mm; eta hainbat markatakoak: Bell&Howell, Kodak, Eiki, Micro Ci Son, Bauer, Elmo, Marin, Bollex Paillard edota Eumig. Erakusketa horren helburua da herritarren oroitzapen-kutxetan egon litezkeen pelikulak berreskuratzea. Hori dela eta, beren film artxiboak eramateko gonbidapena egin die antolatzaileek herritarrei.
"Kontrolik gabeko" lindano-isurketa aurkitu du Ekologistak Martxanek, Jata mendian
Ekologistak Martxan taldeak "kontrolik gabeko" lindano-surketa aurkitu du Jata mendiko zabortegiaren inguruan, Lemoizen. Agintariak jakinaren gainean ipini dituztela azaldu dute ekologistek, "eta larrialdi zerbitzuak ere bai". Gainera, Eusko Jaurlaritzara eta Bizkaiko Foru Aldundira pasa dute abisua ere.
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...