Jendartea 2004-10-04 16:18

Itzubaltzeta gaztetxe berria zabaldu zuten larunbatean

Erabiltzailearen aurpegia Ukberri

Itzubaltzeta gaztetxearen hustea eta eraisketa salatzeko antolatutako manifestazioaz baliatu ziren Erromoko gazteak Itzubaltzeta gaztetxe berriaren aurkezpena egiteko. Laurehun bat pertsona bildu zuten Itzubaltzetako kideek larunbatean Erromoko kaleetan. 20:00etan txalaparta doinuen artean aurreskua dantzatu zioten desegindako gaztetxeari. Horren ostean, puxiken artean eman zioten hasiera manifestazio ludikoari.

  Iritzia 2004-10-02 19:43

Auzoa irauliz, gaztetxearen defentsan dihardu gazteriak - Itziar Zunzunegi / Itzubaltzeta gaztetxeko kidea

Erabiltzailearen aurpegia Ukberri

Azken aldiotan, gaztetxeen inguruko auzia plazaratzea lortu izan du euskal gazteriak. Argi daukagu gaztetxeak eraiki eta defendatuko ditugula.

  Jendartea 2004-10-01 22:04

"Agintekeria eta itxikeriaren" aurrean, ilusioz aurrera jarraitzeko animatu ditu gazteak Getxo Biziak

Erabiltzailearen aurpegia Ukberri

EAJ, EA eta Ezker Batuaren jarrera irmoki salatu eta elkartasuna adierazi die Itzubaltzeta Gaztetxeko kideei

"Hondea-makinen lanek utzitako hautsa oraindik arnastu daitekeen eta Itzubaltzeta defendatu dutenen artean Ertzaintzaren bortizkeriak eragindako zauriak ere agerian dauden egun hauetan", Erromoko gaztetxea "indarkeriaz" hustuz eta eraitsiz "udal agintariek (EAJk, EAk eta Ezker Batuak) berriz erakutsitako agintekeria eta itxikeria" irmoki salatu eta, bide batez, "antolaketa era ireki eta asanblearioak praktikatuz" udalerrian sortu izan diren gazte asanbladekin eta azken urteotako gaztetxe proiektuekin bat egin nahi izan du Getxo Biziak. Horretarako, eraispen lanek utzitako orubean deitu dute prentsaurrekoa, gaur goizean, herri plataformako kideek. Euren hitzetan, "une honetan ez dago etxea bota izateko justifikaziorik". Izan ere, nahiz eta, ostegunean, urritasun psikikoak dituzten pertsonentzako zentroa 2005eko azken hilabeteetarako bukatuta egongo dela adierazi El Correo Españolek, egoitza egiteko Getxoko Udalaren eta Bizkaiko Foru Aldundiaren artean hitzarmena bai, baina hori egiteko lan proiektu zehatzik eta eperik ez dagoela adierazi dute ezker abertzaleko ordezkariek. "Agintekeria eta itxikeriaren aurrean", ilusioz aurrera jarraitzeko animatu nahi izan dituzte azken urte hauetan Getxoko gaztetxeak ezagutu dituzten guztiak, "elkarren arteko konpetentzia neurrigabea, kontsumismoa eta indibidualismoak jotako gizartean fenomeno kolektiboak, elkartasuna eta autogestio guneak behar beharrezkoak direlako".

  Iritzia 2004-10-01 00:18

Love and hate (Itzubaltzeta gaztetxeko jendeari) - Unai Garate / gidoigilea

Erabiltzailearen aurpegia Ukberri

Ikastolako borrokak alde batera utzita, hamasei urterekin jaso nuen lehenengo ostikada, lehenengo ukondokada ere bai. Bilboko gaztetxea bota zutenean izan zen. Aste honetan, hamarkada bat gazteago direnak ostikada berberak jaso dituzte. Inpotentziaz gainezka etxera egin dute/egin genuen. Ezer gutxi aldatu da ordutik.

  Jendartea 2004-10-01 00:15

Larunbatean Erromon da hitzordua gaztetxeen alde egiteko

Erabiltzailearen aurpegia Ukberri

Astelehenean gaztetxea hustu eta eraitsi zutenetik etengabeak izan dira Itzubaltzetako gazteek burutu dituzten protesta ekimenak. Egun horretan bertan egin zen manifestazioan 700 lagun izan ziren. Larunbateko deialdia jarri dute, ordea, "gazteriak duen indarra erakusteko". Eguneroko dinamikan diharduten bitartean, larunbatean euskal gazteria guztiari dei egin diete Erromora joateko gaztetxeen defentsan. Hain zuzen ere, alboan dagoen kartela jaitsi, inprimatu eta herrietan jartzeko deia egin dute.

Egin klik hemen kartela handiago ikusi eta jaisteko

  Iritzia 2004-09-29 12:32

Itzubaltzeta inoiz baino biziago - Unai Gorozika / Itzubaltzeta gaztetxeko kidea

Erabiltzailearen aurpegia Ukberri

Lau lerro hauek idazten ditut urduritasun eta inpotentzia oraindik barrunbeetan ditudala. Astelehen goizeko orduak inoiz baino pausatuagoak igaro ziren, lau hilabetean bizirik mantendu dugun gaztetxea erahil baitzuten Getxon dugun sasi-alkate, aldundi, ertzain eta udaltzainek.

  Jendartea 2004-09-29 12:10

Itzubaltzetako gazteen aurkako bortizkeria salatu du Askatasunak

Erabiltzailearen aurpegia Ukberri

Atzo jarraitu zuten astelehenean bertan hasitako Itzubaltzeta gaztetxea eraisteko lanak eta arratsalderako gutxi geratzen zen zutik jada. Bitartean, gaztetxea husten eta eraisten ari zirela, bertan bildutako gazteekin Ertzaintzak izandako "jarrera basatia" salatu dute hainbat erakundek, Askatasunak besteak beste:

Askatasunak Erromoko gazteen aurkako errepresioa salatu du - Gara

  Jendartea 2004-09-28 00:59

Erromok gaztetxea aldarrikatu du kalean

Erabiltzailearen aurpegia Ukberri

Bostehun pertsona baino gehiagok aldarrikatu du espazio askeen beharra Erromo eta Areetako kaleetan. Gazte eta helduez osatutako manifestazioak Iñaki Zarraoa Getxoko alkatearen jarrera gaitzetsi du, Itzubaltzeta gaztetxearen huste agindua eta eraiste lanak hastea leporatuz. Era berean, auzokideek Itzubaltzetarekin aurrera jarraitzeko animatu dituzte gaztetxeko kideak. Bukaeran, beste manifestazio bat deitu dute larunbaterako.

  Jendartea 2004-09-27 16:26

Itzubaltzeta gaztetxekoen oharra

Erabiltzailearen aurpegia Ukberri

Indymediara Erromoko gazteek bidalitako oharraren testu osoa:

"Azkenean ez dute inor atxilotu, gazte bat furgonetan sartu eta gero aske utzi dute...