Jendartea 2005-07-23 23:26

Uribe Kostako Koordinadora osatu dute eskualdeko bost gazte asanbladak

Erabiltzailearen aurpegia Ukberri Dozenaka gaztek aurkeztu du gaur goizean Itzubaltzeta gaztetxean sortu berri den Uribe Kostako Gazte Asanbladen Koordinadora. Erakunde hori osatzen dute egun Leioako Udondo gaztetxeko Gazte Asanblada, Itzubaltzeta Gazte Asanblada, Algortako Gazte Asanblada, Berangoko Gazte Asanblada eta Sopela eta Urdulizko Gazte Asanbladak. Itzubaltzetako gaztetxean deitutako auzolanen harira Uribe Kostako gazteek prentsaurrekoan aurkeztu dute kolektibo berria. Haien hitzetan, koordinadoraren helburua “batasuna eta komunikazioa bultzatzea” izango da. Era berean, eskualdeko gazteek azpimarratu dituzte gaur egun Uribe Kostan dituzten arazoei eta pairatzen dituzten erasoei erantzuteko asmoa dutela. Bereziki, jai eta kultur herrikoiei hainbat lekuetatik jartzen dizkieten oztopoak eta isunak, atxiloketak eta espetxeratzeak bezalako errepresio neurriak salatu dituzte.
  Jendartea 2005-07-22 19:36

Tasa igoera "lotsagarrien" aurkako sinadurak batuko dituzte Paella Egunean

Erabiltzailearen aurpegia Ukberri Dagoeneko Getxo udalerriko taberna, denda eta bestelako hainbat lekutan abian den kanpainari jarraipena emanez, igande honetan ere tasa igoera "lotsagarrien" aurkako sinadurak bilduko ditu, Aixerrotan ospatuko den 50. Nazioarteko Paella Lehiaketan, Udal Tasen Gehiegizko Igoeren Aurkako Getxoztarrok herritar taldeak. Horretarako mahai bat jarriko dute jai esparruaren sarbide nagusian.
  Kultura 2005-07-22 14:23

Bi mila lagunentzako paella erraldoia egingo da igandean Aixerrotan

Erabiltzailearen aurpegia Ukberri Zeharo berezia izango da aurten Aixerrotako landetan ospatu ohi den Nazioarteko Paella Lehiaketa. Ospakizunak 50 urte betetzeak daukan garrantziari so eginez, larunbatean emango die hasiera ekitaldiei Getxoko Itxas Argia taldeak. Egun horretan, zaldi-probak egongo dira Andra Mariko probalekuan, 17:00etatik aurrera. Igandean, berriz, egun handia izanik, Euskal Herriko lur gaineko Soka-tira finala (640 kilo) ikusteko aukera egongo da 10:30ean eta, bazkalorduan, 2.000 lagunentzako paella egingo dute. Plater bakoitzeko euro bat ordaindu beharko da eta batzen den diru guztia Sahararen aldeko Getxoko Atfal Elkarteari emango zaio.
  Jendartea 2005-07-21 22:49

Adingabeko lau neska atxilotu dituzte etxebizitzetan lapurtzeagaitik

Erabiltzailearen aurpegia Ukberri Getxoko udaltzainek adingabeko lau neska atxilotu dituzte, 15 eta 16 urte artekoak, azken bi asteotan udalerriko hainbat etxebizitzatan lapurtzea egotzita. Eginiko ikerketen arabera, neska horiek Bizkaian aritzen den ondo antolatutako talde bateko kideak lirateke. Taldeak adin txikiko jendea erabiltzen du lapurretak egiteko, eta aritzeko modua oso antzekoa izaten omen da kasu guztietan, polizi iturrien arabera.
  Kultura 2005-07-21 22:37

Jaiak hobetzeko proposamenak egin dizkiote Getxoko Udalari 25 elkartek

Erabiltzailearen aurpegia Ukberri Getxo udalerrian egiten diren hiru jai handien zirkuitoari hasiera ematen dioten ospakizunak, hau da, Algortako San Inazioak hasteko aste betera gaudela, Getxoko Udalak hiru jai horiekin loturiko txosnetarako arautegiak kaleratu ditu orain dela gutxi, eta gauza bera egingo du laster jaien arautegiekin. Algortako Iñaki Deunaren, Itzubaltzeta / Romo eta Pinuetako eta Portu Zaharreko jaietan, udalerriko besteetan bezalaxe, lan handia egiten da jaiak ahalik eta hoberen prestatzeko eta emaitza adin guztientzako auzokideentzat gozagarria izan dadin. Horretarako, gainera, ahalegin bereziak egiten ari dira jaiak herrikoiak, parte-hartzaileak, euskaldunak eta parekideak izan daitezen.
  Politika 2005-07-20 22:05

Aimar Hidalgori ongi etorri ofiziala ez diote uztailaren 29an egingo

Erabiltzailearen aurpegia Ukberri Etengabe.org webguneak zabaldu duenez, Hidalgo preso ohiak dituen bestelako zereginkizun pertsonalak direla medio, uztailaren 29rako aurreikusita zegoen omenaldi politikoa ez da data horretan burutuko. Uribe Kostako amnistiaren mugimenduko bitakoraren arabera, oraindik ez da zehaztu ongi etorri ekitaldiaren data berria. (Argazkian (Etengabe.org), Haimar Hidalgo gaurko ordu txikietan bere argazkia Amnistia tabernako hormatik kentzen zuela).
  Politika 2005-07-20 12:42

01:30ean iritsi da Aimar Algortara

Erabiltzailearen aurpegia Ukberri Ehun bat pertsonak egin dio lehen harrera Aimarri, 01:30ean. Leioako gasolindegitik auto karabanan etorri da, Algortako kaleetatik buelta zaratatsua egin eta lehenengo besarkaden ostean, lore sorta eta aurreskua eskaini diote gazteek ongi etorria adierazteko. Aimarrek hitza hartu du bertaratutako guztiei eskerrak emateko. Irteteko eguna pozgarria eta aldi berean tristea ere izan dela aitortu du, barruan lagun on asko gelditu direlako. Bestela ere, azken aldian euskal preso politikoen kontrako jazarpena areagotu egin dela salatu du. Eusko Gudariak kantatu eta brindisak egin ostean, bere argazkia kendu du tabernako hormatik. Omenaldi politikoa uztailaren 29an egingo zaio.
  Politika 2005-07-19 21:00

Gaur irtengo da kartzelatik Aimar Hidalgo

Erabiltzailearen aurpegia Ukberri Uribe Kostako Amnistiaren Aldeko Mugimenduak Etengabe bitakoraren bidez jakinarazi duenez, Aimar Hidalgo algortarraren familiarrek goizean eman dute fidantza eta gainerako tramite guztiak egin ondoren Aranjuezera bidean zeuden 18:00ak aldera, gaztea irteten denean han egoteko. Oraindik ez dago jakiterik zein ordutan aterako den. Algortara iristen denean lehen harrera ekitaldia egingo zaio Amnistia tabernan.
  Kultura 2005-07-19 16:11

Getxoko XXI. Nazioarteko Folklore Jaialdiak hiru kontinenteko taldeak bilduko ditu aste honetan

Erabiltzailearen aurpegia Ukberri Getxoko XXI. Nazioarteko Dantza eta Folklore Jaialdia ostegunetik larunbatera bitartean ospatuko da, eta hiru kontinenteko taldeak bilduko ditu, antolakuntzako iturriek gaur jakinarazi dutenez. Jaialdiko emanaldiak Algortako Biotz alai plazan izango dira, 22:00etan hasita. Sarrera dohainik izango da. Algortako Itxartu, Koreako Bong Sang Mask eta Venezuelako Cruz Alejandro Quinal taldeak izango dira aurtengo edizioko protagonistak. Modu honetan, Bong Song Mask maskaren dantzen talde korearraren koreografiarekin hasiko da jaialdia, ostegunean; emanaldiko protagonista nagusiak maskarak izango dira. Hurrengo egunean, Itxartu talde algortarra arituko da, euskal dantza tradizionalen egitaraua eskainiz. Azkenik, Venezuelako Cruz Alejandro Quinal dantza nazionalistaren konpainia gazteak bukatuko du jaialdi getxotarraren aurtengo edizioa, Dantza folklorikoa eta tradizionala uztartzen ditu talde venezuelarrak.
  Jendartea 2005-07-19 15:29

Getxoko udal tasen gehiegizko igoeraren aurkako sinadura bilketa abian da

Erabiltzailearen aurpegia Ukberri Udal Tasen Gehiegizko Igoeren Aurkako Getxoztarrok uda honen hasieran sortu den herritar taldeak sinadura bilketa abian jarri du. Hurrengo lerroak izenburutzat sinadurak biltzen hasi gara udalerriko komertzioetan: zarama tasari ezarri zaion %86ko igoera eta udal igerilekuetara sartzeko ezarri den euro bateko tasa berria bertan behera utzi daitezela exijitu egiten dugu. Aldi berean udal tasen jeitsieraren alde egiten dugu. Horiek bertan behera uzteko, zein bidezkoa eta solidarioa den politika fiskaleko etapa berria hasteko, aukera bikaina izango du udal gobernuak irailean. Herritarrek eskatzen dutenaz ez badira oraindik ohartu, sinaduraz sinadura milaka getxoztarrok gogoraraziko diegu.
  Ekonomia 2005-07-19 14:35

Disziplinazko espedientea ezarriko diete Getxoko 63 udaltzaini

Erabiltzailearen aurpegia Ukberri ELA, CSI-CSIF, UGT, CCOO eta SVP sindikatuek salatu dutenez, Getxoko 63 udaltzaini disziplinazko espedientea ezartzea agindu du Iñaki Zarraoa alkateak, gaur hiru hilabete baino gehiago bizi duten lan gatazkaren gaineko pegatinak jartzeagatik. "Dagoeneko larria den langileen egoera okerragotu eta enkistatu baino ez du egiten erabaki horrek", sindikatu horietako ordezkariek prentsa ohar baten bidez adierazitakoaren arabera. Udaltzainengan ez ezik, herritarrengan eta trafiko, obra eta ordenantzen arau-hausketen diru bilketan ere eragina izaten ari da gatazka, euren hitzetan, protestan hasi zirenetik "isun bakar bat ere ez" dutelako jarri polizia agenteek.
  Iritzia 2005-07-19 13:47

Alarderik onena, alarderik eza - Josu Landeta / irakaslea

Erabiltzailearen aurpegia Ukberri Orain dela urte gutxira arte, askotxok hurbiletik bizi izan genituen talde antimilitaristek ejerzitoen kontra egin zuten borroka. Bereziki entzutetsua izan zen intsumituek derrigorrezko zerbitzu militarra eta sozialaren kontra egindako mobilizazioak, horietako batzuk gartzela zigorrak ere jasan zituztelarik.
  Politika 2005-07-19 11:45

Gaur edo bihar egongo da kalean Aimar Hidalgo

Erabiltzailearen aurpegia Ukberri Uribe Kostako Amnistiaren Aldeko Mugimenduak Etengabe bitakoraren bidez jakinarazi duenez, Aimar Hidalgo algortarra gaur edo bihar aterako da Aranjuezeko espetxetik, 6.000 euroko fidantza ordaindu ondoren. Gazteak berak deitu zuen atzo etxera, fidantzapeko askatasuna jakinaraztera, agente judizial bat joan zitzaiola esateko. Familiarrek gaur goizean sartuko dute dirutza hori banketxean, errepresioaren aurkako kolektiboaren arabera. "Gero ingresoaren ziurtagiriarekin Getxoko epaitegira joan eta bertatik fax bidez Espainiako Auzitegi Nazionalari jakinarazi beharko diote ingresoa egina dagoela. Hori egin ondoren, Auzitegi Nazionalaren esku gelditzen da askatzeko agindua ematea", azaldu dutenez. Izapide horiek arintzeko Hidalgoren abokatua auzitegian bertan izango da gaur goizean.
  Politika 2005-07-13 20:47

Josu Amezaga zinegotzi berria aurkeztu du Getxo Biziak

Erabiltzailearen aurpegia Ukberri Orain arte Getxo Bizia herri plataformako zinegotzi izandako Pili Askorbebeitiak postua utzi du eta bere ordez Josu Amezaga hautes-zerrendako laugarren kide eta EHUko Leioako campuseko irakasleak hartu du bere gain ardura garrantzitsu bikoitza, herri ordezkaria izatea eta aldi berean apartheid politikoaren aurka borrokatzea. Bi urte igaro dira jada azken udal hauteskundeak izan zirenetik. Getxo Biziak 2.756 boto jaso zuen, Getxoko Udal Batzarrean zinegotzi bat izateko beste. Ilegalizazioaren ondorioz Pili Askorbebeitia zerrendaburuak ezin izan du Getxoko beste zinegotziek bezala bere lana normaltasunez burutu eta apartheid politikoa salatzea eta herriari dagokion ordezkaritza lortzen ahalegintzea izan da Getxo Biziaren eta bere hautetsiaren lan garrantzitsuenetako bat. Arrazoi pertsonalak direla eta utzi du postua Askorbebeitiak. (Argazkian, Amezaga gaurko agerraldian, Askorbebeitia eskuman duela).
  Jendartea 2005-07-13 20:01

Lapurretan aritu direlakoan bi gazte atxilotu ditu Algortan Getxoko Udaltzaingoak

Erabiltzailearen aurpegia Ukberri Getxoko Udaltzaingoak 24 eta 18 urtetako bi gazte bilbotar atxilotu zituen atzo arratsaldeko lehenengo orduetan, Algortan geldituta zeuden zenbait autotan indarrez lapurtu zutelakoan. Atxiloketan amaitu zuen operatiboa herritar batek Getxoko Ertzaintzari Miramar kalean zegoen auto batean gizon bat lapurtzen ikusi zuela esateko deitu ondoren hasi zen, Getxoko Udalak prentsa oharren bidez jakinarazitakoaren arabera. Datu horien arabera, ustezko lapurrarekin beste pertsona bat zihoan ziklomotorrez. Era berean, udaltzainek Miramar kalearen ondoan dagoen Montaño kalean auto bat zabalik aurkitu zuten, barrukoa nahastuta zeukala.
  Jendartea 2005-07-13 12:47

Ereaga hondartza eta Algorta arteko igogailuaren zerbitzuak doakoa behar du izan

Erabiltzailearen aurpegia Ukberri Doakotasuna aldarrikatuz, pasa den ekainaren 21ean Getxo Bizia herri plataformak igogailuaren erabilera araudiari alegazioak aurkeztu zizkion. Bestetik azpiegitura honen kokapen zehatzaren aurrean kritiko agertzen gara, Maria Kristina parkean duen eragin kaltegarriagatik. EAJ eta EAk onartutako proiektuak parke hau desitxuratu egiten du eta bertatik zegoen Abraren ikuspegi ederra kaltetu. Makineriarako irtenbide tekniko hoberik aurkitu ez izana aipatu eragina handitu egiten du. Lanen ondoren parkea txukuntzeko beharrak ere presaka eta ageriko hutsune eta akatsekin burutu dira.
  Politika 2005-07-12 16:49

Bihar izango da 'Zulu'ren heriotzaren hamaikagarren urteurrena

Erabiltzailearen aurpegia Ukberri Luis Maria Zuluaga ‘Zulu’ Pinuetako errefuxiatua 1994ko uztailaren 13an hil zen Venezuelan 63 urte zituela. Heriotza burmuinetako isurketa baten ondorioz izan zen, baina erbestean igaro zituen 9 urteetan Zuluagaren osasuna asko makaldu zen eta giltzurrunetako gaixotasun bat dela medio astean bitan hemodialisia egiten zioten. Izan ere, saio baten ostean pairatu zuen heriotza eragin zion burmuinetako isurketa. Oihua Uribe Kostako Amnistiaren Aldeko Mugimenduaren agerkari elektronikoak urteurrenaren berri eman eta gogoratu du http://oihua.webgune.net/zuluaga/luismaria.html helbidean ‘Zulu’ri buruzko hainbat informazio eta argazki topa daitekeela. Oihuak “Zuluren duintasuna eta justizia sozialaren alde bizitza osoan egindako borroka” goraipatu nahi izan du ekimen horrekin.
  Jendartea 2005-07-12 15:03

Noraezean sei ordu zeramatzan ontzi getxoztarra erreskatatu dute

Erabiltzailearen aurpegia Ukberri Bilboko Itsas Salbamendu-taldeak Getxo Kaian toki duen Korapilo ontzia erreskatatu zuen atzo arratsaldean, Castrotik (Kantabria) 20 milia iparraldera, sei ordu norabiderik gabe ibili ondoren, Itsas Salbamenduko Guneak jakinarazi duenez. Egunpasa egiteko asmoz, arrantzan ibiltzeko itsasoratutako hiru lagun zihoazen bertan. SOS Cantabria-ren bidez jaso zuten abisua Bilbon; ontzi bat norabiderik gabe eta laguntza eske zebilela ohartaraziz. Deia sakeleko telefono batetik egin zuten ontzitik eta tarte txiki baten ondoren eten egin zen estaldura faltagatik.
  Politika 2005-07-12 14:19

Getxo Biziaren ordezkari izateari utziko dio Pili Askorbebeitiak

Erabiltzailearen aurpegia Ukberri Udal hauteskundeetatik bi urte iragan direla, Getxo BIzia ezker abertzaleko plataformaren zerrendaburuak talde horren ordezkaritza utziko du. Dimisioa “arrazoi pertsonalak direla eta” aurkeztu du Askorbebeitiak, hautes-elkarteak bidalitako prentsa oharrean zehaztu duenaren arabera. Getxo Biziak Algortako Torrene kaleko egoitzan bihar emango duen prentsaurrekoan jakinaraziko du zein izango den Pili Askorbebeitiaren ordezkoa. Momentuz, “hautes-zerrendako beste kide bat” izango dela baino ez du argitu. Era berean, ezker abertzaleko plataformak gogoratu du kide horrek baduela “ardura garrantzitsu bikoitza, herri ordezkaria izatea eta aldi berean apartheid politikoaren aurka borrokatzea”. Izan ere, 2003ko maiatzaren 25eko udal hauteskundeetan Getxo Biziak 2.756 boto jaso zituen, baina Hautes Batzordeak hauteskundeetatik at utzi zituen Alderdien Legea aplikatuz Espainiako Auzitegi Gorenak eta Konstituzionalak emandako epaiei kasu eginez. Irudian, Getxo Biziak udal hauteskundeetan erabilitako karteletako bat.
  Jendartea 2005-07-12 13:01

Hamahiru fokuk argiztatzen dituzte Arrigunaga hondartzako itsaslabarreko haitzak

Erabiltzailearen aurpegia Ukberri Guztira, 25 fokuk argiztatzen dituzte atzo astelehen gauaz geroztik Arrigunaga hondartzako itsaslabarreko haitzak eta hondartzara sartzeko bideak, Iñaki Zarraoa Getxoko alkateak horiek piztu eta gero. Argiztapen berrirako 56.600 euro bideratu ditu Udalak, eta batetik, harkaitzak eta itsaslabarrak ederragotu, eta bestetik, hondartzako sarreran dauden argiak berritzea da helburua. Izan ere, argiak nahi denean pizteko sistema ipini da eta modu horretan argindarraren kontsumoa gutxitu egiten da. Zarraoak azaldu duenez, “ingurumenarekiko errespetua duen argiztapena da eta ez da gau osoan biztuta egongo, urtaro bakoitzean lagun gehien dabilen orduetan baizik”.

Nabarmenak

Zorion agurrak