Aste-akabuan Leioako Txopoeta auzoko Mikel Deuna festak ospatu dituzte, udako jaien egitarauari amaiera ematen dioten ospakizunak. Auzotarrek giro herrikoian gozatu ahal izan dute jai-batzordeak antolatutako ekintzez, baita egunotako eguraldi onaz ere. Hemen ospakizunen lehen eguneko irudi batzuk.

Lemoizko Udalak hiru desfibriladore automatiko (DEA) jarri ditu udalerriko kokaleku estrategikoetan: Andrakan, Rufino Arrola plazako arkupetan, Urizarko udaletxeko arkupetan eta Armintzako arrantzaleen etxean, jubilatuen lokalaren eta gaztetxokoaren artean. Desfibriladore automatikoek bihotz-gelditze kasuetan erritmo kardiakoa berrezartzea ahalbidetzen dute, deskarga elektriko kontrolatu baten bidez.