Kirolak
2008-01-22 17:16
Imanol Landa Getxoko alkateak eta Fernando Garcia Macua Athleticeko presidenteak hitzarmena sinatu dute (argazkian), gaur eguerdian, 9 eta 11 urte bitarteko udalerriko umeentzako futbol eskola abiatzeko asmoz. Horren bitartez, egitasmoaren koordinatzaileari eta prestatzaile fisikoari ordaintzeko dirua jarriko du Athleticek. Getxo Kirolak udal erakundeak, berriz, atezainen entrenatzailea eskaini eta horri ordaintzeko konpromisoa hartu zuen duela egun batzuk, eskola-futbola garatzeko udalerriko 8 klubekin eta 12 guraso elkarterekin sinatutako beste hitzarmen baten bitartez. Gaur sinatutakoa ekainaren 30era arte egongo da indarrean. "Bi erakundeen borondatea hurrengo denboraldietarako berritzea da eta, horrela egingo da, automatikoki, horren kontrako arazorik ez badago", aipatu dute tokiko arduradunek. Getxo Kirolek zehaztutakoaren arabera, tokiak mugatuak izango dira fulbol eskolan.
Futbol eskola abiatuko dute Getxoko Udalak eta Athleticek
Imanol Landa Getxoko alkateak eta Fernando Garcia Macua Athleticeko presidenteak hitzarmena sinatu dute (argazkian), gaur eguerdian, 9 eta 11 urte bitarteko udalerriko umeentzako futbol eskola abiatzeko asmoz. Horren bitartez, egitasmoaren koordinatzaileari eta prestatzaile fisikoari ordaintzeko dirua jarriko du Athleticek. Getxo Kirolak udal erakundeak, berriz, atezainen entrenatzailea eskaini eta horri ordaintzeko konpromisoa hartu zuen duela egun batzuk, eskola-futbola garatzeko udalerriko 8 klubekin eta 12 guraso elkarterekin sinatutako beste hitzarmen baten bitartez. Gaur sinatutakoa ekainaren 30era arte egongo da indarrean. "Bi erakundeen borondatea hurrengo denboraldietarako berritzea da eta, horrela egingo da, automatikoki, horren kontrako arazorik ez badago", aipatu dute tokiko arduradunek. Getxo Kirolek zehaztutakoaren arabera, tokiak mugatuak izango dira fulbol eskolan.
Kultura
2008-01-22 16:35
Arriaga antzokian egin zen galak eman zion atzo, urtarrilak 21, hasiera Bilboko Gay-Lesbo-Trans Nazioarteko Zinemaldiaren bosgarren edizioari. Ekitaldi horretan Josep Maria Pou aktoreak Ohorezko Zinegoak Saria jaso zuen eta jaialdia irekitzeko bera protagonista duen "Barcelona (un mapa)" filma proiektatu zuten. Urtarrilaren 27ra bitartean film labur eta luze ugari proiektatuko dituzte Capitol zinematan, Bilborocken, Fnac-en eta El Carmen aretoan, Bilbon. Hilaren 28tik otsailaren 10era, berriz, beste hainbat herritara helduko da Zinegoak'08. Uribe Kosta eta Erandiori dagokionez, Leioa, Astrabudua, Sopela, Algorta eta Berangon egongo dira ikusgai aurreko egunetan Bilbon aurkeztutako filmeen artetik batzuk, urtarrilaren 28an hasi eta otsailaren 1ean bukatu. Argazkian, "Barcelona (un mapa)" pelikularen irudietako bat, Josep Maria Pou bera agertzen dela / Blog de cine.
Astelehenean helduko da eskualdera Zinegoak
Arriaga antzokian egin zen galak eman zion atzo, urtarrilak 21, hasiera Bilboko Gay-Lesbo-Trans Nazioarteko Zinemaldiaren bosgarren edizioari. Ekitaldi horretan Josep Maria Pou aktoreak Ohorezko Zinegoak Saria jaso zuen eta jaialdia irekitzeko bera protagonista duen "Barcelona (un mapa)" filma proiektatu zuten. Urtarrilaren 27ra bitartean film labur eta luze ugari proiektatuko dituzte Capitol zinematan, Bilborocken, Fnac-en eta El Carmen aretoan, Bilbon. Hilaren 28tik otsailaren 10era, berriz, beste hainbat herritara helduko da Zinegoak'08. Uribe Kosta eta Erandiori dagokionez, Leioa, Astrabudua, Sopela, Algorta eta Berangon egongo dira ikusgai aurreko egunetan Bilbon aurkeztutako filmeen artetik batzuk, urtarrilaren 28an hasi eta otsailaren 1ean bukatu. Argazkian, "Barcelona (un mapa)" pelikularen irudietako bat, Josep Maria Pou bera agertzen dela / Blog de cine.
Politika
2008-01-22 16:21
Baltasar Garzon (argazkian) Espainiako Auzitegi Nazionaleko epaileak gaur eguerdian atera ditu sekretupetik Batasunari buruzko bi sumario (auzikoa bertakoa da bat eta joan den urriko operazioko bestea), baita EHAK eta Eusko Abertzale Ekintzari buruzkoak ere, eta parte denek eskuragarri dituzte, beraz, Berriak zabaldu duenez. Garzonek beste pauso bat ere eman du: otsailaren 4rako deitu du EHAKren jardueren etetea aztertzeko auzi saioa eta hil bereko 5erako EAEri buruzkoa aztertzekoa. Auzitegi Nazionalak gaur goizetik bertatik ditu EAE-ANV eta EHAK alderdiei buruzko polizia txostenak, eta auzitegia orain horiek aztertzen hasiko da, alderdiei haiekiko zer neurri hartu erabakitzeko. Garzon epaileak eskatu zituen txostenak.
Otsailaren 4rako eta 5erako deitu ditu EHAK eta EAE Garzonek
Baltasar Garzon (argazkian) Espainiako Auzitegi Nazionaleko epaileak gaur eguerdian atera ditu sekretupetik Batasunari buruzko bi sumario (auzikoa bertakoa da bat eta joan den urriko operazioko bestea), baita EHAK eta Eusko Abertzale Ekintzari buruzkoak ere, eta parte denek eskuragarri dituzte, beraz, Berriak zabaldu duenez. Garzonek beste pauso bat ere eman du: otsailaren 4rako deitu du EHAKren jardueren etetea aztertzeko auzi saioa eta hil bereko 5erako EAEri buruzkoa aztertzekoa. Auzitegi Nazionalak gaur goizetik bertatik ditu EAE-ANV eta EHAK alderdiei buruzko polizia txostenak, eta auzitegia orain horiek aztertzen hasiko da, alderdiei haiekiko zer neurri hartu erabakitzeko. Garzon epaileak eskatu zituen txostenak.
Hezkuntza
2008-01-22 16:05
Luis Angel Berrueta irakaslea buru duela, Espainian hazten diren 16 fruituren "hatz-markak" aztertu ditu EHUko Kimika Analitikoa saileko ikertzaile-talde batek, fruitu guztietan agertzen diren zenbait konposatu kimikoren azterketa eginez. Ikerketa horren helburua da elikagai askori, besteak beste zukuei, eragiten dieten aizuntzeak edo elikagai-iruzurrak saihestea edo gutxienez murriztea, unibertsitateko iturriek adierazi dutenez. "Aizuntzeak edo elikagai-iruzurrak elikagai askori eragiten dieten arazo ekonomiko bilakatzen ari dira. Horregatik, elikagaiak benetakoak direla bermatzea garrantzizkoa da oso. Fruitu-zukuekin, esaterako, jatorrizko zukua fruitu merkeago baten zukuarekin, hala nola pomelo, mahats edo madari zukuarekin nahasten dute maiz. Alegia, zukua aizuntzen dute", azaldu dute. Argazkian, EHUko Kimika Analitikoa saileko ikertzaile-taldea.
Fruitu-zukuei "hatz-marka" atera diete EHUn
Luis Angel Berrueta irakaslea buru duela, Espainian hazten diren 16 fruituren "hatz-markak" aztertu ditu EHUko Kimika Analitikoa saileko ikertzaile-talde batek, fruitu guztietan agertzen diren zenbait konposatu kimikoren azterketa eginez. Ikerketa horren helburua da elikagai askori, besteak beste zukuei, eragiten dieten aizuntzeak edo elikagai-iruzurrak saihestea edo gutxienez murriztea, unibertsitateko iturriek adierazi dutenez. "Aizuntzeak edo elikagai-iruzurrak elikagai askori eragiten dieten arazo ekonomiko bilakatzen ari dira. Horregatik, elikagaiak benetakoak direla bermatzea garrantzizkoa da oso. Fruitu-zukuekin, esaterako, jatorrizko zukua fruitu merkeago baten zukuarekin, hala nola pomelo, mahats edo madari zukuarekin nahasten dute maiz. Alegia, zukua aizuntzen dute", azaldu dute. Argazkian, EHUko Kimika Analitikoa saileko ikertzaile-taldea.
Kirolak
2008-01-22 15:37
Ostiral honetan, urtarrilak 25, goi mailako esku pilota ekitaldia eskainiko du Urdulizko Iparralde kiroldegiak, udal iturriek jakinarazi dutenez. Lehenik eta behin, bigarren mailako txapelketako bikote bi arituko dira, 22:00etatik aurrera. Del Rey eta Merino I pilotariek Uriarte eta Galarza VI.aren aurka neurtuko dituzte indarrak. Partida hori bukatuta, eskuz binakako txapelketa nagusiari helduko zaio txanda. Izan ere, Iparralde aukeratu dute laugarren jardunaldiari hasiera emateko. Horrenbestez, Olaizola II eta Mendiluze II.ak osatutako bikotea Xala eta Pascualekin lehiatuko da. Azkeneko norgehiagoka galdu eta gero iritsiko dira Urdulizera azken biak: Kokak eta Beginok hirugarren jardunaldiko ezustekoa eman zuten atzo Tolosan. Asegarceko bikoteak 22-15 irabazi zuen Xalaren eta Pascualen aurka. Ezustekoa handiagoa izan zen, kontuan hartuta Xala eta Pascual 9-1 aurreratu direla. Dagoeneko ostiralerako sarrerak salgai daude Urdulizko Txiki eta Txibirri tabernan. Neurketa ETBk zuzenean eskainiko du. Argazkian, Eulaterekin batera igazko txapela irabazi zuen Xalak (ezkerrean) Olaizola I eta Belokiren kontrako finalean / Dosparedes.
Luxuzko pilota partidak hartuko ditu ostiralean Urdulizko Iparralde frontoiak
Ostiral honetan, urtarrilak 25, goi mailako esku pilota ekitaldia eskainiko du Urdulizko Iparralde kiroldegiak, udal iturriek jakinarazi dutenez. Lehenik eta behin, bigarren mailako txapelketako bikote bi arituko dira, 22:00etatik aurrera. Del Rey eta Merino I pilotariek Uriarte eta Galarza VI.aren aurka neurtuko dituzte indarrak. Partida hori bukatuta, eskuz binakako txapelketa nagusiari helduko zaio txanda. Izan ere, Iparralde aukeratu dute laugarren jardunaldiari hasiera emateko. Horrenbestez, Olaizola II eta Mendiluze II.ak osatutako bikotea Xala eta Pascualekin lehiatuko da. Azkeneko norgehiagoka galdu eta gero iritsiko dira Urdulizera azken biak: Kokak eta Beginok hirugarren jardunaldiko ezustekoa eman zuten atzo Tolosan. Asegarceko bikoteak 22-15 irabazi zuen Xalaren eta Pascualen aurka. Ezustekoa handiagoa izan zen, kontuan hartuta Xala eta Pascual 9-1 aurreratu direla. Dagoeneko ostiralerako sarrerak salgai daude Urdulizko Txiki eta Txibirri tabernan. Neurketa ETBk zuzenean eskainiko du. Argazkian, Eulaterekin batera igazko txapela irabazi zuen Xalak (ezkerrean) Olaizola I eta Belokiren kontrako finalean / Dosparedes.
Politika
2008-01-22 15:32
Etzi eta etzidamu, ostegun eta ostirala, Bizkaiko 14 gazte epaituko dituzte Espainiako Auzitegi Nazionaleko 1. Aretoan, 2000ko irailaren 16an Galdakaon hainbat banketxe eraso izana leporatuta. Gaur eguerdian, auziperatu batzuek, senideek eta lagunek salatu dute, orain dela bost urte egin zuten bezala, gazteak "PNVren polizia autonomiko espainolak atxilotu eta bortizki torturatu" zituela eta aste honetako epaiketa "torturapean egindako deklarazioetan" oinarritzen dela. "Gazte eta aske!" lelopean kaleratutako prentsa-oharrean, gazteek eta senideek salatu dute ehunaka direla mota ezberdinetako errepresio ekintzak pairatzen dituzten gazteak: "jarraipenak, mehatxuak, kartzelaratzeak eta baita ere torturak Igor Portu bezala". Egoera horren erantzuleak izatea Guardia Zibila, Espainiako Poliziala Nazionala eta Ertzaintzari ezezik PSOE, EAJ eta NaBairi ere leporatu diete, beraientzat Espainiako Konstituzioa "babesleku" eta "joko eremua" dela eta "herri honentzako beste iruzur bat" prestatzen ari direla argudiatuta. Arkaitz Goikoetxea ihes eginda dagoela kontuan hartuta, Uribe Kostako zortzi lagun epaituko dituzte: Algortako Urtzi Paul, Endika Lejarzegi, Ekaitz Bilbao, Aimar Hidalgo eta Kepa Saratxaga; Berangoko Martin Etxegarai, Sopelako Gontzal Gonzalez eta Leioako Urtzi Murueta. Argazkia: cc-by-nc Gaztesarea.
Bizkaiko 14 gazte Madrilen epaitzeko Ertzaintzak torturaren bidez lortutako deklarazioetan oinarritu direla salatu dute
Etzi eta etzidamu, ostegun eta ostirala, Bizkaiko 14 gazte epaituko dituzte Espainiako Auzitegi Nazionaleko 1. Aretoan, 2000ko irailaren 16an Galdakaon hainbat banketxe eraso izana leporatuta. Gaur eguerdian, auziperatu batzuek, senideek eta lagunek salatu dute, orain dela bost urte egin zuten bezala, gazteak "PNVren polizia autonomiko espainolak atxilotu eta bortizki torturatu" zituela eta aste honetako epaiketa "torturapean egindako deklarazioetan" oinarritzen dela. "Gazte eta aske!" lelopean kaleratutako prentsa-oharrean, gazteek eta senideek salatu dute ehunaka direla mota ezberdinetako errepresio ekintzak pairatzen dituzten gazteak: "jarraipenak, mehatxuak, kartzelaratzeak eta baita ere torturak Igor Portu bezala". Egoera horren erantzuleak izatea Guardia Zibila, Espainiako Poliziala Nazionala eta Ertzaintzari ezezik PSOE, EAJ eta NaBairi ere leporatu diete, beraientzat Espainiako Konstituzioa "babesleku" eta "joko eremua" dela eta "herri honentzako beste iruzur bat" prestatzen ari direla argudiatuta. Arkaitz Goikoetxea ihes eginda dagoela kontuan hartuta, Uribe Kostako zortzi lagun epaituko dituzte: Algortako Urtzi Paul, Endika Lejarzegi, Ekaitz Bilbao, Aimar Hidalgo eta Kepa Saratxaga; Berangoko Martin Etxegarai, Sopelako Gontzal Gonzalez eta Leioako Urtzi Murueta. Argazkia: cc-by-nc Gaztesarea.
Kultura
2008-01-22 12:55
Sopelako Udalak herriko toponimia bildu, sailkatu, kokatu, aztertu eta finkatzeko beka deitu du. Horren zenbateko osoa 18.000 eurokoa izango da, eta zati bat bekaren zuzendaritza lana ordaintzeko erabiliko da. Lana egiteko epea 12 hilabetekoa izango da, beka esleitzen den egunetik hasita. Udal sopeloztarreko iturriek adierazi dutenez, emandako dirua ez da ikerketaren ordainsaria izango, ikerketa lana egiteko laguntza baizik. Azken txostena euskaraz aurkeztuko da eta horren laburpena ele bitan, eta Uribe Kostako Zerbitzu Mankomunitateko Euskara Zerbitzuaren ardurapean burutuko da, Euskaltzaindiaren gidaritzapean. Eskatzaileak (edo lantaldea bada, kideetako batek gutxienez) Euskal Filologia ikasketak burututa izan behar ditu, edo Historia ikasketak burututa edo azken kurtsoan egon behar du. Historiako ikasketak izanez gero, euskal hizkuntzalaritzan ezagupen eta trebakuntza ere egiaztatu beharko du. Gauzak horrela, behin deialdia Bizkaiko Aldizkari Ofizialean argitaratuta, otsailaren 15a izango dute azken eguna izena eman nahi dutenek. Argazkian, Gatzarriñe eta Iberre kaleen arteko gurutzagunea Larrabasterran.
Otsailaren 15era arte dago Sopelako toponimia jasotzeko bekarako izena emateko
Sopelako Udalak herriko toponimia bildu, sailkatu, kokatu, aztertu eta finkatzeko beka deitu du. Horren zenbateko osoa 18.000 eurokoa izango da, eta zati bat bekaren zuzendaritza lana ordaintzeko erabiliko da. Lana egiteko epea 12 hilabetekoa izango da, beka esleitzen den egunetik hasita. Udal sopeloztarreko iturriek adierazi dutenez, emandako dirua ez da ikerketaren ordainsaria izango, ikerketa lana egiteko laguntza baizik. Azken txostena euskaraz aurkeztuko da eta horren laburpena ele bitan, eta Uribe Kostako Zerbitzu Mankomunitateko Euskara Zerbitzuaren ardurapean burutuko da, Euskaltzaindiaren gidaritzapean. Eskatzaileak (edo lantaldea bada, kideetako batek gutxienez) Euskal Filologia ikasketak burututa izan behar ditu, edo Historia ikasketak burututa edo azken kurtsoan egon behar du. Historiako ikasketak izanez gero, euskal hizkuntzalaritzan ezagupen eta trebakuntza ere egiaztatu beharko du. Gauzak horrela, behin deialdia Bizkaiko Aldizkari Ofizialean argitaratuta, otsailaren 15a izango dute azken eguna izena eman nahi dutenek. Argazkian, Gatzarriñe eta Iberre kaleen arteko gurutzagunea Larrabasterran.
Iritzia
2008-01-22 11:56
Lehen, bere pausoak entzun, eta alde batera egin ohi genuen zapalduak ez izateko. Orain, ordea, gure ondoan dago, lasai asko, etxekoa bailitzan, eta ez gara mugitzen, ez beldurtzen. Urte asko daramate elikatzen, diseinatzen, eta, azkenean, ohitu egin gara bere munstro kondiziora. Bere orroak pentsamenduak kamusteko diseinatuta daude, gure izaera desagerrarazteko, baina konturatzeke, munstroaren laguna bihurtzeko arrisku handia dago; halarik ere, horrek ez digu axola: sinetsita baikaude sistema honek eskain dezakeen aukerarik onena munstroarena dela. Gainera, bere balioak imitatzeko joera handia hartu dugu gureak baztertu bitartean. Fabrikatzaileak pozik, bitartekariak ere pozik, emaitzak sekulakoak eta munstroak aurrera. Hori bai, ezin ahaztu, patenteak "made in Spain" du izena, eta pilek "made in Euskadi". Juan Luis Mugertza Unanue idazleak gaur "Berria" egunkarian argitaratutako gutuna. Argazkia: idazleak.org.
Juan Luis Mugertza Unanue: "munstroa"
Lehen, bere pausoak entzun, eta alde batera egin ohi genuen zapalduak ez izateko. Orain, ordea, gure ondoan dago, lasai asko, etxekoa bailitzan, eta ez gara mugitzen, ez beldurtzen. Urte asko daramate elikatzen, diseinatzen, eta, azkenean, ohitu egin gara bere munstro kondiziora. Bere orroak pentsamenduak kamusteko diseinatuta daude, gure izaera desagerrarazteko, baina konturatzeke, munstroaren laguna bihurtzeko arrisku handia dago; halarik ere, horrek ez digu axola: sinetsita baikaude sistema honek eskain dezakeen aukerarik onena munstroarena dela. Gainera, bere balioak imitatzeko joera handia hartu dugu gureak baztertu bitartean. Fabrikatzaileak pozik, bitartekariak ere pozik, emaitzak sekulakoak eta munstroak aurrera. Hori bai, ezin ahaztu, patenteak "made in Spain" du izena, eta pilek "made in Euskadi". Juan Luis Mugertza Unanue idazleak gaur "Berria" egunkarian argitaratutako gutuna. Argazkia: idazleak.org.
Politika
2008-01-21 21:17
Ostegun honetan, hilak 24, Iñaki Aurrekoetxea Zubilaga “Sope” errefuxiatu sopeloztarraren heriotzaren hamabigarren urteurrena izango da. Aurrekoetxea Bordeleko ospitalean hil zen, bere Baionako etxean koman zegoela aurkitu ondoren, orain dela bi urte zendutako Aitor Elortza algortarraren antzeko egoera batean. Sopeloztarra espetxetik irten eta, Guardia Zibilak jazarrita, ihes egin behar izan zuen 1979ko urtarrilean. Hamazazpi urte egin zuen herritik kanpo, iheslariaren bizimodu eta tentsio latzetan. Azkenean, ospitalean hil zen 1996ko urtarrilaren 25ean, gaixotasun kroniko baten ondorioz. Uribe Kostako Amnistiaren Aldeko Mugimenduak Etengabe bitakoraren orri honetan garaiko hemerotekatik hartutako artikuluen bidez, Aurrekoetxearen bizitza eta heriotzaren gaineko testuak irakurri eta argazkiak plazaratu ditu.
Etzidamu 12 urte beteko dira Iñaki Aurrekoetxea hil zenetik
Ostegun honetan, hilak 24, Iñaki Aurrekoetxea Zubilaga “Sope” errefuxiatu sopeloztarraren heriotzaren hamabigarren urteurrena izango da. Aurrekoetxea Bordeleko ospitalean hil zen, bere Baionako etxean koman zegoela aurkitu ondoren, orain dela bi urte zendutako Aitor Elortza algortarraren antzeko egoera batean. Sopeloztarra espetxetik irten eta, Guardia Zibilak jazarrita, ihes egin behar izan zuen 1979ko urtarrilean. Hamazazpi urte egin zuen herritik kanpo, iheslariaren bizimodu eta tentsio latzetan. Azkenean, ospitalean hil zen 1996ko urtarrilaren 25ean, gaixotasun kroniko baten ondorioz. Uribe Kostako Amnistiaren Aldeko Mugimenduak Etengabe bitakoraren orri honetan garaiko hemerotekatik hartutako artikuluen bidez, Aurrekoetxearen bizitza eta heriotzaren gaineko testuak irakurri eta argazkiak plazaratu ditu.
Politika
2008-01-21 20:41
Ehunaka lagun batu ziren atzo eguerdian Plentziako Astillero plazan Fernando Etxegarai "Pinki" preso ohiari ongi etorria emateko. Mario eta Dabi Alvarez Peña zendutako etakideen erretratuak plazako kioskoaren alboetan zeudela, Plentziako Presoen Lagunak erakundeko kideek gogoan izan zituzten orain dela 30 eta 27 urte hildako anaiak, ondoren espetxean 20 urte eman dituen eta hilaren 4an askatu zuten Fernando Etxegarai Gaztearena Plentziako preso bakarrari ongi etorri ofiziala emateko. Familiak babestuta, Etxegaraik ez zuen ezkutatu bere poza eta arazoak "barruan" daudela esan zuen: "nahiz eta gure herriak askatasunik ez izan, kanpoan arazoak ez dira hainbesterako". Eta bere izenean zein barruan segitzen dutenean, plazan bildutako 300 bat lagunei eskertu zien 20 urte hauetan presoen alde agertu izana, "presoontzat ikaragarri inportantea baita herri bat atzean dugula jakitea". Bestalde, Plentzian euskarak izan duen hazkundea "pozgarria" dela esan zuen euskaldunberria den preso ohiak, eta bere amak gazteleraz ere hitz egiteko esan zionean, horrelakorik ez zuela egingo adierazi zien plazan zeudenei "guztion artean, plazan, euskaraz egin behar dugulako". Ondoren, txalo zaparrada jaso zuen. Argazkian, Etxegarai, eskuman, auzokide bat agurtzen.
Fernando Etxegarai "Pinki": "presoontzat ikaragarri inportantea da herri bat atzean dugula jakitea"
Ehunaka lagun batu ziren atzo eguerdian Plentziako Astillero plazan Fernando Etxegarai "Pinki" preso ohiari ongi etorria emateko. Mario eta Dabi Alvarez Peña zendutako etakideen erretratuak plazako kioskoaren alboetan zeudela, Plentziako Presoen Lagunak erakundeko kideek gogoan izan zituzten orain dela 30 eta 27 urte hildako anaiak, ondoren espetxean 20 urte eman dituen eta hilaren 4an askatu zuten Fernando Etxegarai Gaztearena Plentziako preso bakarrari ongi etorri ofiziala emateko. Familiak babestuta, Etxegaraik ez zuen ezkutatu bere poza eta arazoak "barruan" daudela esan zuen: "nahiz eta gure herriak askatasunik ez izan, kanpoan arazoak ez dira hainbesterako". Eta bere izenean zein barruan segitzen dutenean, plazan bildutako 300 bat lagunei eskertu zien 20 urte hauetan presoen alde agertu izana, "presoontzat ikaragarri inportantea baita herri bat atzean dugula jakitea". Bestalde, Plentzian euskarak izan duen hazkundea "pozgarria" dela esan zuen euskaldunberria den preso ohiak, eta bere amak gazteleraz ere hitz egiteko esan zionean, horrelakorik ez zuela egingo adierazi zien plazan zeudenei "guztion artean, plazan, euskaraz egin behar dugulako". Ondoren, txalo zaparrada jaso zuen. Argazkian, Etxegarai, eskuman, auzokide bat agurtzen.
Kultura
2008-01-21 20:09
Euskal Herriko Unibertsitateko (EHU) Euskara Institutua euskal gramatika eta hiztegia sarean jartzeko proiektu batean murgilduta dago. Egitasmoa "guztiz originala" da, "euskaraz ez ezik, munduko beste hizkuntzetan ere ez baitago holako proiekturik". "Badira zatiak, baina ez gramatika eta hiztegia bere osotasunean hartuak, Euskara Institutuak eman nahi dien garrantziarekin", EHUko iturriek adierazi dutenez. Alde batetik, euskal gramatikak hizkuntzaren entziklopedia bat izan nahi du. Batetik deskripzio klasikoa izango da: fonetika eta fonologia, morfologia, sintaxia eta abar. Horrekin batera, hain ohikoak ez diren gaiak ere agertuko dira: lexikografia, hizkuntzaren historia, hizkuntzaren jabekuntza, hizkuntzaren prozesamendua, euskararen egoera eta erabilera datuak eta abar. Argazkian, Pello Salaburu euskaltzaina da EHUko Euskara Institutuaren zuzendaria / Erabili.com.
EHUko Euskara Institutuak erabilpenerako gramatika eta hiztegia sarean jartzeko proiektua du eskuartean
Euskal Herriko Unibertsitateko (EHU) Euskara Institutua euskal gramatika eta hiztegia sarean jartzeko proiektu batean murgilduta dago. Egitasmoa "guztiz originala" da, "euskaraz ez ezik, munduko beste hizkuntzetan ere ez baitago holako proiekturik". "Badira zatiak, baina ez gramatika eta hiztegia bere osotasunean hartuak, Euskara Institutuak eman nahi dien garrantziarekin", EHUko iturriek adierazi dutenez. Alde batetik, euskal gramatikak hizkuntzaren entziklopedia bat izan nahi du. Batetik deskripzio klasikoa izango da: fonetika eta fonologia, morfologia, sintaxia eta abar. Horrekin batera, hain ohikoak ez diren gaiak ere agertuko dira: lexikografia, hizkuntzaren historia, hizkuntzaren jabekuntza, hizkuntzaren prozesamendua, euskararen egoera eta erabilera datuak eta abar. Argazkian, Pello Salaburu euskaltzaina da EHUko Euskara Institutuaren zuzendaria / Erabili.com.
Hezkuntza
2008-01-21 19:44
Juan Ignacio Perez Iglesias Euskal Herriko Unibertsitateko (EHU) errektoreak eta Jose Antonio Ardanza Euskaltel telekomunikazio enpresaren presidenteak lankidetza hitzarmena sinatu dute gaur, Bilbon. Ehuko iturrein arabera, hitzarmenak xede dituen jarduerak alor hauetakoak dira: ikerkuntza-proiektuak elkarrekin egitea, unibertsitatearen eremuan zerbitzu-zentroak sortzea, ikasleei trebakuntza ematea, EHUgunea sustatzea enpresa, unibertsitate eta gizartearentzako topagune izan dadin, eta langile trukea egitea, hurrenez hurren. Lankidetza hitzarmen hori aipatutako jarduera-alorretan garatzeko, berariazko hitzarmenak izenpetuko dituzte aldeek. Horrelako akordioetan ohikoa izaten den moduan, segimendu-batzordea ere eratuko dute, erakunde biek proportzio berean izendatatuko kideez osatua. Hitzarmenak urtebeteko iraupena izango du. Argazkian, Ardanza eta Perez Iglesias elkarri bostekoa ematen.
Lankidetza hitzarmena sinatu dute EHUk eta Euskaltelek
Juan Ignacio Perez Iglesias Euskal Herriko Unibertsitateko (EHU) errektoreak eta Jose Antonio Ardanza Euskaltel telekomunikazio enpresaren presidenteak lankidetza hitzarmena sinatu dute gaur, Bilbon. Ehuko iturrein arabera, hitzarmenak xede dituen jarduerak alor hauetakoak dira: ikerkuntza-proiektuak elkarrekin egitea, unibertsitatearen eremuan zerbitzu-zentroak sortzea, ikasleei trebakuntza ematea, EHUgunea sustatzea enpresa, unibertsitate eta gizartearentzako topagune izan dadin, eta langile trukea egitea, hurrenez hurren. Lankidetza hitzarmen hori aipatutako jarduera-alorretan garatzeko, berariazko hitzarmenak izenpetuko dituzte aldeek. Horrelako akordioetan ohikoa izaten den moduan, segimendu-batzordea ere eratuko dute, erakunde biek proportzio berean izendatatuko kideez osatua. Hitzarmenak urtebeteko iraupena izango du. Argazkian, Ardanza eta Perez Iglesias elkarri bostekoa ematen.
Kultura
2008-01-21 19:26
Eskulturaren Prozesu eta Teknologia ikasleen lehenengo erakusketa inauguratuko dute astearte honetan, urtarrilak 22, 12:00etan, Leioa eta Erandioko campuseko Arte Ederren Fakultateko sarreran, EHUko iturriek gaur iragarri dutenez. Irakasgai horretako 15 unibertsitariok hiru artelan handi osatu dituzte taldeka. Lanak aipatu fakultatean ikusi ahal izango dira aste betez. Erakusketa antolatzeko Ikus-entzunezkoen Saileko ikasleen laguntza ere izan dute, eskulturei eta beraiek egiteko prozesuari buruzko bideoak egin baitituzte. Bideo horiek eskulturen ondoan kokaturiko monitoreetan ikusi ahal izango dira. Inaugurazioan izango dira obren egileak, Antonio Garbayo irakaslea, Agustin Ramos dekanoa eta unibertsitateko beste kide batzuk. Ekitaldian ikasle batzuek prestatutako rap eta capoeira emanaldia ere egongo da. Argazkian, Arte Ederren Fakultatea.
Aste beteko erakusketa prestatu dute Arte Ederretako 15 ikaslek
Eskulturaren Prozesu eta Teknologia ikasleen lehenengo erakusketa inauguratuko dute astearte honetan, urtarrilak 22, 12:00etan, Leioa eta Erandioko campuseko Arte Ederren Fakultateko sarreran, EHUko iturriek gaur iragarri dutenez. Irakasgai horretako 15 unibertsitariok hiru artelan handi osatu dituzte taldeka. Lanak aipatu fakultatean ikusi ahal izango dira aste betez. Erakusketa antolatzeko Ikus-entzunezkoen Saileko ikasleen laguntza ere izan dute, eskulturei eta beraiek egiteko prozesuari buruzko bideoak egin baitituzte. Bideo horiek eskulturen ondoan kokaturiko monitoreetan ikusi ahal izango dira. Inaugurazioan izango dira obren egileak, Antonio Garbayo irakaslea, Agustin Ramos dekanoa eta unibertsitateko beste kide batzuk. Ekitaldian ikasle batzuek prestatutako rap eta capoeira emanaldia ere egongo da. Argazkian, Arte Ederren Fakultatea.
Jendartea
2008-01-21 19:08
"Kantina" ezizenez ezaguna, Neguriko tren geltoki zaharreko eraikinera deitu ditu gaur goizean kazetariak Getxoko PPk, "metroa udalerrira heldu zenetik, horrek jasan duen erabateko utzikeria tokian bertan erakusteko". Egun itxita, ateak eta leihoak adreiluz eta zementoz estalita dituen etxea "herritarrentzako gunea jartzeko, kultur ekintzetarako, batzarrak egiteko edota ikasteko toki egokia" izan daitekeela uste dute popularrek. "Agian ordenagailu batzuk jarrita, inguruan arratsadero ibiltzen diren neska-mutilek euren aisialdia hobeto aprobetxatzea lortuko dugu", adierazi du Eduardo Andrade zinegotziak. "Neguriko bihotzean dago eraikina, metrorako sarrera eta ikastetxeetarako autobusen geralekua bertan dituela. Alboko plazatxoan aita-amak ere ibiltzen dira seme-alabekin", gaineratu duenez. Argazkian, PPko hainbat zinegotzi "kantina" aurrean dutela.
Neguriko "kantina" herritarrek erabiltzeko nahi du Getxoko PPk
"Kantina" ezizenez ezaguna, Neguriko tren geltoki zaharreko eraikinera deitu ditu gaur goizean kazetariak Getxoko PPk, "metroa udalerrira heldu zenetik, horrek jasan duen erabateko utzikeria tokian bertan erakusteko". Egun itxita, ateak eta leihoak adreiluz eta zementoz estalita dituen etxea "herritarrentzako gunea jartzeko, kultur ekintzetarako, batzarrak egiteko edota ikasteko toki egokia" izan daitekeela uste dute popularrek. "Agian ordenagailu batzuk jarrita, inguruan arratsadero ibiltzen diren neska-mutilek euren aisialdia hobeto aprobetxatzea lortuko dugu", adierazi du Eduardo Andrade zinegotziak. "Neguriko bihotzean dago eraikina, metrorako sarrera eta ikastetxeetarako autobusen geralekua bertan dituela. Alboko plazatxoan aita-amak ere ibiltzen dira seme-alabekin", gaineratu duenez. Argazkian, PPko hainbat zinegotzi "kantina" aurrean dutela.
Jendartea
2008-01-21 18:34
Yoigo telefonia enpresak Areetako Paulino Mendibil kalean "legez kanpoko" antena jartzen jarraitzen duela eta, kexu ugari izan dira azkenaldian, Antena Ez elkarteko kideenak eta Getxoko PPrenak, besteak beste. Horren aurrean, Udalak horri emititzen ez uzteko dekretua kaleratu duela eta horren berri urtarrilaren 3an eman zuela adierazi du Joseba Arregi Hirigintza zinegotziak. "Une honetan, Espainiako Industria Ministerioak antena emititzen ari den noiz egiaztatuko zain gaude, hori geldiarazteko agindua baitago", tokiko arduradunaren hitzetan. Madrilgo gobernuak laster telefonia mugikorrak eragiten dituen igorpenak neurtzeko sentsore bi udalerrian ipiniko dituela jakinarazteko prentsaurrekoan egin ditu adierazpenak Arregik. Alabaina, zinegotziak gogoratutakoaren arabera, "Industria Ministerioa bera da antenak jarri eta horien funtzionamendurako baimena ematen duena, Getxoko Udalak obretarako baimena baino ez du ematen". Argazkian, hilaren 4ean Paulino Mendibil kaleko antenari hartutako irudia, Antena Ez elkartearen hitzetan. Bi langile ikusten dira bertan.
Paulino Mendibil kaleko antenak emititu dezala galarazteko agindua badagoela dio Getxoko Udalak
Yoigo telefonia enpresak Areetako Paulino Mendibil kalean "legez kanpoko" antena jartzen jarraitzen duela eta, kexu ugari izan dira azkenaldian, Antena Ez elkarteko kideenak eta Getxoko PPrenak, besteak beste. Horren aurrean, Udalak horri emititzen ez uzteko dekretua kaleratu duela eta horren berri urtarrilaren 3an eman zuela adierazi du Joseba Arregi Hirigintza zinegotziak. "Une honetan, Espainiako Industria Ministerioak antena emititzen ari den noiz egiaztatuko zain gaude, hori geldiarazteko agindua baitago", tokiko arduradunaren hitzetan. Madrilgo gobernuak laster telefonia mugikorrak eragiten dituen igorpenak neurtzeko sentsore bi udalerrian ipiniko dituela jakinarazteko prentsaurrekoan egin ditu adierazpenak Arregik. Alabaina, zinegotziak gogoratutakoaren arabera, "Industria Ministerioa bera da antenak jarri eta horien funtzionamendurako baimena ematen duena, Getxoko Udalak obretarako baimena baino ez du ematen". Argazkian, hilaren 4ean Paulino Mendibil kaleko antenari hartutako irudia, Antena Ez elkartearen hitzetan. Bi langile ikusten dira bertan.
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...