Hezkuntza
2008-01-21 16:46
Romo herri ikastetxeko eraikin hexagonalean 0 eta 2 urte arteko haurrentzako zenbait gela izango dira 2009-2010 ikasturtean, Eusko Jaurlaritzako Hezkuntza Sailaren menpe dagoen Haurreskola partzuergoak eta Getxoko Udalak lortutako hitzarmenari esker. Horrela aurreratu du gaur goizeko prentsaurrekoan Imanol Landa alkateak, “0 eta urte bat arteko 8 haurrentzako bi gela eta 1 eta 2 urte artekoentzat beste bi, bakoitzean 10 umerekin", izango direla zehaztuz. Eskaintza horrekin batera, urtearen amaieran Algortako San Inazio eskolan beste 8 gela gehiago ere ipini nahi dituzte martxan, 0 eta 2 urte arteko 84 ume artatzeko, une honetan hor egiten ari diren egokipen lanak amaitzen direnean. Doakoa zerbitzuak "ez du udalerriko haurtzaindegiekin lehian sartzeko asmorik", udal iturrien arabera. Hala ere, diru sarrera gutxi dituzten familiei laguntzak emango dizkietela aipatu du Landak.
Haurreskola zabalduko dute 2009rako Romo ikastetxean
Romo herri ikastetxeko eraikin hexagonalean 0 eta 2 urte arteko haurrentzako zenbait gela izango dira 2009-2010 ikasturtean, Eusko Jaurlaritzako Hezkuntza Sailaren menpe dagoen Haurreskola partzuergoak eta Getxoko Udalak lortutako hitzarmenari esker. Horrela aurreratu du gaur goizeko prentsaurrekoan Imanol Landa alkateak, “0 eta urte bat arteko 8 haurrentzako bi gela eta 1 eta 2 urte artekoentzat beste bi, bakoitzean 10 umerekin", izango direla zehaztuz. Eskaintza horrekin batera, urtearen amaieran Algortako San Inazio eskolan beste 8 gela gehiago ere ipini nahi dituzte martxan, 0 eta 2 urte arteko 84 ume artatzeko, une honetan hor egiten ari diren egokipen lanak amaitzen direnean. Doakoa zerbitzuak "ez du udalerriko haurtzaindegiekin lehian sartzeko asmorik", udal iturrien arabera. Hala ere, diru sarrera gutxi dituzten familiei laguntzak emango dizkietela aipatu du Landak.
Jendartea
2008-01-21 16:07
"Emakumeon aurkako indarkeriari aurre egitea denon ardura da! Erailketa gehiagorik ez!" lelotzat hartuz, kontzentrazioa antolatu du gaur arratsaldeko 7:30erako, Telletxe plazan, Algortako Bilgune Feministak. Mobilizazio horrekin ostiral goizaldean (urtarrilak 18), Iruñeko Arrosadia auzoan gertatutako erailketa salatu nahi dute. Udaltzainek Gelbentzu karrikan aurkitu zuten hilda 20 urteko Tatiele de Sousa brasildarra, seigarren zenbakiko laugarren solairuko etxebizitza batean, eta ustez emakumearen bikotekideak hil zuen. Lepoa moztuta zeukan biktimak, eta ustezko erasotzailea bera gertaeraren ondoren, etxeko leihotik salto eginda, bere buruaz beste egiten saiatu zela esan zuten udaltzainek. Bilgune Feministaren ustez, "guztiok erantzun beharreko kontu bat da, guztion inplikazioa beharrezkoa da". Hartara, herritar guztiak deitu dituzte iluntzeko kontzentrazioan parte hartzera. Argazkian, azaroaren 25ean, Algortako Bilgune Feministak deituta, emakumeen aurkako indarkeriaren kontra egindako elkarretaratzea.
Tatiele de Sousaren erailketa salatuko dute iluntzean Algortan
"Emakumeon aurkako indarkeriari aurre egitea denon ardura da! Erailketa gehiagorik ez!" lelotzat hartuz, kontzentrazioa antolatu du gaur arratsaldeko 7:30erako, Telletxe plazan, Algortako Bilgune Feministak. Mobilizazio horrekin ostiral goizaldean (urtarrilak 18), Iruñeko Arrosadia auzoan gertatutako erailketa salatu nahi dute. Udaltzainek Gelbentzu karrikan aurkitu zuten hilda 20 urteko Tatiele de Sousa brasildarra, seigarren zenbakiko laugarren solairuko etxebizitza batean, eta ustez emakumearen bikotekideak hil zuen. Lepoa moztuta zeukan biktimak, eta ustezko erasotzailea bera gertaeraren ondoren, etxeko leihotik salto eginda, bere buruaz beste egiten saiatu zela esan zuten udaltzainek. Bilgune Feministaren ustez, "guztiok erantzun beharreko kontu bat da, guztion inplikazioa beharrezkoa da". Hartara, herritar guztiak deitu dituzte iluntzeko kontzentrazioan parte hartzera. Argazkian, azaroaren 25ean, Algortako Bilgune Feministak deituta, emakumeen aurkako indarkeriaren kontra egindako elkarretaratzea.
Hezkuntza
2008-01-19 20:05
Ander Deuna ikastolako Derrigorrezko Bigarren Hezkuntzako 3. eta 4. mailako ikasleek greba eskubidea lortu dute. Ander Deunako Ikasle Abertzaleak taldeak jakinarazi duenez, lorpen hori "taldeko elkar lanaren eta greba arautegiaren aldaketaren fruitua izan da" lorpen hau. Ikasleek eskubide hori bermatuko dien akordioa Ikastolako Batzordeak hartu du, muga bat ezarri duela: "ikasleek gurasoen baimena behar izango dute". Horrela izan arren, ikasleek "greba egiteko aukera inolako arazorik gabe izango dutela" positiboki baloratu du Uribe Kostako IAk. Gainera, ikasleen arabera, Ander Deunan emandako aurrerapausuak islatzen du "ikasle mugimendua Uribe Kostan eta Euskal Herri guztian egiten hari den lana eta, nola ez, ikasleon borrokaz gure ametsak lortu daitezkeela". Argazkian, Ander Deunako DBHko hainbat ikasle.
Greba eskubidea eskuratu dute Ander Deuna ikastolako hainbat ikaslek
Ander Deuna ikastolako Derrigorrezko Bigarren Hezkuntzako 3. eta 4. mailako ikasleek greba eskubidea lortu dute. Ander Deunako Ikasle Abertzaleak taldeak jakinarazi duenez, lorpen hori "taldeko elkar lanaren eta greba arautegiaren aldaketaren fruitua izan da" lorpen hau. Ikasleek eskubide hori bermatuko dien akordioa Ikastolako Batzordeak hartu du, muga bat ezarri duela: "ikasleek gurasoen baimena behar izango dute". Horrela izan arren, ikasleek "greba egiteko aukera inolako arazorik gabe izango dutela" positiboki baloratu du Uribe Kostako IAk. Gainera, ikasleen arabera, Ander Deunan emandako aurrerapausuak islatzen du "ikasle mugimendua Uribe Kostan eta Euskal Herri guztian egiten hari den lana eta, nola ez, ikasleon borrokaz gure ametsak lortu daitezkeela". Argazkian, Ander Deunako DBHko hainbat ikasle.
Gazteok
2008-01-19 19:41
Uribe Kostako gaztetxe eta gazte asanbladen koordinadorak antolaturik, gaur iluntzean Xabier Errea gazte presoaren aldeko kontzertua izango da Getxoko Txorimalo gaztetxean. Silikonay Araba, Bizkaia eta Gipuzkoako punk light taldeak eta Itzubaltzeta / Romoko Ovarios Varios punk-oi bandak 20:30etik aurrera arituko dira Getxoko oholtzan. Sarrera gaztetxean bertan eros daiteke bi eurotan. Xabier Errea Euskal Jairen desalojoan Iruñeko udaltzainek egindako muntaia polizial baten biktima izan zela salatu zuten Euskal Herriko Gazte Asanbladen eta Gaztetxeen Koordinadorak eta makina bat erakundek. "Udaltzainek oso ongi ezagutzen zuten Xabier; zenbait udaltzain jakinek Xabier jazartzen zuten eta azkenean 29 hilabetetako kartzela zigorrera eraman duen bere aurkako muntai polizial eta judiziala eraiki zuten. Nola liteke hiri polizia bat, udaltzaingoa, mutur hauetaraino iristea?" galdetu zuen Askatasunak.
Xabier Errearen aldeko kontzertua egingo dute Txorimalon iluntzean
Uribe Kostako gaztetxe eta gazte asanbladen koordinadorak antolaturik, gaur iluntzean Xabier Errea gazte presoaren aldeko kontzertua izango da Getxoko Txorimalo gaztetxean. Silikonay Araba, Bizkaia eta Gipuzkoako punk light taldeak eta Itzubaltzeta / Romoko Ovarios Varios punk-oi bandak 20:30etik aurrera arituko dira Getxoko oholtzan. Sarrera gaztetxean bertan eros daiteke bi eurotan. Xabier Errea Euskal Jairen desalojoan Iruñeko udaltzainek egindako muntaia polizial baten biktima izan zela salatu zuten Euskal Herriko Gazte Asanbladen eta Gaztetxeen Koordinadorak eta makina bat erakundek. "Udaltzainek oso ongi ezagutzen zuten Xabier; zenbait udaltzain jakinek Xabier jazartzen zuten eta azkenean 29 hilabetetako kartzela zigorrera eraman duen bere aurkako muntai polizial eta judiziala eraiki zuten. Nola liteke hiri polizia bat, udaltzaingoa, mutur hauetaraino iristea?" galdetu zuen Askatasunak.
Politika
2008-01-19 19:35
Igande honetan, urtarrilak 20, espetxean 20 urte baino gehiago egindako Fernando Etxegarai Gaztearenari ongi etorri ekitaldia egingo diote Plentzian. Hain zuzen ere, 13:00etan, Astillero plazan jarri dute hitzordua. Gauzak horrela, Plentziako Presoen Lagunak Anjel Kalera! herri ekimeneko kideekin harremanetan jarri eta preso gaixo algortarraren askatasuna aldarrikatzeko sinadurak batuko dituzte ekitaldian bertan. Etxegarairen omenezko bazkaria egiteko, ordea, Jai Alai frontoia erabiltzeko baimenik ez du eman independenteak buru dituen Plentziako Udalak. Hori dela eta, Urdulizen egingo dute, 14:30ean. Bestalde, txalaparta doinuez lagunduta, gaur eguerdian Algortako Telletxe plazan burututako sinadura bilketa "arrakastatsutzat" jo du Anjel kalera! herri ekimenak. Argazkian, Fernando Etxegarairi hilaren 6an Barakaldon egindako harreraren irudi bat / Etengabe.
Fernando Etxegarai plentziarraren ongi etorrian ere batuko dituzte bihar Anjel Figueroaren aldeko sinadurak
Igande honetan, urtarrilak 20, espetxean 20 urte baino gehiago egindako Fernando Etxegarai Gaztearenari ongi etorri ekitaldia egingo diote Plentzian. Hain zuzen ere, 13:00etan, Astillero plazan jarri dute hitzordua. Gauzak horrela, Plentziako Presoen Lagunak Anjel Kalera! herri ekimeneko kideekin harremanetan jarri eta preso gaixo algortarraren askatasuna aldarrikatzeko sinadurak batuko dituzte ekitaldian bertan. Etxegarairen omenezko bazkaria egiteko, ordea, Jai Alai frontoia erabiltzeko baimenik ez du eman independenteak buru dituen Plentziako Udalak. Hori dela eta, Urdulizen egingo dute, 14:30ean. Bestalde, txalaparta doinuez lagunduta, gaur eguerdian Algortako Telletxe plazan burututako sinadura bilketa "arrakastatsutzat" jo du Anjel kalera! herri ekimenak. Argazkian, Fernando Etxegarairi hilaren 6an Barakaldon egindako harreraren irudi bat / Etengabe.
Gazteok
2008-01-19 19:14
Sopelako gazte asanblada berria aurkeztu zuten atzo dozena erdi bat neska-mutilek, herri horretako kultur etxean iluntzean egindako ekitaldia dela medio. Bideo emanaldi eta mahai-ingurura adin ezberdinetako 29 gazte gerturatu ziren eta herriak gazte mugimendu irekia, anitza, askotarikoa, asanblearioa, alternatiboa eta kritikoa behar duela adostu zuten aho batez: "politika espekulatzailearen aurrean pasibotasunarekin bukatu" eta "gazteen indarrez" egoera aldatuko duen gazte asanblada eratzeko, alegia. Denbora galdu barik, 2007an desagertu zen SUGAri lekukoa hartuko dion gazte asanbladaren lehenengo batzar publikoaren data, ordua eta lekua finkatu zuten: asteazkenean, hilak 23, 20:00etan Plaza beltzan. Era berean, lehenengo hiru lan jarri zieten gazteek haien buruei: "herriari begirako kultur eskaintza, Udalak eskaintzen ez duena" ematea, horri egonkortasuna emango dion lokal bat eskuratzea eta Ganebarriren desalojoa dela eta auziperatuta dauden herriko sei laguni elkartasuna adieraztea eta herriko gazteriaren zein okupazio mugimenduaren aurkako errepresioa salatzea.
Abian da Sopelako gazte asanblada berria
Sopelako gazte asanblada berria aurkeztu zuten atzo dozena erdi bat neska-mutilek, herri horretako kultur etxean iluntzean egindako ekitaldia dela medio. Bideo emanaldi eta mahai-ingurura adin ezberdinetako 29 gazte gerturatu ziren eta herriak gazte mugimendu irekia, anitza, askotarikoa, asanblearioa, alternatiboa eta kritikoa behar duela adostu zuten aho batez: "politika espekulatzailearen aurrean pasibotasunarekin bukatu" eta "gazteen indarrez" egoera aldatuko duen gazte asanblada eratzeko, alegia. Denbora galdu barik, 2007an desagertu zen SUGAri lekukoa hartuko dion gazte asanbladaren lehenengo batzar publikoaren data, ordua eta lekua finkatu zuten: asteazkenean, hilak 23, 20:00etan Plaza beltzan. Era berean, lehenengo hiru lan jarri zieten gazteek haien buruei: "herriari begirako kultur eskaintza, Udalak eskaintzen ez duena" ematea, horri egonkortasuna emango dion lokal bat eskuratzea eta Ganebarriren desalojoa dela eta auziperatuta dauden herriko sei laguni elkartasuna adieraztea eta herriko gazteriaren zein okupazio mugimenduaren aurkako errepresioa salatzea.
Politika
2008-01-18 22:09
Gaur iluntzean 150 bat herritarrek inguratu dute Algortako Telletxe plaza, 25 urte ihesean eman ondoren, 2006ko urtarrilaren 16an Baionan hil zen Aitor Elortza Unanue (argazkian) iheslari politikoari omenaldia eginez. Hasierako musika doinuak itzali eta isiltasuna izan da nagusi ondoren. Plaza erdian, algortarraren irudia aurrean zutela, neska-mutil bik eskainitako agur dantza laguntzeko txistu soinuek eta Itsaso Paya bertsolariak kantatutako abestiak baino ez dute apurtu, ordu erdi luze iraun duen isiltasun hori. Guztion bihotzean baina oihu bakarra: "Iheslariek Euskal Herrian libre bizi behar dute". Elortza Ipar Euskal Herritik Mexikora ihes egin zuen 80eko hamarkada hasieran. Ondoren, Ipar Euskal Herrira bueltatu zen berriro eta 1991ko maiatzean atxilotu eta Fresnesen (Paris) espetxeratu zuten 1992ko arte; 1993an epaitu ondoren, absoluzioa jaso zuelarik. 1994an berriz atxilotu zuten eta Metz-era bidali zuten. Bertan, zaintzapean ostatu batean bizitzera behartu zuten. Aste batzuk beranduago, konfinamendua apurtu eta Euskal Herrira bueltatu zen. Azkenik, gaixorik, hilik aurkitu zuten bere etxean 2006ko urtarrilaren 16an.
Aitor Elortzari omenaldi xumea eskaini diote 150 bat herritarrek
Gaur iluntzean 150 bat herritarrek inguratu dute Algortako Telletxe plaza, 25 urte ihesean eman ondoren, 2006ko urtarrilaren 16an Baionan hil zen Aitor Elortza Unanue (argazkian) iheslari politikoari omenaldia eginez. Hasierako musika doinuak itzali eta isiltasuna izan da nagusi ondoren. Plaza erdian, algortarraren irudia aurrean zutela, neska-mutil bik eskainitako agur dantza laguntzeko txistu soinuek eta Itsaso Paya bertsolariak kantatutako abestiak baino ez dute apurtu, ordu erdi luze iraun duen isiltasun hori. Guztion bihotzean baina oihu bakarra: "Iheslariek Euskal Herrian libre bizi behar dute". Elortza Ipar Euskal Herritik Mexikora ihes egin zuen 80eko hamarkada hasieran. Ondoren, Ipar Euskal Herrira bueltatu zen berriro eta 1991ko maiatzean atxilotu eta Fresnesen (Paris) espetxeratu zuten 1992ko arte; 1993an epaitu ondoren, absoluzioa jaso zuelarik. 1994an berriz atxilotu zuten eta Metz-era bidali zuten. Bertan, zaintzapean ostatu batean bizitzera behartu zuten. Aste batzuk beranduago, konfinamendua apurtu eta Euskal Herrira bueltatu zen. Azkenik, gaixorik, hilik aurkitu zuten bere etxean 2006ko urtarrilaren 16an.
Kultura
2008-01-18 20:59
Urrira bitartean, "Euskal itxasgizon gorenak" izenburuko erakusketa izango da Butroiko Plazentia Museoan (argazkian). "Euskal itsasgizon hauen bizitzak eta ekintza gogoangarriak ezagutuko ditugu, hala nola Juan Sebastian Elkano eta bere munduko bira; Blas de Lezo, ilustrazio eta armagizon bikain izan zena; edo Andres de Urdaneta, lehenengo armagizon eta itsasgizon izan zena ondoren agustindar elizgizon bilakatuz. Jose Domingo de Mazarredo, Ignacio Maria de Alava, Cosme Damian de Churruca edo Ignacio de Olaeta Itsas Armada Garaiezinaren unerik distiratsuenak eta euren bizitza eman zuten hondamendi handienak ere bizi izan zituzten", azaldu dute museoko arduradunek. Ordutegiari dagokionez, azteazkenetik igandera arte, goizez egongo da zabalik, 11:00tatik 14:00era bitartean. Arratsaldez joan nahi direnek, berriz, ostiral eta larunbatetan edukiko dute aukera, 17:00etatik 20:00ak arte.
Urrira bitartean Historiak emandako euskal itsasgizonen lorpenez jabetzeko aukera egongo da Plentziako Itsas Museoan
Urrira bitartean, "Euskal itxasgizon gorenak" izenburuko erakusketa izango da Butroiko Plazentia Museoan (argazkian). "Euskal itsasgizon hauen bizitzak eta ekintza gogoangarriak ezagutuko ditugu, hala nola Juan Sebastian Elkano eta bere munduko bira; Blas de Lezo, ilustrazio eta armagizon bikain izan zena; edo Andres de Urdaneta, lehenengo armagizon eta itsasgizon izan zena ondoren agustindar elizgizon bilakatuz. Jose Domingo de Mazarredo, Ignacio Maria de Alava, Cosme Damian de Churruca edo Ignacio de Olaeta Itsas Armada Garaiezinaren unerik distiratsuenak eta euren bizitza eman zuten hondamendi handienak ere bizi izan zituzten", azaldu dute museoko arduradunek. Ordutegiari dagokionez, azteazkenetik igandera arte, goizez egongo da zabalik, 11:00tatik 14:00era bitartean. Arratsaldez joan nahi direnek, berriz, ostiral eta larunbatetan edukiko dute aukera, 17:00etatik 20:00ak arte.
Kultura
2008-01-18 20:37
Astearte honetan, urtarrilak 22, abiatuko dira "Eztabaidak literaturarekin" izenburuko jardunaldiak, Bilboko Zazpi Kaleetako Bidebarrieta kulturgunean. Hilabetero, bi idazle azalduko dira jendaurrean literaturaz eta idazteko ofizioaz hitz egiteko. "Helburua ez da egile bakoitzaren azken lanak aurkeztea, irakurleen interesekoak diren gaiei buruz solastatzea baizik", antolatzaileek adierazi dutenez. Horrenbestez, Ramiro Pinilla getxoztarra eta Harkaitz Cano lasartearra, 84 eta 32 urtekoak, hurrenez hurren, izango dira topagune hau inauguratzeaz arduratuko direnak, "Idazleen adinak" izenburuko elkarrizketaren bidez. Literaturako hastapenak, sorkuntzarako adinik egokiena, gaztaroko "bekatuak" zahartzaroko "bizioen" aurrean, bizitzako esperientziak idaztean duen eragina edota idazlearen adinak izan dezakeen garrantzia edo garrantzirik eza dira Pinillak eta Canok Bidebarrietako ekitaldi aretora hurbildutakoen aurrean eztabaidatuko dituzten mintzagaietako batzuk. Oraingoan, Iñaki Esteban idazle eta kazetaria arduratuko da aurkezpena egin eta solasaldia moderatzeaz, zehaztu dute Bidebarrieta kulturguneko kideek. Saioak asteartero izango dira, 19:30ean. Argazkian, Ramiro Pinilla Getxoko bere baserrian / Guia Cultural.
Ramiro Pinilla eta Harkaitz Cano aurrez aurre jarriko dituzte Bilboko literatur eztabaidek
Astearte honetan, urtarrilak 22, abiatuko dira "Eztabaidak literaturarekin" izenburuko jardunaldiak, Bilboko Zazpi Kaleetako Bidebarrieta kulturgunean. Hilabetero, bi idazle azalduko dira jendaurrean literaturaz eta idazteko ofizioaz hitz egiteko. "Helburua ez da egile bakoitzaren azken lanak aurkeztea, irakurleen interesekoak diren gaiei buruz solastatzea baizik", antolatzaileek adierazi dutenez. Horrenbestez, Ramiro Pinilla getxoztarra eta Harkaitz Cano lasartearra, 84 eta 32 urtekoak, hurrenez hurren, izango dira topagune hau inauguratzeaz arduratuko direnak, "Idazleen adinak" izenburuko elkarrizketaren bidez. Literaturako hastapenak, sorkuntzarako adinik egokiena, gaztaroko "bekatuak" zahartzaroko "bizioen" aurrean, bizitzako esperientziak idaztean duen eragina edota idazlearen adinak izan dezakeen garrantzia edo garrantzirik eza dira Pinillak eta Canok Bidebarrietako ekitaldi aretora hurbildutakoen aurrean eztabaidatuko dituzten mintzagaietako batzuk. Oraingoan, Iñaki Esteban idazle eta kazetaria arduratuko da aurkezpena egin eta solasaldia moderatzeaz, zehaztu dute Bidebarrieta kulturguneko kideek. Saioak asteartero izango dira, 19:30ean. Argazkian, Ramiro Pinilla Getxoko bere baserrian / Guia Cultural.
Kultura
2008-01-18 20:10
Sarreren salmentak izandako arrakasta ikusita, Pirritx eta Porrotx pailazoen “Eskerrik Asko” ikuskizunaren beste saio bat programatu du Getxoko Kultur Etxeak. Izan ere, asteazkenerako agortuta zeuden txartelak, kultur arduradunek UKBERRI.NETi jakinarazi diotez. Otsailaren 15 eta 16rako antolatutako bi emanaldiez gain, hirugarren bat egingo dute hasierako egun horretan, ostiralarekin, 17:00etan, Algortako Getxo Antzokian. Hori dela eta, hasiera batean, data berean 18:30erako programatuta zegoen beste saioa orduz aldatu eta 19:00etan egingo dute. Horrenbestez, otsailaren 15eko arratsaldeko 5etarako ekitaldirako sarrerak, astelehen honetan, urtarrilak 21, egongo dira salgai. Argazkian, Pirritx aurpegia margozten / La habitacion 101.
Biren ordez hiru saio emango dituzte Algortan Pirritx eta Porrotxek
Sarreren salmentak izandako arrakasta ikusita, Pirritx eta Porrotx pailazoen “Eskerrik Asko” ikuskizunaren beste saio bat programatu du Getxoko Kultur Etxeak. Izan ere, asteazkenerako agortuta zeuden txartelak, kultur arduradunek UKBERRI.NETi jakinarazi diotez. Otsailaren 15 eta 16rako antolatutako bi emanaldiez gain, hirugarren bat egingo dute hasierako egun horretan, ostiralarekin, 17:00etan, Algortako Getxo Antzokian. Hori dela eta, hasiera batean, data berean 18:30erako programatuta zegoen beste saioa orduz aldatu eta 19:00etan egingo dute. Horrenbestez, otsailaren 15eko arratsaldeko 5etarako ekitaldirako sarrerak, astelehen honetan, urtarrilak 21, egongo dira salgai. Argazkian, Pirritx aurpegia margozten / La habitacion 101.
Iritzia
2008-01-18 20:03
Esku artean daukana saltzea izan da beti feniziarraren lanbidea. Infernuari zeru deituko dio San Pedroren aurrean eta Ama Birjinari orduko prezioa jarriko deabrua datorrenean. Jendea engainatzearen artea, behar ez dugun gauzez beteriko munduaren erlijio nagusia. Eta gauzak saltzetik ideiak saltzera pausu erdi dago, horregatik ibili dira politikan saltzaile gehienak. Baina garai batez bakarrik, konturatu diren arte maite dutena saltzea dela, ez saltzen dutena. Etika tontoen aukerak galtzeko ohitura denetik aske sentitzen dira zomorrook. Eta desfasea geldiezina da. Eguneroko apustu nagusia espainolez egiten dutenek euskal kultura saldu nahi digute, erdara gehiago eros dezagun. Baserrietara elkarrizketak egiteko deitzen dudanean presa handia dutela eta ez dutela ezer behar erantzuten didate. Baserrietan azaltzen naizenean zer saldu gura dudan galdetzen eta grabazioa egin ostean ezer saldu ez diedalako harritzen. Fenizian bizi gara. Argazkia: Koska irratia.
Fredi Paya: "marketinaren biktima"
Esku artean daukana saltzea izan da beti feniziarraren lanbidea. Infernuari zeru deituko dio San Pedroren aurrean eta Ama Birjinari orduko prezioa jarriko deabrua datorrenean. Jendea engainatzearen artea, behar ez dugun gauzez beteriko munduaren erlijio nagusia. Eta gauzak saltzetik ideiak saltzera pausu erdi dago, horregatik ibili dira politikan saltzaile gehienak. Baina garai batez bakarrik, konturatu diren arte maite dutena saltzea dela, ez saltzen dutena. Etika tontoen aukerak galtzeko ohitura denetik aske sentitzen dira zomorrook. Eta desfasea geldiezina da. Eguneroko apustu nagusia espainolez egiten dutenek euskal kultura saldu nahi digute, erdara gehiago eros dezagun. Baserrietara elkarrizketak egiteko deitzen dudanean presa handia dutela eta ez dutela ezer behar erantzuten didate. Baserrietan azaltzen naizenean zer saldu gura dudan galdetzen eta grabazioa egin ostean ezer saldu ez diedalako harritzen. Fenizian bizi gara. Argazkia: Koska irratia.
Jendartea
2008-01-18 19:03
Otsailaren 12tik martxoaren 8ra bitartean izango dira aurten Ekoeskola jardunaldiak, Ekologistak Martxan taldeak eta Bizizaleak Ingurumen Dokumentazio Zentruak antolatuta. Ekimenaren helburua "pertsona eta kolektiboen artean ingurumen arazoekiko sentsibilizazioa zabaltzea" izanik, informazio eta trebakuntzako hitzaldi teorikoez gain, irteerak ere antolatu dituzte. Horrenbestez, otsailaren 23an, Ibaizabal itsasadarrean barrena egingo dute txangoa, autobusez. Hain zuzen ere, Alejandro Cearreta Euskal Herriko Unibertsitateko (EHU) geologia irakasleak izango du paraje horrek ingurumenari dagokionez izandako bilakaerari buruzko argidiak emateko ardura. Ekoeskola 2008an izena emateko urtarrilaren 21etik otsailaren 8ra egongo da zabalik. Horretarako ondoko eskuorrian (pdf) agertzen den fitxa bere beharko dute parte hartu nahi dutenek eta Ekologistak Martxaneko bulegora (Pelota kalea 5) eraman. Aurtengo eskolek 20 euroko salneurria dute. Argazkian, iItsasadarraren inguruan dena da industriala, baina oraindik kontraste polita egiten du Leioako nekazal inguruak, gero eta urrunago, txikiago... (Jabi Zabala) / Bilbao.Bi
Ibaizabal itsasadarrean barrena ibiliko da aurten Ekoeskola
Otsailaren 12tik martxoaren 8ra bitartean izango dira aurten Ekoeskola jardunaldiak, Ekologistak Martxan taldeak eta Bizizaleak Ingurumen Dokumentazio Zentruak antolatuta. Ekimenaren helburua "pertsona eta kolektiboen artean ingurumen arazoekiko sentsibilizazioa zabaltzea" izanik, informazio eta trebakuntzako hitzaldi teorikoez gain, irteerak ere antolatu dituzte. Horrenbestez, otsailaren 23an, Ibaizabal itsasadarrean barrena egingo dute txangoa, autobusez. Hain zuzen ere, Alejandro Cearreta Euskal Herriko Unibertsitateko (EHU) geologia irakasleak izango du paraje horrek ingurumenari dagokionez izandako bilakaerari buruzko argidiak emateko ardura. Ekoeskola 2008an izena emateko urtarrilaren 21etik otsailaren 8ra egongo da zabalik. Horretarako ondoko eskuorrian (pdf) agertzen den fitxa bere beharko dute parte hartu nahi dutenek eta Ekologistak Martxaneko bulegora (Pelota kalea 5) eraman. Aurtengo eskolek 20 euroko salneurria dute. Argazkian, iItsasadarraren inguruan dena da industriala, baina oraindik kontraste polita egiten du Leioako nekazal inguruak, gero eta urrunago, txikiago... (Jabi Zabala) / Bilbao.Bi
Kirolak
2008-01-18 17:38
Getxoko Udalak 12 ikastetxe eta ikastola publiko zein pribatuetako ikasleen guraso elkarterekin eta 8 futbol taldeekin sinatuko du arratsaldeko 7etan, Algortako Villamonte kaleko kultur etxean, lankidetza-hitzarmena. Horren helburua maila federatuan zein udal esparruko Kirol Eskolan Getxo marka bultzatzea da, baita eskola kirola sustatzea ere. Hitzarmena honako hauek sinatuko dute: Galea, Bizkerre, Arraultzaldeon, Iturgitxi, Areeta, Romo eta Neguri klubek eta; Juan Bautista Zabala, Zubilleta, Romo, Larrañazubi, Andra Mari, Santisima Trinidad, Nuestra Señora de Europa, Azkorri, Madre del Divino Pastor ikastetxeetako eta Gobela, Geroa eta San Nikolas ikastoletako gurasoen elkarteek. Eskola mailan, hitzarmenak futbola baldintza, instalakuntza eta metodologia hobeagotan hezitzaile eta entrenatzailerekin praktikatzea sustatuko du, udal iturrien arabera. Udalerrian 450 bat umek praktikatzen dute eskola-futbola. Kirol Eskola martxan jartzeko eta kudeatzeko Koordinazio eta Kudeaketa Batzorde Nagusia ere sortuko dute, 9 lagunek osatuta; eta bere funtzioen artean futbola kirol eskolan antolatu beharko du. Eskola finantzatzeko 11.600 euro jarriko dituzte. Argazkian, maiatzaren 9an, 15 taldek eta 12 ikastetxetako gurasoen elkartek (IGE) sinatu zuten hitzarmena Getxo Kirolak udal erakundearekin.
Eskolan futbola bultzatuko dute 12 guraso elkarte eta 8 kirol talde getxoztarrek
Getxoko Udalak 12 ikastetxe eta ikastola publiko zein pribatuetako ikasleen guraso elkarterekin eta 8 futbol taldeekin sinatuko du arratsaldeko 7etan, Algortako Villamonte kaleko kultur etxean, lankidetza-hitzarmena. Horren helburua maila federatuan zein udal esparruko Kirol Eskolan Getxo marka bultzatzea da, baita eskola kirola sustatzea ere. Hitzarmena honako hauek sinatuko dute: Galea, Bizkerre, Arraultzaldeon, Iturgitxi, Areeta, Romo eta Neguri klubek eta; Juan Bautista Zabala, Zubilleta, Romo, Larrañazubi, Andra Mari, Santisima Trinidad, Nuestra Señora de Europa, Azkorri, Madre del Divino Pastor ikastetxeetako eta Gobela, Geroa eta San Nikolas ikastoletako gurasoen elkarteek. Eskola mailan, hitzarmenak futbola baldintza, instalakuntza eta metodologia hobeagotan hezitzaile eta entrenatzailerekin praktikatzea sustatuko du, udal iturrien arabera. Udalerrian 450 bat umek praktikatzen dute eskola-futbola. Kirol Eskola martxan jartzeko eta kudeatzeko Koordinazio eta Kudeaketa Batzorde Nagusia ere sortuko dute, 9 lagunek osatuta; eta bere funtzioen artean futbola kirol eskolan antolatu beharko du. Eskola finantzatzeko 11.600 euro jarriko dituzte. Argazkian, maiatzaren 9an, 15 taldek eta 12 ikastetxetako gurasoen elkartek (IGE) sinatu zuten hitzarmena Getxo Kirolak udal erakundearekin.
Jendartea
2008-01-18 17:03
Mugikortasun arazoak dituzten lagunak udaletxera sartu ahal izateko arrapalak herrian eragin duen eztabaidagatik zein "talde politiko moduan udal batzarretan partaidetza ukatua dugulako", bere ikuspuntua hedabideen bitartez zabaltzea beste aukerarik ez zaio geratu Plentziako Eusko Abertzale Ekintzari. "Aspaldi bukatua egon beharko lukeen sarrera hori eraikinaren aurrealdetik egin beharko litzateke eta ez beste tokiren batean. Hala ere, antzinako osasun etxetik izan beharko litzatekeela uste dugu, hau da, udal bulegoetara emanez", adierazi dute ekintzaileek. Mugikortasun arazoak dituzten pertsonek udaletxerako sarrera atari nagusitik edukitzea "ezinbestekotzat" jotzen du EAEk, "aldi berean, ikus-inpaktu txikiagoa ere izango lukeelako". Horrenbestez, arrapalaren egungo kokapenaren "aurka" daude. Bestalde, bertan Ertzaintzaren bulegoari eman nahi omen dioten kokapen berriaz kexu dira ekintzaileak. Argazkian, Plentziako udaletxea eta Astillero plaza / Edonola.net.
Udaletxeko ezinduentzako arrapalaz eta Ertzaintzaren bulegoaz kexu da Plentziako EAE
Mugikortasun arazoak dituzten lagunak udaletxera sartu ahal izateko arrapalak herrian eragin duen eztabaidagatik zein "talde politiko moduan udal batzarretan partaidetza ukatua dugulako", bere ikuspuntua hedabideen bitartez zabaltzea beste aukerarik ez zaio geratu Plentziako Eusko Abertzale Ekintzari. "Aspaldi bukatua egon beharko lukeen sarrera hori eraikinaren aurrealdetik egin beharko litzateke eta ez beste tokiren batean. Hala ere, antzinako osasun etxetik izan beharko litzatekeela uste dugu, hau da, udal bulegoetara emanez", adierazi dute ekintzaileek. Mugikortasun arazoak dituzten pertsonek udaletxerako sarrera atari nagusitik edukitzea "ezinbestekotzat" jotzen du EAEk, "aldi berean, ikus-inpaktu txikiagoa ere izango lukeelako". Horrenbestez, arrapalaren egungo kokapenaren "aurka" daude. Bestalde, bertan Ertzaintzaren bulegoari eman nahi omen dioten kokapen berriaz kexu dira ekintzaileak. Argazkian, Plentziako udaletxea eta Astillero plaza / Edonola.net.
Jendartea
2008-01-18 16:11
"Aita-amak liskartuta daudenean, familiarteko harremanei eusteko esparru egokia behar izaten dute seme-alabek", adierazi du Marisa Arrue (argazkian) Getxoko PPko bozeramaileak. Hain zuzen ere, hori da popularrek eskatutako "familia elkargunearen" xedea, "adinez txikien segurtasuna eta ongizatea bermatzeko". Arrueren hitzetan, 100 metro koadro inguruko lokala beharko litzateke horretarako, zeinean psikologoak eta kabinete juridikoa ere izango liratekeen. Gastua 90.000 euro ingurukoa litzateke, zinegotziaren arabera. Gauzak horrela, "haurren babes eta arretarako 3/2005 legea finkatzen duen instituzioen arteko elkarlanari eutsiz" eskaera luzatu dio Bizkaiko Foru Aldundiari eta Eusko Jaurlaritzari Getxoko PPk. Arrueren arabera, "Getxoko epaitegian egikaritu gabeko banaketa eta dibortzioen kopurua kontutan hartuta, urtean 200 adingabekok beharko lukete zerbitzu hori".
Banatutako gurasoen seme-alabei laguntza ematea eskatu du Getxoko PPk
"Aita-amak liskartuta daudenean, familiarteko harremanei eusteko esparru egokia behar izaten dute seme-alabek", adierazi du Marisa Arrue (argazkian) Getxoko PPko bozeramaileak. Hain zuzen ere, hori da popularrek eskatutako "familia elkargunearen" xedea, "adinez txikien segurtasuna eta ongizatea bermatzeko". Arrueren hitzetan, 100 metro koadro inguruko lokala beharko litzateke horretarako, zeinean psikologoak eta kabinete juridikoa ere izango liratekeen. Gastua 90.000 euro ingurukoa litzateke, zinegotziaren arabera. Gauzak horrela, "haurren babes eta arretarako 3/2005 legea finkatzen duen instituzioen arteko elkarlanari eutsiz" eskaera luzatu dio Bizkaiko Foru Aldundiari eta Eusko Jaurlaritzari Getxoko PPk. Arrueren arabera, "Getxoko epaitegian egikaritu gabeko banaketa eta dibortzioen kopurua kontutan hartuta, urtean 200 adingabekok beharko lukete zerbitzu hori".
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...