Kultura  Uribe Kosta 2017-11-24 16:30

Euskarazko lehen serie digitala ekoizteko parte-hartzaile bila dabiltza

Next Station lehiaketak euskarazko webserie bat sortzea du helburu. Kontsumitzeko ohiturak aldatu egin direla ikusita, etorkizuneko telebista sortzeko talentu berriak aurkitu nahi dituzte lehiaketa horren bidez. Edonork har dezake parte; nahikoa da proposamenaren bideo bat bidaltzea abenduaren 15a baino lehen.

  Kultura  Berango 2017-11-24 12:35

Euskararen aldeko astea abiaraziko dute astelehenean

Euskararen aldeko astea abiaraziko dute astelehenean

Euskarari gorazarre egiteko dena prest dago Berangon. Izan ere, azaroaren 27tik abenduaren 3ra bitartean, adin denei begirako astebeteko egitaraua prestatu du Udalak.

  Kultura  Barrika 2017-11-24 10:52

Euskararen Eguna ospatuko dute domekan Barrikan

Euskararen Eguna ospatuko dute domekan Barrikan

Euskararen Eguna da abenduaren 3a; hala ere, Barrikan azaroaren 26ra aurreratu dituzte gure hizkuntzaren aldeko ekintzak. Hartara, domekan askotariko jarduerak egingo dituzte udalerrian euskarari gorazarre egiteko.

  Kultura  Getxo 2017-11-22 13:19

Getxoko Udalak euskarazko produktuen katalogoaren 1.500 ale banatuko ditu aurten ere

Getxoko Udalak euskarazko produktuen katalogoaren 1.500 ale banatuko ditu aurten ere

Beste urte batez, Getxoko Udalak euskarazko produktuen katalogoaren 1.500 ale banatuko ditu udalerriko ikastetxe, institutu, euskaltegi, haurtzaindegi eta liburu-denden artean. Paperezko edizioak zein webgunekoak atal nagusi bitan dute banatuta edukia: alde batetik, 0-12 urte bitarteko haurrentzako produktuakaz, eta bestetik, 12-16 urte bitarteko gazteentzako gauzakaz, adinei egokitutako intereseko eta agenden webguneen loturakaz batera, eta baita sare sozialen jarraipena egiteko aukera ere.

  Kultura  Getxo 2017-11-22 12:07

“Lehenengo begiradak” erakusketa abiatuko dute bihar Algortako Villamonteko kultur etxean

“Lehenengo begiradak” erakusketa abiatuko dute bihar Algortako Villamonteko kultur etxean

Bihartik, eguenetik, abenduaren 5era bitartean egongo da ikusgai "Lehenengo begiradak" izeneko erakusketa, Algortako Villamonteko kultur etxean. Ekimena Liburutegiak Topaleku programaren barruan kokatuta dago, eta Laura Caorsi kazetariak azken hamar urteotan zehar (2007-2017) egindako 460 elkarrizketetatik Getxon bizitzeko aukeratu duten 60 pertsonari egindakoak ikusi ahal izango dira. Horiek astelehenero argitaratu ditu El Correo egunkariak "Nuevos Vascos" atalean.

  Kultura  Berango 2017-11-21 11:10

Simon Otxandategi Dantza Taldea bere 75. urteurrenari begira dago

Simon Otxandategi Dantza Taldea bere 75. urteurrenari begira dago

Datorren urtean beteko ditu 75 urte Simon Otxandategi Dantza Taldeak. Hori dela eta, urteurren berezi hori "dagokion moduan" ospatu ahal izateko, dantza-taldean parte hartu duten denak udalerriko frontoira joatera deitu dituzte azaroaren 25ean, 20:00etan.

  Kultura 2017-11-21 10:00

Plentzia Amesten: "Lekua diseinatu baino, bidea bera da emaitza"

Erabiltzailearen aurpegia Iker Rincon Moreno

Plentzia Amesten: "Lekua diseinatu baino, bidea bera da emaitza"

Umeen iritziak, desirak eta interesak batu ditu hilabeteotan Plentzia Amesten egitasmoak. Prozesua amaitzear dago, hala ere, hori baino lehen, ondorioak eta proiektu berria aurkeztuko dute hilaren 30eko Udalbatzan.

  Kultura  Getxo 2017-11-18 13:03

Kike Amonarriz: "Euskararen aldekotasuna praktikara eraman nahi dugu"

Iñigo Fernandez de Martikorena

Kike Amonarriz: "Euskararen aldekotasuna praktikara eraman nahi dugu"

Kike Amonarriz Gorria soziolinguista eta telebista-aurkezle tolosarrak berbaldia eskainiko du martitzenean, 19:00etatik aurrera, Areetako elkartegian. Euskaldunen aktibazioaren gainean berba egingo du; besteak beste, hainbat herritan zabaldu diren euskararen aldeko ekimenen berri emango du, tartean, 11 egun euskaraz egitasmoaz. Amonarrizek ondo baino hobeto ezagutzen du Getxoren ibilbide soziolinguistikoa.

  Kultura  Erandio  Uribe Kosta 2017-11-18 12:00

ArgIHIzkiak ikusbide Astrabuduan, astelehenetik aurrera

ArgIHIzkiak ikusbide Astrabuduan, astelehenetik aurrera

ArgIHIzkiak argazkietan oinarritutako testu laburren VI. lehiaketaren erakusketa ikusteko aukera egongo da hilaren 20tik abenduaren 1era, Astrabuduko Josu Murueta kultur etxean.

  Kultura  Erandio 2017-11-17 12:41

Talo-tailerra izango da domekan Erandiogoikoan

Talo-tailerra izango da domekan Erandiogoikoan

Auzokoa Herrikoi elkarteak antolatuta, talo-tailerra egingo dute etzi, domekan, Erandiogoikoko plazan. Ikastaro praktikoa 13:00etan hasiko da, baina "talo ezin hobeak egiten ikasi" gura dutenek aurretik eman behar izango dute izena. Horretarako, 656 778 282 telefonora edo auzokoaherrikoielkartea@gmail.com posta elektronikora jo dezakete.

  Kultura  Plentzia 2017-11-17 10:43

Ander Pardo Hormaza: "Spielbergen film bat imita daiteke jostailu batzuekin"

Kepa Ugarte Martiarena

Ander Pardo Hormaza: "Spielbergen film bat imita daiteke jostailu batzuekin"

Jostailuak eta maketak erabiliz, Steven Spielberg zinema-zuzendari ospetsuaren "Jurassic Park" filma birsortu gura izan du Ander Pardo Hormazak. "Overrum" gaztelaniaz egindako film laburra bere amaren jaioterrian, Plentzian, estreinatuko du. Hitzordua bariku honetan izango da, azaroaren 17an, 19:00etan, Goñi Portalen. Euskal aktore ezaguna den Mario Pardok ere parte hartu du pelikulan; Ander Pardo zinemagile gaztearen aita da bera.

  Kultura  Uribe Kosta 2017-11-16 23:59

Milagarren eguna ospatzen dabil gaur HIRUKA.EUS

Milagarren eguna ospatzen dabil gaur HIRUKA.EUS

HIRUKA.EUS Uribe Kostako atariak 1.000 egun bete ditu gaur. Izan ere, orain dela ia hiru urte, 2015eko urtarrilaren 22an, aurkeztu genuen digital hau, HIRUKA astekariagaz batera. Daborduko 28.850 albiste, argazki-galeria, bideo, audio eta iritzi plazaratu ditu digitalak, beti ere uribekostarron intereseko gaiak landuz. Bide-zati horretan, ia 125.000 lagunok bat egin duzue HIRUKA.EUS digitalagaz. Zorionak eta mila esker denoi!

  Kultura  Getxo 2017-11-10 16:36

Martin Deunaren jaiak, hastear

Martin Deunaren jaiak, hastear

Azaroan bete-betean murgildu gara, eta ohiturari jarraituz, Martin Deunaren omenezko jaiak ospatuko dituzte Algortako Hezetasuna auzoko kideek. Hilaren 10etik 12ra bitarteko festak izango dira, beren-beregi; hala, hiru egun horietan hamaika aukera izango dituzte auzokoek zein inguruko lagunek. Gainera, aurton ere, egunotan dabilen euritetik eta hotzetik babesteko karpa eta txosna bana ipiniko dituzte Iturgitxiko parkean. Bertan egingo dituzte festen gaueko ekintzak, kontzertuak eta zapatuko herri-bazkaria.

  Kultura  Leioa 2017-11-08 18:32

Artedramak enpresa-izaera duenez, daborduko lokalik ezin diola utzi adierazi du Udal Gobernuak

Artedramak enpresa-izaera duenez, daborduko lokalik ezin diola utzi adierazi du Udal Gobernuak

Artedramak urriaren hasieran utzi zuen Kultur Leioa; 2012an heldu ziren bertara. Hala ere, orain dela 5-6 hilabete izan zuen Udalaren erabakiaren berri; baina, orain arte ez du jendaurrean jakinarazi. Esnatu Leioaren zinegotzia den José Ignacio Vicentek azaldu duenez, Estibaliz Bilbao kultur zinegotziak urriaren 25ean azaldu zien egoera oposizioko alderdi politikoei. Jazotakoa jakin ostean, horren gainean galdetu zioten udal-arduradunari, Kultura Batzordearen egun horretako bileran. Bilbaok erantzun zienez, Leioara heldu zenean, konpainia "amateurra" zen Artedrama; "gaur egun, ordea, talde profesionala da, eta ez dagokio udal-lokalik edo diru-laguntzarik", gaineratu zuen agintariak. Horrelako laguntzak irabazi-asmo bako elkarteei baino ez dizkiete ematen. Gainera, helbide fiskala Kultur Leioan ei zeukan arte eszenikoen plataformak: "eraikin publiko bat ezin da enpresa baten helbide fiskala izan", aipatu zuen kultur zinegotziak.

  Kultura  Plentzia 2017-11-08 16:39

Mintzodromoa egingo dute bihar, Plentzian

Mintzodromoa egingo dute bihar, Plentzian

Gorlizko eta Plentziako euskara-zaleek hitzordu ederra izango dute eguenean, hilaren 9an, Plentziako Jai Alai frontoian egingo duten Mintzodromoan. Goizeko 10:00etan jarri dute hitzordua, eta ordu biz "Zer egin zure herrian euskararen alde?" itaunaren inguruan berba egiteko aukera izango dute bertaratuko diren denek.