Kultura 2004-12-16 14:44

Antzerkia, kalejirak eta beste hainbat ekitaldi Olentzeroren etorrera ospatzeko

Erabiltzailearen aurpegia Ukberri Berantzagi, Zasi Eskola eta Itxas Argia dantza taldeek eta Algortako Olentzero Batzordeak ekitaldi ugari antolatu dituzte Getxoko Udalaren laguntzaz, Olentzeroren etorrera ospatzeko asmoz. Abenduaren 23an eta 24an kalejirek, musika doinuek eta dantzek beteko dituzte Getxo udalerriko auzo ezberdinetako kaleak. Horietaz gain, Euskara Zerbitzua eta Getxoko Antzerki Eskolak "Olentzaro nik nahi nuke..." antzerki lana aurkeztuko dute hainbat saioetan.
  Kultura 2004-12-15 17:01

Euskal Herrian Euskaraz taldeak 25 urte bete ditu

Erabiltzailearen aurpegia Ukberri 1979an Euskal Herrian Euskaraz taldea Durangoko Azokan aurkeztu zenetik 25 urte iragan dira. 25 urte geroago hausnarketa bat egitera behartuak gara. Gaur egun Euskal Herrian Euskaraz bezalako taldeen iharduna ezinbesteko bihurtu bait da. Ezinbesteko euskararen egoera hobetzetik haratago, hainbat kasutan okertuz bait doa. Horregatik tamalez, gaur egun euskararen normalkuntzatik urrun kokatzen garela argi dakusagu.
  Kultura 2004-12-15 11:37

Euskal leku-izenei dien mespretxua erakutsi du Telefonicak

Erabiltzailearen aurpegia Ukberri Izaronews webguneak jakinarazi duenez, hainbat herrietako euskal leku-izenei (horietatik asko Uribe Kostakoak) erabateko mesprexua erakusten die "Desafio ADSL" lehiaketako finala iragartzeko Telefonicak kaleratutako prentsa oharra. Telefonicakoentzako, "Eskoriacha" dauka izena Eskoriatza; Urnietari "Urniete" esaten diote; Astrabudua, berriz, "Astravudua" eta Algortako San Nikolas ikastola "San Nicolás y Castola" bezala batailatu dute.
  Kultura 2004-12-14 22:24

Gabonetarako ekitaldi ugari antolatu dituzte Barrikan

Erabiltzailearen aurpegia Ukberri Gabon-oporretako goizak ezin hobeto pasatzeko, tailerrak, pailaso ikuskizunak, eta ipuin kontaketak antolatu ditu Barrikako Udal Liburutegiak. Ekitaldiak abenduaren 27an (astelehena) hasiko dira. Egun horretan, 11:00etatik 14:00etara, "Garapen Jasangarriaren" gaineko tailerrak eta panel informatiboak izango dira, heldu zein umeentzat, liburutegian bertan. UK 21, Ihobe eta Eusko Jaurlaritza dira antolatzaileak.
  Kultura 2004-12-14 21:43

Finalerako sarrerak agortu dira jada

Erabiltzailearen aurpegia Ukberri Abenduaren 19an Bilboko Euskalduna Jauregian izango da Bizkaiko Bertsolari Txapelketako finala, eta sarrerak agortu egin direla esan dute txapelketaren antolatzaileek. Bestalde, gaur Durangoko Kafe Antzokian kazetariekin izan duten hitzorduan, finalerako sailkatuta dauden zortzi bertsolariek finalak sortu duen ikusmina azpimarratu dute. Fredi eta Xabi Paia anai algortarrak, Igor Elortza, Unai Iturriaga, Iratxe Ibarra, Arkaitz Estiballes, Igor Muniategi eta Etxahun Lekue dira hilaren 19an finalean izango direnak.
  Kultura 2004-12-14 18:57

Irratia.com bueltan, eraldatuta

Erabiltzailearen aurpegia Ukberri Berriro gaituzu sarean, lagun, irratia.com Euskal Herriko lehenengo irrati digitalaren 2.0 bertsioa aurkezten. Azken aldi honetan denbora faltagatik ezin izan diogu behar bezalako arreta eskaini duela lau urte sortutako proiektuari. Hala ere, geldialdi luze honen ostean zirt edo zart egin behar eta, egindakoari bizkar eman barik zeozer ezberdina eta gure ahalmenaren neurrikoa egin behar genuela pentsatu dugu. Aurrerantzean irratia.com irrati-bitakora izango da. Entzun ere ahal izango da, baina, irratia.com irratsaio berri baten izena izango baita.
  Kultura 2004-12-13 22:39

Getxoko III. Komiki Azokak 12.000 bisitari izan ditu

Erabiltzailearen aurpegia Ukberri Atzo bukatu zen Getxoko Komiki Azokaren hirugarren edizioa eta antolatzaileek balorazio oso positiboa egin dute. Azken hiru egunetan zehar 12.000 bisitari jaso ditu azoka getxoarrak, iazko edizioan baino ehuneko 20 gehiago, hain zuzen ere. Getxoko Kultur Etxetik jakinarazi dutenez, Areetako Xake Plazan kokaturiko 2.500 metro koadroko karpak, establezimendu, liburudenda espezializatu, argitaletxe, fanzine, banatzaile eta komikiaren munduarekin loturiko sektoreetako 60 erakusgune inguru bildu ditu. Horretaz guztiaz gainera, azokak jarduera ugari eskaini ditu bere egitarauan, hala nola erakusketak, zine-emanaldiak, mahai-inguruak eta autore ospetsuen partaidetza.
  Kultura 2004-12-13 22:35

Ondarreta Abesbatzak eta Ganbera Orkestrak euskal gabon-kantak berreskuratuko ditu larunbatean Algortan

Erabiltzailearen aurpegia Ukberri Ondarreta Abesbatzak eta Ganbera Orkestrak "Gabonak munduan" bigarren kontzertua eskainiko dute datorren larunbatean Algortako Erredentore elizan. Mundu osoko gabon-kanta herrikoien aukeraketa bat eskainiko dute kontzertuan, euskal gabon-kantak tartean. Argazkian, igazko Gabon kanta emanaldia, Itzubaltzeta / Erromoko San Jose elizan.
  Kultura 2004-12-13 21:29

25 urte eta gero... Euskal Herrian Euskaraz!

Erabiltzailearen aurpegia Ukberri Dakizunez, 1979. urtean Durangoko Azokan aurkeztu zenetik Euskal Herrian Euskaraz erakunde euskaltzaleak 25 urte bete ditu. Ez da makala gero! Urte guzti hauetan euskararen defentsan ehunka euskaltzale bildu eta antolatzeaz gain, hamaika ekintza, mobilizazio eta borroka eraman ditugu aitzinera. Baina noski, horietako asko, hainbat eta hainbat euskaltzaleren laguntza eta inplikaziorik gabe burutzea ezinezkoa zatekeen. Hortaz, EHEk urteurren garrantzitsu honen harira antolatu duen ekimen nagusian euskalgintzan lanean diharduzuen lagun guztioi zein euskararen aldeko borrokan modu ezberdinean inplikaturik zabiltzatenoi parte hartzeko deialdia luzatu nahi dizue. Euskararen normalizazio prozesuan eta euskararen defentsan EHEko kideok nazio zein herri mailan hamaika pertsona, erakunde eta elkarterekin elkarlanean aritu gara eta zorionez eta hala behar duelako, gaur ere horretan gabiltza. Horregatik, garrantzitsua iruditu zaigu, euskararen aldeko lanean zabiltzaten guztioi deialdi hau egitea.
  Kultura 2004-12-13 20:31

Itxaso Payak irabazi du "Okelar" Bertsopaper Sariketa

Erabiltzailearen aurpegia Ukberri Bizkaie! aldizkari elektronikoak jakinarazi duenez, Itxaso Paya algortar gaztea izan da nagusi Mutrikuko Bertso Eskolak antolatzen duen “Okelar” Bertsopaper Sariketan. Guztira, Euskal Herri osoko lagunek idatzitako 41 bertsopaper aurkeztu dira aurten aipatu lehiaketan, bi mailatan sailkaturik (helduak eta gazteak). Argazkian, Ainhoa Mendibil, Jone Uria eta Itxaso Paya (Bizkaie!)
  Kultura 2004-12-13 18:49

Bihar egingo du Berbots euskara elkarteak ohiko batzarra

Erabiltzailearen aurpegia Ukberri Erandioko euskaltzaleek bilera izango dute bihar Berbots Erandion Euskaraz taldearen egoitzan. Elkartearen aurreko batzarrean erabaki zuten legez, iluntzeko 7:30ean hasiko da bilkura. Besteak beste, ostiralean egingo den bertso-jira eta larunbateko ipuin kontalariaren saioak direla-eta egin beharreko azken ikutuez eta gazteak eta euskarari buruzko proiektuaz mintzatuko da.
  Kultura 2004-12-13 18:09

Nun Algortako musika taldea elkarrizketatu dute "Entzun!" aldizkarian

Erabiltzailearen aurpegia Ukberri Bilboko azken pop-rock lehiaketan parte hartu dutela aitzaki hartuta, Nun taldeko baxu jolea, Xabi, elkarrizketatu dute Entzun! aldizkariaren 40. zenbakian. Batez ere, 2003ko udan grabatutako maketaz eta abesti berriei buruz jardun dute argitaratutako artikuluan. Bitartean, Algortarrek 7. postuan sailkatu dira XIV. Euskadi Gaztea Maketa Lehiaketan "Olatu Sakon Odoltsuak" kantuarekin.
  Kultura 2004-12-13 14:01

Euskal imaginarioa ezagutu, arakatu, landu

Erabiltzailearen aurpegia Ukberri Honen bidez hurrengo abenduaren 20tik 22ra GITE-IPESen egoitzan eskainiko den ikastaroaren berri eman nahi dizuegu. Oraingo honetan euskal imaginarioa jorratuko dugu, hasi neolitikotik eta gaur egungo ohiturak eta euskara ere jorratuko ditugu. Horretarako Josu Naberan ikertzaile laguna etorriko zaigu, aski ezaguna "Sugearen Iraultza" edota "Euskaldunon Ilargi egutegia" lanengatik.
  Kultura 2004-12-13 13:27

Basaki musika taldearen itzulera

Erabiltzailearen aurpegia Ukberri Basaki Leioako metal taldea gara. Zortzi urte inguru daramatzagu jotzen eta 80 bat kontzertu egin ditugu. Gainera, bi CD kaleratu ditugu, guk geuk ekoiztuta. Urtebete egin dugu orain geldirik taldekideen aldaketa batzuk eginda, eta orain, aldaketok asimilatuta, berriz zuzenekoei ekiteko irrikan gaude. Interesatuta bazaudete, jarri gurekin harremanetan.
  Kultura 2004-12-10 22:16

Baratze itxura hartuko du igandean Leioak

Erabiltzailearen aurpegia Ukberri Igande honetan (abenduak 12) ospatuko da Boulevard-ean, Aketxe eta Errekalde plazetan Leioako Nekazal eta Abeltzaintza Azokaren XVII. edizioa. Besteak beste, baserriko produktuak eta ganadua ikusteko aukera egongo da: behiak, idiak, ahuntzak, zaldiak, astoak, euskal txerriak, oreinak, oiloak, txoriak, ahateak... Baita bertoko produktuak dastatzeko aukera ere: patea, txerrikiak, ogia, eztia, ortukariak, gaztaia... txakolinez zein sagardoz ondo bustita.