Iritzia 2004-07-24 23:11

Demokraziaren bermeak - Mikel Carramiñana / Mediaberri.com

Erabiltzailearen aurpegia Ukberri Ez da asmakuntza berririk, baina azken aldian entzutetsu ari dira zabaltzen ikerketa-batzordeak, mundu osoan zehar gainera. Badirudi era arrakastatsua dela demokrazien purutasuna, eraginkortasuna eta fidagarritasunaren bermea erakusteko. Gizartearen inozotasuna ordea, benetan dena baino askoz sakonagoa dela uste behar dute politikoek. Ikerketa baten helburua, Sherlock Holmes izateko asmorik gabe, ondorio jakin batzuetara heltzea izan beharko litzateke. Are gehiago, ondorio horien arabera, ikertua izan den objektuarekiko ardurak edota erruak zehaztu beharko lirateke. Hara non, eta ondorengo ikerketa-batzorde zerrendetatik (Irailak 11ko atentatuak AEBetan, Martxoak 11ko atentatuak Espainian eta Irakeko Gerra Erresuma Batuan zein Estatu Batuetan) bakar batean ere ez dela agintari politikoren erantzukizunik agertu. Ondoriorik lazgarrienek, kudeaketan edo prozeduretan akats edo okerren bat egon izana salatzen dute, baina errua inori leporatu gabe.
  Iritzia 2004-07-20 23:32

Ohitura atzerakoi samarrak - Naia Diez / Kazetaritza ikaslea

Erabiltzailearen aurpegia Ukberri Gaur kontatu gura dut joan den astean gertatu zitzaidan gauza harrigarri bat. Azterketak bukatu zirenean, lagun batzuekin Bartzelonara joan nintzen. Bertan, museoak, eleizak, hondartzak... ikustera joan ginen; baina Katedralean ez ziguten utzi sartzen.
  Iritzia 2004-07-10 16:41

Bigarren trantsizioa? - Antton Azkargorta / EHUtik kaleratutako irakaslea

Erabiltzailearen aurpegia Ukberri Egunotan asko aipatzen ari den gaia dugu Trantsizioarena, baina ahaztu egiten da lehenbizikoarekin alderatuz egoera asko aldatu dela. “Trantsizio” kontzeptua bera kolokan jarri beharra dago, kontzeptu horretan estatuaren egituren jarraipenaren ideia baita nagusi. Lehenengoan, Autonomien Espainia diseinatu zen hartan, batez ere Estatuaren batasuna finkatu zen; subjektua herri espainiarra zen, eta horren guztiaren bermea, Armada.
  Ekonomia 2004-07-09 19:17

Leioako Ibarrabarri enpresa-gune berrian 450 lagunek egingo dute lan

Erabiltzailearen aurpegia Ukberri Besteak beste, Idoia Zenarruzabeitia EAEko lehendakariordeak eta Jose Luis Bilbao Bizkaiko ahaldun nagusiak parte hartu zuten atzo goizean, Leioako Udondo auzoan, Ibarrabarri enpresa-guneko inaugurazio ekitaldian. 55 mila metro koadroko azalera duen enpresa-guneak "herria egiteko bidea adierazten duen egitasmoa da", Zenarruzabeitiaren hitzetan, "garapen jasangarria eta elkarrizketa bezalako kontzeptuak uztartzen baititu". "Amets" hori abian jarriz, bizitzeko ez ezik, lan egiteko ere herria badela Leioa argi geratu da, lehendakariordeak adierazi duenez. Hala ere, ez dira guztiak ospakizunak izan. ELA eta LAB sindikatuek deituta, bertan elkartu ziren Leioako udaletxeko langileak Udalari lan-hitzarmena negoziatzeko eskatzeko.
  Politika 2004-07-06 20:51

Leioako PPko bozeramaleak hartuko du Iturgaizen lekua Eusko Legebiltzarrean

Erabiltzailearen aurpegia Ukberri Ignacio Gamero Leioako Udalan PPko bozeramalea denak hartuko du Carlos Iturgaiz EAEko popularren presidentearen tokia Eusko Legebiltzarrean. Europako Hauteskundeetan jezarlekua eskuratu ostean, ekainaren 30ean utzi zuen Gasteizen zeukan kargua Iturgaizek.Datorren kurtso politikoaren hasieratik aurrera, zinegotzi eta legebiltzarkide karguak aldi berean beteko ditu Gamerok.
  Politika 2004-07-05 23:01

Urtzi Murueta leioaztarra Frantziatik Espainiara entregatuko dute

Erabiltzailearen aurpegia Ukberri Urtzi Murueta (Leioa) Espainiara entregatzeko erabakia hartu du Frantziako epaitegiak, Madrilgo Audientzia Nazionalaren euroaginduari erantzunez. Entregatu aurretik Frantzian betetzen ari den 6 urteko espetxe zigorra bete beharko du ordea. Apelazio Auzitegiak erabaki berdina hartu du Oskar Zelarain eta Gorka Palacios euskal preso politikoen kasuan ere: Frantzian duten espetxe zigorra bete ondoren Espainiara entregatuko dituzte.
  Ekonomia 2004-06-30 18:25

Leioako udaletxeko langileak greban

Erabiltzailearen aurpegia Ukberri Leioako udaletxeko eta erakundeetako langileok zera jakinarazi nahi dizuegu. Lan-hitzarmena negoziatzeko aukera eza dela eta, eta itxurazko negoziazio mahaian gure aldarrikapenei inongo erantzunik ez dagoenez, ekainaren 30ean eta uztailaren 1ean greba egitea beste aukerarik ez digute utzi. Egoera honen erruduna negoziazioari uko egiten dionarena da eta ez beste inorena, dekretoaren bitartez, bere langileei lan-baldintzak ezartzen dizkionarena hain zuzen ere. Gainera, ez da berria oraingo egoera. 2002an ere hitzarmena negoziatzeke geratu baitzen, alderdi politikoek hartu zuten erabakiak EUDELen ordezkaritza kolokan utziz eta sektoreko gehiengo sindikalari mespretxua erakutsiz.
  Hezkuntza 2004-06-25 21:46

Bizkaiko Esperientzia Geletan izena emateko epea zabalik dago

Erabiltzailearen aurpegia Ukberri Uztailaren 9ra arte egongo da zabalik EHUko Bizkaiko campuseko Esperientzia Geletan izena emateko epea. 55 urtetik gorakoentzako unibertsitatea dira Esperientzia Gelak, eta ikasturte honetan bosgarren urteurrena beteko da Bizkaian 1999-2000 ikasturtean sortu zirenetik. Handik gutxira Gipuzkoakoak eta Arabakoak jarri ziren abian. EHUko iturriek gaur jakinarazi dutenez, Esperientzia Geletan Giza Zientzietako diploma ematen da, aurtengo ikasturtean hasita, bigarren mailako "Helduentzat Unibertsitateko Ikastaroa" berriaren osatuko da eskaintza. Titulu hau lehenengo ikastaroko tituludunei zuzenduta dago bereziki (matrikulatzeko epea irailaren 20tik urriaren 1era izango da soilik).
  Politika 2004-06-25 21:44

Hilaren 30era atzeratu da Urtzi Murueta leioaztarra entregatzeko erabakia

Erabiltzailearen aurpegia Ukberri Urtzi Murueta Leioako euskal preso politikoa Frantziatik Espainiara aldi baterako entregatzeko erabakia hilaren 30era atzeratu da, Algortako Amnistiaren Aldeko Mugimenduak oihu@ agerkari elektronikoan jakitera eman duenez. Bitartean egunotan mobilizazio ugari egin dira euroaginduaren kontra.
  Iritzia 2004-06-24 23:20

Ez dira hamahiru - Mikel Carramiñana / Mediaberriko koordinatzailea

Erabiltzailearen aurpegia Ukberri Euskal Herriko komunikabide guztietan agertutako titularra izan da "Berria"ren lehen urtebetetzearena. Zalantzarik ez zoriontzeko dataz ari direla. Baina Martxelo Otamendik zuzendutako kazetaren ibilbideak, urrunago laga du, nonbait, garai bateko euskal kazeta bakarra izan zen "Egunkaria". Hamahiru urtez izan zen "Euskaldunon Egunkaria" herri oso baten erreferentzi nagusienetariko bat. Aurrera begira behar dela, itxaropenaz gainera, argi dute gehienek. Izan ere, iazko ekainean agertu zenetik hona, emaitza bikainak izan ditu argitalpen berriak. Zalantza dago ordea, militanteki egin ziren harpidetza eta akzio erosketak epe luzera mantentzerik dagoen. Baikor agertu dira EKTko arduradunek, eta hau ere ospatzeko modukoa da. Duela urte eta erdi etsipenak jota bizi zirenak orain poztasuna agertzea, aro bat gainditu izanaren sinbolo da.
  Kultura 2004-06-22 23:59

Jaietan murgilduko da bihar Leioa

Erabiltzailearen aurpegia Ukberri Andrak elkarteak irakurriko duen pregoiak eta txupinaren jaurtiketak emango diete hasiera, asteazken honetan 20:00etan, Leioako San Juan jaiei. Igandera bitartean, mota guztietako jarduerekin gozatzeko aukera izango du herrira hurbiltzen den guztiak. Koadrilen arteko txapelketak, musika, kirolak eta dantzak izango dira nagusi adin guztietara begira antolatu den egitarauan. Jaiak denen parte hartzeaz egin daitezen eskatzeko, berriz, Txosnetako Jai Batzordeak ere jarduera ugari antolatu ditu. Izan ere, Leioako Udalak eskaintzen duen jai ereduarekin ez daude ados. Besteak beste, akelarrea, herri olinpiadak, kanta poteoa, tortila lehiaketa... antolatu dituzte txosna inguruetan. Baita, EH Sukarra, O Garbanzo Negro, Ene Bada eta Tonino Carotoneren kontzertuak ere, hurrenez hurren.
  Iritzia 2004-06-21 21:53

Azkenean... OPORRAK - Naia Diez / Kazetaritza ikaslea

Erabiltzailearen aurpegia Ukberri Atzo uda heldu zen, eta egun berotzuak izaten ari gara.

Askok hondartzara doaz, lehen baino lehen beltzaran jartzeko. Baina beste batzuk oraindik ezin gaitezke joan, lanean daudelako edota azterketak bukatu ez ditugulako.

Bihar gabean, nire lagunak Leioako sutean egongo diren bitartean uda eta oporrak ospatzen, ni etxean egongo naiz, ikasten. Ostiralerarte ez ditut azterketak bukatuko eta egun horretan jaietara joateko asmoa dut. Baina hemen izango dut arazoa, nora joan? Asteburu berdinean Leioa eta Sopelako jaiak ospatuko dira eta San Juanetan egon ez naizenez Leioara joan nahi dut, baina beste alde batetik urtero joan naiz Sopera eta aurtengoak galtzea pena ematen dit.

Abuztuan ere berdin egingo dute Bilbo eta Donostiako jaiekin. Bilbokoak aurreratu dituzte Donostikoekin bat eginez.

Bertan ere aukeratu behar izango dugu, bietara ezin gaitezkeelako joan, irailaren batean azterketak hasten baitira.

Baina beno, hemendik uda on bat opa dizuet eta azterketak bukatu ez duzuenontzako ANIMO eta SORTE HANDIA!

Laister amaituko dugu eta!
  Iritzia 2004-06-18 19:51

Hondartza, mendia, festak eta... telebista - Aitor Encinas / Kazetaritza ikaslea

Erabiltzailearen aurpegia Ukberri Azkenean denok espero genuen urtaroa ailegatu zaigu. Urtaro lehorra eguraldiaren aldetik -iaz egindako sargoria gogoratu beharra dago-, baina bestetik, urtaro mamitsua da. Egun gutxi barru atzean geratuko dira klaseko eta laneko orduak, apunteak, azterketa astunak, goiz esnatzearen beharrak..., eta gure aisialdiari paso emango diogu. Hondartzan eguzkiaren izpien eta itsasoaren olatuen artean gure gorputzaren ibilbideak, mendien tontorreraino heltzeko animoa, herriko festetan ligatzeko aukera... Azken finean, uda ailegatu zaigu.
  Ekonomia 2004-06-18 15:25

ELA eta LABeko kideei udaletxera sartzea eragotzi die Leioako alkateak

Erabiltzailearen aurpegia Ukberri Karmelo Sainz de la Maza alkatearen aginduz, Leioako udaletxeko ateak itxi zitzaizkien atzo kanpoaldean kontzentratuta zeuden ELA eta LAB sindikatuetako langileei. "Aurreko egunetan izandako arazoengatik" hartu zuen erabakia udal mandatariak. Bere hitzetan, "legez kontra jokatzen ari dira, gainontzekoei askatasun osoz lan egiten ez dietelako uzten eta, gainera, behar bezalako arreta ezin izan diegu eman hainbat auzotarrei". ELAko bozeramale batek "probokaziotzat" jo zuen udaletxera sartzen utzi ez izana.
  Hezkuntza 2004-06-14 23:46

EHUko Odontologia Klinikak 1.100 bezero berri izan ditu ikasturte honetan

Erabiltzailearen aurpegia Ukberri EHUko Leioako campuseko Medikuntza eta Odontologia Fakultatean dagoen Odontologia Klinikak berriz ere gainditu du, bigarren urtez jarraian, bezeroen gehieneko kopurua. Izan ere, ikasturtea amaituta, zerbitzuaren arduradunek urteko jardunaren balorazioa egin dute, eta klinikak 1.100 bezero berri izan dituela egiaztatu dute. Datu ekonomikoei dagokienez, bezeroen hazkunde horrek 158.445 euroko diru-sarrera ekarri dio klinikari 2003-2004 ikasturtean, hau da, Odontologia Klinikak iazko ikasturtean izandako diru-sarreren ehuneko 13,7 gehiago izan du aurten, EHUko iturriek gaur jakinarazi dutenez.
  Iritzia 2004-06-12 00:13

Ikasgai politikoa - Antton Azkargorta / EHUtik kaleratutako irakaslea

Erabiltzailearen aurpegia Ukberri Ezker Batuak 1936ko biktimen memoria historikoa berreskuratzeko iniziatiba hartu du. Itxuraz behintzat, ekimen txalogarria. Edozelan ere, hasitako prozesuaren amaieran, biktima zenbaitek ekinbidearen arduradunaren dimisioa eskatu du, Etxebizitza eta gizarte gaietarako sailburua den Madrazo jaunarena, alegia. Nola liteke, ordea, onuradunek ongilearen kontra jotzea?
  Kultura 2004-05-28 23:10

Ibilaldia 2004: "Alkarregaz heldu"

Erabiltzailearen aurpegia Ukberri Bizkaiko ikastolen aldeko festa igande honetan, maiatzaren 30ean, ospatuko da, Leioako Betiko eta Sopelako Ander Deuna ikastolek antolatuta, "Alkarregaz heldu" lelopean. Horrela, ibilbidea Leioan kokatuta egongo da, zazpi gune ezberdinetan banatua, zazpi kilometro inguru orotara. Adin guztietako lagunei zuzenduriko eskaintza zabala antolatu dugu, musika, dantza, gastronomia, edariak, kirolak edo bertsolariak egongo baitira. Besteak beste, Betizuren ikuskizun berria, bertsolari saioak, Txapelpunk, Sagarroi, Urgabe, Oreka TX, Ken 7 eta Ene Bada taldeen kontzertuak, emakumezko Athletic eta Bizkaiko selekzioaren arteko futbol partida, herri kirolen erakustaldia, Goloka taldearen kale antzerkia edota Euskadiko Sokatira Txapelketaren finala nabarmen daitezke, ekitaldi askoren artean.
  Politika 2004-05-28 23:03

Euskal presoen aldeko elkarretaratzea egingo da Ibilaldian

Erabiltzailearen aurpegia Ukberri "Euskal Presoak Euskal Herrira! Amnistia osoa!" leloa hartuz, euskal presoen aldeko elkarretaratzea egingo da, igandean, Leioan ospatuko den Ibilaldia 2004an. Artazako gunean, 13:00etatik aurrera deitu dute konzentrazioa. Horretaz gain, presoen politikoen askatasunaren aldeko beste adierazpenak ere izango dira euskararen eta Bizkaiko ikastolen aldeko jaian. Halaber, Amnistiaren Aldeko Mugimenduak "Euskal Presoak Euskal Herrira" ikurra soinean eramateko dei egin du.
  Hezkuntza 2004-05-28 23:02

EHUko "gauza guztiak hankaz gora" ez dituela jarriko dio Perezek

Erabiltzailearen aurpegia Ukberri EHUko Klaustroak Gobernu Batzordearen 24 kideak aukeratu zituen atzo (maiatzak 27) egindako batzarrean. Gehienak bigarren itzulian lehiatu ziren bi hautagaien aldekoak dira. Bestalde, Juan Ignacio Perez Iglesiak EHUko errektorea kudeaketan aldaketak egiteko prest agertu zen baina "gauza guztiak hankaz gora" jartzeko asmorik ez duela azaldu zuen. Horrez gain, ikasle presoen gaiaren inguruan hitzarmena lortzeko asmoz, Espainiako agintariei gutuna bidali diela jakinarazi zuen.

Aldaketak iragarri arren, Perezek dio EHU ez duela "hankaz gora" jarriko - Berria (2004 Mai 28)
  Kultura 2004-05-28 20:35

Metro Bilbaok tren bereziak eskainiko ditu igandean Ibilaldira joateko

Erabiltzailearen aurpegia Ukberri Metro Bilbaok tren berezien zerbitzua eskainiko du igande honetan, Leioan ospatuko den Ibilaldia 2004 ospakizuna dela eta. Horrela, jai-egunetako ohiko zirkulazioa bikoiztu egingo da, garraio konpainiak gaur jakinarazi duenez. Igandeetako zerbitzuari beste 142 tren gehituko zaizkio, eta guztira 527 unitate egongo dira zirkulazioan. Maiztasuna bost minutu ingurukoa izango da Bolueta eta Bidezabalgo geltokien artean, jai-egunetan hamar minutukoa izaten den bitartean.

Nabarmenak

Zorion agurrak