Iritzia 2010-11-17 20:35

Arantza Zuluetaren lagunak: "Arantza Zulueta isolatuta eta gose greban Malagako kartzelan"

Erabiltzailearen aurpegia Ukberri Benetako mendekua jasaten ari da euskal preso politikoen ohiko defentsari den Arantza Zulueta. Isolatuta dago apirilean atxilotu eta kartzelan sartu zutenetik. Malagan dago gaur egun Arantza. Pasa den azaroaren 15etik gose greba mugagabean dago egoera hau salatzeko asmoz . Apirilaren 14an atxilotu zuten Arantza Zulueta. Audientzia Nazionaleko Fernando Grande Marlaska epaileak aginduta Guardia Zibilak egindako operazio baten barruan atxilotu zuten beste hamar lagunekin batera. Beste abokatu bi ere atxilotu zituzten egun horretan. Polizia operazio hau errepresioa eta bere ondorio den kartzeletako eskubide urraketa salatzeko eta euskal presoenganako elkartasuna sustatzeko lan egiten duten pertsona, erakunde eta mugimenduak kriminalizatzeko estrategiaren testuinguruan burutu zen. Argazkian, Zulueta atxilotu zuten gauean / cc-by-sa Askatu.org.
  Politika 2010-11-16 20:18

Arantza Zulueta gose greba mugagabean da

Erabiltzailearen aurpegia Ukberri Arantza Zulueta Lemoizko bizilaguna eta abokatua gose greba mugagabea hasi zuen atzo, Malagako espetxean bizi duen bakartze egoeraren amaiera eskatzeko, Amnistiaren Aldeko Mugimenduak (AAM) jakinarazi duenez. Azaro hasieran Caceresko kartzelatik Andaluzia aldera lekualdatu zutenetik, isolamenduko moduluan daukate Zulueta; eta han dagoen euskal preso politiko bakarra da. Goizean hiru ordu eta erdiz egon daiteke patioan, eta bakarrik ateratzen da. Beste egun guztia ziegan ematen du. Eduki pertsonalak mugatuak dauzka, eta espetxezainak dira ikusten dituen pertsona bakarrak. Zuluetaren aurkako "mendekuzko" jarrera salatu du AAMk. Lemoizko bizilaguna abokatuen aurkako polizia operazioan atxilotu zuten apirilaren 14an eta, bost egunez inkomunikatua eduki ondoren, espetxean sartu zuten. Argazkian, Zulueta atxilotu zuten gauean / cc-by-sa Askatu.org.
  Politika 2010-11-04 17:33

"Erabat bakarturik" daukate Arantza Zulueta abokatua

Erabiltzailearen aurpegia Ukberri Arantza Zulueta Lemoizko bizilaguna abokatuen aurkako polizia operazioan atxilotu zuten apirilaren 14an eta, bost egunez inkomunikatua eduki ondoren, espetxean sartu zuten. Berehala Cacereseko kartzelara eraman zuten. Emakumeen moduluan sartu zuten, bertan zegoen euskal preso politiko bakarra zela. Hainbat hilabetez bakarrik egon ondoren, espetxe horretan dauden euskal preso politikoek borrokaldia abiatu zuten, Zuluetak bizi zuen bakartze egoera amaitzeko eskatuz. Itxialdia ere egin zuten. "Egoera konpontzera bidean, zuzendariarekin hitz egiten ari zirela, Malagako espetxera lekualdatu dute Arantza, bertan isolamenduko modulu batean sartu dutelarik, erabat bakarturik", salatu du Amnistiaren Aldeko Mugimenduak. Malagako espetxean beste lau euskal preso politiko zeuden, baina azken astean horietako hiru beste kartzela batzuetara mugitu dituzte. Une honetan, gizonezkoen moduluan ere preso politiko bakarra dago. AAMren arabera, sei hilabete daramatza bakartuta Zuluetak. Argazkian, Zulueta atxilotu zuten gauean / cc-by-sa Askatu.org.
  Politika 2010-10-31 23:16

Arantza Zulueta Malagara eraman dute

Erabiltzailearen aurpegia Ukberri Lemoizko bizilaguna den Arantza Zulueta abokatu presoa berriro ere urrundu dute. Izan ere, Cacerestik atera eta Lemoiztik 965 kilometrotara dagoen Malagako Alhaurin de la Torre kartzelara eraman berri dute. Gainera, Bilboko Branka agerkari digitalak zabaldu duenez, espetxe horretan "euskal presorik ez dago". Guardia Zibilak apirilaren 14an atxilotu zuen Arantza Zulueta, presoen abokatuen eta amnistiaren aldeko mugimenduaren aurkako sarekadan. Handik aurrera bakartuta izan dute. Horregatik, pasa den urriaren 4an egoera hori salatzeko borrokaldiari ekin zioten Caceresko beste euskal preso politikoek. Argazkian, Zulueta atxilotu zuten gauean / cc-by-sa Askatu.org.
  Ekonomia 2010-10-31 22:55

Lemoizko eskolarako garbitzaileen lan-poltsa zabalduko dute etzi

Erabiltzailearen aurpegia Ukberri Etzi, asteartean, Bizkaiko 35 udalerriko Lehen Hezkuntzako ikastetxe publikoetan garbiketa langileen ordezkapenak egiteko hautagaien zerrendak zabalduko ditu Hezkuntza Sailak. Tartean, Uribe Kostako ikastetxe bakarra sartuko da aipatu lan-poltsa batean, Lemoizko eskola, alegia. Interesatuek dagokien zonaldean soilik parte hartu ahal izango dute eta, gauzak horrela, gure eskualdean 18 urtetik gorako lemoiztarrek baino ezin izango dute izena eman, B09 barrutian egin beharko dutela derrigorrez. Lemoiz ez ezik zonalde horretan Arratzu, Bermeo, Gernika-Lumo, Mungia, Bakio, Busturia, Kortezubi, Forua, Gatika, Ibarrangelu, Laukiz, Mendata, Mundaka, Muxika, Nabarniz eta Sukarrieta ere badaude. Argazkiak, umeak Lemoizen jolasten / cc-by-sa Luistxo eta Marije.
  Iritzia 2010-10-19 23:52

Fredi Paya: "AHT=Lemoiz?"

Erabiltzailearen aurpegia Ukberri [© Fredi Paya - Berria.info] Lemoizen hilabeteak igaro nituen baserriz txalupa eta dorretxerik mendi, bideokamera eskutan, natura ulertzeko zahar euskaldunen pentsaera ikertzen. Karobi baten bila basoan galduta nenbilen goiz batez, begirada sakon bat ezagutu nuen. Nuklearraren sasoietan herri mugimenduan ibilitako begirada jakintsua. Lezama-Legizamon Nuklearra egiteko lurrak erosteko diruarekin agertu zen arratsaldetik datuak biltzen ibilitakoa. Lemoizen jazotakoaren egiazko istorioa azalduko zidala esan zidan, eta neuk zigarreta piztu nuen. Argazkian, Lemoizko zentral nuklearraren hondarrak.
  Kultura 2010-10-15 20:49

Alurr dantza taldea arituko da larunbatean Armintzan

Erabiltzailearen aurpegia Ukberri Bihar, larunbata, Alurr dantza talde ibartarra Armintzan arituko da arratsaldeko 7etatik aurrera, bertoko jai batzordeak antolatuta. 40 gaztek "Banintz" izenburua duen ordu beteko saioa eskainiko dute. "Tradizioaren eta berriaren arteko elkarlan bat izango da, hainbat dantza eta koreografiatan oinarrituta", jakinarazi dute taldekoek. Kortesko makil dantza, Banako, Uztai, Agurra, Obaloa, Xuletino, Iekorako kate dantza, Zuberoako makil jokoa, Gipuzkoano, Fandango eta Arin-arinean arituko dira, besteak beste. Koreografia gehienak Aiert Beobidek sortu ditu. Musika, berriz, Alboka, Korrontzi, Tomas San Miguel eta beste hainbat talde eta musikarirenak dira. Jagoba Astiazaran eta Iñar Sastrek, Alurr taldeko musikariek, moldaketak egin dituzte, baita hainbat konposaketa ere. Argazkian, Alurr dantza taldea / © Alurr.net
  Jendartea 2010-10-11 19:37

Armintzako BIMEP proiektua baztertzea exijitu du Eguzkik

Erabiltzailearen aurpegia Ukberri Olatuetatik energia elektrikoa ateratzeko asmoz, Armintzako kostaldean jarri nahi duten BIMEP (Biscay Marine Energy Plataform) azpiegituraren proiektua baztertu eta eta gaur egungo "neurriz kanpoko" energia kontsumoaz hausnarketa sakona egitea exijitu zuen, joan den ostiralean emandako prentsaurrekoan, Eguzki talde ekologistak. Lehenik eta behin, "energia berriztagarri" izenpean garatuko den arren, "irabazi ekonomikoak" helburu dituen beste proiektu handi bat dela salatu zuten naturazaleek. "Ez dugu hitz egiteagatik hitz egiten, proiektu hori ez baita ez iraunkorra ez ekologikoa", adierazi zutenez. Batetik, proiektuak ingurumenean izango duen eraginaren inguruko azterketarik zergatik ez den egin galdetu zuten. Zentzu horretan, Armintza inguruko bizilagun nahiz ekologistei "proiektuaren inguruko informaziorik ez" dietela eman salatu ostean, publiko egin duten informazio apurra "kezkagarria" dela esan zuten. Besteak beste, "nekazaritza lurrak desjabetuko dituztela" adierazi zuen Eguzkik; baita proiektuaren bultzatzaileek Lemoizko zentral nuklear zaharreko eremua erabiltzeari uko egin diotela ere, "hori egiteak nekazaritza eremuen okupazioa txikituko lukeen arren". Argazkian, Armintzako kostaldea.
  Politika 2010-10-07 19:56

Zuluetaren bakartze egoera salatzen dabiltza Caceresko presoek

Erabiltzailearen aurpegia Ukberri Lemoizko bizilaguna den Arantza Zulueta abokatu presoak bizi duen bakartze egoera dela eta protestan daude Caceresko presoak. Amnistiaren Aldeko Mugimenduak jakinarazi duenez, Zuluetaren egoera salatzeko asmoz pasa den astelehenean borrokaldia abiatu zuten espetxe horretan dauden euskal preso politikoek. Aste honetan elkarretaratzeak eta propaganda ekimenak burutzen dabiltza, eta datozen asteotan beraien borrokaldia gogortuko dute, baldin eta Lekeitioko alaba ere den Lemoizko bizilagunaren bakartze egoera amaitzen ez bada. Argazkian, Guardia Zibilak apirilaren 14an atxilotu zuenetik dago bakartuta Zulueta / cc-by-sa Askatu.org.
  Kultura 2010-08-06 18:54

Hilaren 21era arte luzatuko dira Lemoizko Andra Mari jaiak

Erabiltzailearen aurpegia Ukberri Txupina eta bolanderak jaurtiz hasiko dira datorren ostegunean, abuztuak 12, Andra Mari jaiak Lemoizen (pdf). Horrenbestez, hilaren 21era arte egongo da zertaz gozatu Uribe Kostako paraje horretan. Egitarauak hilaren 16an etenaldia izan arren, aipatu larunbatean herri bazkaria egingo dute. Oturuntzan izena emateko azken eguna igandea, hilak 15, izango da. Helduek 15 euro ordaindu beharko dute eta txikiek 10 euro. Argazkian, 32 urte beteko ditu aurten Lemoizko paella txapelketak.
  Kirolak 2010-08-05 22:03

Kirolez beteriko bost egun izango dituzte Lemoizko umeek

Erabiltzailearen aurpegia Ukberri Hurrengo asterako, hilaren 9tik aurrera, kirol astea antolatu du Lemoizko Udalak. Egunero bi ordutako kirol saioetan parte hartu ahal izango dute 6 eta 12 urte bitarteko umeek. Ordutegia 10:00etatik 12:00etara izango da eta ekimenak iraungo duen 5 egunetan parte hartzeko, pertsona bakoitzak 50 euro ordaindu beharko ditu. Eguneko kirol bat jorratuko dute: lehenengoan, piragua eta itsas biologia izango dituzte gozagarri; bigarrenean, zaldien gainean ibiliko dira Goikomendin; hirugarrenean, orientazioa landuko dute Ermuan; laugarrenean, urpeko igeriketa ikastaroa izango dute; eta azkenengoan, arrantza piraguan. Antolatzaileek umeak hartu eta utziko dituzten tokia Lemoizko kultur etxea izango da, Goikomendira doazen egunean izan ezik. Tokiko iturriek zehaztu dutenez, haurrek bainujantzia, toalla, ura, urpean igeri egiteko betaurrekoak, tutua eta hegatsak, mendiko arropa eta oinetakoak eraman beharko dituzte; dagokion jarduerarako, noski. Izena emateko Lemoizko kultur etxera jo beharko dute interesdunek. Argazkian, zaldi batzuk.
  Jendartea 2010-07-22 22:59

Armintzako itsasertza garbituko dute larunbatean

Erabiltzailearen aurpegia Ukberri Mare Fondum urpeko jardueren kluba, ASUT Armintzako urpeko taldea eta Cabo Billano arraun taldea Surfrider Foundation Europe gobernuz kanpoko erakundeari batu zaizkio makro-hondakinen aurkako ekintza antolatzeko. Larunbat honetan, uztailak 24, urpeko garbiketa egingo dute goizeko 10etatik aurrera, Armintzako portuan. Zabor horiek giza jardueratik eratorritako eta itsas lasterrek itsasertzera eramaten dituzten hondakinak dira, azaldu dutenez. Nazio Batuen Erakundearen arabera, ozeano kilometro bakoitzeko 120.000 plastiko zati daude ur azalean eta ozeanoetako leku batzuetan, sei aldiz plastiko gehiago dago planktona baino. Argazkian, Armintzako portua / © Lemoiz.net.
  Kultura 2010-07-14 20:23

Armintzako Karmen jaien barruan, 20 urte beteko ditu larunbatean Txapel Reggae jaialdiak

Erabiltzailearen aurpegia Ukberri Uztailaren 14tik 18ra luzatuko dira Karmen jaiak Armintzan (pdf). Ospakizunen barruan, larunbat honetan, 20 urte beteko ditu Txapel Reggae jaialdiak. Beraz, edizio berezia dugu aurtengoa. Gauzak horrela, doako ekintzaz beteriko egitaraua antolatu du Armintzako Jai Batzordeak. Jardueren artean aipagarrienak skate pista berriaren estreinaldia eta afrikar dantzen ikastaro zein erakustaldia izango dira. Lehenengoa, adin guztietako jendeari zuzenduta egongo da, opari, sorpresa eta jolas ugari izango direla. Era berean, maila goreneko musikariek kontzertuak eskainiko dituzte. Hala nola, Chulito Camacho, Espainia mailan oso ezaguna; Yaniss Odua, Souleyman eta Laina Ankh afrikar sustraiak dituzten talde frantziarrak, The Yalah Crew bandak lagunduta; Seyni & Yeliba, afrikar mugimenduen lankide porrokatuak; eta Bilbomatiks, gorakada izugarria izan duen talde gaztea. Bitartean, Bad Sound System Irungo hirukoteak itxiko du jaialdia.
  Kultura 2010-06-09 21:02

Uztailaren 17an 20 urte beteko ditu Armintzako Txapel Reggae jaialdiak

Erabiltzailearen aurpegia Ukberri Txapel Reggae jaialdiaren 20. urteurrena ospatzeko asmoz, uztailaren 17rako, larunbata, doako ekintzaz beteriko beste edizio bat antolatu du Armintzako Jai Batzordeak. Jardueren artean aipagarrienak skate pista berriaren estreinaldia eta afrikar dantzen ikastaro zein erakustaldia izango dira. Lehenengoa, adin guztietako jendeari zuzenduta egongo da, opari, sorpresa eta jolas ugari izango direla. Era berean, maila goreneko musikariek kontzertuak eskainiko dituzte. Hala nola, Chulito Camacho, Espainia mailan oso ezaguna; Yaniss Odua, Souleyman eta Laina Ankh afrikar sustraiak dituzten talde frantziarrak, The Yalah Crew bandak lagunduta; Seyni & Yeliba, afrikar mugimenduen lankide porrokatuak; eta Bilbomatiks, gorakada izugarria izan duen talde gaztea. Bitartean, Bad Sound System Irungo hirukoteak itxiko du jaialdia.
  Politika 2010-04-16 15:32

Arantza Zulueta eta beste bederatzien atxiloketak salatuko dituzte gaur Lemoizen

Erabiltzailearen aurpegia Ukberri Atzo, osteguna, elkarretaratzea egin zuten Lemoizko udaletxe aurrean, Arantza Zulueta eta gainontzeko bederatzi herritarren atxiloketak salatzeko. Gaur ere 20:00etan elkartuko dira, baina oraingo honetan Andraka auzoan, "Arantza eta beste guztiak kalera" lelopean. Bitartean, iganderako, Bilbon eta Donostian deitu dituzte manifestazioak atxilotuen senide eta lagunek. Lehenengoa 17.30ean abiatuko da Jesusen Bihotzetik. Zulueta bizilagun lemoiztarra da, Plentzia, Gorliz eta Lemoizko ezker abertzaleak jakinarazi duenez. "Herenegun Guardia Zibilak bere etxea miatu zuen. Hori dela eta, ezker abertzaleko zinegotzi bat miaketan egoten saiatu zen, baita Arantza hor zegoen ala ez jakiten ere. Azkenean ez zuen guardia zibilen baimena lortu miaketan egoteko, ezta Arantzaren presentzia baieztatzeko ere", azaldu dutenez. Arantza Zulueta Lemoizko bizilaguna, Saioa Agirre Sopelako Zipiriñe ikastetxeko andereño zornotzarra, Erramun Landa Arte Ederretako fakultateko Pintura Saileko irakaslea eta beste zazpi lagunak herenegun atxilotu zituen Guardia Zibilak, Fernando Grande-Marlaska Espainiako Auzitegi Nazionaleko epaileak aginduta. Argazkian, atzo Leioako campusean egin zuten elkarretaratzea Erramun Landaren senideak bertan zirela.
  Jendartea 2010-03-22 19:54

Olatuen energia ikertzeko zentroa Lemoizko zentral nuklearrera aldatzea eskatu dute ekologistek

Erabiltzailearen aurpegia Ukberri Olatuen energia ikertuko duen BIMEP (Biscay Marine Energy Platform) plataforma, Lemoiz udalerrian bai, baina zentral nuklear izan behar zuenaren lurretan eraikitzea eskatu dute Ekologistak Martxan, Talaia eta Txipio Bai taldeek. Proiektuaren egungo kokapena, bereziki itsasoan egongo den plataformaren zatiarena, "ez da egokiena", naturalisten ustez, "Armintzako portuko sartu-irteera maniobretan arriskua eragiten duelako". "Itsasoaren egoera ona izanda ere" horrela izango litzateke, ekologisten ustez, "ontziak sartu eta irteteko bidean" jarri nahi dutelako. Azpiegituraren kokalekua zentral nuklearreko malekoiaren aurrealdera aldatzea eskatu dute Ekologistak Martxan, Talaia eta Txipio Baik, eta gutxienez, kostaldetik 1.500 metrora. Egungo egitasmoan, hurbileko puntua 750 metrora dago, aipatu taldeen hitzetan. Argazkian, Lemoizko zentral nuklearra.
  Kultura 2010-03-10 09:55

Kubaren inguruko jardunaldiak egingo dituzte asteburuan Armintzan

Erabiltzailearen aurpegia Ukberri Basordaportu Kultur Elkarteak Askapenarekin elkarlanean antolatuta, martxoaren 13an eta 14an Kubaren inguruko jardunaldiak izango dira Armintzan. Batetik, larunbat eta igandean, argazki erakusketa egongo da ikusgai, kultur etxeko beheko solairuan. Lehenengo egunean, 11:00etatik 14:00etara eta 18:00etatik 20:00etara izango da ordutegia. Eta bigarrenean, goizez bakarrik. Larunbatean bertan, Kuba ezagutzeko film bat proiektatu eta, ondoren, hitzaldia emango du Askapeneko kide batek. Hitzordua 18:00etan jarri dute, Armintzako Kultur Etxeko goiko solairuan. Azkenik, igandean, herriko tabernetan zehar, Kubako musika eta edariez gozatuz emango diote amaiera ekimenari, eguerdiko ordu batean hasita. Argazkian, eskola-umeak Kubako banderatxoak eskuan / cc-by-sa Mickou.
  Kultura 2010-02-12 16:19

Txikiek disko jaia izango dute igandean Lemoizen

Erabiltzailearen aurpegia Ukberri Otsailaren 16an, Inauterietako Asteartean, mitologia tailerra izango dute 6 eta 12 urte arteko neska-mutil lemoiztarrek, Uribe Kostako Mankomunitateko Euskara Zerbitzuaren bitartez. Ordutegia, 17:30etik 19:30era jarri dute, Armintzako kultur etxean. "Tailer honek bi zati izango ditu. Hasieran euskal mitologiari buruzko zenbait kondaira kontatuko dira haurrek tailerraren testuingurua ulertu eta ezagutu dezaten. Ondoren, euskal izaki mitologikoen maskarak egiten ikasiko dute", azaldu dute tokiko arduradunek. Izena eman nahi duena Armintzako kultur etxera joan beharko da, azken eguna gaur dela. Hala ere, mitologia tailerra baino lehen, igande honetan, otsailak 14, disko festa izango dute umeek, DJ Xaiborren eskutik. Eguerdiko 12:30ean hasiko da, Armintzako kultur etxean. Argazkian, lamia dantzan Lamiakoko Maskaradan.
  Kultura 2010-02-05 14:30

Inauteriak euskal mitologia ikasiz ospatuko dituzte Lemoizko haurrek

Erabiltzailearen aurpegia Ukberri Otsailaren 16an, Inauterietako Asteartean, mitologia tailerra izango dute 6 eta 12 urte arteko neska-mutil lemoiztarrek, Uribe Kostako Mankomunitateko Euskara Zerbitzuaren bitartez. Ordutegia, 17:30etik 19:30era jarri dute, Armintzako kultur etxean. "Tailer honek bi zati izango ditu. Hasieran euskal mitologiari buruzko zenbait kondaira kontatuko dira haurrek tailerraren testuingurua ulertu eta ezagutu dezaten. Ondoren, euskal izaki mitologikoen maskarak egiten ikasiko dute", azaldu dute tokiko arduradunek. Izena eman nahi duena Armintzako kultur etxera joan beharko da, hilaren 12a baino lehen. Argazkian, lamia dantzan Lamiakoko Maskaradan.
  Politika 2010-01-12 11:47

Etzi beteko dira 32 urte David Alvarez Peña hil zenetik

Erabiltzailearen aurpegia Ukberri David Alvarez Peña, ETAko militantea, Lemoizko zentral nuklearraren aurkako ekintza batean zauritu eta hilabete batera hil zen Basurtuko ospitalean. Ostegunean 32 urte beteko dira, Uribe Kostako Amnistiaren Aldeko Mugimenduak Etengabe bitakoraren bitartez gogoratu duenez. 1977ko abenduaren 18an, igandean, lau gazte zentral nuklearraren aurkako atentatua prestatzen ari ziren. Aurreneko tiroa goizeko 6:20ak aldera entzun zen, eta atzenekoa hamar minutu beranduago. Hamar gizon, sei guardia zibil eta lau laguneko komandoa, elkarri tiroka ari ziren. Guardia Zibilaren egoitzako ateari eraso egitera zihoala, hurbileko barrakoi batetik bi agenteek egindako tiroek ezustean harrapatu zuten komandoa. ETAko militanteek ez zituzten bi hauek ikusi. Goizeko 6:30ean dena amaitua zen. David Alvarez Peña lurrean zetzan, oso larri zaurituta. "Behin ospitalean Guardia Zibilen jazarpen eta presioen ondorioz hil zen David", errepresioaren aurkako erakundeak salatu duenez. Argazkian, David Alvarez Peña, bigarrena ezkerretik, adiskideekin mendian / publicdomain Etengabe.

Nabarmenak