Menpekotasuna duten lagunentzako eguneko zentrorik ez dagoela salatu dute Plentzia Gorlizeko feministek
Gorliz-Plentziako zaintza taldetik salatu dute Uribe Kostako Mankomunitateak ez duela 2. eta 3. menpekotasun graduko lagunentzako eguneko zentrorik. Funtsezko eskubideak aldarrikatzeko asmoz, 2023ko azaroaren 30eko Greba Feminista Orokorreko urteurrenera batuko dira bihar, azaroak 30, Bilbon. Hala, deia egin diete herritarrei horretara batzeko, "zaintzak eta bizitzak erdigunean izango dituen herria eraikitzen jarraitzeko".
Goienkaleko iraganaren bila: indusketa arkeologiko batek Plentziako historiaren ezkutuko atal bat agerian utzi du
aza 29, 11:07 Plentzia
Plentziako Goienkaleko 12-14 atariko barruko patioan egindako indusketak ez du aurkikuntza arkeologiko zuzenik erakutsi, baina lortutako datuek hiribilduaren hiri-garapena hobeto ulertzeko baliagarria dela nabarmendu dute arkeologoek. Lana Edestiaurre Arkeologia Elkartekoek egin dute eta, hipotesiaren arabera, aztertutako eremua inguruko eraikin historikoei lotutako lorategi edo gune ireki bat izan zitekeen, hala nola XVI. mendekoa den eta gaur egun Plasentia de Butron museoa hartzen duen jauregiarena. Gainera, jakin ahal izan dute duela milaka urte bertan ur-putzu bat izan zela.
_tokikom_300x300.jpg)
