Plentziako Jai Alaia frontoia Uribe Kostako euskaltzaleen topagunea izan zen atzo, martxoak 5, Mintzodromoa eta Jolasdromoa egitasmoari esker. Eskualdeko hainbat eragilek antolatutako ekimena arrakastatsua izan zela adierazi dute antolatzaileek; izan ere, parte-hartzaileen kopuruak zein giro bikainak ez zuten hutsik egin.   

Barinatxeko hondartzara jaisteko arrapala itxita dago oraindik, urtarrilean izandako lur-lerradurak hondakinak pilatuta utzi zituenetik; eta beraz, Sopelako Udalak Itsasertz Mugarteari eskatu dio hondakin horiek kentzeko eta sarbidea lehenbailehen bermatzeko.