Politika 2003-12-15 23:41

Euskarak pairatzen duen egoera salatu du Zientzietako Asanbladak

Erabiltzailearen aurpegia Ukberri Adierazi duenez, "edozein ikaslek euskaraz ikasteko duen eskubidea urratuta dago".

Ikasturte hasieran, zientzietako sei ikasketetan Fakultateko euskararen egoera aztertu zuen eta «edozein ikaslek euskaraz ikasteko duen eskubidea urratuta dagoela» ondorioztatu du Zientzietako Asanbladak. Egoera hori salatzeko kanpaina hasi duela azaldu zuen taldeak, atzo Leioako campusean egindako agerraldian. Hori konpontzeko, Zientzietako Asanbladako ikasleek beharrezkoak diren bitartekoak ezartzeko exijitu zioten errektoretzari.

Jarraitu
  Iritzia 2003-12-15 23:34

Komikizaleok, batu! - Iñigo Fernandez de Martikorena / EHEko kidea

Erabiltzailearen aurpegia Ukberri Norbaitek pentsa dezake goiko titularra Marvel argitaletxe yankiaren 'The Avengers' komiki mitikoaren lelo mitikoagoaren kopia baino ez dela. Hemendik arrazoia eman behar diot egia esango badut: Olariagak 'Berria'ko azken orrialdetik post-Durango sindromeaz aritzen den moduan, ni atal txiki honetaz baliatuko naiz post-Getxo sindromeaz jarduteko.
  Jendartea 2003-12-15 23:33

Emakume baten gorpua aurkitu dute Punta Galeako arroketan

Erabiltzailearen aurpegia Ukberri Emakume baten gorpua atera du Punta Galeako arroketatik, arratsaldeko bostak aldera, Ertzaintzako helikoptero batek. Hildakoak, 25 eta 35 urte bitarteko neska, ez zuen identifikazio agiririk aldean. Hori dela eta, hiritarren laguntza eskatu dute nor den jakin ahal izateko.
  Jendartea 2003-12-15 22:24

Ikasketa-gela berria ireki dute Sopelako Institutuan

Erabiltzailearen aurpegia Ukberri Otsailaren 15a bitartean, ikasketa-gela zabaldu dute Sopelako Institutuan. Ricardo Ibarra Sopelako Udaleko alkateordeak adierazi duenez, hasiera batetan, unibertsitateko ikasleentzako irekitzea aurrikusi duten arren, "horrek ez du esan nahi beste batzuk sartu ezin izango direnik". Hori bai, Udal Liburutegiko bazkideentzako pentsatuta dago ikasketa-gela.
  Kultura 2003-12-15 22:07

Isabel eta Rosa Calle margolarien artelanak ikusgai Berangoetako Kultur Etxean

Erabiltzailearen aurpegia Ukberri Astelehen honetatik abenduaren 30era bitartean, Isabel eta Rosa Calle margolarien artelanak egongo dira ikusgai, Berangoetako Kultur Etxeko Erakustaretoan. Besteak beste, berrogehi oleo eta pastel-margo osatzen dute erakusketa. Gaiei dagokionez, Hondarribiako paisaiak biltzen ditu, gehienbat.
  Jendartea 2003-12-15 22:07

Bi gazte atxilotu zituzten larunbatean Leioan 45 DVD lapurtzeagatik

Erabiltzailearen aurpegia Ukberri Adin txikiko errumaniar bi atxilotu zituen larunbatean Ertzaintzak ustez Leioako merkataritza-zentro batetan DVD filmeak lapurtzeagatik. Eusko Jaurlaritzako Barne Sailak jakinarazi duenez, arratsaldeko zortziak aldera izan ziren gertaerak. Merkatal-guneko segurtasun langileek bi gazteak geldiarazi zituzten, ordaindu gabe, hainbat artikulurekin joatera zihoazenean. Ertzaintzara deitu eta, agenteak bertara heldu zirenean, DVD formatoko 45 pelikula atzeman zizkieten. Guztira, zortziehun euro baino gehiagoko balioa daukate aipatutako filmeek.
  Iritzia 2003-12-14 21:33

Zorionak eta eguberri on - Xabier Kintana / euskaltzaina

Erabiltzailearen aurpegia Ukberri Gabon jaiak hurbiltzean gure kaleetan maiz ikus daitezke goiko hitz horiek, jendeari bizimodu hobea opatzeko asmoz. Pertsona batzuek, ordea, ez dute jakingo euskal hitz horien jatorria, eta, jadanik gauden giroari ondo dagokionez, lerro hauetan berba horiek nondik heldu diren azaltzen ahaleginduko naiz.
  Iritzia 2003-12-13 21:53

Euskal Herriko jendeak gero eta interes handiagoa dauka kulturan

Erabiltzailearen aurpegia Ukberri Inazio Etxebarria 'Guzurti'

Pasa den astean, Durangoko Azoka ospatu zen., abenduaren 4tik 8ra. Lekua handia oso ondo egokitu zuten jende mordoa sar zedin. Soilik bi arazo aurkitu ditut: alde batetik, egun gutxi izan direla. 7 edo 10 egun izan beharko lirateke. Beste alde batetik, stand bat ipini beharko lukete musikariak elkarrizketatzeko, idazleekin egiten duten bezala. Amaitzeko, azoka honetan egiaztatu egin da Euskal Herriko jendeak gero eta gehiago irakurri ez ezik, interes handiagoa ere dutela kulturan.
  Iritzia 2003-12-13 21:53

Erosten dugun guztia irakurtzen dugu? - Nahikari Ayo / Bertsolaritza irakaslea

Erabiltzailearen aurpegia Ukberri Durangoko disko eta liburu azoka berriki amaitu da. Pasa den igandean ateak itxi zituen datorren urterarte. Aurten, inoiz baino jende gehiago ikusi dut, beno, urtero berdina esaten dut, baina euskaltzaleok erruz joaten gara Durangora.

Baina artikulu honen harira joango gara. Erosten dugun guztia irakurtzen dugu? Erderaz esaten den bezala “la pregunta del millón” izaten da urtero. Inoiz baino gehiago saldu omen da aurten, baina zer? Zer egiten dugu horrekin? Nire uste apalean, ezer ere ez. Niri ez dit balio esateak asko erosten dela. Jaun-andreok, irakurri dezagun, izugarrizko plazerra da eta!
  Kultura 2003-12-13 21:52

Gabonetako Ibilaldia

Erabiltzailearen aurpegia Ukberri Jakin dakizuenez, Ibilaldiak hamaika ekitaldi antolatzen ari da beste gauza askoren artean, eta hortaz, ezin pentsa genezakeen Gabonetan ez zuela ezer prestatuko.

Lehendabiziko ekitaldiak abenduaren 19an, barikuan izango dira. Aipatutako egunean Takolo, Pirritx eta Porrotx pailazoek euren azken ikuskizuna estreinatuko dute Sopelako Urko kiroldegian arratsaldeko zazpi t’erdietatik aurrera. Egun bardinean Olentzero jaia egongo da Leioako Betiko ikastolan. Pailazo ikuskizunerako sarrerak Sopelako Udaletxeko Hall Kulturalean, Ander Deuna eta Betiko ikastoletan, eta Sopela eta Leioako Ibilaldiko dendetan egongo dira salgai, 5 eurogatik.
  Kultura 2003-12-13 21:51

ARIKU, Berangoko Kultur eta Mendigoizale Taldea

Erabiltzailearen aurpegia Ukberri ARIKUk, hots, Berangoko Kultur eta Mendigozale Taldeak sei urte daramatza lanean euskal kulturaren alde. Esan beharra dago ekitaldi asko antolatzen dituztela Berangon geurea den kultura bultzatu eta zabaltzeko. Iazko aste kulturalerako adibidez ipuin kontalari bat ekarri zuten, eta ihauterietan berriz, kalejira, herri bazkaria eta berbena antolatu zituzten.
  Kultura 2003-12-13 21:49

Gabonetako marrazkiak aurkezteko epea zabalik dago oraindik

Erabiltzailearen aurpegia Ukberri Datorren abenduaren 19an amaituko da gabonetako marrazkiak aurkezteko epea. Josotzen diren guztietatik onenak aukeratuko dira Sopelako Udalaren web orrialdean ateratzeko eta sari bana jasoko dute egileek.

Ekimen honen bidez, Sopelako Haur eta Oinarrizko Hezkuntzako ikasleek, Gabonak zelan ikusten dituzten jakin nahi dute udal arduradunek. Izan ere, Gabonei buruz bada, edozein gairen inguruan marraztu daiteke.
  Kirolak 2003-12-13 21:49

Asteazkenean amaituko da Gabonetako Tenis Txapelketan izena emateko epea

Erabiltzailearen aurpegia Ukberri Abenduaren 17an amaituko da Barrikako III. Tenis Txapelketan izena emateko epea. Mutil zein neskentzako, bi kategoria jarri dituzte antolatzaieek: hasberriak (alevín) eta haurrak (infantil). Apuntatzeko 607669073 telefono zenbakira deitzea besterik ez dute parte hartu nahi dutenek. Inskripzio-kuotak, berriz, 10 (federatuak) eta 5 (federatugabeak) eurokoak izango dira, hurrenez hurren.
  Kultura 2003-12-13 21:48

Leioako Nekazaritza eta Abelzaintza Azoka

Erabiltzailearen aurpegia Ukberri Igande honetan Leioako Nekazaritza eta Abelzaintza Azoka egingo dute bulebarrean. Guztira, 80 lagun erakutziko dituzte ekoizturiko produktuak. Horretaz gain, nekazal lanetarako tresnak eta ehunetik gora abelduru egongo dira ikusgai. Animalirik onenekin desfilea ere egingo dute.

Azoka dela eta hainbat errepide moztuko dituzte.
  Kultura 2003-12-13 21:47

Aisialdiko begirale izateko ikastaroak euskeraz gazteentzako

Erabiltzailearen aurpegia Ukberri Berangoko Udalak, aisialdirako begiraleen ikastaroa, euskaraz egiteko aukera eskainiko die herrian erroldatuta dauden gazteei. Ikastaroak bi urteko iraupena dauka (2004-2005) eta Eusko Jaurlaritzak aintzatetsia da. Urtxintxa eskolak emango ditu ikastaroko klaseak, eta bukatzean, ikasleek diploma ofiziala jasoko dute.