Leioa Animaliekiko Tratu Txarren Aurka ekimenak gogoratu du Leioako San Bartolome auzoko festek oraindino asto-probak dituztela euren egitarauan, zehazki, abuztuaren 22an eta 24an. Ekimenean parte hartzen duten herritarrek salatu dutenez, lehiaketa horretan, astoen jabeek makilakaz kolpatzen dituzte astoak 700 kiloko harria mugiarazteko, duela 10 urte 575 kilokoa zenaren ordez. Horren aurrean, auzokideek animalien sufrimendurik gabeko alternatibak proposatu dituzte, hala nola giza-proba.

Auzo-komunitateentzako laguntzetan 130.000. euro inbertituko ditu Leioako Udalak, betiere xede hauekaz bat egiten kasuetan: erabilera publikoko eta titulartasun pribatuko urbanizazioak hobetzea eta egokitzea; inguratzailea edo termikoan hobetzea; irisgarritasuna hobetzea; eraikin babestuen fatxada, estalkia edo egitura hobetzea eta putzu septikoak deuseztatzea. Halaber, laguntza jasoko duten obrek ezin izan dute Udalaren beste dirulaguntzarik jaso. Eskaerak irailaren 30era arte aurkez daitezke, Udalaren Herritarrentzako Arreta Zerbitzuetan (HAZ Udaletxea eta Gaztelubide) edo, telematikoki, hemen.