Politika
2008-02-14 23:30
LAB sindikatuak esan du grebak jarraipen zabala izan duela, tokiaren edo sektore ekonomikoaren arabera, jarraipena txikiagoa izan dela aitortu badu ere, plazaratutako oharrean (erdaraz). Sindikatu abertzalearen arabera, 40.000 bat lagunek hartu dute parte goizean zehar egin diren elkarretaratze eta manifestazioetan. Araban 3.500 pertsona inguru atera dira kalera; Bizkaian, 11.000; Gipuzkoan, 15.000 baino gehiago; eta Nafarroan, 7.000. Joseba Azkarraga Eusko Jaurlaritzako Lan eta Justizia sailburuak, ordea, esan du enpresa eta lantoki handietan ezker abertzaleak deitutako greba orokorrak ez duela "aparteko jarraipenik izan". Komunikabideen aurrean egin duen agerraldian, baina, denda txikietan, tabernetan eta ostalaritzan jarraipena handiagoa izaten ari den inpresioa duela onartu du, baina borondate propioz baino piketeek "behartuta" itxi dutela gaineratu du. Horri erantzunez, LABek kritikatu du ez direla aipatzen "grebarekin bat egin nahi dutenen langileen aurkako presioak"; Metro Bilbaok langileei egindako "mehatxuak" tartean. Argazkian, kartel bat grebara deitzen, hutsik geratutako Leioa eta Erandioko campuseko kafetegi txikian / Gaztesarea.
LABen arabera jarraipen "zabala" izan du grebak; Eusko Jaurlaritzarentzat, ordea, "eskasa"
LAB sindikatuak esan du grebak jarraipen zabala izan duela, tokiaren edo sektore ekonomikoaren arabera, jarraipena txikiagoa izan dela aitortu badu ere, plazaratutako oharrean (erdaraz). Sindikatu abertzalearen arabera, 40.000 bat lagunek hartu dute parte goizean zehar egin diren elkarretaratze eta manifestazioetan. Araban 3.500 pertsona inguru atera dira kalera; Bizkaian, 11.000; Gipuzkoan, 15.000 baino gehiago; eta Nafarroan, 7.000. Joseba Azkarraga Eusko Jaurlaritzako Lan eta Justizia sailburuak, ordea, esan du enpresa eta lantoki handietan ezker abertzaleak deitutako greba orokorrak ez duela "aparteko jarraipenik izan". Komunikabideen aurrean egin duen agerraldian, baina, denda txikietan, tabernetan eta ostalaritzan jarraipena handiagoa izaten ari den inpresioa duela onartu du, baina borondate propioz baino piketeek "behartuta" itxi dutela gaineratu du. Horri erantzunez, LABek kritikatu du ez direla aipatzen "grebarekin bat egin nahi dutenen langileen aurkako presioak"; Metro Bilbaok langileei egindako "mehatxuak" tartean. Argazkian, kartel bat grebara deitzen, hutsik geratutako Leioa eta Erandioko campuseko kafetegi txikian / Gaztesarea.
Politika
2008-02-14 21:54
Goizeko 8etan, LAB sindikatuak deituta, sarreran kontzentrazioa egin eta eskuorriak banatu dizkiete Leioa eta Erandioko campusera joandako gutxiei, Gaztesarea webguneak zabaldutakoaren arabera. Bidea ere moztu dute 30 bat lagunek sarrera nagusian, baina hasi eta gutxira ertzainak agertu eta oldartu egin zaizkie: "pankartak kendu eta bide mozketa egiten ari ziren lagunak bortizki atzerantz bidali dituzte bidea berriz zabaltzeko", adierazi dute tokiko greba batzordeko kideek. Emandako datuen arabera, ikasleen %80 inguruk greba deialdiarekin bat egin eta klase gehienak hutsik egon dira. Unibertsitateko kafetegi eta bestelako saltokiek (liburudenda...) ere ateak itxi dituzte. Alandabe, berriro ere, EHUko segurtasun zaindarien jarrera salatu dute: "goiz guztian zehar atzetik ibili da dozena inguru segurata. Askotan esan bezala, polizia indarrek ez dute lekurik gure campusean", aipatu dute tokiko grebalariek. Argazkian, bi ertzain campuseko sarrera nagusian, goizean goiz / Gaztesarea.
Leioako campuseko ikasleen %80 inguruk bat egin du grebarekin
Goizeko 8etan, LAB sindikatuak deituta, sarreran kontzentrazioa egin eta eskuorriak banatu dizkiete Leioa eta Erandioko campusera joandako gutxiei, Gaztesarea webguneak zabaldutakoaren arabera. Bidea ere moztu dute 30 bat lagunek sarrera nagusian, baina hasi eta gutxira ertzainak agertu eta oldartu egin zaizkie: "pankartak kendu eta bide mozketa egiten ari ziren lagunak bortizki atzerantz bidali dituzte bidea berriz zabaltzeko", adierazi dute tokiko greba batzordeko kideek. Emandako datuen arabera, ikasleen %80 inguruk greba deialdiarekin bat egin eta klase gehienak hutsik egon dira. Unibertsitateko kafetegi eta bestelako saltokiek (liburudenda...) ere ateak itxi dituzte. Alandabe, berriro ere, EHUko segurtasun zaindarien jarrera salatu dute: "goiz guztian zehar atzetik ibili da dozena inguru segurata. Askotan esan bezala, polizia indarrek ez dute lekurik gure campusean", aipatu dute tokiko grebalariek. Argazkian, bi ertzain campuseko sarrera nagusian, goizean goiz / Gaztesarea.
Politika
2008-02-14 21:31
Algortan egindako deialdiarekin bat eginez, 500 lagun inguru batu da iluntzeko 7etan Telletxe plazan, herriko kaleetan barrena manifestazioa egiteko. Eusko Abertzale Ekintza eta Euskal Herriaren aldeko oihuak tarteka, giro lasaiagoa bizi izan da arratsaldeko protestan, Ertzaintza agertu beharrean, Getxoko udaltzainek zaindu baitute martxa. Tokiko greba batzordeak emandako datuen arabera, Algorta osoan saltoki eta tabernen %40k itxi dituzte ateak; alabaina, lanuztearen eragina nabarmenagoa izan da erdigunean, %70ra helduta. Bestalde, San Nikolas ikastolan ez da eskolarik egon; Uribe Kosta eskualdean Partaide erakundearen barruan dauden gainontzeko bi zentroetan bezala: Sopelako Ander Deuna eta Leioako Betiko, hurrenez hurren. Bitartean, ordu honetarako, elkarretaratzeak egiten dabiltza hainbat herritan: Itzubaltzeta / Romo (80 lagun), Leioa (100 lagun), Sopela eta Plentzian, besteak beste.
Iluntzean 500 lagun inguru manifestatu dira Algortan
Algortan egindako deialdiarekin bat eginez, 500 lagun inguru batu da iluntzeko 7etan Telletxe plazan, herriko kaleetan barrena manifestazioa egiteko. Eusko Abertzale Ekintza eta Euskal Herriaren aldeko oihuak tarteka, giro lasaiagoa bizi izan da arratsaldeko protestan, Ertzaintza agertu beharrean, Getxoko udaltzainek zaindu baitute martxa. Tokiko greba batzordeak emandako datuen arabera, Algorta osoan saltoki eta tabernen %40k itxi dituzte ateak; alabaina, lanuztearen eragina nabarmenagoa izan da erdigunean, %70ra helduta. Bestalde, San Nikolas ikastolan ez da eskolarik egon; Uribe Kosta eskualdean Partaide erakundearen barruan dauden gainontzeko bi zentroetan bezala: Sopelako Ander Deuna eta Leioako Betiko, hurrenez hurren. Bitartean, ordu honetarako, elkarretaratzeak egiten dabiltza hainbat herritan: Itzubaltzeta / Romo (80 lagun), Leioa (100 lagun), Sopela eta Plentzian, besteak beste.
Politika
2008-02-14 20:32
Arratsaldeko 5ak aldera abiatu dira herrietatik ateratako auto karabanak Leioako Artea merkataritza gunera bidean. Dagoeneko Areetan ibilgailu guztien matrikula zenbakiak hartzen ibili da Ertzaintza. Oztopoak oztopo, 50 kotxe baino gehiago heldu dira Artearaino. Bertara iritsitako 200 bat lagunak manifestazioa hasi eta beste hainbat eskuorriak banatzen ibili dira. Alabaina, merkataritza guneko galerietan sartu bezain laster, dozena bat ertzain jarri zaizkie atzean metro batera; ondoren Arteako dozena eta erdi segurtasun zaindari batu zaizkie; baita bertoko zuzendaritzako hainbat "ur handiko arrain" ere. Eustean, Itzubaltzetako gazte bat harrapatu dute eta datuak eskatu dizkiote. Horrek, ordea, uko egin dio identifikatzeari, "ezertxo ere egin ez" duela argudiatuta. Tentsio uneak bizi izan dira orduan eta poliziek bertan bildutakoei eta kazetariei oldartu zaizkie. Arteako zuzendaritzak berak debekatu egin du argazkiak ateratzea. Behin egoera lasaitu eta joan egin dira manifestariak; baita harrapatutako gaztea ere. Argazkian, ertzain bat Itzubaltzetako mutila lepotik heltzen.
Artea merkataritza guneko manifestariei oldartu zaie Ertzaintza
Arratsaldeko 5ak aldera abiatu dira herrietatik ateratako auto karabanak Leioako Artea merkataritza gunera bidean. Dagoeneko Areetan ibilgailu guztien matrikula zenbakiak hartzen ibili da Ertzaintza. Oztopoak oztopo, 50 kotxe baino gehiago heldu dira Artearaino. Bertara iritsitako 200 bat lagunak manifestazioa hasi eta beste hainbat eskuorriak banatzen ibili dira. Alabaina, merkataritza guneko galerietan sartu bezain laster, dozena bat ertzain jarri zaizkie atzean metro batera; ondoren Arteako dozena eta erdi segurtasun zaindari batu zaizkie; baita bertoko zuzendaritzako hainbat "ur handiko arrain" ere. Eustean, Itzubaltzetako gazte bat harrapatu dute eta datuak eskatu dizkiote. Horrek, ordea, uko egin dio identifikatzeari, "ezertxo ere egin ez" duela argudiatuta. Tentsio uneak bizi izan dira orduan eta poliziek bertan bildutakoei eta kazetariei oldartu zaizkie. Arteako zuzendaritzak berak debekatu egin du argazkiak ateratzea. Behin egoera lasaitu eta joan egin dira manifestariak; baita harrapatutako gaztea ere. Argazkian, ertzain bat Itzubaltzetako mutila lepotik heltzen.
Politika
2008-02-14 19:52
Gaurko greba egunaren karira Itzubaltzeta / Romon jazotakoa laburbilduz, prentsa oharra zabaldu du Segi gazte erakundeak. Jakinarazi duenez, goizeko 8etan ekin diote 20 bat lagunek kartel, pankarta eta pegatinekin "herria aldarrikapenez jozteari". Alabaina, handik ordu laurdenera, Ertzaintzaren "bi patruila auto agertu eta bildutakoen atzetik segika hasi dira", salatu dute gazteek. Handik gutxira, "polizia sekretu bi kotxe, ertzainen furgoneta bat eta beste bi patruila auto" izan dira agertu direnak. Lehenengo hiru lagunak identifikatu dituzte orduan. Segik jarraitu duenez, "8:30etik aurrera, berriz, bildutako lagunek nola edo hala alde egin ostean, multzo guztien atzetik eta herri osoan zehar atzetik segika izan ditugu. Patruiletan kontrako norantzan eta jarrera erasokorrean aritu dira". Ordutik aurrera "etengabeak" izan dira identifikazioak. Eguerdian 150 herritar batu dituen manifestazioan ere datuak eskatzen hasi dira ertzainak. "Azkenerako, 15 identifikazio burutu dituzte", dio gazte erakundeak. Bestalde, herrian saltokien %80k ateak itxi dituela adierazi dute. Aspaldiko partez Romo-Artatza institutuak ere ez du eskolarik eman, Zuzendaritzak eskatutako izapide guztiak eginda, ikasleek grebaren alde bozkatu ostean. Argazkian, manifestariak Areetako kaleetan barrena.
Uneoro ertzainak atzetik eduki dituztela salatu du Itzubaltzetako Segik
Gaurko greba egunaren karira Itzubaltzeta / Romon jazotakoa laburbilduz, prentsa oharra zabaldu du Segi gazte erakundeak. Jakinarazi duenez, goizeko 8etan ekin diote 20 bat lagunek kartel, pankarta eta pegatinekin "herria aldarrikapenez jozteari". Alabaina, handik ordu laurdenera, Ertzaintzaren "bi patruila auto agertu eta bildutakoen atzetik segika hasi dira", salatu dute gazteek. Handik gutxira, "polizia sekretu bi kotxe, ertzainen furgoneta bat eta beste bi patruila auto" izan dira agertu direnak. Lehenengo hiru lagunak identifikatu dituzte orduan. Segik jarraitu duenez, "8:30etik aurrera, berriz, bildutako lagunek nola edo hala alde egin ostean, multzo guztien atzetik eta herri osoan zehar atzetik segika izan ditugu. Patruiletan kontrako norantzan eta jarrera erasokorrean aritu dira". Ordutik aurrera "etengabeak" izan dira identifikazioak. Eguerdian 150 herritar batu dituen manifestazioan ere datuak eskatzen hasi dira ertzainak. "Azkenerako, 15 identifikazio burutu dituzte", dio gazte erakundeak. Bestalde, herrian saltokien %80k ateak itxi dituela adierazi dute. Aspaldiko partez Romo-Artatza institutuak ere ez du eskolarik eman, Zuzendaritzak eskatutako izapide guztiak eginda, ikasleek grebaren alde bozkatu ostean. Argazkian, manifestariak Areetako kaleetan barrena.
Politika
2008-02-14 17:12
Herrizaingo Sailak jakinarazi duenez, Bizkaian eta Gipuzkoan 24 lagun atxilotu eta pertsona bat zauritu ditu Ertzaintzak, LABek eta hainbat eragile soziopolitikoek deitutako greba orokorrean "kale istiluak edo autoritatearen aurkako erasoak" egitea leporatuta. Atxilotuen eta egoeraren inguruko datuak zabaldu ditu Askatasunak. Uribe Kostan, ordea, ez da atxiloturik egon, baina bai dozenaka identifikazio. Horrela, Algortan hainbat laguni hartu dizkiete datuak kartelak jartzeagatik eta Leioan enpresetan langileekin hitz egiteagatik. Sopelan, pikete informatiboei ere eskatu diete dokumentazioa baina ertzainak ez dira tematu eta alde egin dute agiririk gabe. Erandion ere berdin jokatu dute 90 pertsonek egindako eltze-zalapartan eta Itzubaltzeta / Romon, aldiz, pilota jaurtigailuak uneoro eskuan, grebaren aldeko propaganda banatzen ibili den hainbat pertsonaren atzean joan eta gelditu dituzte paperak eskatzeko, dozena bat guztira. Gauza bera egin dute 150 bat lagun bildu dituen manifestazioaren buruan zeudenekin, Areetako Xake plazan eseraldia egin dutenean.
Dozenaka lagun identifikatu ditu Ertzaintzak eskualdean
Herrizaingo Sailak jakinarazi duenez, Bizkaian eta Gipuzkoan 24 lagun atxilotu eta pertsona bat zauritu ditu Ertzaintzak, LABek eta hainbat eragile soziopolitikoek deitutako greba orokorrean "kale istiluak edo autoritatearen aurkako erasoak" egitea leporatuta. Atxilotuen eta egoeraren inguruko datuak zabaldu ditu Askatasunak. Uribe Kostan, ordea, ez da atxiloturik egon, baina bai dozenaka identifikazio. Horrela, Algortan hainbat laguni hartu dizkiete datuak kartelak jartzeagatik eta Leioan enpresetan langileekin hitz egiteagatik. Sopelan, pikete informatiboei ere eskatu diete dokumentazioa baina ertzainak ez dira tematu eta alde egin dute agiririk gabe. Erandion ere berdin jokatu dute 90 pertsonek egindako eltze-zalapartan eta Itzubaltzeta / Romon, aldiz, pilota jaurtigailuak uneoro eskuan, grebaren aldeko propaganda banatzen ibili den hainbat pertsonaren atzean joan eta gelditu dituzte paperak eskatzeko, dozena bat guztira. Gauza bera egin dute 150 bat lagun bildu dituen manifestazioaren buruan zeudenekin, Areetako Xake plazan eseraldia egin dutenean.
Politika
2008-02-14 16:23
LAB sindikatuak eta hainbat eragile soziopolitikoek egindako deiari erantzunez, 650 lagun baino gehiago manifestatu dira 13:00etan Algortako kaleetatik "Euskal Herriaren eskubideen alde, salbuespen egoerari stop" lelopean. Martxan Eusko Abertzale Ekintza eta Euskal Herriaren aldeko oihuak Ertzaintzaren aurkakoekin tartekatu dira. Izan ere, grebalariek herriz herri izan dituzte Polizia autonomikoko agenteak atzetik, istiluen aurkako tresneriaz hornituta eta identifikazioak edozerengatik eskatuz. Martxa amaitzear egon denean ere, ertzainak, pilota-jaurtigaluak besoan, bost metrora izan dituzte manifestariek. Bestalde, arratsaldeko mobilizazioak gogoratu dituzte. Lehenengoa 17:30etik aurrera izango da, eskualdea zeharkatuko duen auto-karabana ordu horretan irtengo baita Gorliztik eta Artea merkataritzaguneraino helduta, bertan mobilizazioa egingo dute. 19:00etan, berriz, Algortan izango da mobilizazioa; ordu erdi beranduago, Urdulizen; eta 20:00etan, ordea, Berangon, Sopelan, Leioan, Itzubaltzeta / Romon eta Plentzian.
Ia 700 lagun batu dira Algortan "Euskal Herriaren eskubideen alde"
LAB sindikatuak eta hainbat eragile soziopolitikoek egindako deiari erantzunez, 650 lagun baino gehiago manifestatu dira 13:00etan Algortako kaleetatik "Euskal Herriaren eskubideen alde, salbuespen egoerari stop" lelopean. Martxan Eusko Abertzale Ekintza eta Euskal Herriaren aldeko oihuak Ertzaintzaren aurkakoekin tartekatu dira. Izan ere, grebalariek herriz herri izan dituzte Polizia autonomikoko agenteak atzetik, istiluen aurkako tresneriaz hornituta eta identifikazioak edozerengatik eskatuz. Martxa amaitzear egon denean ere, ertzainak, pilota-jaurtigaluak besoan, bost metrora izan dituzte manifestariek. Bestalde, arratsaldeko mobilizazioak gogoratu dituzte. Lehenengoa 17:30etik aurrera izango da, eskualdea zeharkatuko duen auto-karabana ordu horretan irtengo baita Gorliztik eta Artea merkataritzaguneraino helduta, bertan mobilizazioa egingo dute. 19:00etan, berriz, Algortan izango da mobilizazioa; ordu erdi beranduago, Urdulizen; eta 20:00etan, ordea, Berangon, Sopelan, Leioan, Itzubaltzeta / Romon eta Plentzian.
Politika
2008-02-14 12:44
Sopelako herrigunean dauden merkataritza saltokien, denden, bankuen eta tabernen %98k ateak itxi ditu gaur, "salbuespen egoerari stop" eta "aldaketa garaia dela" esatekoa den greba orokorreko egunarekin bat eginez. "Ia dena dago itxita, batzokia barne, pare bat taberna izan ezik". Gainera, Sopelako Eusko Abertzale Ekintzaren zinegotzia den Ziortza Ruizek UKBERRI.NETi jakinarazi dionez, udaletxean eta igerilekuetan berriz, grebaren segimendua erdizkakoa izan da eta herritik landa dauden enpresek ateak ireki dituzte eta LABen datuak itxaroten ari dira bertan zenbat langilek egin duen greba jakiteko.Bere sakeleko telefonotik adierazpen horiek egin dituen bitartean Ertzaintzako hainbat polizia hurbildu zaizkie berari eta inguruan zeuzkan beste grebalariei eta identifikatzeko agindu diete. Eztabaida izan ostean, ertzainek alde egin dute, greba-piketekoen agiriak hartu gabe. Argazkian, hainbat ertzain artxiboko irudi batean.
Sopelako herrigunean %98ko arrakasta izan du grebak
Sopelako herrigunean dauden merkataritza saltokien, denden, bankuen eta tabernen %98k ateak itxi ditu gaur, "salbuespen egoerari stop" eta "aldaketa garaia dela" esatekoa den greba orokorreko egunarekin bat eginez. "Ia dena dago itxita, batzokia barne, pare bat taberna izan ezik". Gainera, Sopelako Eusko Abertzale Ekintzaren zinegotzia den Ziortza Ruizek UKBERRI.NETi jakinarazi dionez, udaletxean eta igerilekuetan berriz, grebaren segimendua erdizkakoa izan da eta herritik landa dauden enpresek ateak ireki dituzte eta LABen datuak itxaroten ari dira bertan zenbat langilek egin duen greba jakiteko.Bere sakeleko telefonotik adierazpen horiek egin dituen bitartean Ertzaintzako hainbat polizia hurbildu zaizkie berari eta inguruan zeuzkan beste grebalariei eta identifikatzeko agindu diete. Eztabaida izan ostean, ertzainek alde egin dute, greba-piketekoen agiriak hartu gabe. Argazkian, hainbat ertzain artxiboko irudi batean.
Politika
2008-02-14 12:10
Leioako udalerriko denda txikien eta tabernen erdiak ateak itxi egin ditu edo jaitsi du pertsiana, "salbuespen egoerari stop" eta "aldaketa garaia dela" esatekoa den gaurko greba orokorreko egunarekin bat eginez. Horrela jakinarazi du LAB sindikatuak Leioan egindako lehenengo kontaketaren ostean. Bestalde, lan zentroei buruz oraindik informazioa batzeke badute ere, momentuz jakinarazi dute Betiko ikastolak eta Caja Laboral-Euskadiko Kutxak ez dutela gaur zabaldu. Dena den, azaldu dutenez, arratsaldean osatuko dute itxi duten enpresen zerrenda eta itxi ez duten lan zentroetan lanuzteak izan duen segimenduaren ehunekoaren berri emango dute. Azkenik, LABek salatu du Ertzaintzak greba eskubideari eta lan sindikalari gaur jartzen ari zaizkion oztopoak. Izan ere, Ertzaintzak bi sindikalista identifikatu ditu Udondo auzoan, Ibarrabarri industrialdean kontaketa egin eta beharginekin hitz egin ondoren. Argazkian, Algortako auzokide bat itxitako denda baten aurretik igarotzen.
Leioan %50eko segimendua dauka grebak merkataritzan eta ostalaritzan
Leioako udalerriko denda txikien eta tabernen erdiak ateak itxi egin ditu edo jaitsi du pertsiana, "salbuespen egoerari stop" eta "aldaketa garaia dela" esatekoa den gaurko greba orokorreko egunarekin bat eginez. Horrela jakinarazi du LAB sindikatuak Leioan egindako lehenengo kontaketaren ostean. Bestalde, lan zentroei buruz oraindik informazioa batzeke badute ere, momentuz jakinarazi dute Betiko ikastolak eta Caja Laboral-Euskadiko Kutxak ez dutela gaur zabaldu. Dena den, azaldu dutenez, arratsaldean osatuko dute itxi duten enpresen zerrenda eta itxi ez duten lan zentroetan lanuzteak izan duen segimenduaren ehunekoaren berri emango dute. Azkenik, LABek salatu du Ertzaintzak greba eskubideari eta lan sindikalari gaur jartzen ari zaizkion oztopoak. Izan ere, Ertzaintzak bi sindikalista identifikatu ditu Udondo auzoan, Ibarrabarri industrialdean kontaketa egin eta beharginekin hitz egin ondoren. Argazkian, Algortako auzokide bat itxitako denda baten aurretik igarotzen.
Politika
2008-02-14 11:45
Araba, Bizkaia eta Gipuzkoako Polizia autonomikoak hainbat lagun identifikatu ditu Algortan, gaurko greba orokorreko kartelak jartzen ari zirela. Identifikazioak gauzatzeko autoetatik korrika jaitsi eta karrera egin dute ertzainek, Txiki eta Otaegi plazaren inguruetan. Identifikatutako gazteak "Ez gaituzue geldituko. Guk independentzia!" lelopeko kartelak jartzen aritu dira eta bertan LAB sindikatuak "salbuespen egoeraren aurka" gaur deitutako greba orokorreko deialdiak irakur daitezke. Deialdi guztiak komunikatuta daude. Karteletan Ertzaintzaren Brigada Higikorreko polizien lerro bat ageri da "Ez gaituzue geldituko leloaren pean" eta agenteen ezkutuetan EAJren logotipoa agertzen da. Baina ez da hori identifikazioak egiteko ertzainek erabili duten argudioa: "gaur identifikazioak egiteko agindua" dutela adierazi baitute. Datuak eman ostean gazteak jarraitu dute propaganda zabaltzen. Argazkian, grebalariak kartelak inkatzen.
Ertzaintzak hainbat lagun identifikatu ditu Algortan
Araba, Bizkaia eta Gipuzkoako Polizia autonomikoak hainbat lagun identifikatu ditu Algortan, gaurko greba orokorreko kartelak jartzen ari zirela. Identifikazioak gauzatzeko autoetatik korrika jaitsi eta karrera egin dute ertzainek, Txiki eta Otaegi plazaren inguruetan. Identifikatutako gazteak "Ez gaituzue geldituko. Guk independentzia!" lelopeko kartelak jartzen aritu dira eta bertan LAB sindikatuak "salbuespen egoeraren aurka" gaur deitutako greba orokorreko deialdiak irakur daitezke. Deialdi guztiak komunikatuta daude. Karteletan Ertzaintzaren Brigada Higikorreko polizien lerro bat ageri da "Ez gaituzue geldituko leloaren pean" eta agenteen ezkutuetan EAJren logotipoa agertzen da. Baina ez da hori identifikazioak egiteko ertzainek erabili duten argudioa: "gaur identifikazioak egiteko agindua" dutela adierazi baitute. Datuak eman ostean gazteak jarraitu dute propaganda zabaltzen. Argazkian, grebalariak kartelak inkatzen.
Politika
2008-02-14 10:54
Metro Bilbao garraio enpresak greba egiteko asmoa ei zuten 20 behargini deitu eta lanuztea egitekotan lan eta soldatarik gabeko 15 eguneko "ondorioak" egongo zirela "abisatu" zien atzo, Metro Bilbaoko LABek jakinarazi duenez. Sindikatuaren arabera, "abisuak" telefonoz eman zituzten konpainiako inspektoreek, atzo arratsaldeko 2ak eta 4ak bitartean eta langileei gaur greba egiteko asmoa zeukaten galdetu ostean, Zuzendaritza Batzordeak lanuztea ilegaltzat jotzen duela ohartarazten zieten. Horren ostean, bere greba eskubidea defendatzen jarraitu nahi zutenei falta larria ezartzearekin mehatxatu zieten, arauen arabera 15 eguneko isunera hel daitekeena. Horren aurrean, LAB jakinarazi du "astelehenean goizeko lehenengo orduan" eman ziola enpresari grebaren berri, zehatz mehatz Lan Harremanetarako arduradunari. Argazkian, bidaiari bakan batzuk gaur goizean Areetako geltokian, metroaren atzerapenei aurre egiten.
Soldata bi astez kentzearekin mehatxatu die greba egin nahi duten langileei Metro Bilbaok
Metro Bilbao garraio enpresak greba egiteko asmoa ei zuten 20 behargini deitu eta lanuztea egitekotan lan eta soldatarik gabeko 15 eguneko "ondorioak" egongo zirela "abisatu" zien atzo, Metro Bilbaoko LABek jakinarazi duenez. Sindikatuaren arabera, "abisuak" telefonoz eman zituzten konpainiako inspektoreek, atzo arratsaldeko 2ak eta 4ak bitartean eta langileei gaur greba egiteko asmoa zeukaten galdetu ostean, Zuzendaritza Batzordeak lanuztea ilegaltzat jotzen duela ohartarazten zieten. Horren ostean, bere greba eskubidea defendatzen jarraitu nahi zutenei falta larria ezartzearekin mehatxatu zieten, arauen arabera 15 eguneko isunera hel daitekeena. Horren aurrean, LAB jakinarazi du "astelehenean goizeko lehenengo orduan" eman ziola enpresari grebaren berri, zehatz mehatz Lan Harremanetarako arduradunari. Argazkian, bidaiari bakan batzuk gaur goizean Areetako geltokian, metroaren atzerapenei aurre egiten.
Politika
2008-02-14 10:30
"O14 greba orokorra. Euskal Herriaren eskubideen alde!" lelotzat hartuz, bitakora sareratu dute gaurko grebak ematen duenaren berri emateko. "Hego Euskal Herrian, herriz herri izango dira mobilizazioak. Greba deialdia eztabaidatu eta bideratu da honezkero fabriketan, ikastetxeetan, lantokietan, taberna eta dendetan. Euskal Herrian mobilizazio eguna ere bada gaurkoa. Errepresioari stop esateko ordua ere iritsia", adierazi dute sustatzaileek. Gune horretan, Euskal Herriko herri, auzo, txoko eta bazter ezberdinetan ematen ari diren mobilizazioen berri jaso gura dute. Eta informazioa osatu, "manipulazio eta desinformazioari aurre eginez". "Guztion artean osatu dezakegu. Herriz herri, auzoz auzo", gaineratu dutenez. Horrenbestez, gaurko grebaren gaineko informazioa ondoko helbideak aurki daiteke: http://www.blogak.com/grebaorokorra. Argazkian, UKBERRI.NETeko langileek ere gaurko grebarekin bat egin dute, horren gaineko informazioa soilik eskainiz.
Gaurko grebaren berri emateko bitakora sareratu dute
"O14 greba orokorra. Euskal Herriaren eskubideen alde!" lelotzat hartuz, bitakora sareratu dute gaurko grebak ematen duenaren berri emateko. "Hego Euskal Herrian, herriz herri izango dira mobilizazioak. Greba deialdia eztabaidatu eta bideratu da honezkero fabriketan, ikastetxeetan, lantokietan, taberna eta dendetan. Euskal Herrian mobilizazio eguna ere bada gaurkoa. Errepresioari stop esateko ordua ere iritsia", adierazi dute sustatzaileek. Gune horretan, Euskal Herriko herri, auzo, txoko eta bazter ezberdinetan ematen ari diren mobilizazioen berri jaso gura dute. Eta informazioa osatu, "manipulazio eta desinformazioari aurre eginez". "Guztion artean osatu dezakegu. Herriz herri, auzoz auzo", gaineratu dutenez. Horrenbestez, gaurko grebaren gaineko informazioa ondoko helbideak aurki daiteke: http://www.blogak.com/grebaorokorra. Argazkian, UKBERRI.NETeko langileek ere gaurko grebarekin bat egin dute, horren gaineko informazioa soilik eskainiz.
Politika
2008-02-14 09:46
Pneumatikoz egindako suzko barrikada jarri dute hainbat ezezagunek gaur goizean Metro Bilbaoko trenbidean, Areeta eta Gobela geltokien artean. Horra bertaratu diren ertzain eta udaltzainek UKBERRI.NETi adierazi diotenez, suaren berri 7:30ak igarota izan dute. Metroko langileek beraiek amatatu dute sutea eta 7:50ak aldera trenek ibilbidea egin ahal izan dute. Bitartean, 100 bat pertsona izan dira bi geltokien artean gelditutako trenean. Gainera, Metro Bilbaok zerbitzua berrezarri arren oraindik orain atzerapenak daudela baieztatu dute hainbat bezerok. Era berean, metro zerbitzua Ezkerraldean moztuta dago momentuz eta Barakaldoraino baino ezin da bidaiatu. Goizeko sabotajea "Salbuespen egoerari stop" esateko eta EHAK eta Eusko Abertzale Ekintza alderdien jardueraren etetea salatzeko, LAB sindikatuak eta hainbat eragile soziopolitikoek deitutako gaurko greba egunarekin etorri da. Bestalde, beste hainbat sabotaje gertatzen ari direla zabaldu dute hedabideek, Eitb24 agerkari digitala tartean. Argazkian, segurtasun enpresakoak Gobela eta Areeta artean gelditutako metroari begira.
Suzko barrikada jarri dute metroan, Areeta eta Gobela artean
Pneumatikoz egindako suzko barrikada jarri dute hainbat ezezagunek gaur goizean Metro Bilbaoko trenbidean, Areeta eta Gobela geltokien artean. Horra bertaratu diren ertzain eta udaltzainek UKBERRI.NETi adierazi diotenez, suaren berri 7:30ak igarota izan dute. Metroko langileek beraiek amatatu dute sutea eta 7:50ak aldera trenek ibilbidea egin ahal izan dute. Bitartean, 100 bat pertsona izan dira bi geltokien artean gelditutako trenean. Gainera, Metro Bilbaok zerbitzua berrezarri arren oraindik orain atzerapenak daudela baieztatu dute hainbat bezerok. Era berean, metro zerbitzua Ezkerraldean moztuta dago momentuz eta Barakaldoraino baino ezin da bidaiatu. Goizeko sabotajea "Salbuespen egoerari stop" esateko eta EHAK eta Eusko Abertzale Ekintza alderdien jardueraren etetea salatzeko, LAB sindikatuak eta hainbat eragile soziopolitikoek deitutako gaurko greba egunarekin etorri da. Bestalde, beste hainbat sabotaje gertatzen ari direla zabaldu dute hedabideek, Eitb24 agerkari digitala tartean. Argazkian, segurtasun enpresakoak Gobela eta Areeta artean gelditutako metroari begira.
Iritzia
2008-02-13 22:13
Atzo (otsailak 12) goizean euskara eta euskal kultur munduko ordezkaritza oso zabala bildu zen Bilboko Ercilla Hotelean, eta bi mezu nagusi atera ziren bertatik. Bata bertaratutakoek eskainia, Egunkaria auziko auzipetuek euskal gizarteko gehiengo zabalaren sostengua dutela. Bestea, auzipetuek helarazitakoa, epaiketa hori euskalgintza osoaren aurkako epaiketa dela eta zigorra gailenduz gero, euskalgintzako beste elkarte edo erakunde batzuek zigortzeko jurisprudentzia finkatuko dela. Argazkian, Leioa eta Erandioko campusean "Euskaldunon Egunkaria"-ren aldeko itxialdi batean parte hartzeagatik, desobedientzia zibila leporatzen zieten EHUko 38 ikasle eta irakasleari eskerrak emanez, kazetako langile ohiek Getxoko epaitegiaren aurrean 2004ko urtarrilean egindako elkarretaratzea.
Batasun uharte bat Ercilla hotelean
Atzo (otsailak 12) goizean euskara eta euskal kultur munduko ordezkaritza oso zabala bildu zen Bilboko Ercilla Hotelean, eta bi mezu nagusi atera ziren bertatik. Bata bertaratutakoek eskainia, Egunkaria auziko auzipetuek euskal gizarteko gehiengo zabalaren sostengua dutela. Bestea, auzipetuek helarazitakoa, epaiketa hori euskalgintza osoaren aurkako epaiketa dela eta zigorra gailenduz gero, euskalgintzako beste elkarte edo erakunde batzuek zigortzeko jurisprudentzia finkatuko dela. Argazkian, Leioa eta Erandioko campusean "Euskaldunon Egunkaria"-ren aldeko itxialdi batean parte hartzeagatik, desobedientzia zibila leporatzen zieten EHUko 38 ikasle eta irakasleari eskerrak emanez, kazetako langile ohiek Getxoko epaitegiaren aurrean 2004ko urtarrilean egindako elkarretaratzea.
Ekonomia
2008-02-13 21:46
Leioako etxe-laguntza zerbitzuko langileak urtarrilaren 23tik greban daudela gogoratu dute gaur, prentsa ohar baten bitartez, ELA sindikatuko iturriek. Modu honetan, lanuzteak hiru aste bete ditu jada. Langileen erakundearen arabera, hiru aste hauetan zehar, Lagunduz enpresak ez du langileekin gatazkaren arrazoiak "errotik aztertzeko asmorik azaldu", eta ez du "inolako hurbilketa saiakerarik egin" langileek pairatzen duten egoera konpontzeko. Horrela, enpresak hartutako erabaki horren "lehen kaltetuak" etxe-laguntza zerbitzuaren hartzaileak beraiek direla azpimarratu du ELAk, "ezin baitute beraien zerbitzua behar bezala jaso ordutik". "Egoera honetara ekarri gaituzten arrazoiak gogorarazi nahi ditugu. Alde batetik, azken hamar urteetan ezin izan da KPItik gorako inolako soldata igoerarik izan, antzinakotasunaren balioa hiru urteko bakoitzeko 1,83 eurokoa da, enpresan behin-behinekotasuna %40koa baino handiagoa da eta behin-behineko langile hauek jardunaldia oso txikia izan ohi da, ondorioz, ez dute soldata duinik izateko adina ordurik ezta kotizaziorik izateko aukerarik ere", azaldu dute. Argazkian, etxe-laguntza ere beregain hartzen du ELAk urtarrilaren 11an abiatu zuen gizarte ereduari buruzko kanpainak.
Hiru aste daramatzate greban Leioako etxe-laguntza beharginek
Leioako etxe-laguntza zerbitzuko langileak urtarrilaren 23tik greban daudela gogoratu dute gaur, prentsa ohar baten bitartez, ELA sindikatuko iturriek. Modu honetan, lanuzteak hiru aste bete ditu jada. Langileen erakundearen arabera, hiru aste hauetan zehar, Lagunduz enpresak ez du langileekin gatazkaren arrazoiak "errotik aztertzeko asmorik azaldu", eta ez du "inolako hurbilketa saiakerarik egin" langileek pairatzen duten egoera konpontzeko. Horrela, enpresak hartutako erabaki horren "lehen kaltetuak" etxe-laguntza zerbitzuaren hartzaileak beraiek direla azpimarratu du ELAk, "ezin baitute beraien zerbitzua behar bezala jaso ordutik". "Egoera honetara ekarri gaituzten arrazoiak gogorarazi nahi ditugu. Alde batetik, azken hamar urteetan ezin izan da KPItik gorako inolako soldata igoerarik izan, antzinakotasunaren balioa hiru urteko bakoitzeko 1,83 eurokoa da, enpresan behin-behinekotasuna %40koa baino handiagoa da eta behin-behineko langile hauek jardunaldia oso txikia izan ohi da, ondorioz, ez dute soldata duinik izateko adina ordurik ezta kotizaziorik izateko aukerarik ere", azaldu dute. Argazkian, etxe-laguntza ere beregain hartzen du ELAk urtarrilaren 11an abiatu zuen gizarte ereduari buruzko kanpainak.
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...