Politika
2008-02-11 19:56
Borja Gutierrez Elordui "Bakerito" eta Martin Etxegarai Mendiguren Berangoko presoak zein Endika Lejarzegi Olabarrieta eta Aimar Hidalgo Lertxundi Algortako gatibuak kartzelaz aldetu dituzte. Uribe Kostako Amnistiaren Aldeko Mugimenduak Etengabe bitakoraren bidez zabaldu duenez, Gutierrez 2006ko abendutik zeukaten Fresneseko kartzelatik La Santeko espetxera eraman zuten joan zen astean eta oraingoz ez dago berri gehiagorik. Parisko La Sante espetxea Berangotik 925 kilometrora dago. Bestalde, Galdakaoko kale erasoak leporatu zizkieten epaiketa amaitu ostean, Martin Etxegarai, Endika Lejarzegi eta Aimar Hidalgo aurretik zeuden espetxeetara eraman dituzte berriro. Hurrenez hurren, Zuera, Monterroxo eta Soriara, alegia. Aipatu epaiketa ertzainek torturaren bidez lortutako autoinkulpazioetan oinarritzen zela behin eta berriro salatu zituzten akusatuek, senideek, Gurasoak erakundea eta Amnistiaren Aldeko Mugimenduak. Gainera, Saratxagaren kasuan erasoak gertatu zirenean espetxean zegoen.
Borja Gutierrez, Martin Etxegarai, Endika Lejarzegi eta Aimar Hidalgo espetxez aldatu dituzte
Borja Gutierrez Elordui "Bakerito" eta Martin Etxegarai Mendiguren Berangoko presoak zein Endika Lejarzegi Olabarrieta eta Aimar Hidalgo Lertxundi Algortako gatibuak kartzelaz aldetu dituzte. Uribe Kostako Amnistiaren Aldeko Mugimenduak Etengabe bitakoraren bidez zabaldu duenez, Gutierrez 2006ko abendutik zeukaten Fresneseko kartzelatik La Santeko espetxera eraman zuten joan zen astean eta oraingoz ez dago berri gehiagorik. Parisko La Sante espetxea Berangotik 925 kilometrora dago. Bestalde, Galdakaoko kale erasoak leporatu zizkieten epaiketa amaitu ostean, Martin Etxegarai, Endika Lejarzegi eta Aimar Hidalgo aurretik zeuden espetxeetara eraman dituzte berriro. Hurrenez hurren, Zuera, Monterroxo eta Soriara, alegia. Aipatu epaiketa ertzainek torturaren bidez lortutako autoinkulpazioetan oinarritzen zela behin eta berriro salatu zituzten akusatuek, senideek, Gurasoak erakundea eta Amnistiaren Aldeko Mugimenduak. Gainera, Saratxagaren kasuan erasoak gertatu zirenean espetxean zegoen.
Politika
2008-02-11 19:22
Araba, Bizkaia eta Gipuzkoako gazte erakunde andana batzen duen Euskadiko Gazteriaren Kontseiluak bere "egoneza" agertu du "EHAK eta EAE alderdi politikoen ekintzak bertan behera uzteko erabakiaren aurrean eta alderdi hauen zenbait agintari talde armatuaren laguntzaile legez auziperatuta izan ondoren". EGKk, "giza eskubideei diegun errespetu eta babesetik abiatuta", elkarrizketa eta elkar ulertzerako bideen aldeko mezua zabaldu du. Era berean, Espainiako Alderdiaren Legeak "euskal hauteslegoaren zati handi bat adierazpen politiko barik" utz dezakeela gogoratu dute eta kontseiluaren iritziz horrek "oraindik ere bizi dugun egoera sozial eta politikoa tentsioz josi eta muturrera eraman dezake". Hortik abiatuta, "zenbait erakunde politiko legez kanpo uzteko une honetan indarrean dauden ekimenak gaitzetsi" eta ekimen horiek eten eta atzera bota daitezela eskatu dute. Azkenik, proiektu politiko guztiak bermatuko dituen indarkeriarik eta bazterkeriarik gabeko eremu baten alde lan egin dezaten eskatu diete alderdi eta gobernuei. Argazkian, ertzain bat EAEren kartel bat zapalduz, atzo Bilbon.
Erakunde politikoak legez kanpo uzteko ekimenak atzera botatzea eskatu du EGKk
Araba, Bizkaia eta Gipuzkoako gazte erakunde andana batzen duen Euskadiko Gazteriaren Kontseiluak bere "egoneza" agertu du "EHAK eta EAE alderdi politikoen ekintzak bertan behera uzteko erabakiaren aurrean eta alderdi hauen zenbait agintari talde armatuaren laguntzaile legez auziperatuta izan ondoren". EGKk, "giza eskubideei diegun errespetu eta babesetik abiatuta", elkarrizketa eta elkar ulertzerako bideen aldeko mezua zabaldu du. Era berean, Espainiako Alderdiaren Legeak "euskal hauteslegoaren zati handi bat adierazpen politiko barik" utz dezakeela gogoratu dute eta kontseiluaren iritziz horrek "oraindik ere bizi dugun egoera sozial eta politikoa tentsioz josi eta muturrera eraman dezake". Hortik abiatuta, "zenbait erakunde politiko legez kanpo uzteko une honetan indarrean dauden ekimenak gaitzetsi" eta ekimen horiek eten eta atzera bota daitezela eskatu dute. Azkenik, proiektu politiko guztiak bermatuko dituen indarkeriarik eta bazterkeriarik gabeko eremu baten alde lan egin dezaten eskatu diete alderdi eta gobernuei. Argazkian, ertzain bat EAEren kartel bat zapalduz, atzo Bilbon.
Hezkuntza
2008-02-11 18:03
Industrian erabilera ugari izan ditzaketen zenbait nanoimanen eta gailu magnetikoren ekoizpen-lerroari buruzko doktore-tesia irakurri dute gaur EHUko Leioa eta Erandioko campuseko Zientzia eta Teknologia Fakultatean. Sonia Moralejo Garcia kimikariak, "Film meheetan oinarritutako nanoimanen nanofabrikazioa eta ezaugarri magnetikoak" izenburuko lana azaldu du, gazteleraz. Unibertsitate publikoak zabaldu duenez, gaur egungo teknologiaren joera da gailu gero eta txikiagoak diseinatzea, eta, horren harira, nahiz eta oraindik ere hastapenetan egon, nanoteknologia modako gaia bilakatzen ari da gizartean. Horren adibide jarri dute nanohodi, nanopartikula edo nanoiman kontzeptuak dagoeneko entzunak izatea. Moralejoren tesian nanoimanak eta gailu magnetikoak ekoizteko zenbait teknika proposatzen dira. Izan ere, nanoiman eta gailu magnetiko horiek hamaika aplikazio dute industrian. Argazkian, Sonia Moralejo Garcia kimikaria / © Irati Kortabitarte.
Industriarako nanoimanen diseinuari buruzko tesia irakurri dute gaur campusean
Industrian erabilera ugari izan ditzaketen zenbait nanoimanen eta gailu magnetikoren ekoizpen-lerroari buruzko doktore-tesia irakurri dute gaur EHUko Leioa eta Erandioko campuseko Zientzia eta Teknologia Fakultatean. Sonia Moralejo Garcia kimikariak, "Film meheetan oinarritutako nanoimanen nanofabrikazioa eta ezaugarri magnetikoak" izenburuko lana azaldu du, gazteleraz. Unibertsitate publikoak zabaldu duenez, gaur egungo teknologiaren joera da gailu gero eta txikiagoak diseinatzea, eta, horren harira, nahiz eta oraindik ere hastapenetan egon, nanoteknologia modako gaia bilakatzen ari da gizartean. Horren adibide jarri dute nanohodi, nanopartikula edo nanoiman kontzeptuak dagoeneko entzunak izatea. Moralejoren tesian nanoimanak eta gailu magnetikoak ekoizteko zenbait teknika proposatzen dira. Izan ere, nanoiman eta gailu magnetiko horiek hamaika aplikazio dute industrian. Argazkian, Sonia Moralejo Garcia kimikaria / © Irati Kortabitarte.
Jendartea
2008-02-11 17:40
Ertzaintzak 15 urteko mutiko bat atxilotu zuen pasa den larunbatean beste adingabe bati eraso egin ziola egotzita. Herrizaingo Sailak zabaldutako informazioaren arabera, "antza denez, kate batekin egin zion erasoa eta zauriak sortu zizkion begi batean". Zauritutako mutikoa ospitalera eraman behar izan zuten anbulantziaz. Bertsio horren arabera, 20:25ak aldera Ertzaintzari jakinarazi zioten gazte bati erasoa egin ziotela eta zaurituta zegoela, Algortako Arrigunaga hondartzan. Patruila batek egiaztatu zuen adingabeak hainbat zauri zituela begi batean, eta anbulantziaz Gurutzetako Ospitalera eraman zuten. Poliziek, inguruan ikertzen aritu ostean, adingabe bat atxilotu zuten, erasoaren ustezko egile izatea leporatuta. Zenbait lekukok emandako datuen arabera, erasotzaileak kate batekin jo zion biktimari aurpegian borrokan ari zirela. Atzemandako laguna Adingabeen Fiskaltzaren aurrean agertu beharko da laster.
Ertzaintzak 15 urteko mutiko bat atxilotu du Algortan beste gazte bati begian zauriak sor zizkiolakoan
Ertzaintzak 15 urteko mutiko bat atxilotu zuen pasa den larunbatean beste adingabe bati eraso egin ziola egotzita. Herrizaingo Sailak zabaldutako informazioaren arabera, "antza denez, kate batekin egin zion erasoa eta zauriak sortu zizkion begi batean". Zauritutako mutikoa ospitalera eraman behar izan zuten anbulantziaz. Bertsio horren arabera, 20:25ak aldera Ertzaintzari jakinarazi zioten gazte bati erasoa egin ziotela eta zaurituta zegoela, Algortako Arrigunaga hondartzan. Patruila batek egiaztatu zuen adingabeak hainbat zauri zituela begi batean, eta anbulantziaz Gurutzetako Ospitalera eraman zuten. Poliziek, inguruan ikertzen aritu ostean, adingabe bat atxilotu zuten, erasoaren ustezko egile izatea leporatuta. Zenbait lekukok emandako datuen arabera, erasotzaileak kate batekin jo zion biktimari aurpegian borrokan ari zirela. Atzemandako laguna Adingabeen Fiskaltzaren aurrean agertu beharko da laster.
Politika
2008-02-11 17:17
Goizeko ordu txikietan Batasuna, EHAK, EAE eta ezker abertzalearen 14 kide atxilotu ditu Espainiako Poliziak Baltasar Garzon epaileak zuzendu duen operazioan, Berria.info-k zabaldu duenez. Espainiako Auzitegi Nazionaleko epaileak Batasunaren Mahai Nazionala berregiteko ahaleginean aritzea leporatu eta, beraz, "erakunde terroristako" kide edo laguntzaile izatea egotzi die, Espainiako hauteskundeetarako hilabete bat baino gutxiago falta denean. Hori izan da Estatu Espainiarreko erakunde baten lehenengo ekimena atzo ezker abertzalearen 50 bat lagunek ostegun honetarako, San Balentin eguna, greba orokorra deitu zutenetik "salbuespen egoera" salatzeko. Atxilotuen artean Karmelo Landa, Eusebio Lasa (argazkian, atzo Bilboko manifestazioan), Karmele Aierbe eta Mikel Etxaburu daude. Atxiloketez gain, 20 bat miaketa egin dituzte 400 bat poliziek, tartean atxilotuen etxebizitzak eta EAEren egoitzak Iruñean eta Barakaldon. Horiek eta EHAK Donostian dituen bulegoak itxi dituzte.
Greba deialdiari 14 atxilotu berriekin erantzun dio Espainiako Estatuak
Goizeko ordu txikietan Batasuna, EHAK, EAE eta ezker abertzalearen 14 kide atxilotu ditu Espainiako Poliziak Baltasar Garzon epaileak zuzendu duen operazioan, Berria.info-k zabaldu duenez. Espainiako Auzitegi Nazionaleko epaileak Batasunaren Mahai Nazionala berregiteko ahaleginean aritzea leporatu eta, beraz, "erakunde terroristako" kide edo laguntzaile izatea egotzi die, Espainiako hauteskundeetarako hilabete bat baino gutxiago falta denean. Hori izan da Estatu Espainiarreko erakunde baten lehenengo ekimena atzo ezker abertzalearen 50 bat lagunek ostegun honetarako, San Balentin eguna, greba orokorra deitu zutenetik "salbuespen egoera" salatzeko. Atxilotuen artean Karmelo Landa, Eusebio Lasa (argazkian, atzo Bilboko manifestazioan), Karmele Aierbe eta Mikel Etxaburu daude. Atxiloketez gain, 20 bat miaketa egin dituzte 400 bat poliziek, tartean atxilotuen etxebizitzak eta EAEren egoitzak Iruñean eta Barakaldon. Horiek eta EHAK Donostian dituen bulegoak itxi dituzte.
Politika
2008-02-10 23:19
Ezker abertzaleak "salbuespen egoeraren" aurkako greba orokorra deitu du ostegun honetarako, hilak 14. Mikel Etxaburu eta Karmele Aierbe ordezkariek gaur arratsaldean Bilbon zabaldu dutenez, "Euskal Herriak Estatu espainiarraren eskutik pairatzen dituen erasoen aurka" zein "alderdi erregionalistek" ematen dieten "oniritziaren" kontra agertzea du helburu. Besteak beste, Batasuneko buruzagien atxiloketak, 18/98 auzia, torturak, EAE eta EHAKren jardueren etena eta gaurko manifestazioaren debekua eraso garrantzitsutzat jo dituzte eta horien atzean ezker abertzaleak botatako Marko Demokratikorako Proposamena "isildu" nahi izatea baino ez dago. Ezker abertzaleko eledunen iritziz, ofentsiba berri hau Loiolako elkarrizketetan abiatu zen eta bertan EAJk eta PSOEk "independentziari ateak ireki nahi izan ez zizkiotela" azpimarratu dute: "iruzur berri bat prestatzen ari dira". Argazkian, Autonomia kalea gaur goizean.
Greba orokorra deitu du ezker abertzaleak ostegunerako
Ezker abertzaleak "salbuespen egoeraren" aurkako greba orokorra deitu du ostegun honetarako, hilak 14. Mikel Etxaburu eta Karmele Aierbe ordezkariek gaur arratsaldean Bilbon zabaldu dutenez, "Euskal Herriak Estatu espainiarraren eskutik pairatzen dituen erasoen aurka" zein "alderdi erregionalistek" ematen dieten "oniritziaren" kontra agertzea du helburu. Besteak beste, Batasuneko buruzagien atxiloketak, 18/98 auzia, torturak, EAE eta EHAKren jardueren etena eta gaurko manifestazioaren debekua eraso garrantzitsutzat jo dituzte eta horien atzean ezker abertzaleak botatako Marko Demokratikorako Proposamena "isildu" nahi izatea baino ez dago. Ezker abertzaleko eledunen iritziz, ofentsiba berri hau Loiolako elkarrizketetan abiatu zen eta bertan EAJk eta PSOEk "independentziari ateak ireki nahi izan ez zizkiotela" azpimarratu dute: "iruzur berri bat prestatzen ari dira". Argazkian, Autonomia kalea gaur goizean.
Politika
2008-02-10 22:53
Gaur goizean Bilbon egitekoa zen manifestazioa eragoztean Ertzaintza Baltasar Garzon epailearen aginduak "gogotsu" eta "karga bortitzen" bidez bete dituela salatu du Askatasunak. Errepresioaren aurkako erakunde ilegalizatuak jakinarazi du Polizia autonomikoak atxilotutako lau lagunak Ion Basabe, Beñat Karrera, Gotzon Amaro eta Imanol Larrañaga (argazkian) direla. Azken horrek oraindik ere Basurtoko ospitalean jarraitzen du. Askatasunaren aburuz gaur gertatutakoa "PSOEk egin duen apostu errepresiboari PNVk egiten dion ekarpena" baino ez da izan eta azpimarratu du "ilegalizazioen aurrean protesta egiteagatik erasotu gaituztela" ertzainek, hain zuzen ere, "Donostian erabakitzeko eskubidearen aldeko ekitaldian PNVko buruzagiek parte hartzen zuten momentuan". Azkenik, deia egin diete herritarrei hurrengo egunotan erantzun sendoa emateko.
Ertzainek Garzonen aginduak "gogotsu" bete dituztela salatu du Askatasunak
Gaur goizean Bilbon egitekoa zen manifestazioa eragoztean Ertzaintza Baltasar Garzon epailearen aginduak "gogotsu" eta "karga bortitzen" bidez bete dituela salatu du Askatasunak. Errepresioaren aurkako erakunde ilegalizatuak jakinarazi du Polizia autonomikoak atxilotutako lau lagunak Ion Basabe, Beñat Karrera, Gotzon Amaro eta Imanol Larrañaga (argazkian) direla. Azken horrek oraindik ere Basurtoko ospitalean jarraitzen du. Askatasunaren aburuz gaur gertatutakoa "PSOEk egin duen apostu errepresiboari PNVk egiten dion ekarpena" baino ez da izan eta azpimarratu du "ilegalizazioen aurrean protesta egiteagatik erasotu gaituztela" ertzainek, hain zuzen ere, "Donostian erabakitzeko eskubidearen aldeko ekitaldian PNVko buruzagiek parte hartzen zuten momentuan". Azkenik, deia egin diete herritarrei hurrengo egunotan erantzun sendoa emateko.
Iritzia
2008-02-10 22:28
Artoa Ameriketatik ekarri ei zuten gure arbasoek, eta harrez geroztik gure zelai askotan berde koloredun landare luzanga batzuk suma ditzakegu bazter heze eta urtsuetan, uzta sasoian artaburu hori eder batzuez horniturik ageri direnak. Baina ez dira horiek munduan dauden artaburu bakarrak, ez. Izan ere, euskaldunok hamaika gauzatan aitzindariak izan garelarik, gure lurretan artoa zabaldu baino lehenagotik, seguruenik gizakia gizaki denetik, beste motatako artaburuak egon izan dira. Ale horiek euren burua nabarmen agertzen dute, eta hanka biren gainean mugitzen dira batetik bestera. Euskal Herriko historiari begiratu besterik ez dugu, landare luzangadun zelai berde horietan artaburuak inguruko argi bakarrak bailiran nabarmentzen diren bezala, hanka bidun artaburu berritsu ibiltari hauek ere bereziki botere postuetan ondo asko nabarmendu izan direla, baina ez gure zelai berde oparoak edertzeko, oparotasun garbi samar horretan zehar usain txar eta nazkagarridun mokordoak nabarmen zabaltzeko baino. Baina jakina da inori ez zaiola bere kaka usain txarrekoa denik begitantzen. Argazkian, Balmasedako eskola, "Cuesta" kaleko 56. zenbakian.
Artaburuak
Artoa Ameriketatik ekarri ei zuten gure arbasoek, eta harrez geroztik gure zelai askotan berde koloredun landare luzanga batzuk suma ditzakegu bazter heze eta urtsuetan, uzta sasoian artaburu hori eder batzuez horniturik ageri direnak. Baina ez dira horiek munduan dauden artaburu bakarrak, ez. Izan ere, euskaldunok hamaika gauzatan aitzindariak izan garelarik, gure lurretan artoa zabaldu baino lehenagotik, seguruenik gizakia gizaki denetik, beste motatako artaburuak egon izan dira. Ale horiek euren burua nabarmen agertzen dute, eta hanka biren gainean mugitzen dira batetik bestera. Euskal Herriko historiari begiratu besterik ez dugu, landare luzangadun zelai berde horietan artaburuak inguruko argi bakarrak bailiran nabarmentzen diren bezala, hanka bidun artaburu berritsu ibiltari hauek ere bereziki botere postuetan ondo asko nabarmendu izan direla, baina ez gure zelai berde oparoak edertzeko, oparotasun garbi samar horretan zehar usain txar eta nazkagarridun mokordoak nabarmen zabaltzeko baino. Baina jakina da inori ez zaiola bere kaka usain txarrekoa denik begitantzen. Argazkian, Balmasedako eskola, "Cuesta" kaleko 56. zenbakian.
Politika
2008-02-10 17:44
Gaur eguerdian Bilbon Eusko Abertzale Ekintzako hainbat hautetsik deitutako manifestazioaren aurka oldartu da Ertzaintza eta lau lagun atxilotu ditu, haietako bat buruan zeukan zauria dela medio ospitalera eraman behar izan dutena. Milaka eta milaka herritar atera dira kalera gaur EAE eta EHAKren "de fakto"ko ilegalizazioaren aurka eta ehunaka ertzainek bete egin dute Baltasar Garzonek manifestazioa eragozteko atzo eman zien agindua. Polizia autonomikoak hainbat lekutan moztu du Autonomia etorbidea, baina eseraldi luze baten ostean protesta alboko kale batetik abiatu da. Ondoren, Bizkaia plazatik hurbil, ertzainak gogor aritu dira manifestazioaren buruaren aurka eta pankarta zeraman lagun bat atxilotu dute (argazkian). Manifestariak Abando eta Indautxutik sakabanatu dira eta hainbat lekutan kargatzen ari ziren poliziei bidea mozteko autobusak, autoak eta edukiontziak gurutzatu dituzte hainbat lagunek. Egoera 13:30ak aldera lasaitu da. Hemen sakatuz hainbat argazki ikus daiteke.
"Salbuespen egoeraren" aurka azaldu diren milaka manifestariei oldartu zaie Ertzaintza
Gaur eguerdian Bilbon Eusko Abertzale Ekintzako hainbat hautetsik deitutako manifestazioaren aurka oldartu da Ertzaintza eta lau lagun atxilotu ditu, haietako bat buruan zeukan zauria dela medio ospitalera eraman behar izan dutena. Milaka eta milaka herritar atera dira kalera gaur EAE eta EHAKren "de fakto"ko ilegalizazioaren aurka eta ehunaka ertzainek bete egin dute Baltasar Garzonek manifestazioa eragozteko atzo eman zien agindua. Polizia autonomikoak hainbat lekutan moztu du Autonomia etorbidea, baina eseraldi luze baten ostean protesta alboko kale batetik abiatu da. Ondoren, Bizkaia plazatik hurbil, ertzainak gogor aritu dira manifestazioaren buruaren aurka eta pankarta zeraman lagun bat atxilotu dute (argazkian). Manifestariak Abando eta Indautxutik sakabanatu dira eta hainbat lekutan kargatzen ari ziren poliziei bidea mozteko autobusak, autoak eta edukiontziak gurutzatu dituzte hainbat lagunek. Egoera 13:30ak aldera lasaitu da. Hemen sakatuz hainbat argazki ikus daiteke.
Politika
2008-02-09 22:53
Hainbat hautetsi independentistek bihar Bilboko Aita Donostia plazan 12etarako deitutako manifestaziora joateko deia egin dute iluntzean ezker abertzaleko kideek hainbat herritan egindako mobilizazioetan. Deialdia berretsi baino ordu batzuk lehenago jakinarazi du Baltasar Garzon Espainiako Auzitegi Nazionaleko epaileak manifestazio hura debekatu duela eta Ertzaintzari autoa betearazteko erantzukizuna eman diola. Geroago zabaldu dute hautetsiek "Euskal Herriaren eskubideen alde. Salbuespen egoerari stop" lelopeko manifestazioa egin egingo dutela. Ezker abertzalearen arabera EHAK eta EAEren jardueren etena "eskubide politikoen zanpaketa" luze baten jarraipena baino ez da, "independentziaren proiektu politikoa gauzatu ahal izan dadin beharrezko bermeak" desagerrarazteko helburu duena. Argazkian, agure batek Areetan egindako manifestazioari so. Bertan 60 lagun bildu dira "Independentziaren bidean, Euskal Herria kalera!" lelopean. Erandion, berriz, 65 pertsona kontzentratu ziren PSE-EEren egoitzaren aurrean. Leioan, Algortan, Plentzian eta Sopelan ere mobilizazioak izan dira.
Garzonek debekatu arren Bilkoko manifestaziora joatera deitu du ezker abertzaleak
Hainbat hautetsi independentistek bihar Bilboko Aita Donostia plazan 12etarako deitutako manifestaziora joateko deia egin dute iluntzean ezker abertzaleko kideek hainbat herritan egindako mobilizazioetan. Deialdia berretsi baino ordu batzuk lehenago jakinarazi du Baltasar Garzon Espainiako Auzitegi Nazionaleko epaileak manifestazio hura debekatu duela eta Ertzaintzari autoa betearazteko erantzukizuna eman diola. Geroago zabaldu dute hautetsiek "Euskal Herriaren eskubideen alde. Salbuespen egoerari stop" lelopeko manifestazioa egin egingo dutela. Ezker abertzalearen arabera EHAK eta EAEren jardueren etena "eskubide politikoen zanpaketa" luze baten jarraipena baino ez da, "independentziaren proiektu politikoa gauzatu ahal izan dadin beharrezko bermeak" desagerrarazteko helburu duena. Argazkian, agure batek Areetan egindako manifestazioari so. Bertan 60 lagun bildu dira "Independentziaren bidean, Euskal Herria kalera!" lelopean. Erandion, berriz, 65 pertsona kontzentratu ziren PSE-EEren egoitzaren aurrean. Leioan, Algortan, Plentzian eta Sopelan ere mobilizazioak izan dira.
Politika
2008-02-09 20:55
"Baltasar Garzon Espainiako Auzitegi Nazionaleko epaileak biharko Bilbon Eusko Abertzale Ekintzak (EAE) deitua duen manifestazioa "ez-legezkoa" dela esan du gaur, eta Ertzaintzari mobilizazioa eragozteko eskatu dio, Berriak jakinarazi duenez. Manifestazioari, ordea, eutsi egin diote, gaur arratsaldean prentsa ohar baten bidez jakinarazi dutenez. 12:00etan hasiko da, Aita Donostia plazatik. "Euskal Herriaren eskubideen alde. Salbuespen egoerari stop" izango da leloa. Bestalde, EAEri "orain" jarduerak etetea "gehiegizkoa" dela adierazi du Espainiako Auzitegi Gorenak. Bitartean, atzo bezala, gaur eguerdian ere dozenaka lagun elkartu dira, Algortako Telletxe plazan eta Plentziako "pirulin" besteak beste, EHAK eta EAEren aurkako epaia salatzeko. Argazkian, Batasuna legez kanpo utzi zutenean ere Ertzaintzak hartu zuen "epailearen erabakia betearaztearen ardura".
Garzonek biharko manifestazioa eragozteko eskatu dio Ertzaintzari
"Baltasar Garzon Espainiako Auzitegi Nazionaleko epaileak biharko Bilbon Eusko Abertzale Ekintzak (EAE) deitua duen manifestazioa "ez-legezkoa" dela esan du gaur, eta Ertzaintzari mobilizazioa eragozteko eskatu dio, Berriak jakinarazi duenez. Manifestazioari, ordea, eutsi egin diote, gaur arratsaldean prentsa ohar baten bidez jakinarazi dutenez. 12:00etan hasiko da, Aita Donostia plazatik. "Euskal Herriaren eskubideen alde. Salbuespen egoerari stop" izango da leloa. Bestalde, EAEri "orain" jarduerak etetea "gehiegizkoa" dela adierazi du Espainiako Auzitegi Gorenak. Bitartean, atzo bezala, gaur eguerdian ere dozenaka lagun elkartu dira, Algortako Telletxe plazan eta Plentziako "pirulin" besteak beste, EHAK eta EAEren aurkako epaia salatzeko. Argazkian, Batasuna legez kanpo utzi zutenean ere Ertzaintzak hartu zuen "epailearen erabakia betearaztearen ardura".
Gazteok
2008-02-09 19:15
Gaur, larunbata, iluntzeko 8:30etik aurrera, autogestioaren eta banaketa librearen aldeko jaia ospatuko dute Leioako Udondo gaztetxean (argazkian). Horrenbestez, Loan, Pabellon 314 eta Asfixia taldeek emango dute kontzertua. Sarrera 4 eurotan egongo da eta, hori erosteak zozketa batean parte hartzeko aukera ere ematen du. Bestalde, hainbat eragileren laguntzaz zabaldutako apostasiari buruzko informazio kanpainiari eman dio oihartzuna bere webgunean gune autogestionatu leioaztarrak. Besteak beste, igande honetarako, otsailak 10, elkarretaratzea deitu du, eguerdiko 12etan,Bizkaiko Emakumeen Asanbladak. Bilboko San Nikolas elizaren aurrean egingo dute kontzentrazioa; baita hori sinbolikoki itxi ere, "lesbofoboa, matxista eta patriarkala delako".
Autogestioaren aldeko jaia egingo dute iluntzean Udondo gaztetxean
Gaur, larunbata, iluntzeko 8:30etik aurrera, autogestioaren eta banaketa librearen aldeko jaia ospatuko dute Leioako Udondo gaztetxean (argazkian). Horrenbestez, Loan, Pabellon 314 eta Asfixia taldeek emango dute kontzertua. Sarrera 4 eurotan egongo da eta, hori erosteak zozketa batean parte hartzeko aukera ere ematen du. Bestalde, hainbat eragileren laguntzaz zabaldutako apostasiari buruzko informazio kanpainiari eman dio oihartzuna bere webgunean gune autogestionatu leioaztarrak. Besteak beste, igande honetarako, otsailak 10, elkarretaratzea deitu du, eguerdiko 12etan,Bizkaiko Emakumeen Asanbladak. Bilboko San Nikolas elizaren aurrean egingo dute kontzentrazioa; baita hori sinbolikoki itxi ere, "lesbofoboa, matxista eta patriarkala delako".
Politika
2008-02-09 00:46
Baltasar Garzon Espainiako Auzitegi Nazionaleko epaileak Eusko Abertzale Ekintza eta EHAK alderdien aurkako epaiaren kontra azaldu dira gaur iluntzean 150 bat auzokide Algortako karriketetan barrena. "PSOE-PNV errudunak. Independentzia aurrera" lelopean, EAEk Telletxen duen bulegoaren aurretik irten eta Euskal Herriaren aurkako errepresioa eta erasoak salatu eta independentziarako bidean jarraitzeko deia egin dute manifestatzaileek. Martxan zehar EAEren aldeko eta EAJren aurkako oihuak izan dira. Protestan, besteak beste, algortarra den Juan Carlos Gonzalez Eusko Abertzale Ekintzaren idazkari nagusiak hartu du parte, baina ez du deklaraziorik egin nahi izan: "ezin dut, egonean utzi naute" esan du irribarretsu. Itzubaltzeta / Romon, berriz, 80 bat lagunek egin dute manifestazioa Areetaraino eta Ertzaintza izan dute atzetik. Leioan, ordea, 110 lagunek manifestazioa egin ostean bidea itxi dute. Sopelan eta Plentzian ere mobilizazioak izan dira. Bestalde, bihar, larunbata, Algortako Telletxe kalean, 13:00etan, eta Itzubaltzeta / Romoko Kolas plazan, 20:00etan, jarri dituzte hitzordu berriak eta igandean Bilboko Aita Donostia plazan hautetsi independentistek deitutako nazio manifestaziora joatera deitu dute. Argazkian, Algortako manifestazioa behe-lainotik irteten.
Ehunka pertsonek salatu dute EHAK eta EAEren aurkako "erasoa"
Baltasar Garzon Espainiako Auzitegi Nazionaleko epaileak Eusko Abertzale Ekintza eta EHAK alderdien aurkako epaiaren kontra azaldu dira gaur iluntzean 150 bat auzokide Algortako karriketetan barrena. "PSOE-PNV errudunak. Independentzia aurrera" lelopean, EAEk Telletxen duen bulegoaren aurretik irten eta Euskal Herriaren aurkako errepresioa eta erasoak salatu eta independentziarako bidean jarraitzeko deia egin dute manifestatzaileek. Martxan zehar EAEren aldeko eta EAJren aurkako oihuak izan dira. Protestan, besteak beste, algortarra den Juan Carlos Gonzalez Eusko Abertzale Ekintzaren idazkari nagusiak hartu du parte, baina ez du deklaraziorik egin nahi izan: "ezin dut, egonean utzi naute" esan du irribarretsu. Itzubaltzeta / Romon, berriz, 80 bat lagunek egin dute manifestazioa Areetaraino eta Ertzaintza izan dute atzetik. Leioan, ordea, 110 lagunek manifestazioa egin ostean bidea itxi dute. Sopelan eta Plentzian ere mobilizazioak izan dira. Bestalde, bihar, larunbata, Algortako Telletxe kalean, 13:00etan, eta Itzubaltzeta / Romoko Kolas plazan, 20:00etan, jarri dituzte hitzordu berriak eta igandean Bilboko Aita Donostia plazan hautetsi independentistek deitutako nazio manifestaziora joatera deitu dute. Argazkian, Algortako manifestazioa behe-lainotik irteten.
Jendartea
2008-02-08 20:57
Areetako Paulino Mendibil eta Andres Larrazabal kaleen artean jarritako telefonia antenako erregistro-kutxa zigilatu zuten, joan den urtarrilaren 24an, Joseba Arregi Hirigintza zinegotziak gaur jakinarazi duenez. "Horrek nabarmentzen du Getxoko Udalak ez duela jarduera-baimenik eman, operadorak ez zuelako Espainiako Industria Ministerioak egiten duen igortze-baimena aurkeztu eta hori gabe ezin delako martxan jarri", adierazi du tokiko arduradunak. Arregik gogoratu du abenduan agindu zutela antena jartzeko lanak geldiaraztea. Argazkian, hilaren 4ean Paulino Mendibil kaleko antenari hartutako irudia, Antena Ez elkartearen hitzetan. Bi langile ikusten dira bertan.
Paulino Mendibil kaleko antena martxan jartzeko lanak geldiarazi ditu Getxoko Udalak
Areetako Paulino Mendibil eta Andres Larrazabal kaleen artean jarritako telefonia antenako erregistro-kutxa zigilatu zuten, joan den urtarrilaren 24an, Joseba Arregi Hirigintza zinegotziak gaur jakinarazi duenez. "Horrek nabarmentzen du Getxoko Udalak ez duela jarduera-baimenik eman, operadorak ez zuelako Espainiako Industria Ministerioak egiten duen igortze-baimena aurkeztu eta hori gabe ezin delako martxan jarri", adierazi du tokiko arduradunak. Arregik gogoratu du abenduan agindu zutela antena jartzeko lanak geldiaraztea. Argazkian, hilaren 4ean Paulino Mendibil kaleko antenari hartutako irudia, Antena Ez elkartearen hitzetan. Bi langile ikusten dira bertan.
Hezkuntza
2008-02-08 20:08
Santiago Abascal Alderdi Popularreko ordezkariaren eskaria aintzat hartuz, astelehenean honetan, otsailak 11, egingo den Eusko Legebiltzarreko Hezkuntza eta Kultura Batzordearen bilkurara deitu dute Juan Ignacio Perez Iglesias Euskal Herriko Unibertsitateko errektorea. Bertan, "EHUn oraindik ere gertatzen ari diren istilu larriei buruzko informazioa" eman beharko du unibertsitateko buruak. Besteak beste, urtarrilaren 30ean, Leioa eta Erandioko campusean egindako Klaustroko azken batzarrean istiluak izan ziren. Hain zuzen ere, egun horretan arau-hauste eta zehapenen katalogoa onartu izana salatzeko, pintura gorria eta horia bota zuten bart Gasteizko Ingenieritza eskolaren aurka, Gaztesareak zabaldu bezala. Argazkian, urtarrilaren 30ean ikasleek Klaustroaren aurrean egindako protestaren aurka Delta segurtasun enpresako hainbat guardia borra luzagarriez oldartzen / Gaztesarea.
Klaustroko istiluen gaineko azalpenak eskatu dizkio EHUko errektoreari Eusko Legebiltzarreko PPk
Santiago Abascal Alderdi Popularreko ordezkariaren eskaria aintzat hartuz, astelehenean honetan, otsailak 11, egingo den Eusko Legebiltzarreko Hezkuntza eta Kultura Batzordearen bilkurara deitu dute Juan Ignacio Perez Iglesias Euskal Herriko Unibertsitateko errektorea. Bertan, "EHUn oraindik ere gertatzen ari diren istilu larriei buruzko informazioa" eman beharko du unibertsitateko buruak. Besteak beste, urtarrilaren 30ean, Leioa eta Erandioko campusean egindako Klaustroko azken batzarrean istiluak izan ziren. Hain zuzen ere, egun horretan arau-hauste eta zehapenen katalogoa onartu izana salatzeko, pintura gorria eta horia bota zuten bart Gasteizko Ingenieritza eskolaren aurka, Gaztesareak zabaldu bezala. Argazkian, urtarrilaren 30ean ikasleek Klaustroaren aurrean egindako protestaren aurka Delta segurtasun enpresako hainbat guardia borra luzagarriez oldartzen / Gaztesarea.
Nabarmenak
Hondeamakinak ez dira Tosuko lantzarretara bakarrik sartuko, bertako ortuetara be sartzeko intentzioa daukate.
»» Ibarbengoako aparkalekuaren kontrako borrokan jarraitzeko ...