Jendartea 2004-01-21 20:30

Bihartik aurrera aita-amentzako eskolak Gorlizen

Erabiltzailearen aurpegia Ukberri Bihar hasi eta martxoa bitartean, Gurasoen Eskola hartuko du ostegunero Gorlizko Kultur Etxeak. Orain dela hamar urte jarri zuen martxan Uribe Kostako Mankomunitateko Drogomenpekotasunen Prebentziorako Zerbitzuak, eta euren seme-alaben heziketan aita-amek eduki ditzaketen kezkei buruz jardutea dute helburu eskolek. Horretarako, aditu baten laguntza izango dute.

Urtarrilaren 22 eta 29an, otsailaren 5, 12 eta 19an eta martxoaren 4, 11 eta 18an izango dira eskolak, 10:30etik 12:00etara. Dohainik badira ere, parte hartzeko konpromisua eskatzen da.
  Iritzia 2004-01-19 22:30

Zenbat ikasturte dituzu? - Jokin de Pedro / irakaslea

Erabiltzailearen aurpegia Ukberri Irakasle jendearen urtea irailean hasten da eta ekainean amaitu. Bitartean uztaila da, ekaineko burrunbadan burutu ezineko lan, asmo eta prestakuntzei bide emateko eta, oro har, zauriak milikatzeko. Psikologikoki osatzeko sasoia. Eta, ondoren abuztua, opor ofizialak edo arauzkoak.
  Kultura 2004-01-08 20:53

Ikastaro berriak Gorlizko Kultur Etxearen eskutik

Erabiltzailearen aurpegia Ukberri Berriro ere abian jarri dira Gorlizko Kultur Etxeak antolatzen dituen ikastaroak. Besteak beste, antzerkia, argazkilaritza, eskulanak, grafopsikologia, yoga, joskintza, musika-hizkuntza (Lirain Musika Elkartearen eskutik), pintura, xakea, zeramika eta beste horrenbeste egongo dira gazte zein nagusientzat. Salneurriei dagokionez, 25 (haurrentzako eskulanak, pintura eta zeramika) eta nagusientzako tenis eskolengatik hiruhilabetero ordaindu beharreko 80 euroen artean daude ikastaroak. Informazio gehiagorako: www.gorliz.net
  Kirolak 2003-12-26 20:12

Gorlizko VIII Derby Hipikoa ospatuko da igandean

Erabiltzailearen aurpegia Ukberri Udalerriko VIII Derby Hipikoa egingo da abenduaren 28an, 12:30etik aurrera, Gorlizko badian. Urtean zehar Kantauriko kostaldeko hondartzetan ospatzen diren zaldi-lasterketen artean, garrantzitsuenetarikoa bilakatu da honako hau. Gainera, aurten, berrikuntzak egongo dira: 'arraza gurutzatu' eta 'odol garbiko' zaldi-lasterketak hasi bitartean, txikienek ponien gainean ibilbidea egiteko aukera izango dute, 11:00etatik aurrera.
  Kultura 2003-12-26 20:12

Ipuin kontalaria bihar Gorlizko erakustaretoan

Erabiltzailearen aurpegia Ukberri Jose Maria Carrerek ipuin kontalari saioa eskainiko du abenduaren 27an, 18:30etik aurrera, Gorlizko Udal Erakustaretoan. Beste alde batetik, pintura, eskulanak eta zeramika tailerrak antolatu dituzte Kultur Etxean udalerriko umeentzat. Hauek goizean egingo dira, 11:00etatik 13:00etara.
  Iritzia 2003-12-18 21:18

Irakasleen adina - Jokin de Pedro / irakaslea

Erabiltzailearen aurpegia Ukberri Irakasleon lana jendaurrekoa da, publikoa, zeozelan esatearren, beste askoren moduan. Bada, hala ere, beste lanbideetatik bereizten duen zer bat: aurrez aurre ditugun jendeak urtero edo ia urtero berrizten dira, batzuk joan besteak etorri, eta ondorioz, guk beti adin bereko jendea ikusten dugu pupitrearen bestaldean. Beste modu batera esanda, gure ikasleak ez dira hazten, ez dira zahartzen. Betiereko gaztetasunean irauten dute urteak joan urteak etorri, nola eta guk beti gazte-gazte ikusten ditugun ikasleok begien aurrean.
  Kirolak 2003-12-12 18:07

Mendibike Eguna ospatuko dute bihar Gorlizen

Erabiltzailearen aurpegia Ukberri Goiz osoan zehar hainbat ekitaldi egingo dira, azaroaren 13an, Gorlizen, Mendibike Eguna ospatzeko. Besteak beste, 11:00ak aldera, txirrindulari lazterketari hasiera emango diote pinudi aldean. Hain zuzen ere, hauxe da eguneko ekitaldi nagusia, Gorlizko Mendibike mendi-bizikletaren lagunen elkarteko kideek adierazi dutenez. Eurek antolatu dute ospakizuna.

12:30etan, berriz, Udal Kiroldegian egongo den egoitza berria inauguratuko dute Mendibike Elkarteko kideek. Azkenik, herri bazkaria egingo dute, 15:00etatik aurrera.
  Kultura 2003-11-28 23:22

Umeentzako ipuin kontaketa Gorlizko Erakustaretoan

Erabiltzailearen aurpegia Ukberri Bihar hiru urtetik gorako ume eta gazteentzako ipuin kontalari saioa egingo dute Kandelen Argipean kultur elkartearen eskutik, 18:30etik aurrera, Gorlizko Erakustaretoan (Osasun etxean). Ipuinak kontatzearekin batera, irakurzaletasuna eta ahozko tradizioa bultzatu nahi du Gorlizko Udalak saio honekin. Ordu bete iraungo du eta era guztietako ipuinak kontatuko dira. Saioa dohainik izango da. Puntualitatea eskatu dute antolatzaileek, 18:40ean itxiko dira ateak.

Ekitaldia Gorlizko Udal Liburutegiak antolatuta dago, Uribe Kostako Mankomunitateko Euskara Zerbitzuaren diru laguntzarekin.
  Kultura 2003-11-24 21:41

Ayala Antzokian 'Abentura bat egan' antzezlana ikusteko zozketa ostegunera arte

Erabiltzailearen aurpegia Ukberri Azaroaren 30an, 'Abentura bat egan' haurrentzako antzerki saioa eskainiko da, 12:00etatik aurrera, Bilboko Ayala Antzokian. Hori dela eta, bertara joateko sarrera zozketa antolatu du Gorlizko Kultur Etxeak. Gaur hasi eta azaroaren 27ra arte egongo da zabalik, zozketa horretan parte hartu nahi dutenek izena emateko epea. Goizez, 10:00etatik 13:30era, eta arratsaldez, 16:00etatik 20:00etara, Kruzeta kalean dagoen Ibarrena Kultur Etxean aurkeztea besterik ez daukate datorren igandean euskarazko ikuskizun paregabearekin gozatu nahi dutenek. Guztira, 26 sarrera banatuko dira, irabazle bakoitzak bina txartel jasoko dituela.
  Iritzia 2003-11-19 23:02

Irakaskuntza eta Politika - Jokin de Pedro / euskara irakaslea

Erabiltzailearen aurpegia Ukberri Nire mundua, betitik, irakaskuntza izan da. Sarritan pentsatzen dut pupitrearen alde batean edo bestean eman dudala nire bizitzako denbora gehiena eta, aztertzen hasita, horrelaxe izan da neurri batean.

Bizi izan ditudan urte politikoki gorabeheratsuak kontuan izanda, beti aldaketa bortitzen zurrunbiloan egon naizela begitantzen zait.
  Kirolak 2003-11-07 15:06

Futbol 7 zelaia egingo dute Gorlizko udal kiroldegian

Erabiltzailearen aurpegia Ukberri Hainbat enpresek euren eskaintzak aurkeztu ostean, azaroaren 17an amaituko da Gorlizen belar artifizialezko futbol 7 zelaia zeinek egingo duen erabakitzeko epea. 240.000 eurotako aurrekontua dauka Gorlizko Udalak, BBKk eta Bizkaiko foru Aldundiak bultzatutako egitasmoa. Hurrenez hurren, 150.000 euro jarriko dituzte BBKk eta Foru Aldundiak; eta 90.000 euro Gorlizko Udalak.

Nabarmenak

Zorion agurrak