2025eko Bizkaiko Bertsolari Txapelketak baditu finalistak: Aitor Bizkarra Ruiz, Aitor Etxebarriazarraga Gabiola, Jone Uria Albizuri, Xabat Galletebeitia Abaroa, Onintza Enbeita Maguregi, Oihana Bartra Arenas, Txaber Altube Sarrionandia eta Gorka Pagonabarraga Agorria. Aste-akabuan, Markina-Xemeinen amaitu dute finalaurrekoen bigarren itzulia, eta erabakita geratu da abenduaren 20an, Bilboko Casilla pabiloian lehiatuko den zortzikotea. 

Lau sari banatu ditu Tokikomek Aretxabaletan egindako sari banaketa ekitaldian. Azal onenarena (‘Puntua’), eduki onenarena (Aiaraldea) eta ikus-entzunezko onenarena (Antxeta Irratia) emateaz gain, aipamen berezia egin diote Goienaren ‘Podcast-gela’-ri. Sariak banatuta, adimen artifiziala kazetaritzan eta komunikazioan eragiten ari den aldaketez hausnartu dute.