Bihar, "Migrazioa, bidaia ahatezina" filma eskainiko dute Gorlizko Gandia auzoan. 2023an sortutako animaziozko film hau Eusko Jaurlaritzaren Zinema Euskaraz programari esker ikusi ahal izango da euskaraz. Familia osoarentzako proposamena da, umorez eta abenturaz betetako istorioa, etxeko txikiek zein helduek udako arratsaldea euskaraz gozatzeko aukera izan dezaten.

Adierazi dutenez, euria eginez gero, emanaldia pilotalekuan egingo da.

Irailaren 30era arte euskara ikasteko edo hobetzeko ikastaroetarako dirulaguntzak eskatu ahal izango dira Plentzian. Udalak adierazi duenez, laguntzen helburua "herritarrei euskaraz trebatzeko aukera erraztea eta hizkuntzaren ezagutza sustatzen jarraitzea" da.